金興小廚

营业中

休息中

今晚去左福安個邊間金興小廚自帶海鮮同朋友食飯。本來今日買唔到蟶子王唯有用花甲以為個睇頭會稍遜，點知一上菜連埋米粉餅做底擺盤又靚又好食，大家都覺得勁正！廚藝同擺盤都係出面私房菜既質素👍🏻 連普通一道蒜蓉粉絲蒸扇貝，師傅都將扇貝嘅膏同埋肉分開嚟蒸，為求達到盡善盡美，仲同我講話可惜個肉蒸多咗10秒，但我地成班都覺得已經夠好食😋又仲為咗我哋叫嘅椒鹽豆腐，B哥都堅持要叫人去買滑滑豆腐先整，普通一度資源豆腐都外脆內嫩，就見到佢哋係幾咁認真💪🏻👍🏻👏🏻除咗嘢食高水準，老闆靚仔又玩得飲得/老闆娘又好人影相又認真/大廚B哥手勢好又夠創意/師傅仔細心又擺盤一絕/靚姐拖住我手驚我跣親，由上到下都咁outstanding 實會再返轉頭👍🏻👍🏻 成班朋友都覺得非常滿意，好多謝你哋為我哋帶嚟好開心嘅一晚！😊p.s. 皇帝蟹同筍殼係隔籬枱，勁吸引都忍唔住打個卡😋

收工買盒咸雞飯外賣，收錢姐姐問我要唔要跟野飲，我話不用佢就問送個湯比我飲。我就多謝佢。個位老世聽到就話左佢兩句，我唔知佢地講咩。跟住個老世包好盒飯比我，我唔見碗湯就問下收錢姐姐，佢即刻去攞比我，我企係度等嘅時候，個老世態度超差問我等咩，我話等碗湯，跟住我就見佢走去狂鬧個姐姐。話佢成日都送比人，個姐姐好慘。其實個盒飯65蚊都唔係平，送碗湯有咩咁巴閉。唔使再幫襯，唔關食物質素，服務態度差已經唔接受。完！

住馬鞍山幾十年，諗住入去幫襯吓支持吓叫咗下午茶燒味飯$50 ，嚟咗一碗細燒味飯，諗住吹水問吓個服務員啫，點解正價差$5有一大碟，但係下午茶份量少咁多。 其實冇諗住換，只係吹吓水，諗住下次醒少少。 點知有另一個極冇禮貌男人衝埋嚟問務員乜嘢事？ 問我你係咪要換啊！ 我幫你換啦！ 你呢一碗我幫你食咗佢！ 我話你唔使咁勞氣，衝埋嚟想打人咁樣，我只係問吓有咩分別，下次咪嗌第二樣。食個下午茶幾廿蚊都要受氣， 有啲餐廳真係你坐低，佢惡過你。真係笑咗。

今日屋企人冇煮飯，同左佢地出去屋企附近食晚餐😼入到去老細送左人頭例湯，好熱情咁介紹有咩好食👍🏻例湯清甜入味，老細堅稱冇落味精，有幾舊煮到好淋的木瓜，係家常味道😋叫左椒鹽鮮魷（$98）上到嚟比佢個樣嚇親，脹卜卜嘅皮夠脆，但魷魚本人唔太新鮮冇乜味😢咕嚕肉（$98）好多配菜，酸酸甜甜好夠味，肉嘅脆皮點曬醬都仲夠脆，好食推介✨蒜蓉炒白菜仔（$58）呢個價錢嚟講有啲失望，比起坊間同價錢嘅細份，雖然有粒粒蒜蓉喺面，但冇味到以為係白烚😢椰汁栗子雞煲（$108）好香椰奶味，但栗子炆得唔夠淋，雞夠滑嫩，正常發揮👍🏻有驚有喜的一餐，但人情味好夠，下次想食圍飯可能都會再食😼

