金島快餐

营业中

休息中

一日之計在於晨，一星期會吃四次的快餐店，竟然會有一日唔想再幫襯，個沙嗲牛麵餐竟然濃左有陣味，廚房係無理由吾知，仲想瞞天過海，做老街坊生意都咁？ 個餐份量已經越來越少，個炒蛋由一大份做到少左一半，現在仲再少。既然燶咗個牛麵仲要出餐，賣少一日，總好過令人失望，一上枱個麵D湯好似清湯一樣，以為去錯左地方定又轉左廚房佬，希望舖頭的打理人好好重視呢個問題，話曬都係咁多年嘅老顧客，5月17日 真的好失望的一天。。。。。。。

＄48午市套餐包餐湯，可選羅宋湯、白汁忌廉湯或中式例湯， 熱飲免費， 凍飲加$3環境衛生:在區內已經多年了，快餐店裝修來說還可以， 餐枱乾淨，餐具亦覺得衛生， 窗口位景觀幾舒服食物方面:焗青咖喱滑雞意粉比想像中辣但還可以接受，雞很滑但意粉可能煮得過熟了，有點淋白汁忌廉湯 平時會點羅宋湯或中式例湯， 第一次試白汁忌廉湯有驚喜， 入口creamy 質感夠細滑， 雖然湯底食材用料少， 但免費送的例湯來說算很不錯凍檸檬茶比一般茶餐廳正常水準高少少，茶底味幾唔錯

住了青衣廿幾年，一向好少在美景花園搵食。但自從有朋友搬到美景花園，所以多了在這兒出沒，眼見這兒地方雖小，但係食店頗多，種類亦多，加上好快多兩個屋苑入伙，所以更多食肆進駐這兒。朋友之前講美景D食店水準，惟有金島快餐D食物Ok，由於朋友識煮幾味，應該也識食，所以在這兒令個快餐店常餐。原來這兒真係快餐店，先去櫃檯俾錢取個數字牌，由於是第一次幫襯，嘜都唔識，正一大鄉里。個豬扒大大塊，味道OK，至於話係金寶湯通粉，就食唔出係金寶湯，個奄列大份，味道也好，罐可樂一定要讚，夠曬冰凍，爽

其實已經幫襯過呢間茶餐廳好多次，今次終於記得上嚟俾個好評👍基本上一星期我都會買一次金島嘅外賣做晚餐，每次嘅份量都係超級多🤩，可以分兩餐食，價錢仲要好抵😆，以呢個西炒飯為例，都係40幾蚊咋，40幾蚊分兩餐😌😌而且味道亦都好好，每一款都唔會Hea做😍😍

食物係唔錯嘅，會奶茶都幾好飲，但係員工同埋衞生就唔係好掂。尤其是而家我哋都好注重衛生，入邊嘅員工就好似唔當一回事。亦都唔係好聆聽客人嘅意見，佢哋都係做得好差。沙嗲牛肉麵係幾好食，食物質素唔錯，如果大家淨係為咗食嘢去吓都無妨，但係如果想好好地咁坐低食下野，茶餐廳你就唔好有太多嘅想像，因為你一定會失望。

青衣美景花園內的金島快餐疫情之前到了下午茶時段就會有不少食客吃這家店的不同的炒粉炒麵餐~🍝因為好味又價錢又相宜~😆😆😆乾炒牛河 (配飲品) ($35)雖然是下午茶餐，但份量也不少~河粉炒得頗有穫氣，不會太油膩~牛肉頗嫩，片數不少，而且每片都大大塊~🤤配上辣椒醬，惹味好吃~~性價比高~👍生炸雞脾 (配飲品) ($35)炸的火喉剛剛好，雞脾肉不會柴，皮不會太乾用外賣的膠刀都很容易砌開~🔪🍗雞脾腌得非常入味~~咸咸香香~~正~~🤤熱奶茶 (跟餐)茶餐廳奶茶就是茶底夠濃，整杯夠濃滑~👍凍檸茶 (跟餐，凍飲+$3)就是正正常常的凍檸茶啦~🍋☕P.S.其實這家的肉絲炒麵也很不錯吃~

今日出完街，見仲有時間就去咗食下午茶，黎到我哋熟悉嘅美景金島快餐，老公又係食到大，已經好耐歷史。最鐘意嘅係佢下午茶，平得來又好味😋我哋叫咗兩個餐。西多士配薯條西多同薯條新鮮炸，熱辣辣，西多夠厚同脆，加埋一大舊牛油同糖漿勁好味😋薯條係粗薯，食落去勁有口感❤️ 最重要係$24，性價比高！吉列魚柳配薯條魚柳係用雪魚，所以唔腥同啖啖肉，而且炸個皮好薄，所以勁脆，配埋薯條真係好邪惡😂😂最後要推介嘅係佢嘅熱奶茶，茶味香濃而且又多奶，夠「厚」！好好飲🥰🥰🥰

