金林閣

营业中

休息中

午餐黎食又邊爐又燒烤通風系統唔係差，係完全無。一路食，一路以為火災。煙霧彌漫到睇唔到隔離枱。成餐飯因為咁喉嚨好辛苦。燒炸野食偏鹹，凍飲唔凍，熱食無味。唯一甜品得jelly……仲有幾款熱葷，但唔好有太大期望。西湯個樣似西米露，中湯算正常。食物refill速度還可以，但款式較少。冷盤有蝦有青口，睇落算正常，但真係唔敢食。唯一值得開心既係跟團黎，唔洗俾全費，但真係俾錢既話，遠少少荃灣大把野食，貼錢都唔黎🥲🥲

適逢父母主動要求及推薦，我們一行人到了荃灣絲麗酒店，吃號稱全港最便宜的自助餐。原本聽到價錢，已感十分驚奇，以及對餐廳無太大期望，想不到食物味道正常，款式也不算少。我們這次選的是自助午餐，連加一不過86hkd/位，可從11:00吃到14:00，一共3小時。到達時並無其他顧客，輕鬆體驗包場感覺。任飲飲品、任食食物款式不少，包括有：沙律吧（11款配料+3款醬汁）冷凍海鮮吧（蜆、蝦、青口3款）西式甜品吧（啫喱、柚子蜜啫喱、樽裝牛奶布甸、芒果布甸、椰汁布甸5款）南瓜湯准山豬骨湯龍眼桃膠糖水熱食：豬手滷水雞翼脆炸飯團炒油麥菜肉醬意粉蒜辣小龍蝦菜芯炒白菜咖喱薯仔三色椒咖喱牛腩白蘿蔔黑椒汁粟米腸仔飯飲品雪櫃：紙包菊花茶、紙包冬瓜茶、紙包清熱茶、罐裝可樂等自助區：咖啡、橙汁、菊花茶、橙汁、豆奶、新鮮檸檬茶等😋蔬菜新鮮、炒得軟淋而惹味，非常高質；😋滷水雞翼入味而濃郁，亦十分軟淋，雞翼屬冰鮮級數且有輕微肉臊味，但滷田濃郁到可蓋過臭味。父母十分喜歡；😋蝦腥味重但彈牙不霉，回本之選。父母十分喜歡；😋小龍蝦味道中上，急凍小龍蝦質素，肉較少。😋湯水及糖水非常足料，沒有味精，像在家中會喝到的那種；😋芒果布甸雖然沒果肉

今日一班人去呢間任食餐廳，係一間酒店內既餐廳，以為環境一定有保險。去到西餐廳格局，但一個個家庭式嘅火鍋韓燒爐，都feel到少少伏味 去到緊係第一時間出去拎嘢食先。左邊凍櫃放沙律甜品，右邊放生肉海鮮。但環境同衛生都極唔理想，好似以前韓陽苑質素，但韓陽苑起碼乾淨少少，呢間嘢d啫喱係出哂水，應該雪櫃唔夠凍又放咗好耐之後已經放棄去拎其他食物去燒整返熱安全DD。佢哋嘅扇貝竟然都係出哂水，仲要一大半浸住哂，後尾出去見到有員工換返一兜正常無水，但已經唔敢食。之後個場地環境，場地通風嚴重不足，只係用條橙色抽風管吸油煙，但 完。全。無。用。我用口吸都快過佢。全場勁臭，完全唔係酒店質素。好啦，開始正式燒，個爐壞嘅。換左三、四次先正式開始燒，玩爐都玩咗一粒鐘，抵哂好喇，正式take 4開始燒喇，睇返相先見到個爐咁花不過正常嘅，但湯面浮起一粒粒黑色顆粒，湯底唔知咩味，好大浸高級牛肉精既味道，食咗一嚿肉己經鹹到PK，即刻再出去拎飲品，橙汁係維他命水沖劑味道＋大量清水嘅味道，係我覺得全餐最正常嘅味道

晚餐由＄138 元加到＄188元，完全唔知一間叫所謂酒店可以做出咁樣既既餐，食物種類少少少質素差差差，飲品同樣少，橙汁機橙汁冇味，冇熟食，湯唔熱，衰過佰幾蚊放題，整體幾十蚊都唔值，現場歌手已經難聽仲要食客即場上台唱，簡直虐待其他食客。絕對不會再去，亦唔會推介。未試過咁差既食評。

