金源餐廳

营业中

休息中

服務員算有禮貌，見我地人多，叫我地坐圓枱，亦有街坊客好好未食完都讓左張大枱出嚟；不過落單時有個餐賣曬無同我地講，明明跟餐一杯野飲就變左無野食，但單點價點左杯野飲。💟三絲乾炒河雖然油左少少，但勁夠鑊氣，調味無太咸，意外地好味喎。💟炸蝦餅酸辣米線茶餐廳好少有泰式炸蝦餅做餸，個酸辣米線真係”酸”同”辣”混合only, 唔係咩雲南酸辣或者泰式酸辣，有啲攪笑，但味道係正常嘅。💟魚蛋河難得個樣放得咁靚，味道中規中舉。

正值午餐時間，店內差不多坐滿人。老人家無乜牙力，點咗個豆腐班腩飯比佢，我痴咗舊炸豆腐嚟食，一口咬落去，已經覺得舊豆腐唔新鮮，但未至於變酸，同埋唔知系因為雪櫃拎出嚟翻熱唔夠，定冷氣凍，豆腐上台時仲要系凍嘅，斑腩亦無味。如果叫返常餐，應該會好啲。無咁伏。我點左個燒味飯，燒鴨唔錯，肉質唔鞋有肉汁，燒腩仔都好味。2碟飯都系偏硬，從照片都睇得出嘅硬。待應一舉手即刻有反應，唔會詐聽唔到。間舖翻新過無幾耐，算污糟。

最近要到醫院探親人所以多日都去左富亨百份百，見有富善有茶記，就走過黎轉轉口味，試下呢度嘅「干炒牛河」。配料有韭黃，蔥，洋蔥，芽菜，同埋好少見牛河有的蛋花。調味不過不失，不過就有啲河粉炒燶左，搞到成碟都有鑊燶味，蛋花都變了啡啡地色，視覺上感覺不討好。相比之下，富亨百份百的炒河竟然比茶記仲好食啲。。。 另外叫左熱奶茶，正常水準。家人就叫左「涼瓜豉椒炒牛肉」，呢碟就無燶喇，試左一片涼瓜，味道ok，不過炒得未夠熟，有點硬。

這是位於富善村的茶餐廳, 歷史悠久, 食物水準一貫保持良好, 員工親切,  與街坊食客多有互動交談。1. 酸辣肥牛湯米線不能吃太辣, 要求小辣, 這碗湯米線的湯頭十足, 雖少落了辣椒仍不失酸辣之味, 讚! 碎肥牛不會太肥, 用來配湯粉食非常恰當, 配菜還有炆得腍甜旳白羅蔔, 芽菜及香葱芫茜等.2. 雪菜肉絲炆米大大碟, 肉絲粗切, 米粉份量十足, 口感也不差, 整體味道稍鹹.3. 時菜牛肉炒河牛肉非常軟腍, 白菜可以多加幾條更好, 醬汁極多所以能夠掛滿每條河粉, 食清光後仍可見有醬汁遺留, 似乎醬汁是多了一點, 不太健康. 

食開金源其他送，不嬲都正正常常但今日突然差左好多晚餐叫左個咖哩牛腩飯（$65）外賣一打開已經呆左，得紅油完全咖係咖哩應有既口感同色水而且全部都係油，點食呀無下次差左好多

富善的餐廳唔算特別多，而尼間茶記聽講開左好耐，都算係老字號。我就求其咁嗌左個早餐沙嗲牛肉味濃偏咸，唔夠汁，感覺同公仔麵有點分離。炒蛋唔夠香，腸仔，牛油餐包，整體尚算可以。價錢少貴，但味道尚可，不過不失。

平時買金源外賣，最常食下午茶嘅吉列豬排沙律。吉列豬排都幾大塊，炸得脆口，味道唔錯。沙律有雜果，薯仔，蘋果，仲配好多沙律醬，配吉列豬排可以解膩。下午茶餐配一杯熱飲，要咗杯熱奶茶，味道都ok。整體黎講，豬排沙律係性價比高嘅下午茶餐。

午市時間，茶餐廳多選擇，燒味好似唔錯，就叫個碟頭飯試吓啦😋🥢雙拼飯餐叉燒拼燒鴨 $55燒鴨拼燒腩仔 $55餐飲熱阿華田，正常熱奶茶，唔夠滑📝燒腩仔，皮脆👍 叉燒比較瘦及硬❌燒鴨肉嫩，但偏瘦👌整體🈴

