影片
朝早系上环揾食，要价钱较商宜，又可坐低食嘅，确实不是太多选择。而且早餐系一日之始，紧系要食多啲满足下心身灵先开工，但又无时间再揾餐厅，于是快快手入咗呢间茶记以价钱来讲，呢间茶记一定完胜，$31已经有齐面包、火腿、蛋、猪扒米线+饮品，真系楼下茶记都贵过佢，而家食过早餐闲闲地都$36-7猪扒米线都ok，猪扒唔算硬，都几味，但就唔觉有炸嘅口感炒蛋就麻麻，炒得过火老咗，都几鞋其他食物都算正正常常，无乜特别。最后饮埋杯咖啡，义足电，食饱返公司开工
继续阅读
话说早排自己一个食lunch，系上环咁耐都未入过呢间餐厅，就谂住试下啦。试过一次真系冇下次，啲野唔好食之余员工态度好差。我叫左个蒸鱼，蒸到劲鞋，一啲都唔好食，仲要劲多骨，食到我好辛苦呢。酸菜一啲味都冇又硬，真系食得唔多开心。最唔开心都系上菜果阵，我比咁大碟饭吓亲，即时叫staff话我扣返一半，跟住佢闹我唔一早讲，一路闹到返厨煮。我第一次黎，点知你碟饭咁大呢，就算系我迟左讲都唔系狂闹挂？自问都有礼貌咁请佢帮忙，真系好受气。
继续阅读
午餐：汤＝水 环境卫生no good 餐具污积未完全清 奶茶，饭算勉强合格整体来说，五粒星为最高，顶多只有一粒星未到两粒星之间，难怪开业咁耐，评语只有小猫一两只，真的可以不试！
继续阅读
因为依间茶餐厅喺正斜路嘅侧边,中午又热又晒又攰,好几次打消咗我去食嘢嘅谂法. 今日终于去到,同想像中一样,系旧式茶餐厅嘅格局.里面都好多人,有两层,但系第二层已经满咗.拣左张圆枱坐,当时只有两个人,喺等嘢食期间又坐咗两个人埋嚟,心知不妙.一个套餐包餐饮,汤,饭,𩠌系另一只碟,总共2碟2碗1杯,根本唔够位摆.好彩其中一个叫左蒸肉饼,要等15分钟,到时我已经饮完汤,总算释放左少少空间出来.叫咗个梅菜鲩鱼饭,本来只叫左中汤,侍应好老实咁同我讲包埋餐饮,多谢提醒.中汤完全无放汤渣系碗里面,估计系红萝卜瘦肉汤,有几粒南北杏.可能因为无放汤渣,令我觉得个汤虽然够味但都系师傅既功劳.有料就要show俾人睇吖嘛.梅菜蒸鲩鱼终于到喇,梅菜实在太少有点失望.鲩鱼系用鱼尾嘅部分,最近尾既位都滑,但大玫上都梅梅地.饭比条鱼迟6-7分钟先到,而且有啲削,可能系未煮够梗硬攞出来.最后饮埋杯奶多茶少既奶茶,食饱饱,赶返公司.
继续阅读