金山海鮮酒家

营业中

休息中

好久沒有見舊同事，限敘令放寬，便相約在老地方“金山”食海鮮晚餐。早個幾星期前book，因為好爆。果然係好爆🥳，我們柯打了海鮮。白灼中蝦好大隻爽口，唔係蝦仔，原來有一隻手指咁長又粗大，還好肥美，唔怪得個侍應建議我們食豉油王蝦碌。龍蝦：大隻、好多肉、爽口又彈牙。鮮鮑魚刷得好乾淨，果皮蒸味道超級。中形椒鹽瀨尿蝦好味唔口渴。豉椒炒蟶子大大碟好鮮味、粉絲蒜蓉扇貝味道恰到好處。砵酒蠔大隻，調味適中，炒麵和通菜又大碟，總之樣樣都好好味、一句講曬好新鮮食材，冇味精。總括嚟講食材新鮮、調味適中、唔口渴。服務態度誠懇和貼心。每碟餸都慢慢送上，唔係出面啲酒樓一窩蜂上出曬所有菜，剛巧我們七人坐在一間房。可以，慢慢品嚐美味食材、飲下啤酒吹水，係一個食海鮮唔錯的地方。

依到d海鮮寫明哂幾錢，唔洗每款問侍應，睇張餐牌就知，依一點真係好好！價錢平之餘，全部都好新鮮！！侍應全部都係老人家，服務超好，不停幫你換洗手茶換碟，見你無濕紙巾即刻俾一張你，仲幫你打開埋～好有濃濃嘅人情味～～～椒鹽中瀨尿蝦 $88一隻叫左三隻，好新鮮，入面仲有少少羔炸得好香～～果皮蒸班頭腩$128好滑蒸得岩岩好，餸飲一流，如果多多幾舊就更好馬拉盞海鮮豆腐煲 好香好入味，不過豆腐酸酸地唔係壞只係唔太新鮮

有點難過，特地坐車過嚟吃砵酒焗蠔，然後蠔的尺寸很細，像蠔豉。 侍應說沒有再用美國桶蠔，改了韓國品種。蠔來到略嫌未夠熱，但味道還可以。蠔的size偏小呢。金銀蛋菜膽熱度足，菜嫩滑，好吃

食海鮮唔洗下下都去西貢三聖流浮山咁遙遠市區一樣有經濟實惠海鮮食 重點係真係煮得好 服務一樣好好 員工態度親切 仲會驚你食唔晒 唔好叫咁多 又會提議你點樣烹調比較好食 非常友善 餐廳環境普通 舊式老飯店 有地鋪同一樓 從裝潢睇得出佢嘅歲月 不能期望坐得十分舒服 但食物質素的確ok必點砵酒焗蠔 蒜蓉粉絲蒸扇貝 豉椒蟶子 椒鹽瀨尿蝦 鮑魚都ok 雞就普通 黎親主要都係食海鮮 未試過佢其他小菜 或者下次可以試一試 呢度嘅砵酒蠔係我食過最好食 海鮮全部都好新鮮 食過幾次都未遇過海鮮霉或者腥嘅問題真心唔錯

歷史悠久金山海鮮酒家, 舊式裝修 員工有禮感親切. 我們一行四人叫六餸一湯🐷肺白菜雞腳湯(例牌) $68例牌湯足夠有四碗, 湯清潤 雞腳腍 夠熱好飲紅燒脆皮乳鴿 $58懷舊味道 傳統食法 點淮鹽喼汁豉油皇乳鴿 $58豉油皇乳鴿較紅燒脆皮乳鴿肉質多汁, 味道較濃 🥦蘭花蜜椒鱔球 $88吃不到蜜糖味, 反而食到快餐店黑椒汁味. 鱔味濃 新鮮爽口 汁較濕這個菜式味道與我預計不同😅 我原先預計鱔球較乾身, 似燒烤烹法, 滿有蜜糖黑椒味鹽焗奄仔蟹🦀x2 $168/隻正常鹽焗做法 蟹膏味道比我預期淡 這隻🦀的蟹膏不是像鹹蛋黃的金香豉汁炒聖子皇4隻 $148真的有聖子皇size, 新鮮, 炒得合時, 爽口, 傳統豉汁味, 味道不錯👍👍金銀蛋浸芥膽 $78正常金銀蛋浸菜的味道, 芥膽新鮮員工服務良好 有禮親切, 小菜價錢經濟合理, 味道中規中矩, 適合家庭朋友聚會