美景花園始終是離開青衣城最遙遠的一個屋苑之一，家人平時都不願來這邊，有一天，碰巧有時間，可以自行來吃個下午茶。點了個星洲炒米，竟然坐低，等了不足1分鐘😨，即是店員轉個身，已經可以拿出一碟星洲炒米，你說是即炒，還是很有鑊氣，都難以相信吧？結果，星洲炒米，有米粉、火腿粒、叉燒、韭菜、洋蔥、辣椒絲，就是獨欠鑊氣，😑也沒法，只像是撈了咖哩粉的米粉。要麼它就是一早炒起了然之後放在碟子上等食客落單，要麼就是它只是再將米粉倒進鑊裏邊輕輕翻滾一下弄熱，真的對唔住個炒字了。凍檸茶味道都偏淡，叫了少冰也有不少冰粒，應該都有半杯左右，茶味不算特別濃郁。這些看似舊式的餐廳，存在你就間中會去一去，但是其實，倒閉了我也不會覺得怎麼可惜。

今日同同事嚟開呢頭做嘢，到中午時間入咗呢間舊式茶餐廳食晏。 餐廳環境就麻麻哋，不過人流勁多， 點餐方式好似快餐店咁，喺收銀處叫完就拎個牌坐低等侍應送食物。我叫咗焗牛腩飯， 醬汁好足料，食到最後都可以有足夠醬汁撈飯，牛腩夠哂淋，但如果數量多啲會開心啲， 飯係炒飯底， 整體嚟講好好味。同事叫咗豬扒炒烏冬，普通豉油汁，但勝在豬扒夠肥美夠哂淋，豬扒真係有豬肉味，唔似用化學嘢醃到冇哂肉味。最後我哋叫多個薯條西多士一齊食， 最正係波浪薯條夠熱夠脆，西多士都好有水準。如果嚟開美景可以一試。

星洲炒米(左)+西炒飯(右)係美景選擇已經唔多，好食既更係少，金島已經係最好既選擇了🤕而我最鍾意係西炒飯，算是好食既西炒飯了。有落蛋炒，有茄味，料頭多，份量大。星洲炒米，咖哩味亦重，還可以。不過多油。

以往在這兒附近工作時！經常光顧這金島快餐！今天路過來這兒吃一個簡單的午膳！餐牌方面，選擇雖不多，但夠大眾化！簡單叫了個餐蛋飯配豉油+熱奶茶！老實説賣相真係唔會特別吸引！但這個飯裏面的餸是即叫即煮的！餐肉還煎得有點脆！煎雙蛋亦都煮得剛好，有蛋香！而最後奶茶有騖喜，既有茶味，又有奶香！飲完之後都會相當提神！又是一個美好的下午！總括嚟講食物質素正常！而舊店的好處是裝修簡單！由於不是甚麼大茶餐廳！食物幾乎全都是即叫即煮！新鮮是這裡的最大好處！至於奶茶咖啡算一般！比普遍茶餐廳的要好！吃飯時可選蕃茄和粟米汁！不用老是落豉油！呢種舊式快餐真係買少見少！新式所謂「冰室」就開到一街都係！來呢度嘅客十個有九個都係熟客仔！

記得對上一次幫襯金島快餐已經係大約9年前, 當時係附近返學, 間中都會到金島LUNCH。相隔九年之多, 人在青衣區既我突然心血來潮想食西多士, 於是前去看看!走到餐廳門外, 看看餐牌! 有我想吃的東西, 而且價錢便宜! 立馬走進餐廳叫野食!叫完野食搵位座底, 等左一陣店員就將餐送上, 薯條份量都算多, 西多士看來也不錯!先講波浪薯條, 炸得剛剛好!至於西多士味道正常, 最重要係唔會太過燶!!跟餐還有一杯熱檸茶, 這杯茶的評分就一般般吧, 滿足唔到我呢個檸茶愛好者~

係附近做完嘢想食個下午茶順便當晚餐，由於藍澄灣果邊無乜選擇，所以就過嚟美景。一眼見到有間快餐店，就呢間啦。我叫咗下午茶餐嘅豬扒烏冬加杯紅豆冰。豬扒煎得幾好，而且係半肥瘦，但係烏冬係最平果隻，無乜口感。紅豆冰太甜，不過紅豆量比得幾足，都ok啦。但下午茶嚟講，價錢就唔算好抵lu。

飯盒呢樣食物，每個人心中都有個喜歡食的飯盒。而我今次點左這款粟米石班飯，雖然係普通的午餐，但都要有基本水準啊。呢塊石班真的幾大塊，佔據了我半個飯盒了，外層炸得香脆金黃，而內層肉質亦覺鬆軟，加上白色的粟米汁，兩樣一起放入口，這個配搭簡直一流。

員工串串貢 問佢可唔可以轉飯又話set死左送餐埋黎又黑哂面 上次擺左d野係枱面 大大聲叫你拎開d野自從換左老闆 d飯都差左好多羅宋湯似漿糊咁結 鹹就唔在講 仲有成兜都係茶 唔講以為食緊沙律外賣問題仲嚴重 上次食洋蔥豬排飯個盒一打開d汁漏哂出黎 但只係個面有汁 入面乾爭爭 擺餸果邊d菜墊哂底 根本唔夠餸送飯咁樣既飯1都要$35 極之唔抵食唯一好處係堂食好快有位 一來冇人幫襯 二來你食左7成佢就開始吹你走總知呢間野完全唔掂 幫襯呢間野等如嘥哂啲錢同時間！！