金寶冰廳

营业中

休息中

今日行經新蒲崗，距晚飯時間尚有兩三個鐘，見肚子有點空虛，於是便打算隨便的選間餐廳吃個下午茶。在芸芸食店中，這間舊式冰室「金寶冰廳」最合眼緣，雖然此店樓面地方不大，裝修簡陋，座位亦有點迫狹，不過店內有冷氣，有電視，而且環境、裝修、擺設......都有一番「古味」，算是另一番味道吧。下午茶餐要了花生醬多士跟熱奶茶($16)，價錢十分大眾化。先來的花生醬西多士，西多份量算足，十分之厚，外層亦炸至金黃色，吃落鬆脆，沒有油膩味。切開西多時，裡面滿是充滿鹹香的花生醬，一點也不求其，再塗上了牛油及糖漿，真的好好味!此時此刻，哪管他什麼的反式脂肪，吃下肚子才算!!!我一向對舊式茶記的奶茶充滿信心，十居其九都不會出太大問題，這裡當然也不例外，奶茶入口順滑，茶味夠濃，好喝!!!!!!!整體來說，此店算是平靚正之選!!!!!

之前係新浦崗訂左野有得攞，所以第一站去新浦光崗，上去拎野前我同親愛的兜左個圈搵野食。見到有間叫【金寶冰廳】，就同親愛的貢入去，試下有幾【冰】先？！不過ｄ食物真係超平，我地２個食下午茶，成檯擺滿哂食物，加埋都係食左４０蚊。不過沙嗲牛米就唔夠沙嗲汁，如果唔係就真係合哂我心意。

是日下午要到新蒲崗辦點事，反正要來這一區，倒不如早一點來，試試這兒的茶記，又試一試茶又如何？在康強街﹝即在得龍的那一條街﹞原來已經有三所茶記，但本人一早已做了點功課，對其中一間最為老式的茶記，就是最有興趣，所以也走了入這所茶記，而其餘兩間，記了在腦袋內，下次再來這區，一定會去試。推門而進，是非常的老派，其實應該說都幾殘，舊的程度跟附近的東方是有得Fight的，剛趕及吃早餐，此處的早餐都是一個粉麵、一塊多士、一個火腿蛋等的配搭，其中粉麵有四款選擇，最後本人又是選了最常吃的沙嗲牛麵，而喝的又是熱奶茶，對！是「又是」，本人喜喝奶茶，而每杯奶茶看似一樣，實非不同，雖然本人不是什麼茶專家，但喜歡喝，喝得多，也試得多是事實，希望對愛喝奶茶的大家會有幫助。先來的是餐肉煎蛋加多士，多士是要加一元烘底費換來的，多士夠薄夠脆，牛油塗得夠多也算均勻，總結一句就是這一元是抵俾的；煎蛋沒特別吩咐但都出了我要的反蛋，還要是蛋黃挺生的那一種，稍微一刺穿，蛋黃汁狂湧出來，而蛋白也幾嫩滑，入口一陣蛋白香，不過就真的幾油膩，看一看碟底就知什麼事；至於那塊午餐肉，都真的煎得很透，入口滾燙勁有油香，味道就不用多談了。接下來的

今日終於我起心肝將我壞左幾年既精工錶送入去整...之後餓到顛又想食茶餐之下，諗都無諗就入左呢間冰室。見到餐牌好多餐...但其實只係轉左少少野~最後就快手快腳叫左個午餐同常餐。睇定左原來同下午茶一樣。問阿姐，佢就話個包唔同。但我地見到既都係牛油方包。唯有算數啦。點知黎到既~竟然係菠蘿包~~大大個~仲要係熱既~!!真係未食過茶餐會跟呢隻包~頂癮!! 個麵就唔好提啦~好普通，但起碼唔難食~但沙爹牛都幾少同無咩味。火腿炒蛋幾好`有蛋汁!同埋個大大菠蘿包~睇到都開心。個熱啡好唔得，奶茶女友話幾好飲。埋單都係位位21~去邊搵~咁既價錢~值得比個笑既。

