金湖粉麵茶餐廳

营业中

休息中

當天,和媽媽剛好經過此店, 由於未食午餐, 媽媽又行動不便的關係, 便找個地方休息食飯, 從而做左一個令我後悔的決定.剛剛坐下, 便聽到店員姐姐和另一台客人講:"喂!你係咪吾要啦!?"(粗聲粗氣),原來, 那兩位女仕有個手抽忘記帶走. 此刻我本人是沒什麼感受,但媽媽見到時, 已覺得此店服務人員沒禮貌.談談食物吧, 媽媽叫了一碗牛雜麵, 我叫了一碗紫菜魚蛋米, 再加一支可樂.牛雜麵: 牛什不多,只有幾片, 有如硬肉一般(有吃過煲過湯的瘦肉嗎? 差不多是那樣吧) ,沒鮮味, 湯底好咸, 如果5星是滿分的話, 我會給1星.紫菜魚蛋米: 湯底咸味一般,就是味精味有點濃, 魚蛋一般, 魚片天殺的咸, 是咸魚做的吧? 米粉是脹的. 只能給2星.就在差不多吃完時, 我和媽媽在看單計算價錢, 由於老人家眼精模糊,思想都比較遲緩, 所以需要慢慢解釋給她知道. 就在此時, 店員姐姐就一個身位插在我和媽媽中間,吾知佢想做咩....正在我疑惑之際,姐姐大聲講我地吾識睇呀? 咁,咁,咁加埋就係啦......我無言了, 我沒有向她提問, 亦也不明白我和媽談話關她什麼事....只能作出一個反應, 對姐姐無視.(因為

剛食完。平時收工經過附近，不經意地聞到一陣熟悉而久違了的牛腩味，至今仍沒有在香港找到一間質與味並存的牛腩，今天決定一試。踏進店內，是舊裝修，看看餐牌，價格是預期的……" 貴"，在尖沙咀嘛！但期待的心尤在。看罷，當然是首先點了個 "牛腩麵"，再點上一個 "淨雲吞"，還有一杯凍奶茶。如此三款食物不合格，店舖可轉型，不配寫甚麼 "招牌"、"金牌" ……之類名不符實的字眼。當食物端上餐桌，期待的心打了折扣。奶茶茶色太深，奶與茶的比例明顯比茶餐廳調配的有一段距離，味道淡而冇茶香味，當然也沒有奶味，不過是預期的，但收【16】個大洋卻有點兒過份。跟隨著的是最期待的 "牛腩麵" 盛惠【32】個大洋。擺在眼前的東西，一點久違了的味道也聞不到。吃上去，麵實在太出色了，師傅竟然可以做出沒有鹼水及蛋味的麵，這也叫 "麵"，難道實在太高了，不禁要給師傅一 "下讚"。牛腩太淋，沒有牛味，心裡慨嘆 "中伏" 了。平時聞到的味是從哪裡來的？那麼品嚐那個 "淨雲吞" 吧！同樣盛惠 【32】個大洋。好濃的 "大地魚" 味，雲吞相對細粒，但不是重點。重點吃不出蝦味，連肉味也欠奉，一點肉汁也沒有，是怎麼做的呢？高手……埋單共

這一天，收到太太的任務指示而來到了尖沙咀，因為太太要上夜班的關係，晚飯就我一個人獨自解決了。在尖沙咀的海防道，有一間門面古舊的麵檔，多年來我對她的好奇心都非常之重。既然是日只我一人食飯，就冒險來試這一間《金湖粉麵茶餐廳》。門面帶點古味，內裡也是古古地的格局，這樣一看，好明顯就是一間很傳統的麵檔仔。不過，由於尖沙咀區，尤其是海防道，是遊客必到必經的地方之一，坐在麵檔一角的我，只聽到四面都是普通話。喜歡食牛肉的我，在任何的麵檔，我都會來一客牛腩麵，於是我繼續食我的雙併，我要的是牛腩雲吞麵。出來的麵，我可以用出乎我意料之外來形容。主要原因是湯底沒有腩汁，而且又見不出這個是清湯腩，更甚的，這一個所謂的牛腩，入口的 texture 非常之不同，細心地看一看牛肉，這好像是牛展肉吧，為何牛腩會變牛展....我完全唔明白??? 另雲吞沒有鮮味，絕對有希望越大，失望越大的感覺。配埋支可樂要多收10元，真貴。看透此店，覺得你都是服務遊客好了。