時間 0920Wifi 沒有洗手間 商場共用餐類 早餐B食物沙嗲牛肉麵腸仔旦餐包熱奶茶 少奶食評1 面是整個富善商場做得最好的一間，但牛肉太硬總評熱量太高，少吃為妙洗手間 有待改善

今日經過富善，久違地試一試呢間咁多年嚟依然屹立不倒嘅茶餐廳😙🔺酸辣豬頸肉米線豬頸肉味道就普普通通，不過好淋，一啲都唔韌，而且有豬頸肉嗰種特別嘅爽口！ 我數過，夾埋有大約6-7塊豬頸肉，都算多，可以每一啖米線都同肉一齊食！湯底比較重口味，略酸+略鹹，食完會好口渴。個人喜歡清淡少少，所以就麻麻地啦。酸菜、蔥花、芽菜份量適中。可能因為我叫外賣，米線略淋，堂食嘅口感應該會好好多。😞咁因為呢間餐廳唔係主打米線嘅，所以下次應該會試吓叫其他嘢食！

金源麵包，如果唔係多番意外，走錯咗路，又趕着時間，應該很難會光顧得到。因它在富善的邊皮位置，不會專程走過來買麵包的。不過其實以前青衣都曾經有過金源餐廳，不知現在執粒沒有，不過青衣的金源就沒有麵包。點了一個腸仔包以及一個餐蛋包，餐蛋包的外皮比較厚身，但是餐肉以及蛋都比較鮮嫩，不像街邊麵包舖的那麼乾和硬身，味道相當不錯。可能就是要在這種現烤麵包店，才能找到這款質地林軟，我中間的餡料不會硬化的麵包；另外的腸仔包，亦都比較鬆軟，可能亦都因為是早上才焗製的原因。除此之外，這兒的價格亦都很廉宜，兩個麵包合共才$13 ，你看看大埔中心附近的大班麵包，一個肉鬆包都要$10.5了。

琴日去金源諗住買半打蛋撻食，岩岩好呢一爐淨番半打又岩岩好輪到我，我一早同收銀講左我要半打，佢上秒都同我講話岩岩好有半打可以比我，下秒就話要比排我後面個阿伯，叫我等下一爐蛋撻，原因系佢系街坊成日幫襯。乜而家街坊就吾洗排隊？？？咁既服務都得？？？如果系咁你以後就棟個牌寫住「街坊優先，不用排隊」算啦。建議附近街坊多多幫襯，但其他外來人或者少幫襯開，人地認吾出你既人，就考慮下幫吾幫襯喇，隨時你排成個鐘隊，佢一句人地街坊黎就叫你再等多陣🤣🤣

雖然第一次寫食評, 但已是這餐廳的常客, 我每逢假日都會在這餐廳品嘗下午荼, 價錢尚算便宜, 之前常吃乾抄牛河或雞翼薯條, 但自從試過葡式焗雞扒飯後就愛上了, 本人對葡汁本身不太喜歡, 但覺得它的味道不錯, 而且是整叫整焗的, 當它放在面前還有氣泡, 雞扒面上還有少少芝士, 還會拉絲, 口感一流, 尤其有次熰得燶燶地, 雞扒皮脆脆地, 好正!! 可能說得有點誇張, 但以言價錢來說, 紹對超值, 性價比高!!!

今日放假得閒便去了這間餐廳試試，從觀塘過去有d遠。吃了咖哩牛腩飯，咖哩辣味適中，又幾香，牛腩可以再唸d，不夠軟熟，雖然夠入味，肥瘦均勻適中。還叫了一杯紅豆冰，幾好味的紅豆冰，甜度和奶味都適中，很喜歡💕整體來說都ok唔錯，價錢不算貴。

間餐廳開左好多年 經常放假都走去食早餐叫左個黑椒雞扒餐 跟茄汁豆 俄羅斯通粉 同牛油餐包同一杯野飲黑椒雞扒都幾大塊 個汁其實係蒜蓉黑椒汁👍🏼俄羅斯通粉 即係羅宋湯螺絲粉 好多菜 紅蘿蔔 同薯仔重點係杯茶走 茶味好濃😋