金樂軒雞煲魚鍋

营业中

休息中

今日放假去左北角滙行街，行完之後妹妹話想食野，大家都知其實北角都真係有好多唔同既餐廳可以選擇😁真係諗到頭都大埋，點知行行下見到間有得食雞煲既餐廳，拿拿聲走左入去坐，加上呢排天氣涼涼地，真係可以暖下個胃呀😛😛當日大概lunch time時間店舖其實都開始好多人食飯，好彩早小小入到去完全唔洗等位，店舖環境企理，又有卡位，可以容納到好多人，唔洗坐到好迫👍🏻所有我同妹妹都坐得好舒服，而每張枱都有一個爐頭俾我地。我地點左老重慶奇味雞煲 ($188)，份量都足夠二人，佢地既雞十分嫩滑，而且啖啖肉😍加上配埋雞煲嘅醬汁，真係好juicy😋而今次我簡左小辣所以岩岩好，加上加埋花椒八角，薑和蒜頭🧄真係未食已經聞到好香，雖然係小辣但又唔會食到岀哂汗🤣而且雞煲入面都仲有唔同既配料，包括有冬菇豆卜，浸埋咁濃郁嘅醬汁，真係絕配👍🏻👍🏻👍🏻食完個雞煲緊係順手打邊爐🫕個湯底仲係餐廳既特制，好香咖，唔好睇佢好似好辣咁，其實唔辣咖😂我地仲加左d配菜，包括有鮮魚片（$88)、炸魚皮（$45)、海中蝦($138)、鮮魷魚（$58）、支竹（$38）、皇帝菜（$38)、烏冬($38) 😍 我地當日胃口真好好 📌鮮魚片好大碟，份量

<<Thursday Couple 尋食記🐖🍌>>咁啱經過港島交收，唔係幾熟呢頭，但見到有間雞煲，好似幾正咁，呢排又開始翻風，想食暖笠的，就膽粗粗就打算同男朋友入去試下。🙈🤣環境企理，寬敞，仲有卡位坐，舒服！碗碟好有古色古香感覺👏🏼☺️我地點咗個二人火鍋set，個老闆話呢個set係10月期間限定，每人200。超級抵食！二人撐枱腳一流！🥰🔥我地嗌咗個麻辣雞煲bb辣。😚黎到見到個雞煲都幾足料，有豆卜，冬菇，啲雞都多肉，冇乜骨。聞落好香花椒味，但又唔攻鼻，幾正幾舒服😋👏🏼食落發現個豆卜，冬菇都好入味，主要傦雞煲個醬都好惹味！好好食！！湯底真係好緊要🥳🥳🔥到雞既部分，啲雞啖啖肉，而且仲好滑！！好驚喜😋👏🏼其實食完個雞煲都已經飽飽地，因為真係好大份！但我哋都決定繼續食！就叫人幫手加湯開始打邊爐。都係佢哋主打💓😚🔥🔥🔥我地嗌咗牛柏葉、響鈴、豆卜(太好味決定encore)😅😚🙈牛丸、鮮蝦雲吞、特級安格斯肥牛、金菇、唐生菜、粉皮、讚岐烏冬。🥳🥳特別值得一提既係個牛丸同埋肥牛，超有牛味！而且個肥牛仲要唔係薄切切嗰啲，係厚切的！！鍾意食牛既朋友一定要試！🙈🙈🙈😎同埋個牛柏葉十

雞煲就食得多，魚鍋就相對少見。今次去到北角呢間雞煲專門店，見有幾款魚鍋，都想試下。有得打下邊爐而且唔一定要揀平時食開嘅雞煲，都幾開心。呢個魚鍋份量幾大，可以見到啲魚都有兩條嘅份量，而且成條咁上，連骨都連埋，冇偷工減料。魚肉香滑鮮嫩，浸喺微辣嘅湯底幾順滑爽口。又比起雞肉更加健康，係個唔錯嘅選擇。都推介埋呢度自家製嘅竹蔗茅根。真係好清甜好飲，而且有咁辣嘅湯底真係好需要叫返一壺嚟解辣。食完個魚鍋加咗唔少配料，大部分都好好食。我本身就超鍾意薯粉，呢度嘅薯粉比到我十分滿意嘅感覺。夠滑夠嫩夠嚼勁，正！豬頸肉、炸魚皮同蟹柳又係大大份食得滿足。唐好菜都大碟得嚟又新鮮，雖然本身味道微微略苦，但浸完呢個湯底都好濃郁入味，健康之餘都好食。最正莫過於鮮蝦串！一碟可以有咁多串，而且每隻都好健碩大份，新鮮惹味，大力推薦！

