金記冰室 (新港城中心4期) (已結業)

身為馬鞍山街坊，成日行過金記門口都會見到有人龍排隊。搞到我都好想去試吓究竟佢啲嘢好唔好食，早兩日晏晝就終於嚟食下午茶啦。我哋叫咗招牌焗豬扒飯、金記炸雞髀、無骨海南雞油飯套餐、金粒西多配雪糕、金記三文治、香滑奶茶、凍檸檬利賓納。🔸 招牌焗豬扒意粉豬扒好厚、食落好鬆軟同埋焗得好香，每一啖意粉都沾滿左啲蕃茄汁同埋芝士，好好食！果然係招牌！🔸金記炸雞髀雞髀大隻，炸得香脆又醃得夠入味，肉質juicy，啖啖肉好滋味。🔸無骨海南雞飯套餐（配油飯）呢個餐有跟老火靚湯，飲落幾舒服冇味精。海南雞好肥美、好滑！同埋冇骨食得好方便，再點埋佢啲姜蓉同埋黑豉油食好好味！油飯用雞湯來煮所以食落好香同埋一啲薑嘅味道。🔸金粒西多配雪糕一口size嘅西多炸到金黃色，一啖一粒，淋上煉奶連埋朱古力醬同埋雲呢拿雪糕一齊，食好邪惡但滿足。🔸金記三文治脆卜卜嘅方包夾有午餐肉、好厚好滑嘅炒蛋、生菜、蕃茄同芝士火腿，材料好豐富好味又飽肚，尤其是中間嘅炒蛋真係好滑，好好味。

早陣子金記冰室喺馬鞍山開咗分店，日日都大排長龍，今日就來試個究竟。餐牌的選擇非常多，由中式小菜、港式粉麵、各式焗飯、咖喱、鐵板餐、三文治、沙律、泡飯，應有盡有！我按心情隨意選擇左「無骨海南雞套餐」 ($68)，配油飯及老火湯。海南雞己去骨，肉厚有雞味，雞皮油脂豐富，非常美味。油飯色澤夠黃， 粒粒分明有咬口，幸好不算油膩。而醬汁分別有黑醬油和薑蓉，前者濃濃略帶甜味，後者香味濃郁，令味道層次更豐富。半價加配飲品：綿滑蛋白杏仁茶 (+$14)杏仁茶是熱的，杏味香濃，白滑細緻，仲加左蛋白，好喝。金粒西多 配 雪糕 ($38)最後意猶未盡，決定食個甜品，「金粒西多 配 雪糕」，西多色澤金黃，炸至酥脆內鬆軟，成碗煉奶淋上面，非常邪惡！

今日放工就同屋企人去試下依間金記，平時見佢門口成日都排長龍好受歡迎咁就決定試下，入到去環境都算唔錯，卡位都幾好坐。果時係下午茶時間，而且都有幾多選擇，我地就叫左兩個下午茶，一個係乾炒牛河，另一個係炸髀配西多士，等一陣就上菜啦。首先碟乾炒牛河就麻麻地，可能係下午茶嘅關係，份量有啲少，食完都好似差少少唔多夠飽，而且味道有啲濃。反而炸髀西多士就好啲，雖然隻炸髀外表睇落好似炸得太乾，但係一切開就見到啲肉滑嫩多汁，味道仲唔錯。但係塊西多士就差少少有啲簿身。

約朋友交收順便吃個午飯，他說馬鞍山開咗新冰室叫金記，我話這間食物幾好架又大份。’鐵板美式雜扒‘跟餐有老火湯和飲品，是日老火湯——青紅蘿蔔合掌瓜湯，味道香濃又滋潤，真材實料煲煮。鐵板美式雜扒（牛扒 豬扒 雞扒 腸仔 煙肉）點了燒汁加意粉很喜歡吃雜扒的原因是雞牛豬都可以食到，而且每塊扒都大大件，金黃色外皮煎得香脆，肉質唔會韌好嫩肉。熱檸檬菜蜜‘招牌鮮牛肉米粉配炒蛋’跟金油脆豬鮮牛米粉味道很好吃，用左薑絲加上湯做湯底，而鮮牛非常嫩滑有牛味，米粉是超幼滑身有嚼勁。炒滑蛋顧名思義就一定要夠滑，而蛋炒得不可過火，這個就做到蛋滑味鮮這個效果，而脆豬夠鬆化夾埋一起吃真的絕配。加小食一款 白灼菜心熱綿滑蛋白杏仁茶這個熱綿滑蛋白杏仁茶，我每次都會點的，因為煲得味道超濃又幼滑，唔會水流流非常挺身，而又滋潤。

今晚懶煮飯，加上想去大超市買嘢，所以決定行多幾步去附近既新港城！我地揀左呢間開左幾個月既金記冰室，因為之前晚市無堂食，所以一直都未試呢間冰室都幾受歡迎，之前經過成日都見好多人等外賣！晚市食物款式都幾多，中式小菜、鐵板、快炒、湯麵、焗飯、茶餐都有👍我地就點左半隻鹽焗雞、椒鹽豬扒、風沙炸豆腐，三款餸我地都覺得好滿意奶茶唔錯，口感幾醇厚順滑鹽焗雞半隻份量很多，排得好完整，我幻想到隻雞有幾大隻皮薄肉厚，入口啖啖肉唔會骨杉杉沙薑味很突出，肉質嫩滑入味，餸飯一流風沙炸豆腐呢個幾驚喜，非常推介，外脆內滑，外面椒鹽味，裏面就很有豆味，一條接一條停唔到手椒鹽豬扒微辣，夠多蒜，配埋洋蔥，非常惹味；豬扒夠淋又juicy，唔鞋口，正！整體很有質素，又比去酒樓食經濟得多，埋單$300唔洗，打包食剩既重夠聽日做埋午餐

