影片
以上资料只供参考，请与餐厅确认详情
食记 (135)
今日我去咗元朗一间街坊面包舖，真系好惊喜！呢间舖头款式种类多，无论系传统定新潮嘅面包都有，真系满足到唔同口味嘅人。我最钟意嘅系佢哋嘅蛋糕仔，一大袋只需$21，仲有半磅，真系超抵！呢啲蛋糕仔松软，口感非常好，食落去有啲香甜味，真系一口接一口，根本停唔到手！而且每一粒都唔会太甜，啱啱好，无论系早餐定下午茶都好适合。除咗蛋糕仔，呢间舖头仲有好多传统西饼，例如三角朱古力、忌廉面包等等。三角朱古力外皮酥脆，里面嘅朱古力酱又浓郁，咬落去真系好满足！忌廉面包就更加正，忌廉好滑，配上松软嘅面包，完全唔会腻，食完之后仲想再嚟一个。环境方面，虽然唔算豪华，但好有街坊嘅亲切感，职员都好友善，服务态度唔错，买嘢时都会主动问你有冇需要帮忙。每次嚟到都觉得好舒服，真系有种回到家嘅感觉。整体来讲，呢间元朗街坊面包舖真系一个好地方，食物新鲜，价钱又合理，特别适合钟意传统西饼嘅朋友。我一定会再返嚟，继续试下其他款式，睇下仲有咩好味嘅惊喜！如果你喺元朗附近，真系唔好错过呢间舖头！
继续阅读
讲到元朗其中一样嘢当然系金苹菓大时大节一定都会大排长龙🤭住系大西北都系第二次食🤣当日唔洗排队屋企人就买咗返黎!!🔸芒果蛋糕(舖面) $170金苹菓最出名当然系芒果蛋糕🥭分别有舖面同花嘅两款芒果蛋糕🎂蛋糕系传统个只,蛋糕好软熟仲有大量芒果系入面😆芒果当日店员已经有讲系偏酸少少但都可接受的🥰再加上蛋糕甜甜地配微酸芒果系刚好😉而cream就正正常~表面水果仲有士多啤梨同菠萝🍍🔺整体黎讲真系好好食,芒果真系布满了成个蛋糕🍰口感超丰富难怪大时大节会咁多人排队😚🤤好味度 : 8/10🔙回头率 : 8/10
继续阅读
咁多年来每一年嘅生日呢基本上屋企人呢都会买返金苹果嘅蛋糕真系谂住唔使擘大对眼谂都唔使每一个都系新鲜好味道有质素就算每年都加价呢，都觉得值得特登入去咁远嘅地方买女儿今年五岁生日啦，学校同埋屋企都会买蛋糕我都已经谂定系买金苹果㗎啦，寻日呢特登走去舖头真系信心嘅一票瞌埋眼买一个芒果蛋糕，点知夜晚返屋企好期待食嘅时候竟然系黑色好多唔新鲜嘅芒果士多啤梨，基本上系谢左。寻日仲同店员讲下星期会再叫姐姐嚟多个蛋糕拎返返学校，睇嚟今次之后真系唔会有下次，今次真系好失望都几，好唔开心因为食紧蛋糕嘅时候老公都提我其实上年都试过系咁情况，只不过系我自己唔记得，纯粹系凭信心同埋凭感情每年都走去买，即系话嚟紧我唔可以再喺呢度买蛋糕🥲🥲🥲
继续阅读
金苹菓饼店 (元朗)元朗元朗安宁路84号地舖元朗传统饼店，主打用新鲜芒果🥭整海绵蛋糕，海绵蛋糕松软，蛋香味浓郁，cream轻盈香滑，另外有散件或者原个蛋糕可以买。店舖仲有其他面包选择，当日购买时都好多人。#元朗#yoho#元朗美食#香港#hongkong#食好西#相机食先#面包#蛋糕#水果#芒果#芒果蛋糕#杂果蛋糕#传统饼店#传统蛋糕#甜品#dessert #cake #eating_and_working_in_h_yuenlong
继续阅读
朋友帮我庆祝生日，特登喺元朗买咗呢个出名嘅蛋糕🥰佢话呢间饼店已经有三十几年历史▶️ 芒果蛋糕非常传统嘅鲜果蛋糕，超级巨型，可以分到12大件三层海绵蛋糕，中间夹杂忌廉特别在有啫喱 (系黑森林蛋糕入边常见嘅紫色啫喱)海绵蛋糕轻身软绵绵🍰好香蛋味本身唔算太甜，主要系忌廉甜，好彩唔会太creamy佢啲生果仲好丰富🥭有超甜嘅芒果包住外围，面头有大大粒香甜士多啤梨🍓圆辘辘嘅密瓜同菠萝朋友果然冇介绍错👍🏻
继续阅读