金泰美食 (已結業)

上星期有同事離職,我地一堆同事就去左金泰美食度同佢搞Farewell。一入到間鋪第一印象其實唔係太好,感覺上覺得間鋪好唔乾淨,啲侍應又粗魯,不過一堆大男人邊度介意呢d野。雖然第一印象唔係太好,但啲野食又的確幾價廉物美,好抵食。鹽水煮大蜆: 雖然無落配料,但就咁鹽水煮已經十分夠味腩肉炒芥菜: 腩肉炒到好香,正!

這間店舖的環境不算太好，而且服務不算周到。但在食物方面算是不錯。首先，生菜包的肉碎味道不錯，雖然酸了一點,但做前菜很醒胃。東陰公湯而色澤很紅,香味十足。然而，味道不像樣子般辣,但湯料十足,我滿意。

小弟生日，一行4人諗住去九龍城搵間泰國餐廳試試，最後揀左金泰。當時時間6點幾，所以一入餐廳，一個人都冇，位任坐。首先講下環境，毫無美感可言，有d似飯堂。我地坐近牆邊，會有小量昆蟲，不過我地4個麻甩佬，都唔太介意呢d野，最緊要好食！跟住講服務，泰國餐廳就搵番泰國人做侍應，幾有風味既，態度都ok。之後嗌左飲品，叫左杯椰汁冰，size ok大杯，但個人認為稍微過甜。到食物，叫左幾款串燒，唔太熱，牛就un左小小，雞就幾好，有款叫泰式腸，入面有糯米，酸酸的，我唔知呢款腸本身係咁既味定點，個人就比較不喜歡。另外叫左一個蝦醬炒飯同青咖哩牛肉炒飯，四十幾蚊碟，炒得幾好食，出面同款飯我諗大約都要七八十蚊一碟，所以係抵既。之後到鐵板泰式炒蠔，d蠔冇腥味，蛋同芽菜就吸收哂蠔既味，雖然外觀就麻麻，但味道不錯，值得推介。最後到明爐魚，都幾滑，4個人都夠食。仲有蒜蓉炒通菜給冬蔭公。總括而言，4個人每人平均都係80蚊，咁既價錢的話，都算ok既。

3 個人去, 由於有2位男士, 可叫多少少店面十分大而簡單總括而言是不錯的, 但如果愛吃辣的朋友,不妨落單時可叫加辣一點串燒十分惹味, 特別是燒全翼, 但覺得沙爹醬不夠濃及辣咖哩蟹極抵食, "當做"秋天一定要試, 2百幾可以3-4人食都夠

黎到九龍城，好多唔同款式既野食，其中黎到必選既一定會係泰國菜，至於九龍城有咁多間泰國菜你會點揀？有平有貴有多人有小人…而我，一定會揀金泰～～揀佢既原因好簡單，好食，簡單，快，價錢恰當。其中我最推介既就係佢既串燒，不過大家記住～～堂食要６串起~不過6串起就好易架姐...佢既串燒有好多款...好早之前電視都有介紹過佢既燒雞心~真係好．好．好．好．食架！！！！不過因為雞心供應有限~唔係次次去都有!我自己其實10次去都只係得6次有，仲要睇時間……不過除左雞心～佢既雞腎同埋蒜蓉包都好值得推介～佢既蒜蓉包唔係我地平時係餐廳食焗到乾乾果種～係嘉_麵包加上牛油,炸左既蒜同埋蔥粒再燒～～用黎配咖哩得～又或者就咁食都得～～！！之後就係佢既乾炒雞河，足料，夠鑊氣又大碟～～（真係每條河粉炒到有色架w~）我仲有試過佢既冬陰公湯，唔太辣，好多料～～都好推介～不過今次冇叫冇相．．至於較多人鐘意既生蝦我就認為佢整得麻麻地=p當然～食泰國菜我好建議就係多ｄ人去食好ｄ～因為可以試到好多唔同既野～如果有日黎到九龍城～唔知食邊間好既時候～不妨考慮下金泰=p

