金福茶餐廳 (已結業)

【灣仔區】【金福餐廳】有時會因為工作需要，需要喺金鐘嗰邊放飯，但係嗰邊食嘢都比較貴，所以愈行就愈近灣仔嗰邊。有次行到喜帖街近合和嗰邊，見到呢間明明係茶餐廳，但大大隻字寫住咩山東雞。道歉哥最中意食山東雞，入去食一次睇吓。點知入到去發現原來佢真係只係一間普通茶記，只係多咗粉麵咁解。見到佢哋有魚麵套餐，個 menu 熟口熟面我懷疑係個魚麵 sales 幫手整埋嘅。用 $51 叫咗碗「炸魚腐雞翼魚麵」，個炸魚腐同雞翼都非常一般，冇感覺。最想講嘅係個魚麵，大家都知我耐唔時都會食吓因為都有啲中意食，所以都會有啲要求。今次呢款只係魚味烏冬咁，完全唔係平時魚麵嗰個質感，合埋眼食都未必食得出係魚麵呀。加 $2 飲「凍檸茶走甜」，正常茶餐廳水準。都唔知仲有冇下次嘅機會，就叫埋 $48 嘅「招牌四寶淨食」嚟睇睇啦，有自製牛丸、自製魚蛋、特製墨丸、招牌蝦卷，有蝦卷係特別嘅，其他幾款就 okay 啦，感覺好過頭先嗰碗。咁樣加埋就剁咗我 $101，做真 foodie 係慘架啦。。。（地址：灣仔皇后大道東133號地下）#1amfoodie #foodie #hkfoodie #thatfoodiething #fo

想試依間金福茶餐廳好耐!因為門口有個橫額大大隻字寫住某某餐廳既廚師過左黎做「馳名山東燒雞」而果間餐廳就係較早之前 執咗本人係果間餐廳既超級fan屎所以一直好想試😛先講環境：無咩環境可言 普通港式茶餐廳一間唔好expect 坐得太舒服不過我又唔mind 話灑今餐focus 係食物到一坐低 餐牌都唔洗睇 就叫左個山東燒雞既lunch set(山東燒雞飯$55）🐓睇圖見到同較早前果間餐飯 個食物賣相都有幾分相似🙂味道方面 我就講一講等d未食過既人知下佢係有超多超多蒜頭同醋同豉油做一個醬汁其實我麵唔知我係食緊回憶同佢既味道不過in conclusion 我覺得好味同食得我好開心

第２次來吃午餐，２次相隔了一年半，午餐由50元，上調至53元。每天午餐有８種選擇，我選了３號的鮮茄焗斑腩腸仔飯配熱奶茶。#鮮茄焗斑腩腸仔飯，份量很足，胃口小的會吃不完！茄醬甜和酸的比例剛好！斑腩很多，腸仔１條，唯一扣分的是焗焦了！#熱奶茶，茶和奶的比例適中，好喝！

天氣開始轉涼，打工仔嘅小妹，收工後覺得又攰又餓😩經過皇后大道，看見一個Sharp醒的海報「招牌山東雞」🤩擊中勁鐘意食雞嘅我😍於是進店一試⋯⋯等咗十分鐘左右，一碟邪惡的山東雞送到我面前：外面是深黃色，應該煮得幾入味啵！咬啖試試先，雞肉口感幼嫩！再細味真d先，口腔透出陣陣香料味：花椒、八角、桂皮⋯⋯ 忍唔住，食完一件又一件，仲好快就比我KO唒添🤤一碟小菜，已經感受到廚師制作的用心，相信其他小菜都會有驚喜。我搵到我的新飯堂了，嘻嘻！🥰

