金泰子泰國餐廳 (已搬遷) 新店位置

用app落單 外賣自取，成一個中前落單，去到話漏單，又話按左busy 完全冇接到張單，係外賣app完全冇顯示，去到職員態度其差 又用粗言穢語，完全冇服務態度可言，職員完全一句唔好意思都冇，不會去幫襯。

相信這陣子很粉外出，最好來回味一下❤️-大家晚餐時最期待的一刻是什麼？ 🥣我一定是上菜的那一刻🥢好期望品嘗每一道菜呀😋😋-這晚是其中一個寒冷的日子呢❄️選了我們最近很愛的泰國菜🇹🇭日常除了試新的食物，comfort food也重要🙊吃泰菜必點酸辣鳳爪及馬拉盞炒通菜🥬在金泰子的酸辣鳳爪，醬汁會比較辣🌶️我是愛辣的人，食落好有驚喜！ 麻麻辣辣的， 好開胃， 如果愛辣的你，一定要點來試試❤️-主食方面分別吃了雞肉冬蔭公湯河及Pad thai，Pad thai 是無論到那一地方及餐廳，只要有這選擇一定會必點🤪愈基本的食物，愈能看到餐廳的實力🥢這個Pad thai 絕對充滿泰國風味，不論麵質及配料，也讓我回想起在東南亞的味道🧉值得來回味一番🤩-大家有每次食泰國菜必點的菜式嗎？ 下次我又要一試💜📍 金泰子: 太子柏樹街21號地舖#金泰子 #泰國菜 #泰式生蝦 #銅鑼灣泰菜 #太子泰菜

太子有兩間金泰子，琴晚去左食呢間。叫左3個送，分別係咖哩炒海鮮，因爲我地黎到泰國餐廳，就想試下它的咖哩。仲有泰式海鮮炒飯，林住用它黎頂替白飯。加埋燒豬頸肉。嗌左杯薑蜜。個豬頸肉上先，大大塊，食落都幾驚喜，因爲燒過，有少少脆，又唔肥膩，可能燒走晒d油。泰式海鮮炒飯好足料，每一勺都可以搵到海鮮，同埋呢間舖頭的海鮮都大大舊，我都好好奇它們去邊搵咁大舊海鮮，海鮮就係蝦仁and魷魚。個咖哩炒海鮮，唔辣，淨係得海鮮同朵雕花，d海鮮一樣係超級大舊，但係撈埋d咖哩有時認唔到係咩海鮮，哈哈。

見網上介紹，1個人由油麻地行十幾分鐘來揾食，落咗海鮮炒飯，是其中一招牌菜。又話平均消費低於$50， 但餐牌只有飲品是低於$50，印象中大部分$70至100。結論:炒飯太咸，海鮮如帶子及墨魚基本無味服務還可以但餐廳內坐滿8成枱，現在咁的市道算是咁聽另一張枱的食客讚上次食過海鮮濕炒河粉好好，下次還可以試試講真如果不是美安的夥伴商店，食嘢有優惠，未必行過來幫襯，希望餐廳可以好好改善D食品的質數，下次有機會，還會來試試。

今晚去咗太子金泰子食泰國菜！炸蝦餅新鮮炸起！心急人請小心熨口！鬆脆彈牙爽口! 堅好味😋👍沙嗲串燒（雞肉、豬肉、牛肉、豬頸肉、雞腎、雞全翼、墨魚丸、司華力腸）$88任選6款我地叫咗雞腎、豬頸肉同雞腎。啲串燒好大舊食落啖啖肉正呀又唔Un😍！火喉岩岩好唔會燒到燶哂！👍👍👍菠蘿海鮮飯好足料😋好多海鮮大大隻蝦😍新鮮菠蘿好甜呢！飯又入味😋仲有一小碟肉鬆另上。好窩心❤️黑白芒果糯米飯芒果又香又甜😋糯米飯好煙韌好味道👍

Miss•K搵食記🍴今次食泰國野試下太子呢間金泰子泰國餐廳鋪頭唔大，大約十幾張檯，不過都坐得幾舒服，唔會好逼，同埋侍應服務態度好好，值得一讚😝▪️海南雞飯油飯都幾重椰子味🥥同埋仲有啲啲香茅味，又幾特別，雞肉都好嫩滑▫️泰式鳳爪酸酸辣辣，好爽口，做餐前小食最啱▪️小食拼盤有3款小食，蝦餅、春卷、魚餅，我好鍾意食炸野，嗌小食拼盤啱哂，樣樣都可以食啲▫️炸多春魚呢個幾抵食，好大碟，啱啱炸起，熱辣辣

