金記冰室 (都會駅) (已結業)

呢度唔係樣樣抵食，但有啲選擇係超值既~早餐可揀牛奶麥皮配烚蛋（2隻），盛惠$29，包飲品。飲咖啡的話，呢度的咖啡應該係即磨，但仲有一個更抵的選擇：鮮奶！！早幾個月我喺無意之間發現呢度的餐飲轉熱鮮奶係唔使加錢架（其他茶記熱鮮奶要+$3-5）。牛奶麥皮幾大碗，係雙奶（鮮奶+煉奶；煉奶獨立上，可自行決定落幾多），食曬都幾飽，通常我會帶走1-2隻烚蛋，當點心。呢度的早餐供應至1130，如果接近1130嚟到，早餐可充當午餐（份量係午餐的輕食版）。茶餐的話，我通常會點麵包餐，價格視乎所揀包類而定。提子麥包餐$21，但有時提子麥包會賣曬（尤其早餐時段；早餐同樣有麵包餐），健康啲的次選可考慮同價位的豬仔包。同樣，茶餐可配熱鮮奶。最近一次光顧，一心想搵個地方傾計，揀咗呢度，點咗麵包餐，（因單點1杯熱飲~$20），而提子麥包則外帶。朋友點咗炸雞脾配迷你西多士餐，細份啲，但佢食得都ok。呢度大部分伙記幾helpful。環境方面，呢度差唔多全部都係卡位，好適合人少少t傾計。

職員很無禮貌，叫佢攞野扮聽唔到，要叫幾次先應人，職員每個都黑口黑面都好似係度趕黑咁 ，都未食完唔問人就收走左人哋野食，同佢講我未食完，佢好似講到我問題咁，真係好失望，經理態度都好差，見到佢仲係度打機，無言

星期日中午 一點嚟到商場， 見呢間餐廳門口有人等位 ， 應該不會太伏，所以就揀呢間食。我哋都要等咗10分鐘才有位， 一入去，畀咗張大圓枱我哋，我哋四個大人一個小朋友 ，座位都排得比較迫，用手機點餐， 餐廳給人哋感覺比較污糟，枱邊發曬黑色 🤢毛菌，地下又有垃圾， 立黐黐😵。我哋點咗 午餐: 蒸倉魚配飯， 同埋麻婆豆腐飯， 包咗兩杯熱飲，另外叫蕃茄火腿通粉， 麻辣牛肉米線，另再加一碟炒飯，cp值最高就係個蒸倉魚🤫， size比想像中大，味道都可以， 其他食物就真係好一般， 不要抱期望 ，一般茶餐廳級數🤐。 埋單好似食咗大約四百蚊。

Pathetic experience!職員態度惡劣！食物味道差！Blacklist 以後唔會幫襯！職員態度好有問題，叫極唔應！仲成日擺烏龍，送錯食物！涼瓜炆牛肉，涼瓜好硬！有牙週病嘅一定唔可以吃，牛肉得嗰薄薄幾片，鹹到上天花板，好難食！霸王雞，雞肉嚡口又老，我都咬唔開，雞肉冇雞味又唔夠薑蔥霸王味！冇料扮四條！魚香茄子魚柳煲，茄子硬個鐵！魚柳冇魚味！個汁好鹹但係唔夠香！pathetic！新鮮菠蘿咕嚕肉，既然菠蘿行頭，咕嚕肉行次，應該菠蘿多個咕嚕肉先至啱，但菠蘿得嗰兩三粒，真係冇邏輯； 咕嚕肉好硬，我咬唔到，又酸到上天花板，好難食！