點咗招牌山東雞同生炒骨，廚師手勢好好，非常有鍋氣，食得好開心！最喜歡的是山東雞，蒜香十分之野味，雞肉又滑又新鮮，最估唔到係個底仲有好多素雞，兩款雞質感各有不同！生炒骨唔會軟綿綿，香脆可口酸甜適中，食咗兩碗飯。食過咁多間茶餐廳，呢間生炒骨最有肉感，唔會成堆粉的。上菜快手，環境可接受，老闆好客整體有驚喜！餐廳有時幾多人，但上菜唔洗等好耐，我們渡過了愉快的一天晚上。食過番尋味，下次一定再嚟幫襯山東雞！

今日食晏，喺灣仔突然之間好想食一啲好有鑊氣嘅茶餐廳炒粉面，行行下就經過金福，所以就入咗去食。我點左沙嗲牛肉炒烏冬，再加一杯茶走。望落去個樣，就唔似有沙嗲，不過食落口有驚喜，有好重嘅沙嗲味！用晒啲去炒烏冬，每一條烏冬都沾到沙爹嘅嘅微辣同咸味，真係好惹味。牛肉嘅份量又多，唔係就咁開個罐頭沙嗲牛肉再炒烏冬，而係切片牛肉加沙嗲汁咁整。好味道！至於杯茶走，我覺得就甜度適中，因為煉奶嘅甜味冇蓋到茶嘅苦澀味。整體來講，雖然茶餐廳唔算好大，坐位都比較迫啲，但係今次嘅午餐係有驚喜嘅！

職員態度極差，尤其四眼年青矮仔，問佢食物進度，大聲回答：等下啦！另外，饅魚飯的汁竟係老抽加蠔油！極難食，不會再光顧。。不會再光臨。有生試過最難食！比錢買難受！極品！

午餐常客! 雖然呢間茶餐廳內外觀不吸引似老店一樣, 但佢有我最愛食的《手製魚麵》。每日製造量有限, 好快賣晒, 通常在午飯時段最搶手。魚麵的質感、味道算一般, 但我偏偏愛吃, 因為食完唔覺得油膩又稱得上《健康》之選。

金福望落係平平無奇既茶餐廳，但佢勝在有時下唔係周圍都有得食既野：魚面每次黎都會叫佢既魚面常餐有炸雞翼、蝦卷、魚腐、雞牛豬扒簡雙拼每樣都係新鮮炸起，所以要等耐啲加$2轉麻辣湯底

夜晚有野做無飯食，所以就去左茶仔食個tea。好驚喜，呢度既下午茶係去到7pm架！等我仲五點半既時間驚無tea 食拿拿林行過黎tim因為想飽肚嘛所以諗都唔洗諗就叫公仔麵，再加杯熱檸水refresh 下個人其實都知道茶仔既公仔面會係乜野味，因為都係大光面呀個類，食落都係啖茂茂靠個餸既咸味黎吊下味但係呢度既公仔面一拎上檯就令人覺得好surprise! 點解會有白蘿蔔既？原來呢度既公仔面係用蘿蔔湯底黎整，好似食緊車仔面咁好正有蘿蔔既清甜，我懷疑個湯仲有落到肉黎整，因為有d 肉味。午餐肉係圓形個款，而且都切到有d 薄不過因為我唔鐘意食午餐肉，所以呢個對我黎講唔係問題。而且呢個面都有味唔洗靠呢d 咸味咁重既餸黎吊味。雖然話就話係下午茶，但係如果叫其他好似炸脾呀、炸魚柳其實有dd 貴（＄3X），反而叫個兩餸面先係二十八蚊，抵食

經過此店好幾次，每次都有人在外等位。今天開會遲了，兩時多的午餐，這裏只有聊聊數人，便進來一試。本身是喜歡咖喱的。如果午餐沒有心水，一般我都是會選擇咖喱。今天就這樣選擇咖喱魚飯。首先，非常少見賣咖喱的會不分開用另一個碗去乘載咖喱汁，而直接倒在飯上。吃了一口，我就知道理由。汁是「結」得出奇，但又不香不辣。普通至極點。我不知道什麼是「海南」咖喱，但如果這是正宗的話，我寧願吃馬來，印度或巴基斯坦咖喱了。看圖見魚是新鮮炸的。最後，店裏有一位煙癮極大的伯伯伙計，有空就站在門外抽煙，大風吹，店內食客受罪。看來不會再來了。