有朋友介紹去吳松街金山老店，之前未去過，也不知悉這店。平日食海鮮多數去西貢或流浮山。星期日晚訂了六位檯，果然是一頓不錯的晚餐，食物好味道，海鮮明碼實價，可說價廉物美。安排了坐最高第三層，地方比較侷促。叫了豬肺湯，湯水味道甚佳，湯內白菜清甜。海鮮叫了椒鹽瀨尿蝦，清蒸奄仔蟹（見照片)，豉椒蟶子，都不錯。此外還叫了雞蛋焗魚腸，琵琶豆腐，魚滑湯浸白菜，炸大腸，红燒乳鴿，餸菜都令眾人感覺滿意。其中焗魚腸味道特佳，值得推薦，魚滑有鯪魚滑和墨魚滑双拼，還加了炸菜絲，可見厨房心思。樓面工作人員十分勤快，招呼很好。日後必再來光顧。

同屋企人幫襯左好多年，嚟呢到除左食物水準高、海鮮係門口任揀、最重要係伙記同客人好似朋友咁，嚟呢度有一種親切感$68炒蟶子（例牌）咁抵又咁多係邊到搵椒鹽炒新鮮魷，個皮薄，食落唔油膩西芹炒斑片，8両魚都係$110左右，份量好足，亦都炒得好香牛油焗白飯魚，又係重牛油香，亦都焗得乾身

又係一年一次嘅金山聚會, 店內的裝飾, 顧客或者位處嘅街道,每次來都感覺到嘅江湖味道, 但這店有的也是老江湖吧! 我們也是往常的9點半之後, 而現在似乎流行開早飯,早食早散的飯局, 是夜都係叫返平時叫嗰幾味, 乳鴿保持水準, 薑蔥蠔煲仔上, 感覺油膩咗少少, 幸好份量也不大, 只有人頭份量, 炒麵賣相麻麻但穩打穩紮, 炒田雞都可以咁啦, 呢度個花甲係工廠式生產所以好穩陣, 每次只係轉下大蜆呀之類嘅野, 調味每次都一樣, 集濃鮮味一身嘅菜式,另一個生汁芝麻蝦餅係傳統港式小吃蝦多士嘅變奏版, 不過自己靚仔時從來無食過蝦多士, 邊會咁奢華出街食飯呀, 這裡做得比較粗豪嗰隻, 最後來嘅炸大腸唔怕脂肪嘅就叫啦, 總結係碟頭細但無加價, 自然現象,

這兩年來已來過四五次，有2次見日本人也慕名來。對於金山酒家，首推服務、次推食物質素。曾在這吃過一碟4隻椒鹽瀨尿蝦（中蝦），其中一隻的肉稍爛，只是與職員反映了一下沒怪罪之意，他完全沒西面、甚至連聲道歉不得已，5分鐘後端來一隻熱騰騰、剛煮好的美味瀨尿蝦來；另外保留傳統酒家的風味，給予一玻璃碗茶水你洗手，一旦見茶水沾了油又火速換另一碗新的來。又，適逢油尖旺一帶風聲鶴唳，臨走時職員會溫馨提示你路上小心，搭鐵較易走之類......此裝修懷舊的酒家的服務之甚凌駕於酒店確令我嘖嘖稱奇，真正賓至如歸的感覺，所以我給此店小費也格外鬆手以示鼓勵。每次來必吃：椒鹽瀨尿蝦（中蝦）無論蝦的質素、烹調技巧，比起流浮山、鯉魚門，有過之無不及。今次的蝦更是接近大碼，cp值爆錶；雞蛋焗魚腸，上面鋪油炸鬼，魚腸滿滿香滑不帶腥，一匙戵開起哂煙，撈飯一流；脆皮酥炸大腸，件數雖不多，但炸起乾身，以菠蘿片墊底，吃時香口，吃後不熱氣。沒考究這店歷史，但見店內維持八九十年代裝潢，只收現金，人手手寫下單，雖舊但整潔，店員之間默契十足，在這智能化年代又別有風味。

金山係九龍海鮮界別出晒名d野鬼咁好食。 每逢d同事有咩喜事都會去食番餐海鮮。 今次靚佬同事榮休再坐番低， 一大班人去慶祝下。 book左樓上閣仔間房， 講講下野d野食就到la. 頭炮係焗蠔 and豬腸。 d蠔好靚，好creamy無渣。鮑魚仔， 鹽焗奄仔蟹爆膏~~蒸帶子，花甲湯， 瀨尿蝦勁甜~~好飽好正伙計叔叔好nice, 成晚都好好招呼。 可惜因為近排生意mama, 請少左人返工， 無煲糖水無得食。。。。唔緊要啦， 唯有自己去佳佳叫左個燉木瓜食下啦

