金拇指米線 (紅磡廣場) (已結業)

位於紅磡廣場，這個半死場之地庫，最旺只會是平日食晏時間，附近工廈lunch time 之時。這間餐廳堂食地方大，基本上都會有位的。但請你不要有太大期望，畢竟都是主打平價食物。我特別鍾意佢既下午茶對對碰😂點了奶油豬、炸髀、沙律、凍咖啡，都只係$40 左右，質素可以。最出色會係奶油豬，夠脆，加煉奶一流👍So far 食左十幾次都冇事，衛生程度應該不會太差。🫣其實食物是其次，最緊要係地方清靜，冇人騷擾，沒有趕急的節奏。是放鬆心情的好去處。

以前觀塘有間分店 成日都會去食 佢啲酸辣湯係幾特別 帶有少少芝麻味 而且酸菜好味 但可惜觀塘區已經執哂今日經過土瓜灣做野 就決定慢慢行執紅磡廣場食 估唔到咁多年後食仍縣味道一樣 而且價錢仲好抵食叫左午餐米線轉酸辣湯 加飲品都只係$48 抵食之選

今日外賣酸辣米線（中辣），豬軟骨、黃金魚角、貢丸。拎到返公司，發現漏咗豬軟骨，嗰下已經大失所望，我又唔想行返轉頭，咁就算喇。飲個湯，唔酸唔辣，無味，完全唔知自己食咗咩。食米線真係唔好食呢間！

是日米線，叫咗碗‘’噴火麻辣‘’，三餸，只有厚厚的紅油，並不辣，湯底冇味🥲。相信所有餸都只用水煮，米線係脹脹地，淋既。如果想搵真“米線‘’食，確實唔會係好既選擇。

金拇指喺紅磡廣場裏面，雖然裝修比較簡陋同埋好平民化，但係餐牌都確實平民價錢，夾抵食五香肉丁米線+牛油多士 （+$1）+火腿紅腸 +即磨咖啡 $31五香肉丁米線有成六七件五香肉丁，而且都唔係全部肥肉，以呢個價錢來講性價比已經好高（有時喺茶餐廳食慾五香肉丁要加錢），而且真係有陣陣辣味，無將價就貨。米線都彈牙，喜出望外，好食牛油多士多士應該係即叫即製，入口仲有溫度，所以入口都香脆火腿紅腸 紅腸有兩件，火腿都幾大塊。紅腸係煎過先攞出嚟，仲有溫度，非常有誠意即磨咖啡味道一般，欠缺少少既磨味道呢度啲服務員態度好好，好有善、有禮，而且執枱都算快手，值得一讚揚揚整體評分：8/10揚揚環境評分：6/10揚揚味道評分：7.5/10揚揚服務評分：8/10 揚揚抵食程度：9/10揚揚返食機會：8/10

食親米線都係譚X / 雲X香都有D悶好彩我公司附近有間金拇指, 佢地除左碟頭飯之外仲有米線食上次Lunch黎食過, 叫左酸辣湯底, 配菜叫左豬潤、白菜餃同豆卜湯底好香濃, 酸同辣既比例啱啱好, 唔會辣到食唔到米線份量唔少, 唔會煮到爛哂, 都算OK豬潤既處理做得幾好, 無異味, 質地係爽爽地既都有四五塊, 份量足夠白菜餃大隻飽滿, 菜同肉既比例幾平均入口多汁, 口感豐富同事同我一樣都係食米線, 但大家配菜當然唔同啦佢有叫到豬腸, 佢都話豬腸無怪味, 處理得乾淨比起連鎖店, 其實都有好多小店值得大家幫襯, 小店質素唔一定比連鎖店遜色, 下次黎試下其他款式先

位於土瓜環紅磡廣場 既金拇指米缐 出名抵食夾大件 今日為大家直擊報道！！！重慶酸辣肉碎米線-長豆卜 - 索晒D汁 好正👍🏼豬軟骨 - 夠曬淋 good !魚肉腐皮卷- 夠脆 (配埋泰式辣醬)酸菜 - 雖然是配菜 但相當出色😍成日食譚仔食到悶曬 金拇指既湯底認真唔錯夠味得嚟味精感唔錯 辣味亦唔大m太搶 配搭得宜！主菜 配菜 一D都唔馬虎 真心好食兼扺食餐廳多元化.... 我還點了鐵板餐鐵板什扒配意粉扒很香 份量十足 意粉幼身 都好食架😋下次要試吓 “驚喜對對碰下午茶”

