金玉滿堂

营业中

休息中

真係食到嬲….芒果酸，然後紫米露唔知撈左咩汁有怪味 我同朋友基本上成碗糖水冇掂過完全食唔到落肚知道經濟差但都唔可以坐地起價但又搞啲咁嘅貨色比啲客食 希望餐廳睇到改善下

諗住外賣糖水，星期六晚上9時去到冇乜客，得1個客，都覺得都有啲伏，但大圍冇乜糖水舖又落雨費事周圍行，見佢寫住外賣$48買一送一，就試吓啦！叫左黑糖地瓜圓同芝蔴糊，黑糖地瓜圓一打開見到得個幾粒，同埋地瓜圓應該係現成買返嚟，一d唔新鮮，糖水又淡又稀，而芝麻糊就好d, 食物質素👎🏻,冇下次！

冇心水嘅情況下，行行吓黎到金玉滿堂，見到做緊外賣買一送一，就決定試吓👀🔸味道🔸薑汁小丸子 x 黑糖湯圓外賣拎到返屋企有十分鐘路程，食用的時候仲係熱嘅。兩碗糖水都甜而不漏，特別係薑汁，甜得來唔會蓋過薑味。小丸子和湯圓均有咬口，很煙靭。🔸服務，價錢🔸原價$48/碗，做緊買一送一。如果唔係特價，就未必幫襯了。要表揚店舖所用的匙羹比一般外賣餐具嘅大隻和深，啱晒用嚟食有料嘅糖水🥄不過，走膠措施實施在即，希望店舖保持這份細心，應用在其他細節位。🔸總結🔸幫襯之前從來未睇過呢間嘅食評，亦係第一次幫襯。咁啱為咗打呢篇食評就上嚟睇睇，發現近年嘅食評都係負皮，大概關於服務態度，味道和份量🫣以我今次嘅經驗，對於店員嘅服務態度，份量和味道都好滿意，係價錢方面貴咗啲。似乎店舖真係有聆聽OpenRice用户嘅反映？繼續努力👍🏻

第一次食咁難食既芒果小丸子嘅冰！完全無新鮮芒果味！佢用維他芒果汁！其實好過份囉！68$食芒果汁刨冰！以後唔會幫襯，嬲到特登註冊個Account！標題：不值得的維他芒果甜品一款以維他芒果汁為主要成分的芒果甜品，但對於這個價錢，我感到相當失望。這款芒果甜品的口感和味道都無法與新鮮芒果相提並論。首先，讓我談談這款甜品的口感。它的質地過於濃稠，幾乎像是一杯冰沙而不是甜品。即使搭配著芒果粒，整體口感仍然缺乏新鮮芒果的清爽和果肉的嚼勁。這種濃稠的質地讓我感到有些膩口，而非讓我享受到芒果的天然風味。接下來是味道方面的問題。儘管使用了維他芒果汁，但這款甜品的芒果味並不突出。相比之下，它更像是一種人工味道的合成物，缺乏真正的芒果香氣和天然的甜度。我期望能夠品嚐到芒果的鮮甜和果香，但這款甜品讓我感到失望。最後，就價值來說，這款甜品的價格實在是不值得。考慮到它所使用的主要材料是維他芒果汁，而非新鮮的芒果，我無法理解為什麼它要定價如此高昂。相比之下，用新鮮芒果製作的甜品更能帶來真實的芒果風味和口感，而且往往價格更為合理。總的來說，這款以維他芒果汁製作的芒果甜品讓我失望不已。它的口感過於濃稠，味道也偏向人工，並

今日買咗兩碗外賣糖水，分別：一碗涼粉西米露同埋一碗涼粉紫米地瓜圓，直程離晒譜啊！ 返到屋企，本身好開心諗住有糖水食，一打開個膠袋，見到兩碗嘢，只係各自有三份一碗嘅份量，覺得真係好誇張，直程少到過份。食物嘅質素又係麻麻哋，西米同涼粉又係好少，地瓜圓都係得嗰幾粒， 係咪堂食同外賣係有分別呢？ 超級離譜啊，唔會再幫襯啊，其實呢間嘢係咪想執笠呢？ 點解啲質素差到咁樣嘅？ 其實有冇諗過改善返自己啲食物質素同埋啲份量呢？

不嬲都唔寫食評 搬咗嚟大圍冇耐搵著間咁嘅糖水舖 叫咗椰汁椰果涼粉芋圓外賣 －共四兜盛惠$120 入面冇椰果 椰汁甜到不得了 涼粉碎濕濕得幾條 得芋圓係正常 拜拜冇下次👋🏼👋🏼 比負評佢要再講埋佢兜野細到－個點 搵笨😪👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼已經冇興趣試佢其他嘢 唯有再發掘下邊度有正糖水或者甜品

好耐之前食過佢地既拿破崙，好好食。今之再去，試左其他甜品，老實講，差左好多。用料同做法都無之前咁有心。今次試左宇治同芒果冰，味道同普通甜品店差唔多，無驚喜，宇治冰個擺碟連「不」個雪糕都唔得，差少少成個雪糕碌走， 其他配料都係成日食個種，芒果冰入面仲有小丸仔甚至仲係硬既，配料又少，有少少令人失望。環境方面，可能多左後生學生黎光顧，多左人，鋪頭就更加逼，連行入去都有困難。不過服務都ok 既，落單等都好快手。

