124
20
17
电话号码
26832922
特色
适合驾驶人士
营业时间
今日营业
12:00 - 15:00
18:00 - 23:15
星期一至日
12:00 - 15:00
18:00 - 23:15
付款方式
AlipayHK 支付宝 现金 OpenRice Pay
座位数目
80
其他资料
酒精饮料
泊车
电话订座
加一服务费
当面支付
以上资料只供参考,请与餐厅确认详情
食记 (201)
一个月后又要飞曼谷,但对泰菜既渴望时常会突袭,所以周中约左朋友出黎食晚饭。呢间金枕头泰国餐厅性价比极高,星期一至五免加一,二人餐$198真系抵,三款小食、两款主菜、一款甜品,饮品+$15就有优惠。.讲下A项三款小食先:- 泰式虾饼:表面炸到金黄微脆,咬落先系轻微脆壳,内里虾肉粒好实在,用肉眼已经见到d虾块,咬落有弹牙既弹性同鲜甜,吾系打成糊既馅,整体吾油腻,配酸甜酱可以提升层次,又吾会盖过虾本身既鲜味。- 香芋春卷:外皮炸到薄薄脆,吾会好厚咁吸油,入面既芋蓉份量十足,绵密中带一点粗糙感,吾会粉糊。芋头自然既甜味突出,仲有少许爽口既配料令口感有转折,热食时香气更明显。- 串烧沙嗲鸡串:鸡块切得大粒,表面有烤香同轻微焦边但入面仍然保持湿润,吾会干硬。鸡肉本身有咬口,带微微油脂感,但吾会腻。沙嗲汁浓厚,花生香突出带奶滑感,同时有少许甜和微辣,沾一啖就够味,令整串更丰富。.B项:冬阴功汤- 汤底酸辣平衡得好好:酸度爽快但吾刺喉,辣度系后劲上黎,暖胃但吾会盖过海鲜鲜味。汤本身层次多,有柠檬草既清香、南姜既辛辣同香茅既草本香。入面料够多:大虾鲜甜有弹性,鱿鱼有弹牙口感,番茄煮到微软带鲜酸,鸡髀菇吸满汤汁又弹。每啖都有料,饮落系有满足感既汤品。而蒜蓉包沾少少汤,面包吸住汤汁会带有蒜香同牛油味,愈食愈惹味。.C项:蒜蓉包- 用法包整体系外脆内软既经典口感,表面既牛油同蒜蓉煎到释放香味,咬落会有蒜香先出,跟住系牛油既香滑,同时有微微咸香。面包内部保留空气感,吾会太实.甜品:椰汁西米糕- 椰汁味极浓郁,一入口就感受到厚实既椰奶香同微微既自然甜。西米粒煮到弹牙有咬口,吾会过软,整体口感系黏滑但吾黏牙,甜度控制得好好饮品:- 泰式奶茶(+$15):杯够大,茶味同奶味平衡得好,入口先系浓郁既奶香,跟住系微微既茶涩同香料味,整体顺滑有厚度,饮落好似真系系泰国街边饮到既味道。- 可乐($16):气泡够爽,甜度够,配埋炸物可以即时解腻。.另外单点:- 辣肉碎饭 $65:可以拣鸡肉系一大加分位。鸡肉碎保留到肉感,吾会碎到冇口感,粒粒分明。入面拌左细碎豆角、香叶同菇片,豆角带微微爽脆,香叶散发一种类似柠檬草既香气,菇片吸汁又有弹性。整体香口而且有汁,配个㶶边流心蛋,蛋黄一破就同饭同汁融合,令每口更丰富同顺滑。- 马拉盏炒通菜 $69:通菜保持到爽脆既梗感,吾会煮到烂。马拉盏味道浓而有层次,带一种咸香同海鲜发酵既气息,但店家控制得好,吾会过咸或太腻。炒既火候令通菜边位略带焦香,配埋蒜蓉同少少辣度,整碟够惹味又夹饭。 继续阅读
(以上食记乃用户个人意见 , 并不代表OpenRice之观点。)
等级4 2025-07-25
216 浏览
这家隐世美味泰国菜,朋友在这边上班才认识到。这晚下班来粉岭再次光顾,依然几乎满座。椰汁红豆凉粉冰 $30清新椰汁搭配红豆香甜,凉粉口感滑顺带清香,红豆冰增添清真感觉,甜而不腻,是夏日消暑的绝佳选择。泰式珍多冰 $25色彩缤纷的珍多冰,层次丰富,珍多口感爽滑,还有西米烟韧,配上椰浆更添香甜风味,可以当甜品享受。头盘泰式酸辣凤爪 $68酸辣味十足的凤爪,酸辣度适中又入味,爽口无骨,搭配泰式沙律提升清新感觉,吃得一口接一口,十分过瘾。冬阴功汤 $78(细)汤底浓郁,酸辣平衡,虾仁鲜嫩,香茅和柠檬叶的香气扑鼻而来,温暖又开胃,极具泰式风味。