剛睇完youtuber的介紹,便立即booking訂位,雖然地點有點隔涉,但去到酒店餐廳之後原來十分驚喜,因為原來星期二五六日,都有駐場歌星唱歌,而且食物方面有燒烤肉類,火鍋有海鮮,有中式和西式的湯,有各樣飲品包括啤酒,而且火爐電力十足很容易灼熟食物和燒烤熟食物,而且我們過了兩小時,工作人員都冇叫我們離去,還可以在九時候上台自己點歌唱,真是十分開心和超值,真是值得推介,我們會再去,但記著一定要booking先,因為疫情所以就全場不能轉場開放,小了座位,我朋友屋企人真是一個開心放題的地方

今天約了於區內工作的朋友午餐，由於她知道附近的精品酒店有間不錯的西餐廳，於是便一試，果然有驚喜啊！環境: 餐廳位於酒店2樓，裝飾樸素雅致，座位寬敞整潔。而金琳閣的名字雖帶點懷舊，但卻令人有種穩重的感覺，配合其以提供真正港式味道的餐廳主題。食物: 雖然像是以西餐為主，但原來還提供中式佳餚以及每位88元任食即蒸點心! 真的有點意料之外! 下午除了有多款中式麵食套餐，更有大概十款價錢約80元至130元左右的西式午餐，例如雲寶雞扒，德國豬手，日本霜降西冷牛排，西班牙豬排以及蟹肉燴伊麵等等。更可以另加20元享用以自助形式提供的餐湯、沙律甜品吧以及咖啡或茶! 真心覺得十分超值! 另外更有2至4位商務中式套餐，有湯有小菜選擇。聽說晚上還有不同款式的中菜晚膳。這可以說能完全切合不同人士的口味! 今次，我倆點了西班牙豬排及日本霜降西冷牛排一試。上菜時間算快，豬排厚度適中，味道可口濃郁，而且更有忌廉焗薯及蔬菜伴碟。而日本霜降西冷牛排，提議以五成熟為最好，但因為我怕生，故此點了七成熟，不過肉質仍然不韌，證明牛肉品質都不錯。自助吧備有熱湯兩款，中西各一，今天有南瓜忌廉湯，味道偏甜，但濃度不錯。最令人滿意是還有

今日同朋友去食晏就 咁岩見到樓下個餐牌 啲價錢都唔錯 我就同個朋友上左去試下 一入去門口 服務員好好禮貌問我地幾多位 又笑容滿面 唔錯 我同個朋友叫兩個餐 一個星洲炒米同乾炒牛河 兩樣野都好夠鑊氣 味道岩岩好 唔錯 份量都大 可能我同朋友都係女仔 食唔晒 重包左走 沙律吧款式都夠多10樣左右 中西湯都好好 每樣湯我都飲左一大碗 重有服務員會好主動幫你收去枱面唔要嘅野 等你食野唔洗覺得枱面會好逼咁 最後埋單兩個人夾埋160蚊都唔洗 環境又舒服 值得再去

今日平安夜去咗食個酒店既平民自助餐～有每人一份煎鴨肝, 一份和牛, 自助餐有不斷refill 既魚生sashimi (有劍魚腩, 三文魚, 甜蝦, 北寄貝）、仲有焗蠔, 小龍蝦, 燒鴨， 燒腩仔，焗青口, 雞翼, 仲有大廚切一片片既烤羊腿, 加埋甜品～仲有啲中式雞同菜仲有湯～講真$300價錢可以有咁多選擇真係有驚喜絕對、係絕對對得起個價錢！食得既全部都新鮮好食！ 擁有汽水咖啡任飲, 再包一人一杯大大杯生啤! 環境算安靜～可以同知己朋友真係飯聚傾計～睇得出餐廳嘅經理同負責人都真係在食物上花了心思，並不是一般用平價食材諗住去撐飽客人就算～自助形式都不斷有人收碟唔會搞到成枱都係碟所以服務Ok !真心覺得區內多咗一個真係幾好嘅選擇, 好去處