跟飯伴行落街搵野食...三心兩意左一陣之後都係想去食泰式串燒 今日星期6都有擔心過要等位, 好好彩我地去到既時候8成FULL左, 都仲有2人位。炒金邊粉 - 今次個金邊粉個醬汁比平日的酸, 鑊氣好像差一點點 (可能太多人趕時間哈哈...) 不過酸酸地就會更開胃囉!咖哩炒蟶子 - 想講一講, 呢度既炒咖哩係唔辣的! 反而係甜甜地, 是我好喜歡的味道! 蟶子有成10隻!! 很多而且啖啖肉! 我最愛的吃法是蒜蓉包點炒咖哩吃。不過呢個真係要襯熱食, 唔係一凍左就大打折扣喇...燒蒜蓉包 - 這邊的蒜蓉包又是我必吃的食物! 它不是一片片切開的那種蒜蓉包, 而是一整個X頓餐包, 再在上面塗上蒜蓉而燒的, 相比起很多地方的"乾爭爭"蒜蓉包, 我喜歡吃這個多一點。串燒: 司華力腸, 雞翼, 雞肉, 豬頸肉, 墨魚丸 - 泰式串燒燒得剛好, 最好吃的是雞翼同雞肉, 燒得很JUICY很香. 豬頸肉和司華力腸就不過不失喇, 墨魚丸應該本身個丸唔係太靚, 我覺得味道普通。

雖然住得遠不過每個月都會去一次, 因為都幾抵食好食.串燒特別係雞心同雞肝很好食, 牛肉豬頸肉也不錯, 其他都好食.大頭蝦, 份量少了一點不過都好食多甜膏, 很香口.鹽水煮大蜆, 份量多, 抵食肉大舊必點. 炸蝦餅/魚餅, 普通無特別, 都唔錯.飛天炒通菜, 鑊氣夠, 鹹鹹的很送飯, 不錯. 燒稔肉, 麻麻地啦.辣椒炒蟶子 - 好正, 肉夠多辣辣的爽爽的很鮮味.炒金邊粉, 炒得很香口, 如果再乾身些少會更好. 炒介蘭, 蒜油味重爽甜.泰式炒飯, 唔錯, 很香. 菠蘿炒飯, 唔錯, 不過唔夠香.木瓜沙律, 爽口好食. 冬蔭公, 份量都幾多, 味道唔錯, 很辣很過癮.獅蛤, 爽口鮮甜配辣醬極惹味, 好食!海南雞, 普通唔特別. 生蝦, 好食, 不過嫌貴.燒鰂魚, 好食, 不過軟左一些. 燒魷魚 , 唔怕膽固醇高, 都係必食勁香.炒蝦球, 好食, 鑊氣夠醬汁入味, 爽口彈牙蝦, 不錯.飲品方面... 青檸沙冰, 涼快選擇. 青檸水, 好飲消濟. 青檸蘇打, 清涼唔錯. 龍眼水, 解渴鮮甜.

淡淡的記憶裡 ,依稀在十多年前到過此地 ,現在重遊舊地 , 另有一番滋味在咀角朋友和我都愛泰菜, 但在"人生交叉點"之際, 我寧選味道多於環境, 故他們同意再一次到來此處(自噓為"飯堂" ) 自然識飲識食! 其中推介的心頭好是 : 沙冰, 燒魚, 咖哩海鮮, 各式各樣串燒, 薄餅, 飛天椰菜苗 (名稱好出位) , 心多多而躍躍欲試的3 人滿枱食物, 幸好提前到達, 在不足半小時內已全場爆滿飲品方面夠冰凍, 青檸沙冰可消肥膩, 而燒牛肉, 墨魚丸和雞翅以後者最出色 , 咖哩蟶子是 第一次食, 滑蛋配合大量洋蔥, 青紅椒,大蒜好鮮味而且甜美, 可是以$98只有4 大件是否合理就見人見志 , 而鄰座一家十口都是食蟹咋~ (貴$10);"出位"菜亦清爽少油唔過火; 主角 "燒側魚"可能是"敗筆" , 似乎是過火"鞋" 咗D ,但味道保存了得; 最普通是"烘濃麵包" 可能是我偏好歐式啦 ! 由於越夜越大聲 (註: 人太多了!) ,我們大約在一小時後離場,結束是日龍城之旅, sa-wa-di-ka

