金牌牛什

营业中

休息中

今日早餐食太飽決定串燒同個粉同朋友仔share食。我叫左個中辣酸辣粉上面配d花生送d菜仔用薯粉煮架，夠咬口啦。手撕魷魚食，雞腎 ，牛脷 ，豬頸肉，自製雞牛豬海鮮套餐豬仔骨大大隻隻配埋香料的味道吊出個味，咬落啖啖肉多春魚烤得靚靚仔仔穿住燒完都唔爛諗起每次bbq自己燒出黎的慘不忍睹，我酸了。值得一讚既係叔叔對食物既執著，絕對唔會因為燒烤既時間長求其烤比你，大家都知茄子要烤好耐嫁啦，我同叔叔講烤少兩分鐘唔都熟都得架因為要趕車，佢都話咁既串燒會唔好食，竟然你咁講,我等！烤出黎落料大方又蒜又蔥覆蓋曬成條茄子，夾上黎係一絲絲既茄子，風味十足，配飯一流，重點係咩夠大條呀嘛～烤完一條都佔左成個盒，有d好奇當客仔叫十幾條烤茄子會唔會成十幾個盒一起拿走，諗落都壯觀，最好係大鍋飯煮好然後一人一條茄子咁就$30就搞掂一餐啦～抵呀。不過下次試牛雜先

回歸港式小食紅磡金牌牛什就在家維邨後面，早上買串燒賣當早餐， 行過路過買串魚蛋，肚餓吃碗車仔麵，或者加多兩串串燒 ，位置方便，價位和味道也是 平民大眾便宜價錢 。三餸車仔麵餸料各有所好， 選擇有甚豐當然有店家明物牛什牛筋牛腩，魷魚，各種丸類墨魚丸魚蛋牛丸，也有魚皮餃通菜生菜等。 牛筋炆得入味， 咬落骨膠原滿滿的 。 蘿蔔炆得夠淋夠入味， 一體色水就知道 。 韭菜分量多 墨魚丸夠彈牙🍡，最重要是 湯底可以任君選擇， 豬骨湯配牛腩汁配咖哩汁也可以。生菜魚肉湯食小食梗係要食碗生菜魚肉吧，魚肉 煙韌有口感， 份量也多， 最重要是全店不落味精 ，不會感覺味精重重的😍雞中翼全翼串燒30蚊3串即叫即燒，外皮香口，內裡勁juicy，感覺紮實自然, 孜然粉 為雞翼加上惹味的味道，但這種辣又不會嗆喉，過癮！桌上的辣椒油也要試下，辣勁直逼 喉嚨 ，配車仔麵吃勁一流。

After we have finished running errands at Hung Hom, we planned to have lunch first before heading back home. We walked past this humble stall and was attracted by their pricing. 金牌牛什 was located at Wuhu Street, Hung Hom.After we have entered the stall, the staff asked us to fill up the form and dropped it into the box, for health tracing purposes. Despite being a small humble stall, their menu was comprehensive, offering cart noodles, street snacks, skewers and drinks etc. As we were thirsty, we

晏晝二點左右來到餐廳，餐廳坐位唔算多，設有外賣區，感覺外賣都超方便。見到佢地嘅招牌菜係牛什，所以都叫左幾款牛什小食試下: 牛筋、牛腩牛、牛筋丸、生菜和豆卜牛什很入味，由其係牛筋非常軟腍，牛筋丸彈牙，生菜和豆卜連埋肉汁一齊食都唔錯。串燒：雞中翼、煙鴨胸、羊架 和 秋刀魚串燒好食😋，全部都超惹味，巿面嘅串燒店一般得個辣字，但呢間餐廳會先問顧客食唔食辣，如果唔食辣，係燒烤嘅過程就不落辣醃料，但如果可以食到勁辣嘅朋友們都唔會失望，可以自助加辣醬，所以食唔食得辣嘅朋友都一樣啱口味。特別喜歡佢地嘅燒羊架，多肉無任何臊味，燒得外面香脆，內層仍然肉嫩。飲品：菊花茶和咸柑桔