秋冬天絕對係食雞煲嘅季節，朋友介紹北角呢間雞煲魚鍋店，見openrice好多好評就來試一試。店內位置好闊好好坐，唔似好多雞煲店要背貼背坐摺凳。有圓檯同卡位，檯面有兩個電磁爐頭，多人嘅話可以同時點餐廳嘅招牌菜雞煲同魚鍋。除左雞煲同魚鍋，仲有田雞煲、羊肉煲同豬骨煲等等，而且可以選大鍋或者細鍋，配菜亦都好多選擇。老重慶奇味雞煲（小， $188）餐廳用嘅係三黃雞。三黃雞屬於放養嘅雞， 肉質比較細嫩，最適合用來整雞煲。雞件係先煎過的，所以雞皮好香而且冇多餘嘅油脂。最欣賞係雞煲嘅調味適中，同樣加左花椒八角、姜、蒜，但唔會遮蓋雞肉本身嘅鮮味。上菜時係小辣程度，容易入口，唔會有越食越辣嘅感覺，全程可以品嘗到食材本身嘅味道。配料份量好多，冬菇炆得超淋，豆卜就吸收曬雞煲嘅汁，有濃厚嘅香味。食完雞塊打邊爐時，唔係就咁加水，而係用餐廳特別熬製既湯，可以保持湯底濃郁嘅味道。鮮墨魚滑（$68）size大過拳頭，食得出墨魚純度好高，好鮮味，充滿膠質，咬落非常有嚼勁。蟹柳（$40）蟹柳好大碟，肉質實淨唔會成口粉，而且淥熟左都唔容易散開。鮮蝦雲吞、魚皮餃（雙拼，$68）雲吞入面粒蝦係原個的，幾大粒。魚皮餃嘅皮厚度啱啱好

路過見到麻辣香鍋，早兩日食完好回味，即刻想比較一下。午餐價錢包一個餸，一碗白飯，一個例湯，和一杯飲品。$60真係好抵食！叫左麻辣田雞香鍋和酸菜魚片 因為係午餐份量，所以唔係用鍋上。嘩！我覺得好好味 食到唔識停，仲一大碗白飯食晒 相比酸菜魚，魚好像比較失色。雖然魚片都算多，但係味道比田雞鍋搶咗 例湯其實都大大碗ok 架。$60真係無野要投訴，連鎖快餐店都要呢個價錢

上次食完特價午餐，覺得幾好味，今次帶朋友去食晚飯 我哋三個人食唔得多，叫左三個餸，份量都唔少。先來一個大嘅重慶田雞煲。雞煲可以揀辣度。老闆娘好人，怕我哋食唔到，先叫少辣，之後主動問我哋夠唔夠辣，要唔要加辣，仲另加麻椒油比我哋。味道好好，鑊氣夠晒 另外叫咗個菜同豬大腸。兩個都屬濃味，食到好開胃。如果豬大腸乾身一點會好啲。呢度有點似大排檔，客人都係叫啤酒食火鍋。下次可以試吓雞煲完火鍋

友人請客，我負責做research, 地點最就大家就係北角，於是喺北角區搵飯店，睇到呢間食評幾好，見到個烤鱸魚好似幾正， 又可以訂枱，就㨂呢間啦！叫左細烤鱸魚、羊肉、菜肉餃、蝦肉餃、枝竹。烤爐魚好野味，羊肉雖然厚身但不會鞋好新鮮，其他係正常嘢咁啦。老闆伙記都好nice, 美中不足係冷氣可以凍啲就更好喇☺️

天氣開始無甘熱，疫情開始放緩，當然要同朋友聚聚舊，今次就黎左朋友呢邊食雞煲加打邊爐，因為甘樣邊食邊傾計真係唔錯😌 講返呢間餐廳，我哋以前都有幫襯過，不過都有段時間了，但味道依舊不變，老闆都甘親切😌，真係好中意甘有人情味既餐廳。叫左唔辣既奇味雞煲，即使係唔辣都依然味道十足，份量足夠，雞件大，雞髀雞翼都有😋雞肉新鮮，不愧係我至愛😍打邊爐點可以少左食炸魚皮，魚皮脆卜卜，份量都係十足。桂花魚片，由於好怕魚有腥味，所以打邊爐好少會叫魚，但係呢種桂花魚就唔會有腥味同埋片好晒唔會有骨，就算少食魚同怕食魚既人都容易接受。自家製墨魚滑，份量大到嘩左一聲，新鮮不在話下仲好有口感，下次會再叫。仲有叫左貢丸，韭菜餃，油麥菜同埋出前一丁呢啲邊爐好拍檔😌😌最後，值得一提嘅係自家製竹蔗茅根，唔甜，清涼甘香，基本上嚟呢度都會叫。