搬左入MOS幾年，食來食去都係大壹燒鵝同上海三哥，適逄大壹裝修，焗住四圍搵食，終於係MOS搵到第三間可長期食用店。豬扒唔乾柴，肉質淋得黎仍有彈性，配埋老闆推介既紫洋蔥🧅💯咸雞比較區內雞飯，屬水準之上食到一半，老閭走過黎問我食唔食得辣，我話食得，佢叫我唔好食碟飯住🤭 轉頭就拎走辣椒油黎比我試，叫我用d辣椒油渣黎撈飯。 撈飯有點heavy, 所以我用左d渣黎點豬扒食，係正既👍有心小店，碟頭飯都用心做👍👍支持💪🏻💪🏻下次試埋早餐沙牛先

平時買開蛇羹食，都會留意呢間餐廳，因為朋友食過話唔錯，不過最慘係佢唔做晚市既，咁利害唔做晚市都夠交租 🤨 真係有時想試下都有啲難道，今日晚上經過發現佢依家竟然做埋夜市，真係估佢唔到，所以二話不說就幫襯。係門口睇緊餐牌之際，老闆行咗出嚟介紹餐牌，同時我亦好奇問下點解會開埋晚市同寒暄咗幾句，係老闆推介下揀咗日式咖喱奄列蛋包飯配雞髀拼司華力腸。日式咖喱奄列蛋包飯配雞髀拼司華力腸 ($58) : 雖然飯底幾好唔錯，奄列亦做得出色， 不過唔知係咪外賣既關係，盒飯真係幾細盒下，食完都重有啲肚餓 😅 雞髀用滷髀黎炸，唔係生炸始終差啲，而司華力腸就得半條，成個飯味道就普普通通無咩驚喜，可能我無試佢地既皇牌菜掛，下次試下佢地好出名既咸雞飯。

馬鞍山是一個美食沙漠，如果唔介意環境，《金興小廚》喺我每星期都會去一次既餐廳，沒有花巧簡簡單單的一個餐廳，金興有2款名物，一是咸雞，二是豬扒，有9成客人所點的食物都離不開以上2款配答。而我最推薦的是 - 洋蔥豬扒太陽蛋飯配鼓油汁大大塊半肥瘦豬扒即叫即整，紫洋蔥炒得入味，配雙蛋鼓油汁，無敵的組合！新鮮的食材，簡單的配搭，令到大家都會成為這餐廳的捧場客！因為店舖細細，在假日的時侯，如果ORDER炒麵系列，往往要等上30分鐘以上！

係馬鞍山做完野就黎左食之前放工都會食既～～～～～豬扒飯！！！！真係好掛住呢個味道！old school啊真係佢係舊式既小餐廳 好有人情味既feel同埋佢真係大件又抵食～係馬鞍山呢個餐廳沙漠都真係一個救星～（而家都多左好多餐廳啦）我食左豬扒蛋飯 豉油汁大大件既豬扒 同豉油汁真係勁old school既味道出哂黎！搞到打既文既我都真係好想再食啊～～～～～朋友係食咖哩豬扒！

前兩日係佢嗰度叫咗個豉油汁豬扒飯，豬扒太多梳打粉醃過冇曬口感，個豉油汁都還可以，但係啲飯就好鬼硬仲有啲生骨情況，飯本身都算白淨，但講真冇乜飯味，可能貪平用咗越南米，希望日後有所改善，下次我想食咖喱飯，又睇下乜嘢料先

岩岩3/7 朝早瞓醒，就去左金興買個早餐沙嗲牛肉面+煙肉蛋 ，配個凍檸茶拎到番屋企，食到一半見到有一大粒黑色嘅野睇真啲係蟑螂！！！對呢間野好失望，一向衛生都唔係好，咁都要$35一定唔會再幫親

雞肉配香飯的菜餚，已可滿足你的味覺，視覺享受了。真的，一點也不浮誇。零失敗秘製香油雞飯，只要靚雞一隻，調味不用太花巧，有技巧地做到雞肉嫩滑便可以了！傳統上海南雞飯要配上醬油，這才算畫龍點睛。但來到這裡，你不需要任何醬油也可嚐到好味的雞飯。