從北歐回來立即好想食海鮮由於係赫村食到嘅海鮮料理簡直少之又少一落機已經嚷著要去金山我家廿四孝老爺即刻陪我去金山舊舖。由於時間尚早（18:00）又或者少咗人出街所以完全唔洗等位。首先食咗碟12兩嘅白勺蝦，跟著來一碟蒜蓉蒸蟶子最後再食多碟椒鹽白飯魚加椒絲腐乳炒通菜是日大滿足

睇完戲， 從旺角行去去油麻地 ，大概15點20分鐘左右 。地點就係喺永安百貨後面街。除咗樓下鋪位， 鋪位旁嘅樓梯可以行上去，閣樓同一樓都係屬於金山嘅。我們被安排到係一樓嘅地方用餐。由於人少，只可以叫兩三碟餸。例湯係竹蔗茅根螺頭煲瘦肉 。人少叫最細嘅。 一煲細嘅大概可以分到6小碗。另外再上湯渣，例湯夠清甜 ，唔似落咗味精 。雖然話有螺頭， 但係螺頭嘅味道就唔算好濃 ，但飲落好舒服，飲多幾碗都得。京都骨拼豬大腸京都骨嘅味道正正常常 ，豬大腸冇臭味。好可惜個皮唔夠脆， 咬唔開 ，要扣分。鍋貼鮮蝦小棠菜炸皮包住小棠菜蝦膠 ，煎炸得外皮脆卜卜 ，入面就彈牙 ，好好食食唔停口。魚湯魚滑浸菜苗魚湯浸白菜上面有墨魚滑同鯪魚滑。 一致認為墨魚滑好食過鯪魚滑， 魚湯同菜苗合格冇乜特別。餐廳嘅侍應大多數係叔叔嚟嘅 服務都周到。

朋友同我慶祝生日，第一時間諗到黎金山食海鮮！除左海鮮，佢既小菜都好好食黎食左幾次都覺得好正南乳吊乳雞，雞皮炸得好香脆，平時唔食雞皮既我都忍唔住食左好多，雞肉夠滑，點埋個淡淡地既南乳汁好食。黃金魷魚，同平時食開既賣相都唔同，呢樣比較遜色，無乜炸粉同唔夠蛋黃漿，亦比較濕身同多油窩貼鮮蝦小棠菜，每次黎都必食，外脆內爽口，正椒鹽瀨尿蝦，超惹味，今次揀左中型蝦，$78一隻，啖啖肉薑蔥鮑魚魚標煲，鮑魚煮得好，唔會好韌，好易咬蝦多士，唔怕熱氣既又係必叫，配埋沙津醬超正外面超香脆4人埋單$1300，每人三百頭，可以食到咁多野，都好抵食，食材又新鮮

以前は得発海鮮酒家という店が大好きで通ってましたが閉業してしまい ほぼ同じ場所で営業していた同店に行くようになった 外の生簀にいる魚介類を指定して調理法を伝えて着席しますこの店もかなりの人気店なので要予約ですシャコをガーリックと一緒に揚げた料理が絶品豆鼓で蒸したホタテも鉄板 粘土色のカニはおそらくオーストラリア産だと思うがこれも蒸して食べてかなり美味い グリーンの伊勢海老もどきもオーストラリアあたりのはず

好耐未去過廟街食嘢喇， 今次再幫襯之前試過一次嘅金山海鮮酒家， 對比起廟街其他專做遊客嘅海鮮餐廳， 金山海鮮酒家比較local椒鹽魷魚好好食，炸漿夠薄夠脆，魷魚好新鮮， 覺得好食過平時食開街市熟食市場嘅椒鹽魷魚仲叫咗鹽水大蜆， 雖然話係鹽水， 但係湯都落咗好多配料， 例如有香茅，蘿蔔，粉絲等等， 雖然同想像嘅清淡差好遠， 但係咁樣煮法又好好食， 惹味得嚟又唔辣 一碗入面有好多蜆， 連平時我好鍾意食蜆嘅人， 都驚會食唔曬乳鴿香脆， 雖然唔係我試過最好食嘅， 但係都可以重視試左侍應推介嘅豉油炒鬼蝦， 二百多塊只有七隻蝦， 有啲唔係好值， 但係又真係整得好好食， 我連蝦殼都食埋 證明係好新鮮嘅例牌送糖水, 是日糖水係喳喳， 一般般啦