金翠餐廳 (已結業)

一個人午飯就近近地落去食個燒味飯食燒味一定要有义燒 食义燒就一到要食金翠金翠價錢定位唔算平但性價平高份量大又好食 仲要跟大大碗例湯男人食都會夠飽講返個义燒 超淋又入味大大舊 好咬口有特别要求想要瘦／肥义師傅都會盡量配合

今晚同朋友黎到土瓜灣食飯....好似無咩好揀咁...就求其搵左間茶餐廳入去食....門口寫住拎過獎... 應該都唔會差掛... 朋友叫左4合一燒味飯... 等左好耐先黎...但當時店內無咩人....啲叉燒好差..唔好食...所謂既生菜 就係菜心兩條... 之後仲叫左個韭黃叉燒炒蛋第一叉燒唔靚 成個菜己失色... 第二啲蛋無蛋味... 雖然一大碟... 但淡.. 最尾要靠點醬油先有味... 好失色... 最尾都食唔哂就走了

今天係一個星期內，連續七日，有兩個颱風吹襲香港，係非常罕有，仲要兩次都係八號風球或以上，雖然多了兩天假期，不過看到澳門，因為颱風，引至停水停電，係非常婉惜。下午起床時，已經係三號風球，係北帝街有部分食肆仲未開門，在沒有太多選擇情況之下，只有來到這裏，我好久沒有來了，因為自從裝修後，這覺得食物質素差了很多。我要了一個叉燒湯米，凍鴦加$3，共$33。叉燒看上去不差，食落都幾淋身，可惜好鹹，麻麻地，另外凍鴦就比較甜，比以前真的降了。😱😱😱食飽後，發現有烏蠅在檯面，仲要有兩只，一只仲停留在玻璃上很久，我覺得店主要改善衛生情況，因為食物環境一樣重要。

本身都幾鍾意呢間餐廳，但係次次叫外賣，聽電話個大媽次次都問乜話？講完佢又唔出聲佢啲鄉下話我又聽唔明，態度好差！係咪聽覺有問題定係你公司電話有問題？叫個外賣好似鬧交咁...以後都唔會再叫！好希望個老闆可以請啲有質素嘅員工啲態度咁差簡直係幫自己餐廳倒米！客人冇理由要叫外賣叫到咁受氣，幾好食都唔會有人幫襯！仲要唔係一次係咁係次次都係咁有次叫凍檸茶仲黎左杯熱檸水。電話有問題就換左佢唔好慳錢！真係不知所謂！雖然燒味係唔錯但係飯非常之淋，放太多水唔夠一粒粒分明！

已經係土瓜灣開左好耐，以前成日食因為d燒味真係好正,仲有燉湯飲！但大約一年前裝修後即刻幫襯，食左二次水準真係唔得就無食過啦⋯⋯今晚落車又有雨見近近地比多次機會啦，食番最like嘅义燒燒肉飯，真係番番黎啦！比之前好味好多，义燒雖然唔肥但都好咬口，燒肉皮碎，夜晚終於多番個選擇！但好似凍飲貴左咁多.......

想在土瓜灣吃一餐好的燒味，真的不容易。我會選擇金翠，雖然價錢相對較貴，伙計的招呼也不算太好（點餐會比姐姐話番轉頭）不過真的沒有得選擇下，我也會以舌頭行先，放得幾十蚊，受氣也算數。金翠是以金牌叉燒見稱，叉燒燒到蜜香，帶有少甜，肉質淋身而且容易咬開，肥瘦分怖得十分平均，不用擔心會食到瘦叉的，加埋致癌力十足的燶邊，是我的至愛，雖比不多灣仔有名的燒味店，其實間中可以放肆下也不是罪過。而切雞也算十分滑，加上甜豉油的白飯，也算是交足貨。餐廳也有其他小菜選擇，不過我每一次來，叉燒仍是我的首選。

口裡說不，身體卻很誠實。曾經在此撰文兩次，說這裡自稱叉燒大王的金翠餐廳，其叉燒水準不過爾爾，徒具大王之名。為何我還要上門？他們包我一日三餐？非也，因為。。。我是一名傳統的馬迷，買馬要去投注站，如果買了即場，而趕不及回家看的話，便會來這裡，順便吃個下午茶。整條北帝街，甚至是附近的茶餐廳，只有金翠的電視，調較至賽馬直擊。我少年時代，每逢賽馬日，有電視的茶餐廳，十居其九都會播賽馬，時世轉易，投注額年年跌，近年才有所回升，連帶馬迷的斷層越來越大，年青一輩，大多是球迷，越來越少馬迷了。下午茶的叉燒瀨粉，＄34一客，固然有叉燒瀨粉，還有一杯熱飲。叉燒水準多年沒變，肉質一貫地軟淋得有點模糊，或者是金翠的一貫風格吧。想深一層，以前可能罵得無的放矢，其實，這是他們的特色，我不喜歡，只是不合我口味而已。叉燒與瀨粉另上，有點多餘，又可能是一種姿態。好幾次賽馬日前來，面對電視的位置，總是只有兩，三個人坐，其他食客，都是坐在餐廳後方。由此可見，真的越來越少馬迷了。。

耐無落土瓜灣 難得經過細個大既地方  金翠唔係一間陌生既餐廳以前我幾鐘意 但經過今次我應該唔會再黎...肚仔餓 想食燒味又想食平  就揀左金翠坐低左叫左個 燒鴨瀨 $30 + $9凍檸茶  本來以為有餐...算 而家出邊食都要咁既價錢 你至少有啲質素...尼到 上左碟燒鴨  見到果下真係嚇一嚇 (無影到相...= =" 得啲頭頭尾尾 仲要比埋條頸我...堅嬲 但琴日無心情講賣相無賣相 講味道無味道 來埋個瀨粉 湯係暖 粉係散...都唔想講太多... 總之唔會再黎 失望 以為裝修左會好啲...

