金禾田餐廳 (已結業)

d間餐廳可能位置比較格洩,晚上餐廳內都不會爆場,食物水準又高,地方又大,真係適合傾計嘅地方!豬腿骨,唔會咬唔開,上碟聞到已經好香~燒羊架,唔會好騷,都食到,加埋d汗好好味!老闆好好人,送杯紅酒比我哋!!榛子芝士蛋糕,好好味呀!!有兩款甜品揀~新配搭~藍莓芝士蛋糕,唔會好甜同溜,不過同普通芝士蛋糕冇分別~

上次黎試過呢度嘅白汁意粉，今次一於試下佢嘅紅汁！ 所以我要了鮮茄蜆肉長通粉 set lunch！一如以往，上面灑有好多溫室豆苗 ，仲有車厘茄同埋青椒絲！Ｄ長通粉完全索晒Ｄ茄膏，加埋香草，好入味。 長通粉夠稔夠熟又彈牙，至於Ｄ蜆肉略嫌少左Ｄ，同埋有沙！

朋友仔帶我一齊去新地方探險試新野食既係西式/日式既餐廳Lunch set 有兩款，一張係西式，一張係日式定食環觀四周個個都係食西式，好自然跟大隊應該最穩陣西式lunch set 有埋餐湯+飲品，價錢由$44 – 60 不等不過個餐湯係前所未有的差!!我同朋友仔要左紅、白各一水都呢。。。一d 料都無。。。蕃茄燒鴨胸長通粉賣相並唔吸引但有好濃既蕃茄汁鴨胸仲有4舊咁多tim!!咖哩汁龍脷魚柳配意粉龍脷魚好細舊的喲而且個咖哩汁無咩味呢個就真係唔多好雖然座卡位都幾舒服又唔會趕人走，仲可以傾下計但個食物質素真係好令人失望以呢區食呢個價錢呢個質素，真係唔討好wo~~~

一入到黎果然客似雲來，雖然人客多侍應車輪轉忙過不停，但勝在個個手腳快，而且上菜速度又夠快，抵讚！蜆肉白汁菠菜意粉＋羅宋湯＋熱咖啡（$40） 蜆肉白汁菠菜意粉：賣相好fusion！ 溫室豆苗、紅椒和蜆肉配搭得宜！最要讚嘅係個白汁，忌廉＋奶＋牛油打得好勻，個味好出好classic，質感唔單止唔稀，仲少少杰身添 ，唔知個廚師係咪黎自正中意大利／法國西餐廳架呢！ 羅宋湯：湯好入味，裡面有西芹、紅蘿蔔、洋蔥、椰菜！ 熱咖啡：杯咖啡就算落半包糖都夠晒香味細滑，唔錯唔錯！

唔知食乜好, 亂打亂撞, 發現呢間樓上餐廳整日忙個不停, 今日下晝已蠢蠢欲動想食西餐, 上OP睇過食評唔多, 不過好評佔大多數, 價錢又實惠, 所以膽粗粗識一識一踏入門口, 老闆娘熱情上前歡迎工廠區, 仲要上樓, 晚市預左唔多人, 整個場只有4檯客, 座位任揀, o岩哂呢一刻想靜靜地食飯o既我女友揀左大魚缸旁邊的卡位, 兩個人坐好闊落舒適晚餐有頗多選擇, $80~$98位, 有餐湯, 主菜, 甜品, 餐飲我偷望隔離檯o既主菜, 見到份量一定足夠, 而且賣相不俗, 最後決定要一份大蝦意粉, 一份西冷牛扒點完菜, 老闆面帶笑容, 拎住支紅酒走過黎話請我地飲紅酒, 我地當然唔客氣啦, 呢支Cab Sau唔算貴價貨, 入口甜, full body, 未係時候飲, 其實老闆好聰明, 開兩支成本幾十蚊o既酒, 花費不多, 可以請哂全場食客飲, 令食客有驚喜又食得開心 relax, 一定加分 意大利菜湯 - 放左好多薯蓉, 飲完會好飽o既一個湯, 反而菜比較少 (6/10) 周打魚湯 - 加入煙三文魚o既忌廉湯, 唔杰唔稀, 配湯o既多士香脆, o岩我口味 (7/10) 大蝦什菌香草鮮茄汁燴意大利粉