金興馬鞍山的咸雞飯，金興小廚。呢間小廚，以我所知，已經搬了第三次鋪位！其中一次，沒有開業成年。原因是領展加租加得太利害，老板又有性格地，寧願結業也不續租！因此此店消失了成年！此餐廳，最出名有兩種食物！一是咸雞飯或者咸雞咖哩飯，二是豬扒飯或者干炒豬扒意！咸雞飯，啲雞雖然咸咸地，但是雞肉煮到剛剛好，不太軟又不硬，恰到好處。如果食咖哩，一樣是用咸雞，只是多咗咖哩汁。雞飯，一定要一點半前到店，才穩陣有得食！一點半後，就要睇當天彩數了!趕唔切，可以電話下單。咸雞，有好多人去佢度，買成隻走！呢樣更加要早訂！否則，佢哋會切好一碟，不能原隻給你lu.........另一樣野食，就是豬扒。呢樣其實好味嘅不是豬扒，而是豉油，特別用干炒方法煮。豉油，是老板自家煮過，味，特別甜。其實，不論豬扒或是雞，都是雪藏貨！不過，可煮成咁美味，老板的功夫真的不錯。

之前食過一次友人推介炒公仔 但食過吾岩食味道麻麻到今次食 一肚火 我地3:45去到佢收4:00(吾記得因為吾常食加上佢啲時間開得短)諗住快食 去到坐低落左一個order 我未諗到話轉頭跟住答我就收工囉喎 心諗我連餐牌都冇未睇點知食咩 友人嗌反炒公仔麵 佢講左一丁條友係甘強調要加10蚊喎 好似俾吾起甘 加咪成60幾蚊其實係吾值 我地個下又以為一丁同公仔麵個下醒吾起 之後問佢煮左未個女人話煮左啦岩岩問過你幾次你話要一丁之後入面廚房話未煮 個女人擺明吾想俾我地轉趕收工 啲表情都好衰眼超超 最後有轉到我嗌左個咖喱豬扒 又係麻麻冇特別 如果係想食記住早啲去 吾係入到去又受氣 淨係對啲熟客好 見佢啲營業時間甘短我諗都係for熟客 吾休做甘啲態度衰到冇人有 食完背隻骨落 真係冇下次

雞飯味道okay. 價錢以茶餐廳價錢而言還算公道. 但是服務是典型的做熟客生意服務. 熟客就有招呼，食物也上到快. 如果唔係熟客，態度就比較差. 食物和飲品都上得有點慢. 而且唔可以催單. 一催就愛理不理. 再催就發脾氣. 明明漏單也不承認. 反而指責人客催單. 仲要話食物遲來「就係咁」. 一副理所當然的樣子. 如果此店堅持咁樣態度，只做街坊熟客，不如唔好打開門做生意，改做私房茶餐廳算了.

馬鞍山是一個美食荒地，好多人都咁講。不過，如果大家肯用心去品味，肯用心去找，馬鞍山其實不缺乏富有人情味的小食店。是日，我拜訪的地方叫做《金興小廚》，此店曾經結業過，令好多馬鞍山朋友失落了多時。後來，在差不多同一位置終於有一間吉舖，該舖位好快就已經釘上了圍版，之後開業的並不是什麼新名字或是連鎖品牌，而是親切的老名字，《金興小廚》。《金興小廚》的店子依然是細小的，但同舊舖一比，已經是大了少許。回想起，從前的《金興小廚》地方小得很，他們不得不違規，要佔用行人路做生意。現在地方大了，坐在室內的餐檯舒舒服服，而且一早已經滿晒座，要搭檯，此餐廳昔日的旺丁旺財，重現了。是日早餐的沒有食麵，我叫了一個比較豐富的早晨全餐，有香腸，有雞蛋，仲有一塊好香既豬扒。這一個配搭，大人小朋友都會感覺到開心。豬扒靚，是原件不沾粉煎炸的，肉味很香，咬落很結實，一定要用刀叉協助慢慢細嚼，好讓我們細心地欣賞。香腸，煎炸到皮脆煙韌，作為一個濃烈味道早餐，這一個口味，這一個配搭，可以用一流來表達。濃烈完，有一個解濃味道的通粉，是一個帶有少少雞湯味的美荐通粉。通粉沒有過腍，火腿亦夠香口，感覺很漂亮，是老少咸宜的美味早餐通粉。每一