金源餐廳

营业中

休息中

小弟細個已經住係大埔，之後移民左去美國，幾年前回流，因為美國無咩好野食，所以回流返到尼就成日搵茶記食，大埔墟呢間金源雖然鋪細細，早幾日行過食過一次後就返唔到轉頭，佢個沙爹牛沙爹味濃，牛夠滑，真心好食個人認為，服務態度暫時覺得都幾好，幾有禮貌，檸茶茶味濃，本人比較懶出街，所以多數係大埔搵食，暫時未出去食過其他出名既沙爹牛，但大埔尼講，呢一間暫時絕對係性價比最高一個，牛餐連奄列多士加野飲，49個大洋，我覺得都算係咁，請keep住水準😋

搬咗過嚟呢頭附近之後已經翻啅咗好幾次老闆員工有人情味平民價錢，良心茶記最緊要d 野好食！試過呢度嘅肉醬飯之後真係搵唔到更好食的肉醬飯下午茶食就平d $45仲跟熱飲個飯比起其他時間單叫嘅話細少少不過食完都夠飽今日想飲紅豆冰（+$8) 飲落第一啖有驚喜唔會太甜夠椰奶！超多紅豆！！比起一般茶記好飲！！一定會encore肉醬飯就一如既往勁好味係得呢間茶記先會咁有良心加咁多芝士焗，又多肉醬食到最後一啖飯都仲有肉醬！！會繼續做常客支持支持

富善商場食店種類同數量不少，金源一直係比較受街坊歡迎，或者係呢份自信，佢地既廚房同水吧一向都行性格路線。今日同父親去到金源，打算點個斑腩給老人家食，隔一會侍應說材料係有的，但廚房唔夠人，所以唔煮班腩，建議我地轉燒味飯，真是無言。最後我地點了１個酸辣金邊粉及燒味，這樣就不經廚部。燒味飯選了燒肉燒鵝，燒肉和燒鵝都幾好，外皮酥脆，肉質肥瘦適中。酸辣金邊粉配既豬排，炸得過老，有點硬，湯底夠味，件白羅蔔好甜無根，金邊粉份量夠。

食個午餐依家閒閒哋都$50～$60以上，喺大埔嘅茶餐廳就有更加抵食嘅選擇啦。一般茶餐廳茶餐常餐，牛油多士配奄列再加個雪菜肉絲米粉，仲有嘢飲可以選擇， $50都唔使。多士仲幫你塗埋牛油，米粉大大份食完一定飽哂。如果食普通午餐都有超多選擇，仲會奉送例湯冇味精，好多茶餐廳例湯都會有好重味精嘅，但呢間就冇㗎。叫咗個咖喱牛腩飯，牛腩超多超入味，價錢唔貴所以所以性價比超高。午餐都包埋冷熱飲品。如果大家經過附近，都可以試吓。

早上外出辦事，順路去了這一間茶餐廳🍞☕️！點了早餐套餐，裡面有蛋撻、菠蘿包配厚切牛油，還有一杯熱奶茶。整體來說，這家茶餐廳的早餐還不錯👍首先，蛋撻外皮酥脆，裡面餡料濃郁。菠蘿包配厚切牛油，口感超好！牛油味道十足，麵包還帶著一點點甜味，外皮烤得非常酥、非常熱，與一大塊鹹香的牛油完美配搭。最後，喝一杯熱騰騰的奶茶，經典的香港早餐就完成了！😋整體來說，這家茶餐廳的早餐套餐很物有所值，品質也不錯。👌

【大埔區】【金源餐廳】見到呢個名大埔友可能即刻諗起富善邨嗰間，不過我想講嘅係寶鄉街呢間，講起富善邨嗰間，其實我都寫過，仲食咗一個常餐加一個下午茶餐，認真刺激。不過金源其實唔止呢兩間，紅磡都有間燒味茶餐廳叫金源，味道仲相當唔錯。我喺開呢個 IG 嘅初期已經出過兩個 post 講佢，有冇人睇過先。不過嗰時啲 post 做得求其好多，仲係摸索緊自己應該點樣寫嘢嘅一啲「練習性文字」。我唔係話而家自己就寫得好好，但係就算係搵到個寫嘢嘅 style，可以恒常咁做而我又唔會寫到悶。雖然，我都知有啲朋友已經睇厭。唔理啦，我都照去，點知當時遇著六點堂食限聚令，佢哋已經 last order 咗，搞到我食唔到。咁我當然冇放棄到，有機會就再去，雖然其實都係喺六點堂食限聚令嘅時候，但係今次我特登早咗啲去，終於可以試到呢間嘢喇。唔係好揀到嘢食之下叫咗個「精選特餐」，有「西班牙奄列」配「炸雞中翼」，前者其實係包蕃茄、洋葱、煙肉等嘅奄烈，味道唔差啦，後者就普普通通，正常炸雞翼兩隻咁。佢 menu 寫話仲有芝士腸，但係又唔覺嘅。原來個「芝士腸」係落埋落碗「通粉」度，咁都令到碗通粉冇咁 dry 嘅，好過所有嘢都分開上吖

放假下晝兩點鐘過嚟，都要排一陣隊先入座，果然好旺場。坐低後叫咗個咖哩牛筋腩飯，配熱奶茶，送例湯。牛腩飯叫咗少飯，但牛腩都俾咗好多，兩個人食都得😂，簡單好味。例湯係番茄薯仔豬骨湯夠足料，唔會有味精味，奶茶就奶多啲，夠滑。餐廳姐姐態度都好親切，會問洗唔洗俾碗仔你share食，又會幫手收走啲食完嘅嘢，等檯面鬆動啲，食嘢食得方便啲、舒服啲。成餐lunch好味，份量夠足夠飽，加上價錢又唔貴，唔怪得咁多捧場客👍

