金泰泰式美食

营业中

休息中

不少人仕喜歡故作大埔通😏一說大埔就只懂說「有沒有吃過群記？」「有沒有去過三家姐？」「街市不去吃豬扒麵，有冇搞錯?」其實，遷居後，才發覺其實大埔熟食市場這兒，沒錯的確非常多人排隊吃豬扒麵，😏但其實經我嘗試過之後，有兩間可以輕勝豬扒麵。💁🏿‍♀️第一間就是先前介紹過的鴻發牛雜，另一間就要數到這一間泰式餐廳。忘了是不是下午茶時段來到，但分別不大，因為下午茶不會特別便宜得很多，友人就點了個海南雞米粉。一向不太喜愛海南雞配米粉這個配搭，因為海南雞通常有油香，如果配米粉好像浪費了，但友人這碗海南雞米粉，米粉份量不少，而且上邊海南雞份量更加多，排山倒海似的，而且也不像平時我去的餐廳，只會給你雞胸肉雞配、雞碎、或者一些雞絲，沒有味道的雞肉。米粉也非港式鞋口米粉，是泰式滑些的幼米粉，頓覺地道反而，它的海南雞，又有皮，又有肥瘦均勻的雞肉，賣相同味道都屬於上佳。而且，雞味香濃，即使浸在湯內，也不會令到雞皮以及雞肉分離，實在一絕。我點了個豬頸肉撈檬，它的撈檬份量也不少，豬頸肉亦都一層疊一層，份量非常之多，參差不齊的豬頸肉，還有幾片蝦片在上邊，有青瓜蘿蔔絲，亦都可以點它的魚露汁。以及上邊有兩大塊它自製的蝦餅，蝦餅

聽人推介大埔街市有好多好野食，見啲野食幾吸引就揀咗呢間餐廳，叫左一份pad thai, 青咖喱，串燒，海鮮冬陰公，全部都好大份，味道夠曬正宗，個冬陰公仲好足料，大大隻蝦，超抵食。食大排檔預咗無咩service, 餐廳員工都算正常有禮貌。薄餅略嫌唔夠鬆身，串燒好夠肉，一啲都唔柴，其他野食味道都中規中矩。份青咖哩勁大份，食極都食唔完，勁多雞肉，最後都要打包拎走。個pad thai唔算好甜，無咩特別。總括嚟講，呢野好抵食。

估唔到大埔熟食中心有咁多好野食。黎到已經四點鐘，好多舖頭都閆咗，好彩仲有呢間泰菜未閆，如果唔係會餓死。兩個人叫左一個麵同一個小食咋。泰式烤豬頸肉 |份量頗多，豬頸肉肉質香軟，而且烤得偏燶，所以側邊啲肉好脆，但有幾舊硬得濟，側邊變咗豬肉乾，但味道都好鹹香，加埋酸甜汁好惹味！冬陰公米線 |好好味！好重椰香，最緊要夠酸辣！而且料多，有齊菇、蕃茄仔、蝦、芽菜仲有生菜，會忍唔住一路食麵一路飲湯，食曬成碗都唔洗食晚飯～

來到大埔搵食，沒什麼特別目標，通常都會去大埔墟熟食中心，這裡就像飯堂一樣，價錢便宜，味道也不錯，現在夏天也有冷氣，不用擔心太熱。揀了金泰泰式美食，食泰菜，午餐四十幾元，有飯有飲品，凍飲都不加錢，抵食。叫了凍檸茶，夠濃，不過少甜後仍然頗甜。菠蘿炒飯，還好不是用recycle的菠蘿，飯用上咖哩調味，雞粒、菠蘿都不多，感覺這炒飯太少料，太HEA。濕炒肉片河，這個就比較好，菜同肉都多，營養均衡，抵食，份量都大碟。可以再食。