金牌牛什紅磡出左名多串燒小店， 夜晚晚想食少少肉去紅磡就最岩㗎啦！而且佢哋嘅選擇都幾多啱晒我有選擇恐懼症嘅人雞腎一串有6 大舊， 又爽又脆！牛肉串燒必叫嘅野， 燒得岩岩好， 唔會太老，有牛肉味墨魚咀好有驚喜， 好入味，食落口卜卜脆好好味😋墨魚丸一串有5件， 夠哂飽肚，爽口又好味雞軟骨又係另一樣串燒必叫嘅名物，卜卜脆同調味超夾整體都幾吸引同埋價錢都幾守衛而家仲做緊優惠買滿10串仲會送嘢飲添真係紅磡又多一個串燒嘅好選擇

花心既人最岩食咩～緊係車仔麵啦😬想食幾多餸都得～而且樣樣幾蚊幾蚊唔會肉赤😎因為返屋企都要d時間～點左撈麵😎有羅白、牛筋、雞翼、生菜羅白好清甜炆到好淋～滷水雞翼好入味、牛筋就互香味好重呢度仲有埋串燒～即叫即燒🤩點左得最愛既雞全翼～～一定要成隻拎住食先最正好香孜然粉味仲點左雞軟骨同埋豬頸肉～～樣樣都好新鮮惹味呢度既然叫得金牌牛什個炆牛既汁一定係鎮店之寶不過我唔食牛什就一於點個牛腩飯食下勁多牛腩好慷慨～炆到好入味仲配埋生菜吸左牛腩d汁個飯底又超多係滿足感啊😎

紅磡出名串燒既美味佳經常都有入排隊，但想食起串燒上黎又真係唔想等，就去咗附近既金牌牛什，呢間除咗牛什，車仔麵仲有串燒食！環境就真係一般，坐坐下見到有隻好細隻既昆蟲係牆上爬，對環境乾淨好有要求既就未必適合喇。不過串燒總括都幾平，每十串就有免費汽水一罐，其實食串燒想飲啤酒，可惜冇酒提供，就唯有飲汽水喇。串燒燒得相當惹味，襯熱食真係好滋味，又邪惡又好食。 本身對焗蠔冇好大期望，點知好鮮味，燒得好Juicy! 燒豬腩片都好好食，燒到脆卜卜，可惜食晒啲串燒已經太飽，冇encore到。我覺得呢到食串燒，唔好一次過嗌太多，食咗啲再嗌，咁啲串燒就keep住熱辣辣，我地黎到好肚餓，一次過嗌好多，食到後尾有啲凍咗就冇咁enjoy 但overall呢間抵食！

神奇的碗仔翅你望上去 又淡又稀個情度你以為係清水但你一筆上手 一舊舊杰到好似水球咁食咗半碗頂唔順要放棄真係從未食過咁難食嘅碗仔翅佢到底可以點樣煮到咁難食嘅碗仔翅呢？

牛筋腩撈麵🍜$22平時魚蛋撈麵就食得多😂牛腩牛筋撈麵都係第一次🙈而且份量仲要唔少👍牛筋夠入味亦夠爽口😎牛腩亦都夠哂腍😉麵就係營多😂單餸$19，三餸都係$30😌好抵食🤩金牌牛什 (紅磡)紅磡蕪湖街 58 號金達閣地下 6 號舖

2am 附近除左串燒都無咩嘢食, 諗住買個車仔麵返屋企, 蘿蔔牛丸冬菇米粉, 返到屋企滿心歡喜打開, 「X...🤢」忍唔住講咗句粗口, 咩玩法嚟㗎？撈麵？？定係車仔麵兜亂呀？？蘿蔔多根到...點解個麵唔夠熱嘅...湯呢？我返屋企都唔使 3 分鐘, 唔係索哂呀嘛...我錯喇😢家福收左, 咪行去美味佳囉, 再唔係去 7 仔買個杯麵都得㗎, 點解要貪近去呢度😵連小辣個味道都好奇怪, 唔知係咪因為無湯嘅關係...下次肚餓食杯麵, 起碼有湯又夠熱🥺

同朋友考完試，精力耗盡，梗係要食個宵夜啦！環境比較窄同焗促。不過勝在唔使等位，又自助形式攞飲品，好隨意。落單紙上寫住要咩，就有專人拎比你，冇漏單，而且上菜速度快等咗大概10分鐘，即叫即燒，又夠熱辣辣必食推介:燒雞全翼，韭菜，豬頸肉，鴨胸，土豆，粟米香脆可口金菇都好食，不過難咀嚼。丸就麻麻，娃娃菜比較燶，雞軟骨就細粒左少少三個人每人食咗大概$60，經濟實惠。而且款式種類繁多，任君選擇，仲有麵，牛什，鯪魚肉⋯

