金蘋菓餅店

营业中

休息中

今日我去咗元朗一間街坊麵包舖，真係好驚喜！呢間舖頭款式種類多，無論係傳統定新潮嘅麵包都有，真係滿足到唔同口味嘅人。我最鍾意嘅係佢哋嘅蛋糕仔，一大袋只需$21，仲有半磅，真係超抵！呢啲蛋糕仔鬆軟，口感非常好，食落去有啲香甜味，真係一口接一口，根本停唔到手！而且每一粒都唔會太甜，啱啱好，無論係早餐定下午茶都好適合。除咗蛋糕仔，呢間舖頭仲有好多傳統西餅，例如三角朱古力、忌廉麵包等等。三角朱古力外皮酥脆，裡面嘅朱古力醬又濃郁，咬落去真係好滿足！忌廉麵包就更加正，忌廉好滑，配上鬆軟嘅麵包，完全唔會腻，食完之後仲想再嚟一個。環境方面，雖然唔算豪華，但好有街坊嘅親切感，職員都好友善，服務態度唔錯，買嘢時都會主動問你有冇需要幫忙。每次嚟到都覺得好舒服，真係有種回到家嘅感覺。整體來講，呢間元朗街坊麵包舖真係一個好地方，食物新鮮，價錢又合理，特別適合鍾意傳統西餅嘅朋友。我一定會再返嚟，繼續試下其他款式，睇下仲有咩好味嘅驚喜！如果你喺元朗附近，真係唔好錯過呢間舖頭！

講到元朗其中一樣嘢當然係金蘋菓大時大節一定都會大排長龍🤭住係大西北都係第二次食🤣當日唔洗排隊屋企人就買咗返黎!!🔸芒果蛋糕(舖面) $170金蘋菓最出名當然係芒果蛋糕🥭分別有舖面同花嘅兩款芒果蛋糕🎂蛋糕係傳統個隻,蛋糕好軟熟仲有大量芒果係入面😆芒果當日店員已經有講係偏酸少少但都可接受的🥰再加上蛋糕甜甜地配微酸芒果係剛好😉而cream就正正常~表面水果仲有士多啤梨同菠蘿🍍🔺整體黎講真係好好食,芒果真係佈滿了成個蛋糕🍰口感超豐富難怪大時大節會咁多人排隊😚🤤好味度 : 8/10🔙回頭率 : 8/10

咁多年來每一年嘅生日呢基本上屋企人呢都會買返金蘋果嘅蛋糕真係諗住唔使擘大對眼諗都唔使每一個都係新鮮好味道有質素就算每年都加價呢，都覺得值得特登入去咁遠嘅地方買女兒今年五歲生日啦，學校同埋屋企都會買蛋糕我都已經諗定係買金蘋果㗎啦，尋日呢特登走去舖頭真係信心嘅一票瞌埋眼買一個芒果蛋糕，點知夜晚返屋企好期待食嘅時候竟然係黑色好多唔新鮮嘅芒果士多啤梨，基本上係謝左。尋日仲同店員講下星期會再叫姐姐嚟多個蛋糕拎返返學校，睇嚟今次之後真係唔會有下次，今次真係好失望都幾，好唔開心因為食緊蛋糕嘅時候老公都提我其實上年都試過係咁情況，只不過係我自己唔記得，純粹係憑信心同埋憑感情每年都走去買，即係話嚟緊我唔可以再喺呢度買蛋糕🥲🥲🥲

金蘋菓餅店 (元朗)元朗元朗安寧路84號地舖元朗傳統餅店，主打用新鮮芒果🥭整海綿蛋糕，海綿蛋糕鬆軟，蛋香味濃郁，cream輕盈香滑，另外有散件或者原個蛋糕可以買。店舖仲有其他麵包選擇，當日購買時都好多人。#元朗#yoho#元朗美食#香港#hongkong#食好西#相機食先#麵包#蛋糕#水果#芒果#芒果蛋糕#雜果蛋糕#傳統餅店#傳統蛋糕#甜品#dessert #cake #eating_and_working_in_h_yuenlong