前幾日去左北角食呢間金樂軒雞煲魚鍋，呢間店好街坊平民feel，好多人收左工就會去食😋今次係我第一次食，係住附近既北角友帶我去eat🥰認真的說超好吃，唔怪之得咁多人收工去eat.我鍾意食酸菜魚，所以係雞煲同酸菜魚兩難的情況下，我都係揀咗酸菜魚😋我揀咗小份既酸菜桂花魚鍋（一條）😜 $238無乜骨，魚肉滑，岩我✅落咗大量酸菜，而且仲加咗檸檬，個湯好好飲👍🏻另外我再加多左薯仔片🥔 $35放落個煲度食好好味 送飯都一流㗎😍小菜方面，尖椒炒牛頸肉👍🏻 $108 我覺得食落好似乾炒牛河咁，但係佢啲肉係好新鮮，唔似平時餐廳食嘅冰鮮牛肉🤣 呢間牛肉係有彈性的😍正正！辣炒土豆絲😋 $65個味道好特別，小辣都幾辣㗎，但我鐘意🙈尖椒皮蛋$52好重口味！正！ 好食過出面！勁香口飲品方面，我叫咗竹蔗茅跟，小渣 $332個人飲剛剛好，好足料❤️又解辣！

好少過黎北角區，今次因為黎呢邊Staycation既關係所以就係北角搵食係 誤打誤撞 之下就嚟到金樂軒，望望個餐牌有咩食，估唔到佢地有酸菜魚同雞煲食，仲有小菜種類都幾多元化， 定正係我哋想食嘅嘢首先就叫左個酸菜魚先，我地叫左小辣其實我都幾怕食魚， 今次食嘅酸菜魚係桂花魚，冇乜骨，又唔會腥可以話係啖啖肉， 好鍾意佢個湯底，因為佢哋嘅湯底都係用魚熬出嚟，係奶白色㗎所以味道非常濃郁，酸度都啱啱好原來椒鹽嘅食品都係呢度嘅招牌菜之一我哋就叫咗個椒鹽鮮油同埋椒鹽小排骨，兩款都非常惹味另外佢哋仲有火鍋配料，我哋就叫咗午餐肉同埋豬頸肉佢個午餐肉真係幾好食，唔係俾啲平價午餐肉整體來講呢間餐廳嘅食物質素都幾高， 我想再試吓佢其他小炒

北角一向食店林立，選擇又多，所以每次過嚟呢區食飯都心大心細，唔知揀邊間好。今晚同朋友過嚟和富道搵食，友人二話不說，第一時間就選了這家「金樂軒」。店鋪面積不大，裝潢平實，內裡設有多張卡座，另外亦有兩張大圓檯，地方乾淨企理，予人簡潔舒服之感。餐廳除了主打雞煲、魚鍋外，仲有鑊氣小炒、晚飯小菜等供應。我哋點咗個酸菜麻辣魚鍋 ($148)，另外再加咗幾款火鍋配料同一渣竹蔗茅根 ($33)。魚鍋率先送上，烤魚選用了加州鱸魚炮製，大大煲，分量十足，加上一端上桌時，已飄來陣陣香味，十分誘人。魚肉非常嫩滑，肉質紮實，片片分明，既入味又鮮甜，外皮烤得非常焦香，能鎖住魚油和香氣，配上開胃嘅酸菜同香濃的湯底，惹味十足。配料揀咗安格斯牛頸脊 ($238)、豬頸肉 ($58)、 韭菜餃拼魚皮餃 ($68)、鮮墨魚滑 ($68) 同 蟹柳 ($40)。牛頸脊水準上佳，肉質非常肥美，牛肉香味十分濃郁，就算淥得較長時間，咬下依然嫩滑腍身。豬頸肉味道亦唔錯，軟腍得嚟又有肉味，食落好有口感，而且唔會因為滾得太耐而變得嚡口！韭菜餃亦誠意十足，全部都係店鋪自家包製，皮薄餡靚、粒粒飽滿，第二度真係食唔到。魚皮餃亦值得一吃，入口爽