好鐘意夜晚黎紅磡食串燒老闆超俾心機燒，野食扺食又夠地道，呢到比起出名既美味佳少啲人又唔駛等位。黎到呢度，唔食茄子既我都會叫燒到又香又林既燒茄子肥美既肥腸蜜糖色既脆皮雞翼微微金黃色既芝心丸要加辣再加辣就特別惹味每次黎都會叫十串以上，可以送汽水可以食住好野，hea住同朋友吹水，what a nice holiday

每次去poly搵朋友都一定要食串燒 但另一間串燒次次都大排長龍 朋友竟然話有間叫金牌牛什既串燒仲正！仲唔洗等位添～ 我第一時間既反應係：下？唔係食牛什架咩點解會係串燒好食😂 但啲串燒真係幾正！. 今次嗌咗成廿串 乜都有食下咁 嗌得太多啦 只係講幾款我記得既🌟燒牛脷！一定要食 佢地啲牛脷好厚 唔係薄個種入口個下好正好重牛味好有口感 燒得唔乾 好正！鐘意食牛脷既會明我講乜！😍🌟金菇！其實好簡單都係燒完加啲孜然粉乜乜乜但份量勝在夠多好大串 唔似其他地方得個少少 落調味粉唔會太重手 仲食到金菇既味😋🌟韮菜！份量好多 唔會燒到乾曬 又唔會太油！不錯～🌟花枝丸！好味彈牙～🌟雞翼，司華力腸個啲大路野都唔錯🌟唯一係腩肉太肥。。。真係成舊都係油 幾乎冇肉食🤦🏻‍♀️.唔洗排隊已經好好 只係啲串燒一次過出啲野好快凍 食唔切.. 總共食咗二百蚊到～飽到嘔😂😂

呢間串燒小店係我每次到黃埔必食之選，雖然黃埔真係好多野食，但都要留番個肚少少位去呢間小店食串燒。小店桌椅不多，只有兩位工作，串燒需要等一段時間。第一次去食係夜晚，因為某串燒店太多人而意外地尼左呢度食，發現好好味之後就多左來食，之後係日頭尼，都唔洗等位，店內有冷氣，夏天時候都幾涼爽~價錢平民化，而且款式好多，串燒略嫌調味料太多，如果少番D就好啦~試過好多丸、多春魚、雞翼、翠肉瓜、海鮮等等，全部都好食，燒得夠，唔會淋patpat，而且好惹味~海鮮都唔算貴，都用好多配料去燒，所以好夠味~不過呢間店其實明明最出名應該係牛什，所以就叫左碗，本人唔食牛什，而同行朋友就讚非常好味，好味過平時街頭賣個D~睇尼除左串燒都要叫下牛什試下先得~另外仲有酸辣麵都好似唔錯，不過就冇叫到~下次去再試啦一開始以為食串燒係唔會飽，又唔平，點知呢間店唔算貴，而最後食到好飽都係每人100蚊都唔洗

夜晚食宵夜最愛係食串燒，紅磡呢邊都有好多串燒店，今晚來左金牌牛雜度食。我地九點幾去到，仲係比較早，得我地一檯客，所以等左10幾20分鐘d野就來到。食串燒必叫嘅雞翼，呢度有普通雞翼同雞全翼；都係一樣價錢，$21/3隻。每一隻都燒得幾好，夠熟但又唔會太燶。不過佢落香料粉就唔係幾均勻，有d會好多，有d幾乎無。燒雜菇好好食，用蒜蓉同蔥調味，用錫紙包住燒，好香好入味！！另一推介係燒菠蘿！唔係好多串燒店有菠蘿，d菠蘿連住塊菠蘿皮一齊上，應該唔係罐頭菠蘿，但都幾甜！！最後發現佢來少左幾樣野，不過我地已經飽，所以就決定吾等埋淨抵個d，賣單走人。整體來講，呢間嘅串燒價錢同紅磡其他店差唔多，出菜時間比起其他店算快，味道醃得幾好，不過佢燒個時落嘅香料粉就好濃味，我唔係太鐘意，而且食完會超口渴！