記得4, 5年前, 曾經係尖沙咀上班。初出茅廬, 先發覺呢度lunch冇50幾蚊, 根本唔駛落樓。正要捱貴飯之下, 往往港式麵食, 就真係比較抵。當時經媽媽介紹, 一食就愛上了這裡的牛什麵。5年後再黎, 一試, 味道依然。今次, 我叫了牛膀, 牛腸拼魚蛋河 + 芥蘭。一口湯底, 好鮮甜, 亦唔覺有味精,飲完湯都唔會口乾。牛腸, 有牛大腸同粉腸, 洗得好乾淨,冇騷味, 大腸啖啖牛脂美味, 粉腸。。(容許我萌一點)點解可以咁粉嫩ga(≧3≦)牛膀, 恰到好處, 夠腍, 魚蛋, 稍嫌口感有點'鞋', 但卻彈力十足, 鮮度一般xd麵底河粉, 係用幼條, 類似越式的河粉,好'索'湯汁, 正!!! 師父煮麵功力好, 河粉硬度適中, 亦唔會黏埋一舊。強烈建議就算唔食得辣的朋友,都落2,3滴辣椒油。。。放心, 絕對唔會好辣口, 一落, 香味層次即刻昇華, 惹味!!!這家辣椒油, 確真可畫龍點睛。油菜, 正常, 翠綠色澤, 蠔油, 比一般死鹹的蠔油好得多, 鮮味屬中等。總評分: 80/100(多年味道不變, 雖然升左價, 但值)回頭率: 80%

同朋友喺文化中心聽完音樂會，當時已經 10:00！諗住去番 <Deli and Wine> ，見到仲未 closed ！大家好開心衝咗入去！ 個職員話俾我哋知，準備 closed ！令我哋好失望！ 大家又唔想去開 24小時嘅 M 記食埋啲熱氣嘢！點好呢？我提議走到海防道，起碼呢度有不少餐廳！ 相信仲有啲餐廳仍然開緊！我哋兩個女人呢度影果度影，結果，10:30 先到達海防道，經過新港中心，我見到 <一風堂> 仍燈光火著！ 心想應該唔使等位！ 她說咁夜仲食拉麵？！......繼續行......經過街市行前些少，見到有間粉麵檔 <金湖粉麵茶餐廳>，二話不說就衝咗入去！求其啦！最緊要快啲醫飽肚後，搭車返屋企瞓覺！zzzzz...... 我嘅選擇：四寶米線 $25雖然話就話咁平 $25，四寶唔只係得四粒丸！共有六粒！份量比預期多！ 豬肉丸 & 墨丸尚算爽口彈牙！魚紮包住紅蘿蔔、西芹，不過不失！魚皮餃幾油！米線唔算腍！總算收貨！ 朋友嘅選擇：魚蛋米 $24魚片比坊間粉麵檔嘅魚片仲要薄一半！ 魚蛋唔彈牙，係腍身。至於，米粉只係普通貨色！呢度衛生一般

今曰下午同事話想食麵，見到呢間嘢好似oK咪入去，叫左個牛腩牛筋魚蛋河，真係唔好食都算，尖沙咀食飯貴都算，要$33蚊點之加枝細可樂要$10蚊，好加就加，貴唔緊要最慘係你落左單要麵唔可以改河粉，點解，因為寫單個阿姐惡到你唔信，落左單你改，咁煩架你，食麵就食啦，改來改去，仲想改呀，又要寫過煩死，講完轉身走。咁嘅態度都得，仲咁多遊客入去食，真係要比評語只有話佢食物差，服務差，老細差。差，差，差。

行完海港城....行出海防道, 見到有間魚旦粉麵, 有D肚餓,入去試下.望一望餐牌....價錢都幾平, 隨意點左個 牛腩魚旦河.好快就到, D牛腩個樣幾靚, 應該係比左D坑腩我, 魚旦非常彈牙, 河粉亦都OK.我好快食完, 因為見有好多客人, 遊客亦多.費事阻住人做生意, 埋單時個老板娘都好好人好好禮貌.如果我經開尖沙咀,一定會再去試下, 睇番其他人D食評,下次試下怪味雞先 , WAKAAKAKA

下午茶時間，同同事經過呢間野想食碗麵，行入去有d逼，同事無意講左句"好逼硤下喎",後面果位疑似老闆娘既阿姐都刻回應 "係逼硤架，食唔慣去半島四季啦", 或者你唔介意做少一單半單生意，但我就要俾你知道，你呢種趕客態度，絕對唔止做少一單生意，你咁對d客，唔駛錢我食左都背脊骨落呀! 想食碗麵都受氣既朋友即管去下

牛腩牛肚面 - 牛腩好un又無味，牛肚又無味又林牛根魚片河 - 牛根硬河粉硬魚片正常菜正常可樂最好食完好快好口hod食物好無誠意，但不少客人，遊客都多，影哀對香港食物impression