【西貢區】【金記冰室】我間唔時都會過嚟調景嶺呢邊做嘢，大家都知道我去到邊食到邊，而且呢度係以十八區 foodie 為主嘅生活雜誌，因此難得喺西貢區，點都想食吓佢哋嘅餐廳。然而，心水清嘅讀者可能會見到我成日都喺調景嶺食，呢點我盡改。不過喺冇乜選擇嘅情況之下，我今次都係食一間連鎖茶餐廳，之前喺會展做嘢嗰時已經食過一次灣仔分店。希望大家體諒，因為嗰頭嘅食肆，要食嘅好似都食過晒，剩返低嘅一係就係啲大型集團連鎖店，一係就唔適合一個人食。我記得上次我食金記係食佢啲午餐，所以今次食「金牌經典」，即係啲類似常餐咁嘅套餐。我叫咗個 $58 嘅，主食係「招牌鮮牛肉米粉」，都幾好食，清清哋咁。我將配菜「西煎雙蛋」改做「炒蛋」，加埋「牛油多士」，都唔錯。由於呢間係用 QR Code 落單，所以有啲咩要求都唔會唔好意思開口。呢一點除咗轉炒蛋之外，亦都彰顯咗喺杯嘢飲度，我叫咗「荷蘭谷咕」轉「煉奶(少甜)濃D」，我想講咁配搭係勁好飲，大家可以一戰。埋單就係 $58，唔貴嘅。。。（地址：將軍澳調景嶺景嶺路8號都會駅2樓R03 & 027號舖）呢間餐廳我寫過其他分店嘅用餐體驗以及食物，如果想睇，可以打以下 hashta

在香港如果要外出食早餐，首選都會是吃茶餐廳。金記冰室 便是其中一間有頗多分店的茶餐廳，早餐去到11點半。經典的茶餐廳早餐這裡都有，還有番茄湯底的選擇。用QR Code下單，上餐速度都算快。🍜招牌鮮豬潤通粉配香滑妙蛋跟牛油多士 (HKD 49)鮮嫩的豬潤厚薄適中，吃落不會覺得腥。通粉的口感可選擇，選了爽口的，來到都幾彈牙。原本是配炒蛋，我轉成太陽蛋。蛋有兩隻，蛋黃亦幾濃香。牛油多士則不過不失吧。🍜沙嗲牛肉即食麵配香滑妙蛋跟牛油多士 (HKD 43)沙嗲是幾香，但個麵選了爽口，但來到已經偏腍。炒蛋夠滑，不過蛋味來說反而比較淡味一點。最後早餐會配一杯飲品，HKD 50 的價錢差不多。

十點鐘收工，九點鐘入去無乜人，個男主管或經理，已經同你講，話十點鐘收，到我就食完時，個男主管或經理九點半已經叫你埋單，食食下嘢我已經配合出去埋單了，但個收銀一路埋數，但係就叫我喺面前一路等佢，等完佢後，我埋完單返去再食埋淨低嘅食物，都未食完，個男主管或經理就想收走我啲食物，又吹我埋單，其實我已經畀咗錢，亦有同佢講俾咗錢，跟住個男主管或經理直情去同收銀講，叫收銀再過嚟叫我畀錢，我畀錢嘅時候，佢兩個都見到我，喺佢地面前畀錢，兩個都發雞盲，又唔睇單，淨係識四圍追人畀錢，完全冇理，亦都冇睇，第一次同我講時，我已經立即畀錢了，食到食得唔安樂，佢哋起碼吾同時間吹咗我三次畀錢，唔好意思一句都冇，走咗去，食物已經唔係特別好食，仲要服務咁差，真係差差差

用QR code落單有問題舉手問阿姐，點知態度極差「我而家咪教緊你囉，我都未講完」唔該晒你哋嗰個系統一啲都唔user friendly 嘢飲又唔可以同一個版面點飲品又要跳返出去我梗係要問你啦😓老實講，10個有一個態度差，我已經唔會再返轉頭啦～