其實呢個世界無話貴就一定好食,平就無好野食既, 金泰就正正係咁!!以公道街坊價o係九龍城殺出條血路!!金泰係小弟經常光顧既泰國菜,呢晚就帶肥妹仔一齊去試下喇,我地叫左冬蔭功, 馬拉盞通菜, 串燒...咖哩炒蟶子+法式蒜蓉包, 炒金邊粉, 椰青!!真係食到飽飽...!!至於串燒要同大家介紹腍肉,雖然好肥, 好多脂肪, 但係豬油味好香!!間唔中食一餐都可以接受!!呢個咖哩炒蟶子係每次小弟必點之一!!黃咖哩味道濃厚!! +埋個法包仔點D汁一齊食, 一流!!最後+埋呢個炒金邊粉, 非常飽足!!由於有D熱氣, 所以要飲返個椰青潤潤喉!!不過老實講, 其實比以前都加左價好多,但比起其他九龍城泰國菜都叫平呢!!當然環境衞生都無其他咁好啦!!呢度係食食物, 唔係食個環境, 哈哈!!

第一次去, 裝修簡陋, 似工廠飯堂, 先去洗手間感覺認真麻麻, 心想以這般裝修做生意, 食物肯定出色, 最後極之失望! 生菜包 - 勁咸冇豬肉味木瓜沙律 - 算是比較好, but can't be bad cause salad need not cook盐燒烏頭 - 又係得個咸字同埋係凍既, 用既係雪藏魚, 肉質勁霉!咸魚炒飯 - 炒得D飯又黑又咸!炒豬生腸 - 用既係豬粉腸串燒 - 凍冰冰既, 又靭又咸, 好似擺左好耐泰式风瓜 - 不酸不辣泰式春卷 - 不過不失盐焼大蜆 - 似烚多过似燒, 又貴, 6隻收$48!!真不明裝修、服務和食物那麽差的食肆能生存!! 九龍城是但一間既泰國菜都比它好很多! 夠羗你就去幫襯!!!!

既然經過就泰一下吧很久以前這店價格優惠...很常來隨著價格變了...就很少再來經過九龍城也總會進來吃幾串串燒...生蝦貴了...不值得吃螄蚶$58...早前吃過...很乾淨但不是很大隻別家更便宜...這次就不吃了串燒---泰式燒牛肉 $10 x 2串燒---泰式燒雞翼 $12泰式燒蒜蓉包 $38泰式燒大蜆 $48泰式飛大通菜 $38泰式炒醉貓雞河 $38 x 2認識這家...最早時期生蝦才$35...串燒$6...很值得吃現在牛肉串燒味道還是一樣好...附設的醬汁有自家味道燒大蜆很優惠沒加價附的醬汁太咸不建議點...點串燒另一種酸汁好了生蝦附設的醬汁是青綠色那種...好辣的會愛還是這綠綠的汁最好...吃什麼都加一點更爽蒜蓉包很多人愛吃...這店也有自家的弄法泰式飛天通菜不夠泰式...也不再飛天這次最好要說是那醉貓河了...一家好辣...點了加辣版第一碟來時...廚師有點隨意...份量很小吵得夠乾身夠辣味道夠精彩...味道好顯得份量更不足再多點一碟...這次份量足了...滿足了整體感覺熟客還是會懷念它...不了解它的總會覺得不滿足