新進註觀塘返工，見食評寫得幾好，即管一試，以價錢而論，確實抵食ｏ是日點了三個set lunch，一個燒春雞沙律，一個黑椒雞扒，一個南瓜意大利飯；食物送到，賣相好靚燒春雞都幾大件，沙律好新鮮，啲蘋菓仲爽架；黑椒雞扒好大塊，不過淡咗啲；南瓜意大利飯好”溜”，食兩啖已經飽晒；附送餐湯好淡，不過餐飲就好甜，成個餐四十幾蚊，算抵啦！最美中不足嘅係，跟餐只可揀飯同意粉，薯菜欠奉

與朋友到此餐廳相聚，相約時友人已說訂好了盤菜。環境有驚喜別以為在工廈吃盤菜，都是中式裝修配大圓桌，此餐廳地方很寬敞，部分是西式卡位，亦另闢地方作包場之用，還附鋼琴、projector等設備，很適合大顆人聚會或舉行包場派對。食物有驚喜今次主要試了盤菜，驚喜在醬汁是香草西汁，口味與一般盤菜有所不同。當中的大蝦，有點泰式的酸辣味道，卻又不與整個盤菜的味道格格不入；豬脾骨在盤中的賣相有點似羊架，咬落非常鬆軟；白蘿蔔及手打魚肉完全吸收了美味的醬汁，大家也按捺不住點了白飯送之。是晚的甜品有提拉米蘇及紐約芝士餅，味道有水準，尤以芝士餅最為突出。價錢有驚喜以這樣的食物質素，晚餐人均消費只不過約$100，非常抵食，值得再來。(**費用不包紅酒，是好客的老闆請我們試飲的)

嚟過呢度食過幾次晚餐，覺得呢度真係一個唔錯的地方 ~~最近一次，同朋友一齊係呢度開生日會 ~~呢度的老闆夫婦好nice架，好好人仲好好傾0添，老闆仲會成日問我地，要唔要試下我地呢度的紅酒呀 ~~ ^_^ d 紅酒有時都 ok 架 ~~食物方面，以西餐為主，質素唔錯架，係外面的西餐廳食唔到呢種味道 ~~ 如果多人搞集會或派對，老闆仲可以幫我地唸下食物點樣分配架，搵佢傾就得架啦 ~~ 一定要講，呢度的甜品最正，好好味，又唔會太甜 ~~

上個月，約咗兩個好朋友dinner，見呢間餐廳環境幾好，又靜，又可以傾計。上到去，老闆夫婦好熱情咁招呼我哋，仲開支紅酒俾我哋飲。非常好好呀。食物都ok最好味係佢哋d甜品，好好味 同出面ge甜品好唔同，味道冇咁甜

8點鐘左右，人唔算多，計埋我地，TOTAL有4張枱。一坐底，阿姐好NICE咁俾左MENU我地，一人一份，根住老細過黎介紹，羊肉靚，牛肉正，豬脾肉都唔錯。我地見佢咁SELL，咁於是我地就叫左呢3個。湯有3隻，南瓜，意大利菜湯，周打魚湯，一半，味道比較淡。羊架扒＝以＄88 SET DINNER黎講，佢好食過出面D餐廳，唯一不滿係佢肥肉多，味道不錯。牛柳 5成熟，少少血水 ＝都係＄88，好食過出面個D好多，我食哂成碟，清哂，一舊牛肉JAR都無，同埋D汁絕對唔係大家樂／大快活個D。豬脾肉＝唔錯，有肉地。之後甜品叫哂3種，有桂花炸香蕉，blueberry cheese cake, tiramisu.最好味係炸香蕉，連唔食香蕉既人都話好味。我比較鍾意食blueberry cheese cake 個餅底。

