金蘋菓餅店

营业中

休息中

性價比⭐️⭐️⭐️回頭率⭐️⭐️⭐️⭐️⭐️⭐️⭐️為滿分聽講係元朗嘅名店之一每一次節日都大排長龍住元朗嘅朋友一早幫我訂咗一個母親節前夕去拎，都已經好多人當日仲有毛毛雨，露天排隊拎餅嘅人相當多揀咗芒果蛋糕，可能唔係啱嘅季節，芒果冇咩味，蛋糕上面嘅仲有罐頭土同埋士多啤梨佢哋嘅忌廉餡都係滿滿嘅芒果🥭忌廉夠滑身，都算抵食。呢啲蛋糕店而家已經唔多，味道都還可以，但係下次都會揀平日嚟買🫤因為排隊好多人，

每一次食都覺得好歡欣既蛋糕最開心既係，訂蛋糕時口味可以自由配搭芒果/什果舖面定舖花栗子餡，芒果餡定黑森林多人食既，仲可以訂立體蛋糕，有字母呀，數字造型鍾意懷舊既，仲有古老手唧cream 卡通蛋糕我地今次就食芒果舖面少cream 芒果餡另外加錢request 既芒果舖花會有更多芒果，舖成立體花另外佢既栗子蛋糕其實都好好食，好開心㗎金蘋果價錢又平，質素又高慶幸呢度仲有金蘋果🍰唔洗淨係食 d 連鎖店蛋糕👏🏼👏🏼👏🏼但今次母親節排咗45min 先拎到蛋糕，希望第時可以分番兩條隊：已預訂 / 即場購買

是日遠征元朗，朋友訂左超好味既蛋糕同我慶生👍🏻👍🏻👍🏻望落雖然非常復古，但真係傳統既口味😃芒果好好味，入面d芒果多到一個點😍😍 黑森林蛋糕都好正☺️☺️入面有好多啫喱👍🏻👍🏻

金蘋果既蛋糕真係好夠傳統水果忌廉蛋糕其中佢嘅芒果都係非常好食有次去訂蛋糕嘅時候佢會話如果芒果唔夠甜，訂單會取消證明佢地既蛋糕真係有一定既質素蛋糕食落唔會覺得cream 好膩芒果甜 蛋糕軟 好食

依間餅店已經喺元朗好多年，如果你喺元朗住咗一段時間一定會認識。店舖裝修係非常平實嘅路線，簡單來講就係一間舊式餅店。但係佢嘅蛋糕性價比係非常之高，一個蛋糕$200都唔使，大時大節或者係假日都會見到成間鋪都係買蛋糕嘅人，但係佢蛋糕嘅供應都係非常之多，我哋冇一早預訂都可以買到心頭好。買咗最經典嘅雜果蛋糕，面頭芒果好甜，另外仲配有幾款生果，雖然都係罐頭菠蘿同蜜桃，但係簡單好食～ 入邊嘅蛋糕都係好傳統嘅海綿蛋糕，配上厚厚嘅忌廉同埋罐頭雜果。對於我個人來講我就覺得忌廉係厚咗少少嘅，但係對於老一輩嘅人來講呢啲先係傳統嘅蛋糕味，如果係買蛋糕俾屋企長輩，金蘋果真係一個唔錯嘅選擇！PS 仲有栗子蛋糕面頭一樣有多多芒果，只係入邊嘅夾層換咗栗子，都好好食㗎！

前排入咗元朗探朋友，去人地屋企冇理由兩手fing fing，所以就買咗傳說中嘅元朗名物金蘋菓開心share😂其實之前有朋友生日我都訂過一次原個芒果蛋糕， 不過真係太大個，今次人少少就買咗散件裝～我買咗四件芒果蛋糕同一件芒果班戟～❤️芒果蛋糕 💰1️⃣5️⃣ 買左四件但四件既size都幾參差😂 傳統老餅店嘅蛋糕就係偏重身實淨，幾飽肚🤣海綿蛋糕鬆軟，忌廉裡面夾雜住啲芒果，個人黎講唔中意食太多忌廉，呢間對我黎講岩岩好！👍👏金蘋菓一年四季既芒果都係好甜，唔知點做到架呢？！😆❤️芒果班戟💰1️⃣2️⃣我無試到，不過朋友話幾好食，班戟皮唔會太厚，忌廉幼滑，芒果夠甜😊整體水準好高又抵食，難怪屹立咁多年都咁好生意，成為元朗必試名物👍😂

原來唔一定要買大大個蛋糕🎂有切餅（$15）賣太好啦！有時想食少少都可以買一兩件切餅仲有栗子味同芒果味芒果真係好好食😋😋😋😋呢個水果撻好驚喜呀啲味道好夾呀 個撻皮都好好食😋芒果班戟（$20兩個）連啲𝐜𝐫𝐞𝐚𝐦都整得好好食♡♡♡

呢一間蛋糕舖真係由細食到大！屋企人一年總要食幾次😁過生日又食，母親節又食，聖誕節都食～在情人節未食咋～！！佢d海綿蛋糕非常鬆軟，上邊嘅cream係傳統蛋糕嗰種cream🥳我地最like 雜果蛋糕 / 芒果蛋糕~ 係best of the best黑森林有時都會叫, 不過原味海綿蛋糕真係最好食！！！小店舖頭前邊係麵包舖同蛋糕舖，後邊直接就係餅房，保證所有麵包同蛋糕新鮮出爐！以前閒日都未必要排隊（過時過節當然訂左都要排隊拎！）真係質素完美保持，人龍亦都完美保持😌😌😌大家想食記得訂左先喇~ 