九龍城美食雲集，泰菜更是成巷成市。周日晚與三位好友來到附近「覓食」，路經此泰式小店見價錢較為大眾化，二話不說便登門一試。 小店裝修簡陋，白光管配摺檯凳，簡單來說就是上了鋪的大牌檔。而食物方面，這裡除了有一眾見慣的泰菜外，還有不少平價串燒，每串大約八至十元，所以除堂食外，也吸引不少外賣顧客。而我們則點了數個泰式小菜，再加幾串串燒試試水準。 泰象啤：來到泰菜店，當然要點枝泰國啤酒才對口，而且啤酒夠凍，正！ 生蝦刺身：作為小弟的至爱，每逢食店有此項目也必會點。生蝦刺身一碟八隻，用的不是貴價的花竹蝦，味道當然不會很鮮甜，但以冰粒維持溫度，所以肉質仍算爽嫩。略嫌不足是生蝦是被「冰封」而非冰鎮，賣相較差之餘也怕冰粒不夠衛生吧。 冬蔭功湯：冬蔭功湯以大碗奉上，材料不見特別豐富，但味道卻比想像中香濃，而且辣度十足，喝完要來枝泰象啤降降溫。 泰式串燒：點了牛肉、雞肉、泰國腸、珍寶腸及墨魚丸，味道中規中矩，不算突出，惟泰國腸加入疑似糯米，而且肥膏太多，入口較膩。不過以特色串燒醬汁取代見慣的沙爹醬，口味較清新，微辣之餘也能中和串燒肥膩感，不錯。 泰式燒烏頭：烏頭外皮燒得雖脆，但魚肉太過乾身，

昨晚路過九龍城搵食，剛好路過金泰美食，想起很久沒有食過就立即入內以免門外苦等。由於不是太餓，所以只點了燒鷄翼，燒蜆，香葉炒飯及木瓜沙律。

好 耐 之 前 成 日 0黎 食 , 等 位 要 等 好 耐 ~ 所 以 冇 幫 襯 一 段 時 間 ~ 今 晚 8 pm 去 到 唔 駛 等 位 就 入 得 ~ 唔 知 點 解 自 從 如 花 走 0左 之 後 , 就 唔 駛 點 等 位 ~ 波 蘿 沙 冰 , 芒 果 沙 冰 : 唔 駛 等 好 耐 就 有 得 飲 , 以 前 要 等 勁 耐 先 有 ~ 生 蝦 : OK la , 唔 係 太 爽 ~ 但 個 汁 幾 好 ~ "興 隆" D 生 蝦 新 鮮 D ! 飛 天 通 菜 : 味 道 幾 好 ~ D 菜 好 嫩 ~ 蒜 蓉 包 : 好 脆 好 香 ~ 豬 肉 生 菜 包 : 酸 酸 辣 辣 , 但 係 好 鹹 , 鹹 到 返 到 屋 企 係 咁 飲 水 ~ 串 燒 雞 腎 , 燒 雞 翼 : 保 持 水 準 ~ 燒 大 蜆 : D 蜆 真 係 勁 大 隻 同 埋 勁 鮮 甜 , 配 埋 個 辣 汁 真 係 一 流 ~ 其 實 今 次 都 係 為 0左 燒 大 蜆 所 以 再 0黎 ~

一行六人去咗個friend highly recommend嘅金泰食泰國嘢，去到看似多人，驚要等好耐，但唔夠10分鐘就有位，D位背脊貼背脊，坐得唔太舒服，影響用餐心情！叫咗唔夠10款嘅食物，唔掂多過掂，食物款式如下： 燒豬頸肉 - 脆就夠脆，但切得超細舊，失去了豬頸肉該有的爽度！ 炒通菜 - 夠野味，但幾細碟，大嗒D兩三嗒就無晒！ 海鮮炒河粉 - 個friend見到O晒嘴，out of expectation，海鮮少，河粉碎，細碟，唯一可取的係芥蘭莖，夠爽。 菠蘿炒飯 - 本以為會以半個菠蘿上碟，最終以細碟上枱，水準普通，無咩特別地方。 生蝦 - 本人唔食生嘢，班friend覺得ok，個汁唔錯。 蒜蓉包 - 個friend極力推薦，本人覺得賣相普通，食落唔似蒜蓉味，又無蒜蓉包該有的脆身，最失望！ 燒大蜆 - $48六隻，全晚最掂，真係超大隻，好爽甜，值得encore! 青檸梳打 - 好夠凍，最鍾意佢夠酸，開胃！食泰國嘢唔一定去依間lor！P.S.: 臨走時見到TVB藝人光顧，個friend high咗，睇明星可以成為飯後甜品！