金沙餐廳

营业中

休息中

今日happy Friday 午餐架同同事一齊出去食去食架。📍炸菜牛肉飯盅頭飯+熱奶茶☕️$ 40最初我以為果牛肉應該係一片片咁，原來系牛肉餅咁，味道好似點心嘅牛肉球咁，勁厚，我目測起碼有2cm厚好滑，但果飯就比較偏硬，豉油甜甜地唔錯。奶茶☕️就普普通通，唔夠滑。

7月12日 晴天今日下午同同事出去食飯，選了這間餐廳，這間之前都會食過，那些蒸食碟頭飯都不錯。今次我自己選了這個飯，是"成日比老婆話D個係男人先會食既飯🤣"，冇錯，我真係比較鍾意食"西炒飯"，會去不同餐廳都會試的。【西炒飯】這個西炒飯真係炒得不錯，仲有非常多料添，內裡有雞肉、蝦、蕃茄、火腿等，真是第一次食有咁多不同既材料。點解我會咁鍾意食西炒飯，因為佢用左茄汁炒飯，炒到D飯非常乾身，有些地方炒得非常濕，所以這個炒得不錯。這個極力推介!!

本來叫左到會！點個竟然甩底！十幾個人有大有細， 餓到3點先話冇飯食！ 不得了！叫外賣啦！ 叫咗好多嘢食呀，常餐沙嗲牛肉麵，跟埋煎蛋嘅，不過啲沙嗲牛肉超級鹹！ 大人都真係食唔到！ 小朋友就天加啦！ 過完水先食得！ 但個牛肉都夠淋，唔算好差嘅。 叫左幾個炒粉麵。 雪菜肉絲炆米又幾好食喎。有朋友話太淡無味，我自己就覺得剛剛好啦！叫咗個西多士， OK啦！外賣總係好難保持好食嘅！ 有一個星洲炒咪，星洲炒米又真係冇乜味，太淡啦，有顏色囉！似乎冇落鹽，但都夠足料嘅！係我嘅情況之下，算好好食啦！

經過上一次食完呢間餐廳，決定再次重臨幫襯。今次我一入門口 啲姐姐已經當左我熟客仔咁招呼，好有親切感。姐姐知道我想睇電視，比左個可以睇一邊食飯一邊睇電視既位我。我一坐低，記得之前見到人食個三寶飯都好似唔錯，所以我好快就決定食三寶飯。好快碟飯已經到左，大約係三分鐘到，完全合乎平時打工仔既要求——快、靚、正。我最欣賞既係三寶當中既燒鵝，肉滑多汁。如果份量多少少就會仲好。另外啲飯我都覺得好好食，因為雞同鵝既油份完全入曬落啲飯到，非常野味。整體黎講服務同質素都好好，完全有實力同同區餐廳較照量

第一份工係翻葵興 諗住午餐求其揾間茶記食下啦誤打誤撞入左呢間餐廳到食野心諗求其一餐食左佢算入到去發覺裡面都幾大下但都全場都坐滿曬人我心諗真係咁好食咩？見到出面都仲有其他選擇咁我入到去 即刻有位姐姐好熱情咁同問我幾位 我話一位唔該 佢比左張搭台位我 全程都保持住笑容 呢樣值得加分既咁我自己就叫左個叉燒通粉 炒蛋加多士好普通既一個特餐 上餐速度都算快既 大概3分鐘到已經有得食啦叉燒都算幾厚身 仲要半肥瘦 一流！一睇隻蛋就知有水準！普通一個特餐可以整到咁都算係咁啦仲要只係$43 一般打工仔既價錢難怪咁多人去幫襯臨走見到隔離台啲燒味好似唔錯 等我下之試下先

今日放工又未夠鐘會合朋友就同同事去左金沙餐廳坐住HEA一陣叫個餐休息休息下午茶時間梗係叫下午茶啦鮮牛油菠蘿包加熱華田,另外一個餐就係焗火腿絲炒蛋菠蘿包加凍央鮮牛油菠蘿包--個皮都算OK正常,不過菠蘿油要個包熱牛油凍黎食先好食,包唔夠熱,所以一般般火腿絲炒蛋菠蘿包--同樣個包唔算熱.不過D料都唔差,口感都OK既熱華田/凍央--正常野

今日去咗葵興，朋友同我都好頭痛食咩好，因為周圍都係工業大廈又唔似有好野食，最後求其入咗間茶餐廳，望入去好大好闊所以就抱住試下既心態入去！一見到餐單覺得好靚，即刻望多兩眼，見到價錢仲要唔貴，下午茶連埋野飲都係$28留下炸！我地成張單都係$89，而家香港地，仲有邊到食到又平又好食？我叫咗個三拼通粉，餐肉雞中翼同榨菜肉絲，朋友叫咗個餐肉雞中翼兩拼米粉，凍檸茶仲有熱華田，最後叫個西多士！首先，個通粉同米粉份量好多，個湯好夠味我最後飲曬，雞中翼即煎餐肉又夠曬林，榨菜肉絲好多榨菜。。。凍檸茶個檸檬，一望啲已經唔似平時茶餐廳好似放咗幾日咁，個華田唔落糖已經夠哂味！最後係個個西多士，好熱仲有成支糖漿拎黎俾我地加，一定冇溝水！好加分！估唔到咁好食餐廳推介:金莎餐廳

呢排間唔中都會上朋友系葵涌開既公司，搞下啲creative既野，上親去都幾忙冇咩時間慢慢去搵野食，所以都會叫金沙餐廳外賣送上黎食晏。咖哩豬扒腸仔飯係我必叫既其中一個飯，咖哩一點都唔辣，似係馬拉咖哩，有少少奶香，豬扒亦都大大塊，扒邊煎到微煎， 唯一失色既地方就係塊扒都幾簿同埋冇乜肉汁甘濟。另外，薯仔亦都係炸過先煮，哩個煮法有心思得黎很香口，但要好彩先食到薯仔。

(855)這裡前身為華星餐廳，早前仍在裝修中；今天路過…閃爍的招牌耀著新的名字...金沙餐廳。門前擺放著不少祝賀之花牌，原來餐廳裝修後，另立名字重新開業，剛好肚子又到想吃的時候，新餐廳當然要入去試試啦！正值下午茶時間，餐牌中選擇了下午茶炒粉麵飯套餐，總共有八款，揀了當中的一款，就是咖哩斑腩飯。咖哩斑腩飯，咖哩辣度輕微，而香氣十足，喜歡這種辣度及咖哩香，炸斑腩沒有腍腍的...討厭感覺，炸過之外皮，仍然有點微微帶脆的咬感，這道咖哩斑腩，明顯是做得不錯；而白飯與餸，分碟盛上，做法很好，餸汁沒有影響到白飯的質感，飯粒微微硬身，這種口感，我是挺喜歡的！飲品要了凍奶茶，茶與奶的味道是很夾，甜度足夠，欣賞這杯奶茶的味道，也許是歸功黑白淡奶吧！散出喜愛之奶香，唯一是...冰多了一點，飲到尾後...有點失真了，這亦是一般冰粒奶茶的弱點，而冰鎮奶茶...仍然是至愛的...。餐廳內部空間及佈置跟前餐廳亦差不多，翻新過後，美觀多了，感覺順眼又舒適，服務亦不過不失，衛生基本是做得都不錯！這餐以質素跟價錢比，仍屬低吃的，絕對值得翻叮呢！