沙嗲肥牛鍋 $46我就叫左個廚師推介既沙嗲肥牛鍋 上菜時真係比個份量嚇親 超大份!!!鍋入面有金菇、蘿蔔、紹菜、粉絲、當然少不了主角肥牛啦~沙嗲的濃稠剛剛好 紹菜同粉絲索晒d 沙嗲沙食落勁惹味餐入面仲有白飯一碗 用黎撈沙嗲汁一溉 酸辣米線 $32+豬軟骨 $8+雞翼 $8+轉水晶紅薯粉 $2而媽媽就叫左一碗2餸既酸辣米線 同樣都係大大碗酸辣既湯底勁開胃 不過媽咪可以再辣多少少豬軟骨好足料 足足有3大舊 味道都幾入味雞翼就另外分開碟上 咁就冇咁容易淋 再點埋酸甜醬食一流 另外老闆仲好好人咁比左少少咖喱汁我地試食落好香口 而且唔會太辣 大人細路哥都岩食而且餐廳收費十分親民最近因應友情更是全日奉送熱飲💗

金拇指餐廳.土瓜灣馬頭圍道37-41號紅磡廣場地庫80-81號舖.疫情下大家都唔敢外出食飯.但小編係無飯家庭.唯有疫情下繼續同大家試食😂..🔸香茅雞中翼/雞排大婆上海菜飯 $40小編最愛香茅味！香茅雞排好好食！一上枱就聞再好香香茅味，咬一啖又脆又嫩，好高質！配埋自家製甜酸醬，口感好新鮮！菜飯係用薑同蒜頭炒過，好香口！不知不覺就食哂成碗了！.🔸沙爹金菇肥牛鍋 $46超級足料既沙爹肥牛鍋，重點係佢入味得黎又唔會太咸！連蘿蔔都煲得夠軟腍，入曬味，而粉絲又入味得黎唔會煲得太腍。食得出係逐樣食材分開放入去煲先做到既效果！食曬成鍋都唔會有口渴既感覺，好高水準！.食物好味道：8/10環境舒適度：6/10整體值回頭率：7.5/10💁‍♀疫情下上下一心，飯餐米線外賣送熱飲，外賣亦唔收盒錢，唔知岩唔岩無飯家庭既你地呢?

天氣凍凍地, 今日lunch想食啲熱辣辣有湯既野咁就去左金拇指食米線啦今次想食啲有少少刺激性既口味, 就叫左麻辣米線既中辣配料揀左牛丸同豬肉片個湯底既辣度啱啱好, 再辣多少少我估我都食到標哂汗, 夠哂刺激感辣得黎又真係有相當重「麻」既感覺, 食麻辣就係想要呢種feel~米線既配菜都俾得幾足啲酸菜確實係幾惹味~~絕對刺激到味蕾牛丸雖然係來貨,但都幾彈牙同多汁, 合符我既要求而豬肉片都唔錯, 唔會鞋, 仲幾好食

同事介紹紅磡廣場地庫金拇指米線😂真的沒介紹錯平靚正 選擇又多米線 菜飯 鐵板餐 咖哩飯 炒粉麵 應有盡有！是日用餐時正值下午茶時間有很多港式選擇價錢非常划算公道 小編跟朋友每一道都想試店舖座位屬半開放式 但環境不會吵先點餐後取菜 店員們都很親切有禮 比一般茶餐廳好很多 是bonus酸辣湯米線蘿蔔 豬大腸 腐皮魚肉卷 ($48)豬大腸必點！很入味 又容易咬開整碗米線很足料 有豆卜又有生菜朋友叫小辣 吃下去覺得不夠辣店員很好 另外給一碗湯😊沙嗲牛肉麵配火腿奄列、轉奶油豬凍檸茶($41)奶油豬有兩大塊 每塊有手掌那麼大！脆脆的包 很香牛油味 跟煉奶是完美組合😜沙嗲牛肉麵沙嗲味濃牛肉又軟嫩奄列火腿料多 還有洋蔥！香煎豬扒 配炸薯條、西多士熱檸茶($36)豬扒新鮮煎 煎得香脆 有肉汁而且肉嫩😍高質西多配糖漿 糖漿用小膠盒裝著 可以隨自己喜歡下多少 讚啦🙂更值得讚的是包中間抹了花生醬！！😘要知道很多餐廳快餐店為節省成本都偷工減料只給兩塊白麵包不抹醬小店的用心跟良心實在難得！小編會常來 還有其他茶餐想吃呢！下午茶到下午6:30 給你贏了「金拇指」！😂😂😂😂