本來見到Openrice, 咁多好評，趁住星期同屋企人黎食午市半自助餐，點知大失所望。點菜時，問啲侍應係咪有點心食，有咩點心，個侍應話唔清楚要問問先。但見佢地新開張，唔太熟都正常既，但有點心叫又無點心菜單，成件事真係好奇怪。我地一開始叫了兩個星州炒米，一個XO醬乾炒牛河。等緊既時候，當然即刻去出面睇下有咩自助野食，打開大盤全部都係吉。但有：兩種湯、蒜蓉包、茶葉蛋、啫喱、朱古力奶凍、餅、沙律果啲，78蚊，我地都無話要求太多，但啲湯真係好咸好重味精、啫喱又太酸，重點係個主菜好難食！講到主菜星州炒米，賣相幾靚，但一食落口，乾到有啲粉，又辣又咸，仲要辣到灼喉嚨果種，食第一啖就漲紅曬塊面，完全食唔到落去。自問平時都食到辣野，但呢碟野係辣到食唔到，於是同啲侍應講，侍應一句得埋黎：「吓，BB辣黎。咁都黎咗，你想點？」然後我地叫經理黎，經理黑曬面話：「星州炒米係辣架啦，用咖喱粉整架嘛！ 」我地：「真係食唔到喎辣到，定係你都試下。」經理：「可以換，咁你想食咩？」我地見個乾炒牛河係正常味就話換河啦，點知經理一句得埋黎： 個河辣既，我怕你又話食唔到。」我心諗，咩態度黎，明明就係個炒米太辣先要換，無估啲食客得

中午去麗晶見客，個客話帶我去佢附近有間酒店裏面一間新開業嘅餐廳飲中茶，佢話唔使去啲酒樓又要等位，又逼夾又嘈，就同佢行咗大概5分鐘到咗呢間係荃灣絲麗酒店二樓的餐廳，坐底之後發覺佢同其他酒店嘅餐廳有好大分別，佢除咗酒店例有的中午半自助餐，又有點心任食放題，如果多人嘅話仲可以點佢哋啲中式套餐，直情係同的中高檔酒樓冇乜分別，我同我個客人兩個人就點左佢哋的點心任食放題，啲點心非常有水準可以講同出邊啲有名氣嘅酒樓有得比，兩個人食都得好滿足，我更係要搶住埋單啦，因為都唔使$200.-所以我都要喺度同佢宣傳吓，另外佢哋其他的餐單係新開業期間，午市仲有六折，睇餐單叫過半自助午餐連主菜食西冷牛扒都唔使$100，佢地仲話啲西冷牛扒喺用澳洲草飼牛，因為新開業關係希望省招牌喎，佢哋晚餐時間都可以食點心放題，好似係國內飲夜查咁，每位都係$98 ，而其他主餐牌就有八折，搵晚真係要同埋我個至愛嚟試吓佢哋啲西餐，返到公司仲要同老闆講，以後公司有啲乜嘢宴會，都可以考慮幫襯呢間餐廳，因為仲有免費泊車，好過去買嗰啲酒樓多多聲下次同至愛去先補番的相 因為今次話哂都係同客人食飯 唔好意思比相機食左先

荃灣絲麗酒店入面嘅西餐廳，對上嗰間餐廳開咗冇幾個月又轉手。而家呢間新開張做緊六折優惠，六折後嘅價錢又真係幾抵食！🌪梅菜扣肉配銀絲卷估唔到酒店入面有咁有新意嘅菜式😂梅菜扣肉的確做得唔錯，扣肉入味鬆化，油脂甘香但食落唔肥膩，咸香之餘又帶點梅菜嘅香甜。銀絲卷新鮮滾熱辣，非常軟熟。🌪黑椒汁西冷牛扒配薯角(7成熟)切開西冷顏色粉嫩，七成熟剛剛好，肉質軟腍，薯角香脆，黑椒汁惹味。🌪🌪湯&飲品加$5以自助形式任飲。

餐廳換了名字, LUNCH有新優惠40% OFF, 6折實在好吸引!SET LUNCH都多選擇, 有港式, 中式及西式共9個選擇今次試左西冷牛扒, 牛扒夠鬆有肉味, 油脂OK, ORDER 7成熟都算做到配菜有炸薯角及少量蔬菜, 蔬菜份量就少左D了需要另加$5先有餐飲及餐湯, 要自己出去取湯及飲品, 可惜中西餐湯都十分咸, 餐飲還算可以~餐廳連電話接收都有難度, 要靠酒店的WIFI~服務只能做到普通餐廳質素, 無折扣就唔駛特別再來了~