朋友幫我慶祝生日，特登喺元朗買咗呢個出名嘅蛋糕🥰佢話呢間餅店已經有三十幾年歷史▶️ 芒果蛋糕非常傳統嘅鮮果蛋糕，超級巨型，可以分到12大件三層海綿蛋糕，中間夾雜忌廉特別在有啫喱 (係黑森林蛋糕入邊常見嘅紫色啫喱)海綿蛋糕輕身軟綿綿🍰好香蛋味本身唔算太甜，主要係忌廉甜，好彩唔會太creamy佢啲生果仲好豐富🥭有超甜嘅芒果包住外圍，面頭有大大粒香甜士多啤梨🍓圓轆轆嘅密瓜同菠蘿朋友果然冇介紹錯👍🏻

金蘋果餅日已有超過四十年歷史,由自己是小學生到現在家中孩子已大學畢業,一直也有光顧,是元朗街坊的回憶。今次訂了個一磅芒果忌廉蛋糕($138）,芒果舖滿外圍,一邊吃滿滿記憶在腦海重現。

🧡作為元朗人 應該冇人會唔識呢間麵包蛋糕店 佢地嘅蛋糕又抵又好味😋 佢地主要製作傳統海棉蛋糕🍰 最為人熟悉係佢地嘅芒果鋪面蛋糕 蛋糕質感軟滑 而且份量並唔係一般連鎖店蛋糕嘅尺寸份量 一磅蛋糕=人地嘅兩磅😚 之前裝修 最近終於等到我生日重開 當然要幫襯💃🏻 屋企人揀咗黑森林蛋糕作為我嘅生日蛋糕 因為知道我係朱古力怪🤭 外層朱古力碎鋪面 內層係朱古力海棉蛋糕+啫喱 軟棉棉口感再配合細滑忌廉 真心平靚正🫶🏻😋😚 開心🥳味道💛💛💛💛💛抵食💛💛💛💛💛回頭率200%😂🤭

1. 附上沒有芒果的芒果粟子蛋糕相（成個蛋糕塔晒，邊有咁肉酸架）2. 附上說好沒有貨嘅芒果蛋糕相片（早幾日訂又話11月份冇貨，今日竟然有貨law，呃交消费者，仲話我補錢都冇得换，叫消費者再買過喎。。。）故事開始。。。話說去年十一月生日當日買唔到全芒果蛋糕，唸住今年提早三日訂全芒果蛋糕，店員話芒果冇貨，咁都算啦！月頭咪改訂個芒果粟子蛋糕，直到今日取貨。。。成個芒果粟子蛋糕面冇芒果，得strawberry&桃，起入面海綿層只冇薄薄芒果漿嘅一層，成個蛋糕只能用失望，仲要係唔值$320/2磅，以三百幾蚊來講，可以買好多更好味嘅蛋糕。粟子蛋糕都算，今日去拎蛋糕，竟然比我見到個全芒果蛋糕，說好的無貨究竟咩玩法？都算啦！我再買多個細全芒果蛋糕，口感大不如前，個蛋糕海綿冇以前咁鬆化感，cream口感實咗好多，太甜，以前唔係咁嘅味道冇咗以前嗰種鮮忌廉香味，唔知係咪轉咗師傅

母親節想買返個蛋糕慶祝吓，朋友介紹元朗有間啲蛋糕又平又大個，所以決定去買返個。餅店位於安寧路，一去到就知道係傳統餅店。多款傳統麵包可供選擇。芒果蛋糕非常足料，忌廉幼滑，芒果士多啤梨十分新鮮，餅底鬆軟。