冬陰公湯(小)🍵：湯味濃郁，帶點微辣，非常醒胃，而且有椰香味。冬陰公湯配料十足，有海蝦、秀珍菇、鮮魷，絕不馬虎，二人可每人分三碗湯，非常推薦抵食！海蝦刺身🦐：一碟有八隻大大隻厚身海蝦，非常新鮮，面頭附有一片蒜頭和辣椒🌶️，愛刺激味蕾的一定要一併放進口，如果不太愛大刺激亦可以選擇把刺身點附送的秘製醬汁。這個醬汁非常惹味，酸酸辣辣，除了配合刺身之外我還覺得醬汁配合烏頭魚更加出色！大讚！椰青海鮮焗飯🍚：原個椰青焗飯得體，最驚喜是老闆沒有浪費椰青肉，把所有椰青肉都加入炒飯之中，淡淡焗飯都能吃到椰青肉的香味，非常特別而且好吃。另外，焗飯乾濕度適中，內有青口、魷魚、海蝦等等海鮮，口感豐富！馬拉盞炒通菜🥬：馬拉盞帶點微辣，通菜分量十足，而且吸收馬拉盞醬汁，令通菜的味道更加昇華，到泰國餐館一定是必點菜式。明爐烏頭🐟：原條烏頭魚大大條，配菜有碎肉、大量芹菜和蔥，令魚的鮮味更為突出。明爐下有小蠟燭將魚加熱，熱熱的魚無小骨而且啖啖肉，不用擔心魚湯被蒸發，因為餐廳很細心地附加一碗湯俾你自己加，很適合同朋友一邊傾一邊食，別具風味！

呢間餐廳位置喺太子柏樹街，都幾隱蔽，一不小心好容易會錯過，咁岩今日行過，見到好似幾抵食，又入去試吓。食泰國嘢梗係要揀咖喱，但因為我同朋友都唔係好食辣，所以揀咗黃咖喱，另外唔想食豬牛羊，好彩呢度有軟殼蟹揀！咖喱軟殼蟹上台幾靚，加埋少少裝飾，更有泰國風味！黃咖喱果然唔太辣，點埋蒜蓉包，幾時都咁夾！飛天通才——大大碟，炒得夠鑊氣，泰式煮法，幾時都係咁惹味！泰式雞肉炒金邊粉——又係大大碟，甜甜地，最鍾意有啲花生喺側邊撈埋一齊食，又香口又有口感！呢度嘅午餐好抵食，幾十蚊有炒麵飯揀，加幾蚊又有特飲，推介龍眼冰，飲完個喉嚨舒服晒！

飽經風霜的太子又再蓬勃起來，再次回訪太子吃金泰子，是因為他短時間內在附近開了很多家分店呢！這個晚上坐滿人！令人感動的場面～選擇滿多的，不過我們嫌麻煩，就點了２人餐＄２３８食物：半隻海南雞　早已去骨，份量很大完全沒有偷工減料，味道不強，靠著開胃的酸辣汁吊出鮮味，加上２碗油飯＋＄８，既入味又帶香濃雞湯味，根本就是海南雞飯（泰版）！椰汁雞湯跟外間的不同，酸中帶椰香，雞肉，秀珍菇份量超多，光喝這碗湯就飽了好不好～咸魚炒芥蘭份量大，咸魚配甜甜的芥蘭很相襯，跟白飯也是不錯～！別看椰汁西米糕細細一碗，但份量十足，粟米馬蹄西米都非常多！

星期日同阿仔去太子睇中醫, 等左鬼咁耐, 餓到肚扁扁, 就求其入左間泰國餐廳食飯, 大約1點坐低, 成間餐廳都冇人, 本身諗住中伏啦, 但睇餐牌既15分鐘期間, 有源源不絕既人入左黎, 咁應該都唔差喎。睇返MENU, 價錢中等兼多樣選擇, 因為仔仔都要食, 我地都係叫返平常野先。不出10分鐘, 所有野已經上哂檯!龍眼冰 $18 / 珍多冰 $25唔使兩分鐘就有飲品, 但因為冇咩特別, 所以唔多說。蒜蓉飽 - $25/3件本身諗住好HEA, 坊間一塊塊個D, 志在過下口癮, 點知原來都幾大舊! 麵包非常軟熟, 同時充滿蒜香味, 食到停唔到口呀。炸蝦餅 $75本身諗住 $75 有D 貴, 但蝦餅係必食泰菜之一, 又點可以唔叫呢? 一上到檯, 呆左, 因為好大碟!! 熱辣辣既外皮香脆可口, 咬落啖啖蝦肉, 非常彈牙! 配埋個泰式酸辣汁, 惹味到不得了, 超正, 必食推介! 菠蘿炒飯 $60味道正常, 有好多好大舊既雞肉, $60 抵食!冬蔭公炒牛河 $68食哂上面個堆食物都已經飽左9成, 點知最後黎既冬蔭公炒牛河先係最大碟! 好經典既泰式煮法, 呢度用左闊河粉, 口感比幼河粉更滑溜。冬蔭公汁