見天氣悶熱，想食d酸酸味味、又有點刺激既泰國🇹🇭野，今日黎到比較親民既大埔街市搵食。因為價位都比較平，我地兩個女仔叫左3餸一湯，仲叫左個薄餅（唔記得影相）😂冬陰公湯呢個湯一黎到，已經覺得好香又大碗，裡面仲好足料有蝦、魚塊、香料、草菇等。飲落去酸酸辣辣咁，好好飲😋🥬生菜包呢個可以揀豬肉碎或牛肉碎，由於我地有濕疹關係，我地揀左豬肉。味道酸酸辣辣，配上新鮮生菜，食落去好fresh。唯獨就係略嫌生菜份量唔多，最後既肉碎要空口食，如果菜既份量多點會更好。黃咖哩雞呢度咖哩可以揀青、紅、黃，咁我地唔係好食得辣，所以要左黃咖哩。呢個好好食，好香咖哩同椰香味，配上酥軟既烤薄餅，簡直一洗😋可惜唔記得左影薄餅😆馬拉棧通菜呢個味道略嫌有少少咸，份量多，都還可以

平時少入大埔，搵食唔熟路，於是上熟食中心望下，貪佢包羅萬有。一去到就見到我好鍾意ge泰菜，唔洗諗即刻坐低。原來金泰除左一般泰式粉麵飯，仲有凍檬，喂凍檬越南野黎喎，但天氣熱唔理咁多，整碗凍檬先。餸有好多款，樣樣都想試，揀唔定，見到有款雜錦，於是問下哥仔雜錦包d乜，唔好以為熟食中心就會hea答你就算，哥仔好有心機逐款餸講解，有雞翼、蝦春卷、扎肉、雞絲、蛋、菜同蝦片，雞翼同蝦春卷炸得香脆，其他餸就普通，檬粉超多相當大碗，望落真係驚食唔晒，好彩有魚露甜酸汁幫我開胃，最後都食得晒！凍檸茶唔錯，茶底普通，但勝在檸檬夠新鮮！

今日早放工，朋友叫去大尾督食泰菜，落雨天濕淋淋，睇 open rice 呢度都幾多好平，不如近近地啦。坐底第一時間揾我喜愛嘅芋頭炒飯，然後叫個黃咖哩雞加個蒜蓉椰菜苗。芋頭炒飯味道唔差，但有啲炒唔勻，見到有啲一舊舊白飯，芋頭唔算多同細細粒。黃咖哩雞就好失望，雞有雪藏味，薯仔有益味，個汁其實好味，配菜有洋蔥同蕃茄，可惜比啲雞同薯仔糟蹋咗!蒜蓉椰菜苗同咖哩一齊落單，但廚房漏咗單 😑，味道正正常常，如果連呢個都煮得唔好食就唔好做泰菜囉！埋單 $177, 或者下次可以試試其他嘢?

話說落雨天，令人食慾減少但人總是要食野，所以去左大埔搵野食同行女友人，又表示冇乜胃口咁我心諗，倒不如食d開胃野係大埔熟食街市行左幾個圈最後揀左呢間，人流唔多，岩哂我睇下果餐牌先，女友人表示想食金邊粉咁就叫左一個泰式炒金邊粉，其餘就我話事，我叫左一個泰式酸辣無骨鳳爪，一個泰式炒椰菜苗，一個豬頸肉凍檬，其中椰菜苗可能太老，所以勁硬，難消化食唔哂。鳳爪就同平時唔太同，有點開胃，食唔停口。凍檬豬頸肉好食，份量多。是次消費2人，總236

我同朋友都好懶，唔想跨區覓食，大埔其實都有好多泰式餐廳選擇，所以我地就向泰菜入手，但朋友居然話未食過「金泰泰」！！所以決定同佢試下新野冬蔭海鮮湯（細）有半隻蝦、魚、魷魚、青口、菇！呢個湯不得了！！椰子香、酸味、辣味balance得岩岩好，唔似其他店鋪只則重於其中一種口味一路飲係覺得好刺激、好好味😍馬拉盞通菜，唔辣，岩我！ 黃咖哩雞肉，略嫌咖喱味不夠重，雞肉薯仔都有！薄餅，配黃咖喱簡直一流！ 唔會好油，單食都會感覺到薄餅皮少少少脆啦😆生菜包（豬肉），好香又唔會太辣，撈埋生菜食，岩岩好！兩個人食左咁多野，都只係270$絕對係抵食，CP值高！當然講究環境優雅的話，呢到就比唔到你啦！😆