推薦： 🍉🍉🍉🍉 (4/5)    味道： 🍉🍉🍉 (3/5)    價錢： 🍉🍉🍉🍉🍉 (5/5)    打卡： 🍉🍉 (2/5)      位置： 🍉🍉 (2/5)    回訪： 🍉🍉🍉 (3/5)   芒果蛋糕 $155係衣家100蚊都未必食到一餐飯嘅世界，點諗到仲有地方比百幾蚊就買到個夠4個人食嘅蛋糕！今次食呢款係普通嘅水果蛋糕，入面係cream同海綿蛋糕層夾住幾款唔同嘅水果，cream打得好輕盈，全部水果都唔會有罐頭生果個陣藥水味/怪味，亦都唔會好酸，屋企人食得非常滿意 💜 後記💟 蛋糕餡仲有好多款唔同嘅選擇 e.g. 栗子蛋糕、黑森林蛋糕等，真係任君選擇😂 呢個價錢有呢個質素，仲有咁多選擇， #仲想點呀 😂📍 金蘋菓餅店地址：元朗安寧路84號地下

元朗名物金蘋菓餅店，除鮮芒果蛋糕外，黑森林鮮果蛋糕也同樣出眾，生果永遠新鮮優質，忌廉打得很有質感，甜度適中，蛋糕內的啫喱糖充滿我們的兒時回憶。兩磅蛋糕才二百多元，好食又抵食！

中意傳統蛋糕/忌廉嘅人一定要買😋外表睇落普通，但估唔到又幾好食‼️.▪️芒果鋪面蛋糕 ($155/磅)🥭🎂蛋糕可以預購或即場去買(最好預訂~)朱古力牌唔洗加錢，師傅可以即場幫你寫✨蛋糕上面有菠蘿、桃、士多啤梨、大塊芒果面頭同入面嘅芒果好甜！一啲酸味都冇😋相對士多啤梨就好酸!菠蘿同桃應該係罐頭嘅~朱古力牌嘅味道好似朱古力金幣嗰隻味🤣而且估唔到入面嘅芒果好多，蛋糕薄身軟綿綿加上大量嘅忌廉，所以食落每一啖都好似食緊cream咁🤣忌廉嘅質地比較企身，食落更加實淨鍾意芒果嘅人，一定要試依個蛋糕🫡✨.✍🏻整體:餅店仲有黑森林蛋糕栗子蛋糕可以選擇另外有切餅可以單獨購買預先訂購可以有額外要求 例如少cream~呢間蛋糕又平又大個😋唔怪得咁多人排隊買🎂.📍金蘋菓餅店元朗安寧路84號地下

事源小朋友生日 一開始就打算訂個一磅蛋糕 入到去 餅店姐姐話小朋友間學校有折扣優惠又點點點 咁就聽佢哋講訂個兩磅蛋糕啦 點知收左錢後 要我拎學生手冊嚟做證明 我話影印本 電話影相 都唔得 我覺得 街坊生意 唔需要做到咁 這只會帶來客人不便 ！

去左金蘋果買佢d 蛋糕試下。。見話好出名，不過個人覺得d 細件蛋糕唔好食～連佢果個切餅芒果蛋糕都唔好食😵😵好似擺左好耐咁，d 士多啤梨仲有怪味。。😖🥺.諗住都試埋懷舊黃桃蛋糕， 同埋 朱古力三角蛋糕。。點知蛋糕質地同味度都麻麻地。。。都幾失望😂😂見話出名同多人買，仲諗住唔差。。。點知咁樣😅😅或者。。。佢d 成個蛋糕會好d 掛🤔🤔 至少新鮮d 可能好d...我估😂😂🙈 不過都唔會想再試～😖😖

尋日老媽子生日，預先於元朗金蘋果餅店訂咗個芒果蛋糕，帶去同佢及老豆慶祝。點解會揀金蘋果？因為佢地蛋糕的外觀雖然傳統，但味道絕對一流！一磅的蛋糕睇落都真係幾大，老媽子對蛋糕的評價係好好食，好食過其他蛋糕餅店集團。