住左調景嶺甘耐都無食過一次諗住試吓就搞到阿媽一肚火7點52分落單，叫左個2人餐$165大約5分鐘左右上左餐湯 餐飲 同XO醬蝦球炒西蘭花上菜既時候個侍應話轉頭俾白飯我地結果另1個餸魚香茄子魚柳煲都黎左白飯都未出現最後等2個白飯竟然可以等左25-30分鐘左右D餸都凍哂啦！（最後白飯大約係8點20幾分左右出現）吾知真係以為d白飯仲煮緊，但中間佢不停出緊碟頭飯….味道方面，二個字：咸死絕對沒有下次，如果諗住小炒當冷盤食歡迎可以黎試下

今晚7點外賣自取都等咗20分鐘先有得拎，即叫即焗都明要耐啲，但問題就嚟啦...叫咗杯凍檸茶少冰少甜，結果仲甜過平時，最慘係個芝士焗肉醬意粉都係甜嘅...(仲要焗燶)收成$67俾啲咁嘅質素真係搞唔掂🥲希望隔離大快活快啲開返，不過呢間金記中伏太多次都唔會再畀錢買難受👋🏻順便寫埋一星期前食早餐嘅經驗：兩個人食早餐，另一個食哂但我嗰份都仲未上，淨係上咗杯嘢飲，我諗都等咗20分鐘。追咗單之後好快就上返，所以都幾肯定係漏單。

I am a regular breakfast customer at Jinji. I believe everyone can see the service and hygiene in your store before, but recently (about a month ago), the new employees in the store, although novice, are very polite and deserve praise. The hygiene in the store has also been doing well during this period! I hope your store will keep it up!

成日俾人話貴都算啦，服務仲要好到冇得頂。話說人手好似係唔夠，樓面唔多，貌似有位馬尾Gucci belt 既大姐，唔知係咪經理嚟架呢，問佢問題唔答仲黑面😑？？？在旁小侍應見狀即嚟幫忙打圓場解答😏（所以我估果位係高層）。又唔係獨市真係揾鬼幫襯，一絕。早餐併沒有因價錢貴而好食，早餐D牛好似擦子膠咁……題外話，D包整好就入櫃啦，成架車放走廊真係好唔衞生。

原本諗住搵間普通餐廳依飽個肚，喺商場見到有依間金記茶餐廳諗住連鎖店都唔會差得去邊。嗌咗個叉燒炒蛋飯。叉燒極少快又硬又少，招呼好似去咗澳洲牛奶公司一樣。講多兩句我見客人都比侍應鬧。冷氣開到好行，10分趕客完全係周星馳所講嗰隻開行個冷氣有咁多冰俾咁多冰，等到啲客坐得又唔舒服想食完就走。食完個飯總共加埋個嘢飲60幾蚊。原本想嗌多啲下午茶食，但是眼見旁邊食客都被侍應冷待下場簡直不堪入目。就算餓着個肚食唔飽，到諗埋單走人唔會再嗌

一直是大家樂以外的另一個選擇，近期好似舊菜式有驚喜、新菜式令人失望。鮮茄焗厚豬扒飯- 之前食過好似無咁厚，好似連名都改埋有個"厚"字。個醬汁、份量、炒飯同大家樂差唔多，都令人滿意，分別在於炸豬扒，量度過只係豬扒都1.5cm厚，仲未計個外皮。豬扒厚就極有口感，另外肥瘦同肉汁都好。慕尼黑黑椒牛肉焗飯- 另一個焗飯，新推出的，配菜及醬汁都ok，只是牛肉太薄。熱奶茶- 茶味香濃，奶多少可以自己揀。凍鴛鴦- 冷飲都味道香濃，奶同冰都可以自己揀。口水雞飯- 雞肉嫩滑、味道惹味、份量足夠，茶餐廳來計算很高質。

近近地過黎食午餐但比預期失望整體不太滿意叫完完任無反應出左單都無人理等成半個鐘話仲整緊已經係叫多人嗌既牛河唔係咩特別野念唔琴點解咁甩漏整體來講 大把野好過佢催理都無反應