金泰子泰國餐廳喺太子柏樹街，同一條街有兩間舖位，店員會兩邊走，非常忙碌！食物的定價不高，而且唔收加一，非常抵食！食物的種類有很多，串燒、海鮮、咖喱、甜品等一應俱全！椰青 $35勁爆多汁，清爽消暑！可樂 $10晚市黎講，十蚊罐嘅價錢真係好公道！馬拉盞炒通菜 $52通菜新鮮夠嫩冇渣，廚師一啲都冇手軟，勁多馬拉盞醬，超濃味！蝦醬炒飯 $58足足分到三大碗，份量多價錢平，抵食Item！而且炒得幾惹味，唔錯！串燒拼盤 $88可選雞肉、牛肉、豬肉、豬頸肉、雞腎、司華力腸、雞全翼和墨魚丸，任選六串，六串唔同款都得，超Flexible！司華力腸：巨型的司華力腸，又香又好味！雞全翼：外皮惹味，肉質嫩滑！墨魚丸：大大粒好爽口，如果配埋泰式甜辣醬就Perfect！豬肉：肥瘦適中夠香口！牛肉：牛味濃郁！豬頸肉：厚切的頸肉夠Juicy！芒果糯米飯 $48芒果香甜軟腍，椰汁夠香又夠甜，出色的飯後甜品！

吃泰國菜本人必選「金泰子泰國餐廳」因做附近的街坊，所以價錢也公道，菜式選擇特別多，「金泰子」有3間分店，今次我約了3位朋友到太子店，好彩早已打電話預約留位，不然昨晚也要等，昨晚未到晚上8時已滿座除了食物味道，服務方面也很重要，昨晚我們點菜，菜單改完又改，加完又加，另外因冷氣太凍，有人客走時，我們要求更換位置，換了3次，但服務員都不厭其煩幫我們更換位置，很讚賞他們的服務態度4位吃了9樣菜，太誇張了，但超低吃及好食#辣椒膏炒蜆 #馬拉盞炒椰菜粉絲 #泰式檸檬鰽魚 #香脆蒜蓉包 #生菜肉碎包 #泰式燒魷魚 #泰式鳳爪 #泰式串燒 #芒果糯米飯 #3個椰青 #1杯泰式奶茶沙冰

係太子搵食，行過見到哩間，朋友想試，行埋去，見到有名人推薦，覺得可以一試，於是點左個二人餐。香茅雞中翼幾好食，外香脆，內嫩滑，配埋泰式辣醬，正~青咖喱豬頸肉豬頸肉就一般般，青咖喱都幾重椰奶香，辣就唔太辣，都適合配飯。馬拉盞炒通菜哩個搭配，一般都係無得輸既，不過菜就有D硬。好搞笑，一眼望下，好似好多一小條既野，仲有兩粒眼仔，嚇親。原來只係放左好細既蝦米仔一齊炒，虛驚一場，呼~整體來講，水平中規中矩，打正泰式風味既旗號，並唔算特別出色。環境係無咩特別裝修唔緊要，但咁熱既夏天，好似無冷氣咁，都坐得唔太舒服。尤其系我地坐門口，我已經特登關左大門，等冷氣可以儲多D，過多陣，店員又開翻，唔知咩玩法。

本身特登去試一間90後開嘅小店 點知好失望地排咗半小時 到我哋之際先話 原來要攞飛 有啲燥 所以無再等 直接食其他嘢同區眼見間間都要排隊 OpenRice完之後就揀咗呢一間可能因為無期望 上到嚟已經好餓 所以都只係掛住食點知食落又幾好食 個油飯好香 又有椰香 個冬蔭公好好好飲 唔算好辣 連我唔食得辣嘅人都接受到 個雞多嫩夠滑 又有雞味 唯一麻麻係個蝦醬通菜 唔夠味 唔夠重蝦醬味 同埋已經食到好飽食唔落了-店主都幾好人 同佢傾計都有傾有講 有時又會幫我哋睇下啲嘢到齊未 🤪👍🏿

雖然太子有很多好野吃，餐廳都好多，但落左堂已經11點幾，好多餐廳是差唔多收工，朋友建議食泰國🇹🇭菜，揸架車兜下兜下，見到「金泰子」仲未收。即管入去試試！今晚試這間泰國菜，本來都係抱住試一試無妨的心態，但都有驚喜呢！泰式冬陰功 - 有分有海鮮同無海鮮，無海鮮都有蝦，如果有海鮮就包埋青口同魷魚。因為我地都對青口無咩興趣，所以就就咁叫左個大嘅冬陰功。個湯都好足料，最意外喺個味較得好好，唔會太酸，偏辣但一啲都唔會攪到喉嚨唔舒服。正！青咖喱配軟殻蟹 - 青咖喱味道唔錯，適合唔食辣嘅朋友。軟殼蟹略嫌個粉厚左小小，有待改善。蒜蓉包 - 焗得好好味，外脆內軟。仲夠曬蒜蓉味！沙嗲串燒 (牛肉和豬頸肉）- 串燒熱辣辣，外面燒得脆脆的，很香口，加埋沙嗲醬更加惹味！