平時下晝去開大埔墟街市就會諗起呢間泰國野今次同屋企人兩個去食午餐嗌左個雞翼凍檬 同埋 雞扒凍檬🤤雖然等左都幾耐先有得食但佢既雞翼同雞扒都好香味道好好附送既蝦片係我既最愛！最中意就係份量好夠每次食完都好滿足😋不過可能因為係街市入面不時都見到有蒼蠅飛過☹️呢度扣左少少分！

因為咁岩去大埔玩，就近近地去大埔墟街市熟食中心食午餐喇。係街市食野真係好熱鬧好有風味，餐牌上面都有好多選擇，一個粉/飯包野飲係五十幾蚊，我就叫左個泰式菠蘿炒飯，一黎到個份量嚇死我，係成個碟滿，都好高身，有穫氣都幾好味。另外朋友叫左濕炒雞肉河，份量都係好大，不過就太多汁唔夠河粉喇，但係味道都可以重有好多伴菜，套餐包凍飲或者熱飲，都抵食架。

大埔墟真的好少會嚟，今日有機會來，夜晚就去熟食中心食飯，見到好多間細細間，之後就揀了這間泰國泰館。叫了馬拉盏炒芥蘭。炒到好爽脆又夠甜夠新鮮，少少馬拉盞不是好辣。好味道！！蒜蓉炒通菜，好香，蒜蓉炸到香口，好鮮綠，好味道！！好大碟！！海南雞飯，肉嫩夠滑，都好大碟，好味！份量也好多。串燒牛雞豬。每樣兩串，豬比較韌，雞同牛也OK。不過也是比較實同乾。燒烏頭，好香好大條。燒烏頭，好大條好香的，好好味呀，啖啖肉的。唔腥的。價錢抵食！！

#LuBie大埔🍲泰式炒金邊粉（🤤：6/10）碟炒金邊粉既量都幾大碟 男仔食都夠飽，而且都算幾足料 有蝦 魷魚 芽菜 同少少辣椒 無偷工減料。炒得好香 幾有泰式香料既香味 最後係面頭加左花生碎 食落就更加香。可惜個金邊粉炒得唔夠乾身 可以因爲芽菜過多 炒既時候芽菜出水令個粉變得濕左 較難炒到乾身 所以大大影響口感，炒金邊粉太濕 會令碟粉味道有影響 所以味道都扣左分。📍金泰泰式美食📍大埔鄉事會街8號大埔墟街市及熟食中心2樓#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#大埔美食#食好西#金泰泰式美食#泰式炒金邊粉

無骨海南雞飯是其中一種 永遠我吃不膩的食物。 數十元 至 數百元 的我都喜歡。.第一次到金泰，不用考慮就叫了 無骨海南雞飯。 無骨是十分好，因為我是個懶人！ 份量很大，雞肉不錯也嫩滑，但雞肉味道就一般，相信並不是新鮮雞，不要有太多要求。 米飯偏硬，如果飯是熱的就會好好多。 醬汁味道是酸的，味道也好。 只需$50有這質素的雞飯和飲品是好值得一試。.店還有其他多款食物，下次會嘗試粉麵和小吃。 金泰的店員是友善的，坐位也舒適。

和朋友即興的去了大埔熟食中心食泰國菜我們二人點了泰式冬蔭公(細)﹑泰式菠蘿炒飯﹑生菜包﹑馬拉盞炒通菜及串燒沙嗲(半打)泰式冬蔭公(細)配料有蝦﹑青口﹑魷魚﹑魚及菇等～配料算是豐富～味道夠濃，酸度辣度都恰好！泰式菠蘿炒飯，用原隻菠蘿盛載配料同樣有青口﹑蝦仁及魷魚，還有菠蘿肉﹑肉鬆和提子乾炒飯略帶咖喱香，但不算好乾身！菠蘿肉和提子乾的微甜令炒飯的味道不會太單調～生菜包，可算豬牛或雞平時多吃豬肉，這次試試牛肉雖不乾身，可肉碎的辣度不太夠馬拉盞炒通菜，這基本上是穩陣之選通菜不會老馬拉盞的味道惹味而不過鹹！串燒沙嗲(半打)，豬牛雞各要了2串肉的size夠大件，燒得不會太乾身沙嗲醬的味道與一般的有些不同，覺得有點不夠濃郁惹味～～不過配串燒吃的味道還是合得來的！總括來說，食物味道尚算合格像這次平日晚來不用等位的話，是可選擇光顧的啊～～