公司伙食越來越差，今餐又唔啱我口胃，再叫外賣，想食燒味，同事說這間不錯：外賣送到 半肥瘦叉燒，味道甜甜地，軟韌適中，口感一流！油雞皮薄，肉質鮮嫩，同樣美味！跟餐白飯，夠熱，份量足。跟餐凍鴛鴦，加三蚊，味道ok，但送到來時，冰粒已溶得七七八八，所以唔夠凍！

情人節和情人買叉燒，這裏的叉燒依然保持原來的質素，就是好好味！男友一打開盒叉燒就引不住一口氣吃下不少，連相片也拍攝不來。肉質嫰滑多汁，瘦叉都有這效果，真是頂瓜瓜。

今日去土瓜灣北帝街——金翠餐廳--切左D义燒....個員工可講系缺得low~佢切緊比我果陣,我睇住佢3舊义燒ge頭同尾切哂比我(我諗佢留番中間D好野嚟做外賣比D學生)我話『唔要咁多頭尾得唔得?』佢話『我換比你...等等』我見佢行入去,但系佢唔系換比我.....佢系將D义燒放入去叮叮度,叮淋D比我以为我唔知,我睇唔到。 好啦,我番到家啦...打開睇睇→見到D义燒仍然系焦到爆... →仲系三尖八角tim →系右上角果舊, 焦到成舊炭咁... 問題唔系係D义燒度,而在於果個員工ge品德問題有咩可能呀~會將幾舊义燒ge頭同尾比埋同一個人吖?如果佢只比一D頭尾我...我冇問題,但系宜家佢唔系呀嗎。 所以我唔會再幫襯嫁啦...除非果位員工有改善,我先會比多次機會佢啦./

來到土瓜灣探望長輩後，已是晚飯時間，致電回家叫兩隻小魔怪自己安排晚餐，我和太座撐檯腳。原來短短的一、兩條街，竟然有十多間不同種類的食肆，日式，雲南，新疆，潮州，煲仔，魚蛋王等等，但最吸引我的是這店以叉燒王為號召。太座點了叉燒河粉，我點了豉油雞飯和花旗參燉老鴿湯。叉燒河粉，一碟叉燒和一碗河粉是分開上的，先挾一件叉燒嚐嚐，顏色是常見的紅色，較兒時常見的螢光橙色好得多，入口的口感鬆軟，是梅頭的部份，雖沒有我喜歡濃濃的蜜汁甜味，但整體算不錯，河粉幼滑。豉油雞飯配生菜，吃一口雞，嚐出絕不是新鮮雞，質素不及叉燒好。花旗參燉老鴿湯，用燉盅上，內有一件小小的連骨鴿肉，一件豬肉和幾條幼幼的參鬚，參味淡薄，飲不出鴿味，豬肉味較濃，賣$18一盅，不敢有要求。

雖然口口聲聲說對此"叉燒王"死心,這一次還不是要再來,有時候,在非大事大非當前,也可以反口的.就算一對情侶,分開之後也可復合,道理一樣.至於建基在什麼原因,那就因人而異.其實,是突然想吃燒味飯,又不想光顧附近常吃的一間,便來到闊別兩年多的"金翠",此店的叉燒王,曾得到某某食神爭霸戰獎項,事後覺得純屬笑話一樁,如果這也算叉燒王,那麼滿福樓,港島廳,又算什麼?得一想二之心,最好便雙拼.切雞加叉燒飯,另加$4要例湯.如果想要其他湯水,亦有其他燉湯可選,$18一盅,想吃得豪一點,雞燉翅也有得你食.例湯是蓮藕豬骨湯,賣相與相片大有出入.相片的是很足料,上到檯是沒有料.只得湯水,蓮藕也沒有一舊,標榜不下味精,以味道來說還是清甜,蓮藕味最為突出.$29一碟的雙拼燒味飯,切雞肉質尚嫩,雞味不濃,下些薑荵吃可補不足.叉燒燒得夠香,帶點焦,都算入味,但肉質比較模糊,實又不算,軟稔又稱不上,但感覺已比前兩次的好了.某程度上,銜頭方面無須太過認真看待,見到這些地方自稱為叉燒王,不如笑笑算了吧.好像我們的所謂"殿堂" "資深",都係得個名而已.你估下出到外面同人講,我係開飯的咩咩食家,對方會識你係邊位?

差不多最後衝刺，當然又是身處土瓜灣，為了省時，晚上就在附近速食一餐。這間餐廳自稱叉燒王，曾在某廚藝比賽中得獎，好似好巴閉咁。不過對我這行內人來說，大概知道這些獎項是什麼一回事，因此沒有抱太大的期望。既然人家咁Pround of自己既叉燒，無理由不試，就要碟叉燒飯，飲的是凍檸茶。檸茶先上，暖暖的，很馬虎；叉燒是帶點肥，外層有些焦香，亦帶蜜味，可惜肉質不夠實在，未算特別出色。放下三十二蚊，完成這次土瓜灣覓食之旅。

其實未去過金翠,不過返學有時會訂金翠,因為價錢平,味道又唔錯,雙拼只系20蚊,d叉燒攞獎真系無錯,又惗又多汁,肥瘦啱啱好,燒鴨都唔錯,個皮燒得好靚,油雞好入味,唯獨是d燒肉既皮硬左少少,唔知系唔系因為價錢低&質素好,我覺得肉既分量稍微少左d,但整體黎講都系唔錯,值得推介