琴晚放早加上唔使湊囡，出去紅磡廣場接老公放工，老公帶我去佢平時食早餐，午飯同下午茶的舖頭。中央冷氣唔會熱，座位多而且闊落舒適，乾淨衛生，又有電視睇，不過播tbb， 坐多十分鐘都唔怕畀人講及唔怕睇面色。老公食上海菜飯配香茅雞中翼，豬扒，雞扒配菜飯- 外形不錯，香茅雞扒切開三片，嫩滑無雪味，豬扒夠林身，一咬就開。扒類預早切開數片，方便夾亦方便食。菜飯- 菜粒保持嫩綠，香氣撲鼻，油潤潤，粒粒分明。金牌牛柳煎雙蛋飯$45 - 兩隻煎香的蛋黃在蛋正中心，甜豉油開胃，搭兩條菜心，非常抵食。牛柳份量多，滑嫩不硬，但不夠熱，扣少少分。腐乳咸香味濃，好彩有碗青紅蘿蔔例湯中和一下。香濃茶底，各有三片檸檬。老公話早餐仲平，非常抵食，30蚊內有找，勁多款可揀。

朋友大力推薦，土瓜灣馬頭圍道37-41號紅磡廣場地庫，街坊價超抵食，餐廳頗大，座位舒適，服務員態度親切，我們點左下午茶炸雞脾🍗炸薯條、什果沙律 $34，配咖啡☕️，大大份又好味😋真抵食。美式雜扒鐵板餐$53堆到山咁高，超超抵食，有豬扒和雞扒和腸仔啖啖肉，好有滿足感。薯角好脆脆配白飯，吃完飽極。澳門豬扒包、薯條配咖啡$32，個包鬆脆、豬扒腍滑，極好吃。總結：平民價，款式多，超大碟，味道不錯👍👍真心推介，定會回頭再吃。

✨中女獨食難肥日誌 ✨金拇指米線Golden Thumb 中女食土瓜灣重慶酸辣肉碎湯米線(加金菇$5及魚肉春卷$8，轉水晶紅薯粉+$2，小辣) 共$49米線有幾款湯底可以選擇，一向喜歡重口味，贛了重慶酸辣肉碎，湯底已有花生（超香口）、酸菜及芫茜，本身已好足料！而且份量好大碗，實夠飽👍🏼要了小辣重慶酸辣肉碎湯，一入口並不太辣，慢慢喝到喉嚨辣味才滲出來，好爽！而且喜歡這個湯底不會像其他重慶湯底般滿碗紅油，而是夠辣又沒有紅油，附上的青菜可以放心吃不會油！紅薯粉煙韌好咬口！魚肉春卷也有驚喜，有木耳絲好爽口，像鮮竹卷及魚肉春卷混合體，有三條，好味！咸檸七 套餐+$8吃熱辣辣米線加杯咸檸七一流！又咸又甜好醒神！香煎雞扒併豬扒菜飯 $40店員推介了香煎雞扒併豬扒，可以點咖哩或泰式辣醬吃，個人更喜歡泰式辣醬雞扒又滑又好味！來了舊區小店吃晚餐，價值經濟實惠，店員姐姐十分友善，會再來！

今日自己一個去去了按摩，按完摩之後就變覺得肚子很餓，在土瓜灣兜兜轉傳，就找到了這間餐廳，好像是新開的，便進去八卦了一下。雖然一個人，但是也要吃得非常豐富呢，一定不可以讓自己餓着了！首先我叫了一碗米線，這個湯底我非常喜歡，因為非常濃郁，米線也非常彈牙！然後我便帶多了一個熱狗餐，熱狗餐非常有誠意，除了有薯條跟餐愛，還有沙律呢，而且非常多醬，雖然沒有什麼特別之處，卻誠意滿滿！當我的肚子已經非常飽的時候，卻看見隔離枱的顧客點了一份非常香噴噴的豬頸肉，我實在忍不住了，我自己也點了一份，大不了吃不完就打包吧！當這個豬頸肉送到上來的時候，我的口水也跟着流了出來！豬頸肉吼得非常香脆，真是非常少有呢，另外最為特色的便是隔離那一碗咖喱汁，咖喱汁非常香濃，滿滿都是咖喱味！我一定會再來光顧的！另外必須一提的就是這兒的服務非常的親切和有禮！小店果然非常有人情味，非常欣賞！