红咖哩牛腩 $78牛腩炆得软嫩多汁,红咖哩酱香浓而不辣,配料还有很多茄子,香甜多汁,加$14配白饭更是绝配,拌匀咖哩酱把白饭吃个清光,滋味无穷!虾酱炒通菜 $69通菜清脆爽口,虾酱的独特风味与蒜香融合,简单却美味,一上桌已闻到虾酱香气四溢,是一道下饭的绝佳选择。椰皇三重奏 $45三重椰香甜品,口感层次分明,椰浆布甸在最上层,洒上椰蓉饰面,底层椰子水大菜糕,再把椰子肉刮干净吃,清甜而不腻,真的十分欣赏这个创意甜品!这顿晚餐吃得非常满足,各式食物试了一款,虽然是平民价钱,但食物水准都十分高!超值!来粉岭的话一定会再光顾。 继续阅读
(以上食记乃用户个人意见 , 并不代表OpenRice之观点。)
等级4 2025-08-05
88 浏览
位于粉岭嘅泰国嘢真系好食㗎,佢哋嘅沙律食完之后超级入味好开胃啊我真系好钟意食辣辣地佢啲凤爪全部都系入味嘅香脆可口佢哋亦都有蒜蓉包俾大家拣㗎如果大家钟意食香脆可口嘅一定要拣呢间呀仲有啊佢都有好多唔同嘅主菜同埋甜品俾大家拣佢哋嘅份量十足食完之后都觉得好饱嘅价钱适中如果系住新界附近嘅朋友一定要拣呢间呀唔使等好耐已经有得食㗎啦,仲要系服务质素好唔会系等好耐所以如果大家有兴趣记得book位或者嚟呢间度食啦唔错㗎 继续阅读
(以上食记乃用户个人意见 , 并不代表OpenRice之观点。)
今日同屋企人嚟到呢间泰国菜聚餐,星期五嚟到都几多人,佢星期一至五都唔使加一。选择都好多,船面、炸嘅小食、串烧、炒饭、甜品𠮶啲大路嘅都有。1.冬阴功海鲜船面($69)😋🍲我转咗做粉丝,加$10可以转冬阴功汤,呢度嘅冬阴功汤好好味,好浓郁海鲜份量都够,粉丝嘅份量都好多,三个人食分享都够,可以留返下其他嘢。佢嘅味道好味到我哋成碗汤都饮晒。2.泰式生菜包($88)👍👍🍽️份量都非常充足,而且好有镬气,配料都好充足,非常有泰式风情。比起其他泰国店嘅份量,真系多咗可能有一倍,呢个价钱食到呢个份量都几抵。见到其他好多枱都食唔晒。3.鱿鱼泰式沙律($78)呢个沙律比较少见,但系佢嘅味道都好好味,喺其他地方冇食过,但系佢就几辣吓,食嘅时候,要确保自己有足够嘅饮品😆不过佢嘅味道真系非常之开胃,鱿鱼都好多好爽口。4.泰式芒果紫米饭($60)呢度嘅芒果份量偏小,可能系因为佢嘅饭量多,显得芒果少,佢嘅饭有成碗咁多,可以四个人分享都够食,椰汁都好慷慨,好好味。唔钟意紫米饭嘅都可以普通糯米饭或者两沟。有呢啲选项都几好5.椰子三重奏布甸($45)😋😋😋见到佢喺呢度嘅特色,就叫咗嚟食吓,呢个甜品唔太甜,而且好有层次感,上面系椰浆组成嘅布甸,下面系椰皇水组成嘅啫喱,非常之清甜,加埋下面嘅,椰皇肉非常之夹,好味!佢唔使加一都好抵,见到佢星期一至四仲有二人优惠餐,应该会更加抵食! 继续阅读
(以上食记乃用户个人意见 , 并不代表OpenRice之观点。)
等级4 2025-08-01
95 浏览
更尾同老公杀入粉岭揾食,巧遇「金枕头泰国餐厅」推出超值二人套餐,198元有齐串烧、主菜、饭,甜品及饮品,即刻冲入开餐啦!😊 ✨自选二人A+B+C+D套餐 $198✨ A款拣咗沙爹牛猪串烧各2串,同两件泰式虾春卷,串烧炭香浓郁,蘸埋花生椰香酱简直绝配;虾春卷新鲜现炸,金黄脆身,咬开仲见到成只虾添!🍢🦐 B款拣咗老公最爱的「生菜猪肉碎包」,新鲜生菜包住酸辣肉碎,食到「嗦嗦」声。🥬🌶️ 主食「鸡油饭」油香扑鼻🍚。甜品「椰汁西米糕」甜度刚好🍮。饮品「泰式珍多冰」同「芒果沙冰」味道香浓,够晒冰冻👍🏻❄️ 🔥加码必点「泰式火山骨」 $168🔥 巨型排骨堆成火山造型🌋,酸辣酱汁渗透每丝肉缝,肉质焖到一扯就脱骨。最过瘾系骨髓吸满汤汁,好味道到连手指都舔埋🤣💦 继续阅读
(以上食记乃用户个人意见 , 并不代表OpenRice之观点。)