本身諗住食完飯食啲甜品，見呢間野個餐牌都算係幾多選擇就入咗黎。本身入面唔多位，而且啲位都幾窄，肥少少都坐唔到入去。落單之後好快野食黎到，但waiter講錯咗名搞到有少少混亂，而且黎到同餐牌張相差太遠，完全唔同樣，根本認唔出係邊款。野食方面，個糖水勁稀，稀到好似水咁，榴槤黃到人工色素咁色，完全唔似天然榴槤，pat芋泥散開晒根本唔係泥咁嘅texture，食落口都冇嗰個質感，總而言之非常難食，從未食過咁差嘅甜品，不可一不可再，千祈唔好食。

同朋友喺大圍食完飯，因為佢好多嘢要傾訴，所以就轉戰下場食甜品。因為食開嗰間執咗，上openrice望見呢間好似幾ok就行咗過去幫襯。天時暑熱，一定要食凍嘢，睇相見個天鵝西瓜盅同金箔龍眼冰都好吸引，天人交戰一輪下，終於嗌咗2個金箔龍眼冰。睇相真係好澎湃，啲龍眼鋪滿晒個「冰山」，可惜實物嚟到得大約2/3左右，有啲失望。龍眼算清甜，但個冰底勁淡，近乎冇味，出面多數都係椰汁冰底，佢呢個食落似清冰，龍眼上面灑咗少少金箔做點綴，賣相還可以。

同朋友係大圍食完晚餐，想搵間糖水舖繼續傾下計🍨因為選擇唔多，經過見到呢間有位，就入去試下。舖頭座位非常狹窄，坐滿之後得返半個身位可以行，完全唔係適合同朋友食全糖水慢慢傾計嘅好地方🗣️叫咗2個芋圓意大利雪糕系列 $48🍨 可以自選一球雪糕，揀咗朱古力同芒果味，雖然聲稱係意大利雪糕，食落似係雀巢雪糕 🤷🏻‍♀️ 用椰汁做底，雖然有椰香，但太甜，配料好少，芋圓得幾粒，完全唔香芋頭味，成碗糖水勁稀👎🏻 呢個價錢真心一碗普通椰汁西米露都好過佢😑🌟推介指數：😈（5😈為滿分）

49蚊一碗紅豆沙都算 買個外賣返屋企 諗住好食都由佢一開見到紅豆蓉咁 點食 我買既係紅豆沙呀 比埋d垃圾我 真係無良 黑心 大家千其唔好幫襯 !!!!!!!!!!!!!!!!!!!

伏伏伏伏伏伏在大圍食飽飯，搵間糖水坐下，晚上9:00多，一個客人都冇，應該唔好入，心想試吓啦，見圖片影得咁靗，又大大塊金薄，我朋友點咗過什麼燉雪梨，又係面頭有小小金薄裝飾，味道得個甜字，我就點咗個杏仁糊，原來真係糊，重糊過BB粥仔，全是用粉開，全無杏仁味，結果食咗兩啖便放棄，埋單時只收現金，以為佢見到碗野無乜食過，會問點解，結果忍唔住同佢講碗野好難食又杰撻撻，点知佢立刻回應話：呢啲係我哋生磨的，係你個人口味食唔慣，態度十分之惡劣！我甚少留言的，都忍唔住，睇吓佢幾時執吧

大圍既內巷有唔少甜品鋪 雖然最近都執左唔少🥹 呢間係其中一間價錢中等 而賣相比一般甜品鋪精緻🍧 金箔龍眼冰 $55冰非常綿密 入口即溶既感覺😋 而且有好濃郁既龍眼味 唔係水溝龍眼汁 而係龍眼榨汁變成冰既感覺🤣 非常真材實料！不過容易膩左～🍓士多啤梨雪花金磚 $58幾特別！佢係一個個士多啤梨汁整既心形冰磚放埋一齊〰️ 然後鋪上既竟然係奶蓋🤣 偏甜 士多啤梨味比較似糖味(๑•᎑•๑) 覺得唔差但係又未話好想再食多次 比較想要清爽啲既甜品呢間鋪另外仲有個招牌係原個芒果冰 🥭 真係成個芒果咁既芒果冰！而且係芒果肉打成 有興趣可以去試下✔️

一定唔會再食嘅糖水舖....🙈🙈🙈🙈叫咗芋頭金磚，金磚喺其他糖水舖係麵包加雪糕砌成嘅甜品，但佢一個賣相極差又唔知佢乜嘢嘅冰...再加咗求其嗰啲椰果呀珍珠呀...個楊枝甘露有冇西柚肉，啲芒果係無咁好食個種泰國芒果...仲要極少，而且塊金箔唔知做乜，成張錫紙咁...過龍眼冰，相對好少少，但都係甜到爆既冰，粒龍眼係全場最好食嘅物體，但一粒龍眼都唔值$60啦😂😂最衰係，全部都係用外賣兜，賣相極差無下次，完

年初三大圍甜品店大多無開，金玉滿堂當日做獨家生意，但感覺準備不足。可能真係太多客人，所以出餐較慢，但勝在店員都好有禮貌，願意即時跟進我地張枱嘅甜品。食物方面叫左個木瓜雪燕燉奶。器皿好用心，但個燉奶非坊間嘅凝固狀，而係木瓜碎溝牛奶。雖然有香濃牛奶味，無添加糖全靠木瓜天然甜味，雪燕就自己另加，份量都算多，但始終覺得吾係個回事😧另外有個楊枝甘露，勁甜🥺甜到會喉嚨痕同佢係乳酸底非花奶底。味度吾算差係太甜姐，都有新鮮西柚果肉同幾多西米露，但就無乜芒果肉🥭最後就有抺茶果凍配意大利條凍，呢個整體味道偏淡，抺茶凍好濃抺茶味，吾太甜。意大利條凍其實係咖啡味，加埋朱古力雪糕就變左似朱古力奶配啲果凍咁。