細個好中意哈迪斯牛仔飯，而不經不覺都消失咗好多年，今日個飯令自己既回憶返咗黎。見好多大埔人推金源既沙嗲牛+窩蛋飯，男人叫咗沙嗲米線，偷食完覺得還好，因為米線偏淋。但窩蛋牛有驚喜！窩蛋免牛飯：白飯係爽身泰國米，免牛汁好多碎牛，帶濃濃既月桂番茄味，酸酸甜甜，撈埋蛋汁，其實真心正，簡簡單單汁撈飯已經好好味奶茶香滑唔苦澀，唔錯。50蚊左右有飯有奶茶+湯，其實幾抵食。Btw店員幾親切有善，假日都多大埔人食。

有時經過大埔呢邊，見到富善間金源好多人排，就諗住試試佢，雖然係一般茶餐廳，但係食落發現比一般茶餐廳高質，最鍾意食佢個雙蔥牛肉飯，爆得好香、勁開胃，之後時不時都同屋企人黎食，水準穩定得嚟又高質。40-50蚊嘅lunch絕對抵食！

廣福道揀茶記食一定係揀金源💛不過要留意既係佢地係6點後只做外賣～而今日做完運動再食個下午茶就岩岩好！佢有好多粉麵比你揀，不過最後我都叫左個奶油豬、炸髀配薯條加杯熱朱古力奶油豬係我不嬲都鍾意食既野，夠脆又唔係甜到漏個種炸髀都夠熱夠脆，不過食幾啖就食完lu薯條就係大家諗個啲茶記薯條咁，唔襯熱食佢係會比較快淋左正常發揮啦，可以瘋狂點茄汁hahaha熱朱古力就真係朱古力，唔太甜最憎個啲華田扮朱古力既飲品

晏就一點幾去到食，都幾多人食。等左5mins就可以入去食，都算快。跟著叫左兩個午餐，餐牌冇寫有例湯。落左單之後，問我地飲唔飲湯，跟著比左湯我地，個湯好好飲。啲野食都幾大份，好食😋。

大埔地膽帶路，嚟到呢間位於寶鄉橋旁邊嘅茶餐廳，附近周圍都係巴士小巴站，地點十分方便。一入門口，老闆娘同員工熱情招待，友人話呢啲就係大埔嘅人情味。早餐時段未過，叫咗個沙嗲牛肉米粉、煎雙蛋，牛油厚多士同熱奶茶少甜。啱啱消毒完雙手，口罩都未除，就已經勁快上餐！30幾蚊一個早餐，份量都唔少，我同朋友都當lunch 食。沙嗲汁味道濃郁，牛肉嫩滑（唔會比生粉醃過龍），牛油厚多士竟然連皮上，個人其實好鍾意麵包皮嘅香味 奶茶茶味香濃，夠滑。嚟開大埔，想要快靚正嘅茶餐推介佢哋而家堂食都只係做到六點，所以唔使登記資料，食得開心又安心！

個日早起身，要搵間早開又係巴士站附近既餐廳，係寶鄉橋落車後，就入去試下呢間。之前試過旁邊另一間，但員工服務態度非常失望，有得揀就一定唔會去個間。入到去，員工好nice，又唔會企係旁邊迫你快D落單，坐位舒服度及枱面清潔度一般，開頭都幾焗吓，不過佢地好細心，個日落緊雨，佢見我抹晒汗即刻開埋頭頂部冷氣。食物到咗，唔駛加錢有多士，牛肉都好味，碗通粉都夠熱，杯奶茶就一般，我覺得啱夠茶香，又唔夠滑。 食到差路多時間，就係店門外等巴士。佢賣點係夠近，又早開，見網寫佢開6點，下次如果都要早起，又要係個邊搭車，一定會再黎。

去開呢邊洗車就喺附近食埋早餐啦，入到餐廳要搽檯，剛剛點完食物卡位有人走，姐姐即刻問我哋轉唔唔轉檯，梗係轉啦 👍👍🥰叫咗 2 份一樣嘅早餐， 食物好快上檯，餐肉濃湯通粉果然夠濃，我差唔多飲晒啲湯 🙈🙈粟米炒蛋無乜特別，多士夠新鮮，所以我食完先記得影相 🤣🤣🤣🤭奶茶奶比較多，茶味唔夠香濃，如果當支持同路小店可以再幫襯。 💗💗💝

又有天，沒有甚麼活動，又有些東西要外出買，下午茶時段又去找一家未去過的餐廳試試，這餐廳位於路口位，試過晚餐時段在路口聞到鑊氣甚強。友人那個喇沙湯米，雞絲的肉質不錯，也不覺是太鞋身的雞肉，還黏著皮的，不錯；湯底味道香濃，輕微辣的。炸雞脾沙律，雞脾偏乾，不算特別大隻，但剛炸來的炸雞脾，還是肉汁不多，中間偏乾的肉，吃落都感覺不太好吃。沙律份量雖然不少，但是還有些冰粒，相信是弄好大大份沙律，然後雪起來，有客人點餐就盛到碟子，以致冰粒都未融。。。熱飲，駌鴦走，啡味不酸，但是不太突出，以奶茶為主，茶味未見濃厚大埔茶餐廳來說，座位乾淨，都算闊落，食物種類多，但質素似乎較為普通中庸。