餐廳喺和富中心附近，糖水道公園對面。望落似家庭式小店，但食過之後，發覺食物質素完全唔會令人失望。 佢主打雞煲及魚鍋，而且有好多款小炒選擇，即使唔食比較重口味既煲都仲有好多菜式揀。今晚就叫左個小炒，烤魚，再加啲火鍋配料。 什菌炒牛頸脊 夥記極力推介，算係佢哋嘅招牌菜，好多客都會叫。炒得好有鑊氣，牛頸脊唔會太淋或太韌，亦唔會好肥膩，又有口感又有牛味。配合個甜甜地醬既汁，同牛肉嘅味道好夾。必食! 烤魚 鱸魚先烤過，再放上個煲內，用細火慢慢坐熱，而啲香料，辣椒等就慢慢煲啲味出黎，越食越惹味。今次叫咗小小辣，唔太辣之餘又好開胃。 途中夥記見到個煲冇乜湯時會主動加湯，抵讚。 個煲夠哂足料，愈滾愈有味，但食到後期覺得鹹左少少，就叫夥記幫手加清水。魚食得七七八八，就開始淥其他火鍋配料。 配料叫左鮮魚片，炸魚皮，蟹柳，豬頸肉同唐生菜。 魚片大大碟又大大塊，爽滑又新鮮。朋友本身唔太中意食魚都話好食。 炸魚皮上嘅時候仲暖暖哋，大大塊好完整，食落脆卜卜。聽聞係自家製，所以唔會好似出面現成買咁厚粉同重味精。 蟹柳好滑，唔似平時火鍋店食開既普通料。 豬頸肉都爽口，但未至於有驚喜。 鄰近嘅食客都似

和富道呢條街好多嘢食，今晚一於食返個雞煲。平日夜晚唔多人，可以好鬆動咁坐。先品嘗 BB 辣嘅重慶奇味雞煲，辣度都好啱。啲雞滾返就食得，啲肉好滑。個煲本身加咗豆卜，我哋再加埋支竹，啲汁嘅精華完全吸哂。雞煲之後嘅火鍋，我哋點咗唔同嘅餸。有魷魚，鮮魚片，津白同鮮墨魚滑。鮮魚片好滑，就算煮耐咗都仍然保持質感。鮮墨魚滑有驚喜，好彈牙。津白切細棵，所以好快就煮熟有得食。最後點咗個烏冬，呢度好有誠意提供嘅係讚岐烏冬。另外要推介吓呢度嘅竹蔗茅根水，好夠凍又唔會好甜，涼透心。

黎到北角，點可以唔試下金樂軒既招牌雞煲🫕好耐之前就係飲食雜誌，見到佢地既大廚好出名，今日難得經過呢頭，一定要試試佢！😎離地鐵站都有一小段距離，店舖裝修不算華麗，但帶有一個簡約風格，而且好乾淨，燈光舒服，坐得自在🙏🏻一坐低，就會問你食雞煲定魚煲，相信黎得既客人都係為左佢地既招牌而來😆我地都唔執輸，叫左雞煲🫕老闆好友善，會問清楚食咩辣度🔥仲會有建議小菜或菜式～👍🏻最後我地㨂左小辣雞煲，食完轉火鍋🍲加生魚片、土魷魚🦑、芝士腸、拉麵🍜，仲有超推介、新出的麻辣小龍蝦🦞🤩係我最愛呀！雞煲一上黎，已經聞得濃濃香味，小辣食入口辣味不重，下次可以挑戰中大辣🔥🔥雞肉非常入味😍啖啖肉，都好嫩👍🏻食完就加濃湯打邊爐😍新鮮魚片的份量比得足，滿滿一碟，而且好鮮味，最欣賞係起曬骨💯💯只需灼煮十數秒就食得👍🏻小龍蝦🦞即炒即上，熱辣辣🤩肉質煙韌有咬口，相當唔錯😎 老闆建議凍食，果然又有另一風味，龍蝦味更出色👍🏻 仲有膠手套提供，唔怕成手油膩油膩～貼心🥰🥰環境舒適，味道不錯👌🏻老闆細心，食得開心🤣🤣有機會再經過一定再食一大盤小龍蝦🦞😆

咁啱想食雞煲就黎尼間試下，見佢個名同柴灣有間食小炒既街坊小店好似，點知問過老闆之後佢話真係有關係既即刻對食物水準充滿信心！老重慶奇味雞煲。 8.5/10揀左小辣，又有啲黑椒味既雞煲好易入口，食得好舒服！雞既份量好多，兩個人淨食雞都有啲飽雞肉仲要幾滑，唔肥，一啲雪味都冇桂花魚片。 9/10平時食火鍋唔太鍾意食魚，因為怕腥同怕多骨。但尼次既桂花魚魚片係超驚喜！唔腥，魚肉好滑，骨都少必食！炸魚皮。 8/10即叫即炸！好新鮮好脆！份量多！鮮蝦。 8/10中等size，一食就知係新鮮蝦🦐蟹柳、津白、讚岐烏冬。 8/10高質既火鍋料啊！蟹柳係一條條既蟹柳肉，而唔係啲麵粉整成既假蟹柳🦀。津白好啱配雞煲！好易入味～烏冬就正常水準，一片夠晒兩個人食👍🏻竹蔗茅根。 9/10老闆話係自家製既，好清甜，好解膩必試！