今日去了金禾田食午飯,叫了2個餐,除了香燒羊仔腿配飯叫做有點味道之外,其他食品都太清淡清淡到食唔到咩味

....環境清靜，平日客人雖然不多，先訂位比較妥當...餐廳地方很大，開30人party都得....服務水準好，晚上由老板和老板娘親自招待 (原來先前老板全權交伙計做，結果趕客)...食物presentation夠專業，未食先嚐其「美」(朋友是識食之人，一見到餐湯的presentation就話說是正式西餐的賣相，嚐了一口就說不是一般餐廳的水準)...份量足，大食王也會滿意 ...味道好，專業水平 (其中荷葉焗飯是得奬作品)...女士最重要的甜品...三款選擇: 藍莓芝士餅、Tiramisu和焦糖香蕉(可惜我們遲了落order)，不過芝士餅和Tiramisu沒有叫我們失望...價錢綜合以上來說就是超值﹝加$20就可order任何飲品和指定甜品, 沒有加一收費﹞...留意last order 的時間是8:30...原來餐廳還有盤菜食，老細話醬汁是中西式方法混合而成，不同於一般味道。(我已經決定order一盤為年三十晚加餸)總的來說，就是有驚喜, 老板老板娘用心經營的餐廳, 好有heart...

本身都諗住係ａｐｍ食飯但醒起呢度有間餐廳一直想試～所以就去左～上到去可能係平日ｇｅ關係得好少人本身都幾驚會唔會唔好食．．叫野食～ｄ野食個賣相又幾靚ｗｏｒ我自己幾鍾意食個菠菜麵朋友話ｄ扒都煮得好林我地本身都唔想食太生但係老細又好好咁ｓｕｇｇｅｓｔ唔好太熟會唔好食丫～又ｏｋ　ｗｏｒ後尾仲有食甜品不過唔記得影相～ｂｌｕｅｂｅｒｒｙ　ｃｈｅｅｓｅ　ｃａｋｅ好好食！！個場都真係幾靜原來平時係有包場ｓｅｒｖｉｃｅ～下次都可以考慮～～

友人提議到觀塘晚餐,兩個港島人特意走過來...隱藏在apm後的工廠區某大廈的一樓盡頭..是晚有聯歡包半場,我地兩個就包另外半場南瓜忌廉湯 - 看上去,很濃似的~周打魚湯 - 有三文魚的周打魚湯,有幾多間餐廳做到...?足料,很不錯~~香煎三文魚扒拼薯蓉 - 相當不錯!~三文魚一d都唔乾,好好味~值得一讚的是,配菜也是精心製作的,特意以蒜蓉炒,蕃茄及檸檬亦精心雕琢... 抵讚!香煎牛柳拼薯角 - 友人極讚之作...Blueberry cheese cake - 唔太甜,相當欣賞Tiramisu - 我覺得blueberry好味d, tiramisu冇特別~聽老闆講荷葉飯係最出名的,但我唔太肚餓,食唔落飯,叫唔到...下次ya~員工服務好好,不停幫我地加水。又問我地食物如何,我一定會再o黎既!~夜晚沒太多人來,係傾計的好地方~!以這價錢配這食物,又可以坐咁耐,好過o係apm排隊啦~用心製作食物,抵讚~

果日要去種籽書室攞野,見到隔離就有間餐廳，門口又有報紙雜誌介紹，價錢又ok ! 所以一行五個人就决定入去試下 !!!我地叫左五個餐加一個頭盤，都係跟甜品果個餐嘅(因佢係可以淨係要主菜或+$10 要埋湯同飲品 或 +$20 要湯同飲品同甜品) !湯:意大利雜菜湯南瓜忌廉湯周打魚湯主菜:大蝦刁草汁波菜麵~~好好味~~尤其係D波菜麵捲埋D新鮮香草一齊食~!嘩~!!正正正~~~香煎三文魚扒拼薯蓉~~三文魚好Juicy好滑~一D都唔乾~~香煎牛柳拼薯角~~牛柳我要到七成熟，但一D都唔嚡!重好Juicy~!薯角都好好味~!!荷葉焗海鮮飯~甜品:提拉米蘇~~好味藍莓芝士餅~~好好味炸香蕉成餐D味度都好好，服務都ok ，環境又好，又有大卡位!!但眼見我地食咁耐都係得兩枱客，我地就覺得好奇怪~!!食到尾果時老闆同老闆娘主動埋嚟同我哋傾計，一問之下，原來佢地番嚟接手幾个月。因為之前佢地係交比D伙記做，點之攪到一穫粥，劣評如潮(後嚟我上到openrice都睇到)，所以把心一橫就決定放棄退休嘅生活，番嚟重整餐廳。就連而家果兩個厨都係老闆高薪挖角請番嚟嘅 !唔怪擺碟都咁講究啦~!!!!~~~絕對值得推介~~~!