今日見天氣好熱, 唔想出街食lunch﹐ 聽朋友講話有間茶記有款叫怪味雞好似幾好食﹐於是係Openrice搵﹐所以打去叫外賣。聽電話個男人幾好禮貌﹐我問佢怪味雞係乜東東? 佢好細心咁答我﹐話係家鄉小菜﹐全香港得佢有得賣﹐佢講到咁好我當然要試啦﹐因為我有三個同事一齊叫﹐我順手問佢有乜推介。佢就介紹左佢地D牛腩比我﹐仲提我一定要同佢地講要牛坑腩，咁我又叫左黎試下。個男人仲好好人﹐問我幾多人食, 我答佢三個, 佢仲話我見我第一叫外賣﹐加大份D比我tim..哈哈。可能多人關係外賣就耐左少少但係可以接受。怪味雞辣辣地幾開胃﹐佢仲跟左包自制辣椒油黎﹐話覺得唔夠辣就落多少少仲開胃好食。講起D牛腩﹐的確係好野!! 軟硬o岩o岩好!! 又夠味!! 個腩汗用埋黎撈飯又係一絕!! 誠意推介! 可以一試!!

星期六 同友人機緣巧合下入o左間茶記....兩條友點o左 d 咩怪味雞, 牛坑腩....味道唔錯....怪味雞有小小辣...小小甜...我覺得唔錯....牛坑腩都不俗....但因為我冇講明要肥腩..所以大部份都係瘦o既...下次叫肥腩先.....埋單都係一百蚊左右....tst 差唔多啦....特別推介辣椒油.....可惜老闆唔賣....o黎食面一定要試........總體o黎講係一間可以一去再去o既茶記....

是日晚餐:- 牛什河本人一向都唔太食牛什,唔知乜事又叫了碗牛什河.都好淋,冇大難食呀,ok丫~不過係冇乜特別囉!如果貪方便都會再來店.

叫了碗---42蚊的牛三寶麵, 内有牛腩、牛肚、牛根, 本以為賣那麽貴,一定有些特別,誰知普通過普通,牛腩只是肥腩,無坑腩,爽腩等,牛肚牛根一般過一般,還有點過咸,分量也没特別多,味道亦無特別好,環境差裝修舊!!其實單拼麵只是22蚊,双拼也是27蚊,那為何無特別的三拼麵要賣42蚊,揾笨!!

我係老尖返工差不多十年了, 幾年前開始幫襯呢間食市, 開始既時候都幾好既, 一個早餐餐蛋通+熱奶茶十七蚊都算ok 啦, 食得兩個星期基本上班伙記都會記得你食開咩, 唔使你開口講佢都會up 出黎問你係咪食呢D. 我都有年幾兩年返工既日子朝朝係度食早餐架. 仲有一個原因就係有幾個同事唔使約都差唔多日日會自動係呢間餐廳出現, 開工前吹吹水食個早餐幾好架~ 點知呢兩年越做越衰, 加價就不在話下啦, 一個早餐依家已經加到廿幾蚊, 但係碗通粉既份量... 唉~ 我諗畀我三歲既女食都唔夠飽呀! 有一日我見到個客走入黎買外賣, 坐係收銀既我估係老闆娘, 唔知個客同佢講左D乜, 個老闆娘就好大聲咁話"我開左咁多年外賣都係要加一蚊既, 點會唔使呀? 加左一蚊我都要蝕畀你呀!" 跟住見個客好唔開心咁行左出門口... 都因為坐得好迫同埋一食完就好想你走既關係, 所以我都越來越少幫襯佢lu~我都未見過係遊客區開既食市咁寸同冇禮貌架!

我本身都有睇開openrice既, 有時睇下人地介紹呀, 批評呀....周圍搵好野食咁, 但一向都冇留言, 但係今次真係好mung呀, 決定即刻開個account留言呀!!!!!一search度呢間野, 見到先前有一位同我個case差唔多, 都打左個突.....我係o係尖沙咀番工既, 平時一係同同事出去食, 一係就帶飯, 極少會買外賣既...今日因為去睇醫生, 所以冇時間食飯又要趕番公司, 唯有番去途中買啦....我一去到, 門口勁窄, 見到有兩個伙計o係門口等拎野, 再後少少有個著花衫曲頭髮瘦瘦地既中年女士企o係度, 我咪同佢講: " 唔該一個魚片米拎走呀" 跟住佢話 "買野食唔係o係度叫架, 去前面櫃台買啦" (語氣唔係好架喇wor)咁ok啦, 雖則之前係有人擋住我先冇行入去, 咁我咪去前面叫lor, 俾完錢, o個個女人就拎左張單去俾門口整麵o個位師傅...跟住我突然醒起唔記得講加腩汁, 就即刻同個女人講:"唔好意思呀, 可唔可以加腩汁呀唔該" (我自問係一個有禮貌既人)跟住o個個女人講 " 加腩汁唔係同我講架, 係俾師傅知架, 同我講冇用架, 下次落單就要講, 知唔知呀