9-8-2009一個人食 lunch, 人在新蒲崗, 一條友唔用去得龍 (http://www.openrice.com/restaurant/commentdetail.htm?commentid=1912441) 咩, 搵間冰室坐吓算吧, 還掂呢頭起碼有 3 間. 叫了「特餐」($24), 有沙爹牛麵, 火腿炒蛋 + 多士, 及凍奶茶一杯.凍奶茶: 夠晒凍, 唔算滑, 飲落奶 vs 茶比例約 3:7, 無苦澀味, 算係咁了.火腿炒蛋: 有蛋汁, 不過十分油淋淋, 又黐了唔少「鑊撈」, 黑色一撻撻真係麻麻.多士: 第一塊極鬆脆, 咬落去 "crunch" 一聲, 加埋份量 ok 的牛油, 正 第二塊其實一樣鬆脆, 不過食食吓覺得有點苦, 反轉佢就見到佢黑口黑面「啤」住我, 唯有唔食.沙爹牛麵: 呢個就得啖笑... 麵淥得偏腍, 湯底係清水, 面頭一小撮沙爹牛肉味道就一 d 都唔「沙爹」, 淡口到呢 不過都係嗰句, 入得嚟都係貪呢度較舊式, 伙計阿叔又出奇地好禮貌及友善, 感覺都不錯的.

今日考早, 12:30完事, 多了一點時間去打東西吃. 入到黎SPK呢個舊區, 之前亦拜訪過新昌同東方, 再打個圈找找有沒有老港茶餐廳.白宮沒有了, 再向前找, 覺得呢間似模似樣, 趁學生大軍未殺到, 入去坐左先.點下飯餐, 想不到想食什麼之下, 叫了一個咖喱雞飯, 非常普通既呢...雞得幾件, 咖哩汁不算香口, 食落, 當一餐便飯食了算.地方, 只是一間極普通既舊茶餐廳, 沒有特式可言, 見門面暗啞, 本以為會看到一些懷舊的格局, 但感覺上, 已經是比較新一代的了, 屋邨年代吧. 下午一點, 開始有學生出現.....為免阻住人做生意, 走! 發現SPK學生都幾多下......女仔學生都幾靚下.....

每次經過搭綠van出港鐵站時候都望見呢間貌似老牌嘢嘅冰室。食得多東方冰室，嚟呢度試一下，又有何妨?今日對茶餐特餐冇興趣，來一個洋葱豬扒飯加杯茶走...茶有點澀味，不太對路；豬扒係經過化學品洗禮嘅遺留物，淰淰軟軟但亳無肉味，再見埋個杰杰嘅獻，有點倒胃...唉..咁都要食架兄弟...唔理三七廿一就倒晒落肚...冰廳，之前都提過，好多時只是吃情懷而已....

平日返工多數都係黎呢間佢d飯中等唔太大碟食唔哂又唔會太細碟食唔飽個特餐都好抵食都幾好味

陪呀媽返工後,身在新蒲崗,肚子作響,找個地方食早餐。平日的早上返學時間,人客仍未多的時候,來靜靜的邊食邊睇新聞。原是舊式冰廳,似乎曾經裝修,牆身瓷磚較新,但卡位、花階磚地依舊。點個早餐,見有點睡意,來杯奶茶提提神。雪菜湯米粉,雪菜幾夠味,不太鹹且帶點爽脆,米粉也煮得爽口,肉絲則與平時的有些不同,這裡的似有調味料醃過,食落有點似豬頸肉味。餐肉腸仔牛油方飽沒甚麼特別。至於奶茶,故意落少些糖,茶味奶味兼重,但帶點澀口。邊食早餐邊睇新聞,已成生活習慣的一部份,缺一不可。食畢,滿足的,又開始美好的一天。