呢間人氣好似好高，所以試吓。試咗黑森林蛋糕同埋芒果蛋糕，價錢真係比連鎖餅店平好多，而且有中小學/幼稚園嘅學生證、長者咭、工聯會卡等等嘅話仲有八折（可惜我地咩都無）。味道方面芒果蛋糕真係幾好食，黑森林蛋糕就普通。員工會問使唔使寫字，係免費嘅，師傅即場寫。呢間可以encore

見呢間餅店咁多人讚，今日經過買來試下～平日下畫兩點幾唔算多人，入到店內只有兩三人在等取已訂的蛋糕。我即席買左兩件芒果蛋糕，同一個一磅既黑森林蛋糕🍰🎂It’s tea time~返到屋企忍唔住即刻開來食～芒果蛋糕好鬆軟，生果新鮮完全唔酸，蛋糕中間淡淡芒果肉，好味呀😋到黑森森蛋糕，裡面好多啫喱，好有懷舊感覺；同樣地，蛋糕好鬆軟，因為一次過食左兩件太有罪惡感，面頭d cream我都整走左先食🧁 鋪面嘅朱古力唔係坊間有時整蛋糕會用既”假力”，會食到香濃既朱古力味。不枉我係朗屏買回屯門😋😋

元朗不乏名物，其中金蘋果既芒果忌廉蛋糕係長期處於高人氣（唔止一次響前西鐵見人帶番屯門/天水圍）。15蚊一件響哩個年代真心唔算貴，先咬上面既ichigo, 帶果香味但微酸，個心當堂有1mm 既刀傷。再食，芒果恰如其分地帶應有既香同甜度(19年2月食果次果芒果係酸既），蛋糕蛋香味亦突出，哩個組合加埋一齊其實好難會難食。起初天真地以前名物與蘋果有關，後來先知我諗多左⋯好多。唔知地道元朗人點諗哩間呢？因為好多時都會聽到真正元朗人都唔會去XX士多之類既說話。

外表平庸、名字經典的餅店。老公生日 指定這一間。蛋糕外表平凡不起眼，不要水果裝飾嘗起也做到甜而不膩。一向只愛吃淡忌廉的我也能接受這種噴裝甜忌廉的味道現在要找一個價格正常又美味的蛋糕實在不容易，極推薦這間餅店。以下是黑森林蛋糕（走水果）值得一讚的是水果可選偏大眾口味的芒果，而不會被迫吃不新鮮的罐頭水果。

屹立元朗多年嘅金蘋菓，記得小時候住在附近，基本上每一年生日蛋糕都係食佢。之後慢慢開始大個，亦都搬遠了，屋企嘅生日蛋糕慢慢就變咗連鎖餅店…最近喺社交平台瘋狂被金蘋菓蛋糕洗版，諗諗吓起碼有10年冇食過😆😆一拎上手，勁’聚手‘。今次再食，完全係小時候嘅味道，勁懷念，唔知點形容，就係舊式蛋糕既味道。蛋糕勁鬆軟，而且香蛋味，蛋糕同cream亦都唔會好甜，比例啱啱好，中間仲有兩層芒果蓉。但切咗第一件食到一半之後，口中發出清脆嘅聲音，之後發現~Hi~蛋殼😂😂但明明其他屋企人件蛋糕都冇事，所以再切多一件嚟食，再次發出清脆嘅聲音，hi 蛋殼again😂😂切第二件食嘅妹妹，命運同我一樣論味道，好食之餘又有滿滿嘅回憶，只祈求下次千祈唔好再遇到蛋殼🤣🤣🤣

一隻聽好多人都話好味，又話佢好古舊，講到佢幾好，好有特色，照我今次經驗，可能佢哋只有生日蛋糕係最好，因為夠平。睇落佢哋生日蛋糕真係好平， $100中間，咁大個，不過我今次係買佢哋傳統花籃蛋糕仔一件。花籃蛋糕，價錢好平，$4.5，不過其實全香港餅店都係賣緊呢個價錢，所以為咗公平比較，我去咗隔離附近餅店買咗一個一模一樣的花籃蛋糕，價錢都係一樣。比較之下呢一間金蘋果（左邊），比另一間（右邊）差好多。顏色，好明顯右邊嘅靚仔啲中間的層次，又係好明顯右邊嘅靚仔啲忌廉味道，金蘋果的忌廉相當假大小尺寸，又係金蘋果差啲，細啲

提早一日係金蘋果訂左栗子蛋糕，芒果鋪面，一磅，$155，用會員卡八折，$124。即場可以買芒果蛋糕，有現貨，亦可以即寫牌。仲有些切餅，細細件賣。不過一路食開一磅，一家人分，份量剛剛好。取完搭車回家，聽聞其他區既人專誠入元朗買金蘋果，好誇張。一打開，芒果舖面，有菠蘿、黃桃、士多啤梨，加個牌。切開，栗子餡厚厚一層，海綿蛋糕，忌廉，比例均勻。軟綿細滑，老人細路都岩食，唔會太甜。四個人分，每人兩件，係非常抵食，一下子就清光。比起有d連鎖餅店，質素更高。栗子餡足料，味道自然。係唔錯，值得一試。之前一直食芒果蛋糕，今次轉下口味，整體唔錯。但相比下，芒果蛋糕果然係鎮店之寶！