等朋友收工，見未夠鐘，就自己去食個午餐先。見到個餐牌寫著有魚麵， 就叫左個沙爹牛肉魚麵試下。 擺上枱個賣相麻麻地， 牛肉得4塊， 加幾條菜， 而且個湯好似好油咁， 但食落口d麵質好特別， 雖然唔係好彈牙， 但係好煙靭， 有d似魚蛋條， 牛肉就有d咸，同埋我嫌個湯底有d太油，不過不失喇。

近年才由港島搬到新界的我，這天參加完一個灣仔地區文化活動。經過利東街一帶，原來灣仔早已面目全非。想起童年時光，不由得歎息一番。時代變遷，地區小店仍努力求全。金福茶餐廳應該是其中一間。可惜……我對於「奇怪名字」的食物毫無抵抗力。正如特餐$40　妙製雞扒公仔麵配牛油方包＋火腿奄列「妙製」二字勾起我無限的好奇。上檯一刻，方知道只是煎雞扒一塊，有點受騙，有點受傷。雞皮相當脆，咬開比較油膩，感覺似是半煎炸。雞肉仍算嫩滑只是說「妙製」則言過其實。火腿奄列表面看來不錯一切下去，又是滿滿的油多得有點嚇一跳吃下去中間蛋白卻有點未熟同行者亦叫了特餐，叫「走麵包」結果姐姐應該寫錯做「麵包走烘」所以兩塊方包賣相不同，相同的是：最後全部入我肚金福茶餐廳雖然食物中規中矩但能在風雲變色的灣仔區中屹立已值得鼓掌尤其這種茶餐廳的懷舊感覺，香港風味，叔叔姐姐街坊味濃，是無可取替的！在時代巨輪之下，我仍希望你捱下去！加油！

去到柴灣，費煞思量，找不到合適的食店，唯有過去灣仔，心想或者都會有更多選擇。然而在下卻又左挑右選，想去吃泰國菜，卻又排長龍，同一條街又有神虎，又係排長龍，最後還是平平地去茶記便算。行到大道東的金福茶餐廳，不用排隊，便一躍而進，雖然只是一間普通的茶記，但是卻又多款選擇，不喜歡常餐午餐，也有粉麵，再不然的話，來個碟頭飯也可以。當第一眼看到午餐的時候，原來可以配飯河麵，也可自由選醬汁，厲害！拿破侖豬柳河配粟米汁是午餐之一，所謂拿破侖豬柳，其實是一塊豬柳加兩件吉列柳而言。豬柳不太乾有些肉汁在內，吉列豬柳炸得不脆，不過炸粉都幾薄的。兩者加上粟米汁，多了一層甜甜地的感覺。河粉炒得有點鑊氣，但是不足，不過也有燶邊位。凍奶茶茶味甘香，亦富茶味，而且都幾幼滑，回甘度亦足夠。沒有湯的份兒，似乎有點欠缺，但是味道是還可以的。

常餐與我常在@金福灣仔皇后大道東133號 $35新裝修不久, 環較光猛同新又order了常餐, 因對飯提不起胃口食了一段時間茶餐廳,肥了10磅對健康也不好, 努力跑步烘底方包一片, 加一層牛油香口火腿蛋奄列像個小錢包漲漲的有很多火腿絲哦而雞扒米粉都合格但雞扒好肥=__=加上佢卜了麵粉再煎浸入湯中,麵粉發了水脫下吃到一半都幾嘔心下要一片片挑出來=__=像肥肉個杯熱檸茶我沒下糖(怕肥)齋飲都唔會有檸檬皮的苦味仲飲到有茶葉香!!!!不是只有濃茶色而茶餐廳出品來說算不錯