翻身後的金記算是遍地開花，但因幾年前在九龍塘食下午茶，印象普通，一直沒有幫襯。今日嚟馬鞍山工作，見這裡也有分店，一於來試試。早餐選擇很豐富，我叫了蕃茄雞片通粉餐（$37）而同事叫了招牌鮮牛米粉餐（$42），套餐連餐包、煎蛋或腸仔及餐飲，價錢比普通茶餐廳略貴，但在馬鞍山商場內，大部分連鎖食肆都是差不多這個價錢。我的通粉先上，茄汁有大大粒蕃茄，雞片鮮嫩幼滑，似是新鮮貨。通粉煑得啱啱好，仍彈牙，不會過淋。而湯底略有鮮味，加入茄蓉，好味又健康。😋😋😋同事的鮮牛米，我試了一片牛肉，亦嫩滑美味，沒有煮過時，亦不死實。另一驚喜是它有餐包供應，而家大部分餐廳都係供應多士或方包，傳統西餐包已買少見少。雖然包不是很大，亦過度軟熟，但亦喜歡有這選擇。😃煎疍亦做得唔錯，流心而不會太油膩。奶茶亦是水準之作，有茶香。👍🏻👍🏻👍🏻總結而言，它的早餐是不錯的選擇。

夜晚入黎馬鞍山買野行到差不多準備醫肚諗起呢間金記好耐之前食過灣仔分店果個迷你西多一試難忘真係好鬆軟最衰而家無堂食怕外賣西多凍左會唔好食就無叫呀今晚點左銀芽肉絲炒麵睇相個迼型幾特別又好耐無食就點左不過可能外賣關係個脆麵耐左就硬左就算淋左另上既肉絲獻汁都唔夠淋咁但味道就幾好既下次要堂食試真DD呀XO醬海鮮炒烏冬呢個好惹味呀有蟹柳...尤魚.....份量都正常D烏冬好夠味下次要再來呀

成日都話沒冰室/茶記的服務態度唔好，今次真係有唔同既新感受。朋友因為四點先放工，所以約佢一齊去食下午茶，又未去過金記，所以就提議去試O下。入到去，"歡迎光臨"就緊係唔少得，仲有好幾位後生仔係舖頭做，成間舖頭都充滿活力，仲主動俾兩杯水俾我哋，又問我哋用個apps 有無問題，好體貼!下午茶好多選擇，見到身旁既食客都係叫炒少麵，但係我哋又覺得太heavy，睇咗幾次個餐牌，都係俾餐肉蛋即食麵既圖吸引，忍唔住都一齊叫同一款。自己用手機落單都唔係新鮮事，仲可以選擇麵底爽O的定淋O的，蛋又可以選太陽蛋、熟蛋、炒蛋，完全俾食客自己選擇，又唔會落錯，又可以有話事權，食得開心又滿足朋友仔話係出前一丁既麵底，可惜無俾包麻油，就少咗最重要既精粹。但係好欣賞佢既餐肉，有煎過但係唔係好肥既餐肉，有質素既餐肉，成個餐包埋野飲都係$31 (配熱飲)，真係好飽!

早兩個月開咗呢間新茶餐廳，到今日先有機會試試。但由於下午茶時段，依然好多人等位，所以都係外賣自取算了。 本來想試吓佢嘅招牌豬潤米粉，可惜到下午茶時間已經賣晒，無緣一試！ 結果點了一個欖菜雞粒炒飯配熱檸茶。炒飯粒粒分明，有咬口，味道亦算不錯，不會太咸。唯獨比較多油，食完後有些油膩嘅感覺。但以$39連熱飲而言，都算不錯的選擇了。

新港城又新開一間冰室，見Tea Time 少d人排隊就去試一試！度體溫要求客人一定要量額頭，幾嚴謹👍 好多卡位，坐得幾舒服~叫左個炸雞脾配西多士（$41）,熱飲可配少見嘅杏仁霜，叫左杯少甜試下，唔錯，幾濃郁！雞髀炸到皮脆肉Juicy😋,西多就正常，不過不失！

呢間嘢極度難食。金玉其外，敗絮其中。今次第一次幫襯，唔會有第二次！超級難食！ 係我成世人最難食嘅一間食店！ 叫咗魚香茄子魚柳煲 ，叉燒炒蛋飯， 咸牛肉軍艦。魚香茄子煲：份量好少，完全聯想唔到係「煲」。茄子唔冧，啲魚得成嗰炸粉，嚿魚醃到已經澀口。叉燒炒蛋飯：叉燒乾硬， 啲飯都係。咸牛肉軍艦：入面嘅鹹牛肉極少 ，只得一大pat茄汁總結： 難食 ，太貴，唔值。絕對唔會幫襯第二次。

作為馬友，一有新餐廳都會去試下🤭 不過當然係揀平日，唔使排隊嘅時間試下佢個下午茶先🤪都幾多選擇，下午茶餐到6點，有輕食有飯有炒粉麵，可以doo QR code自己落單或叫店員落單都得～ 價錢合理，質素ok，都會再食嘅‼️外賣有88折～ 麻辣雞肉米線d雞件好滑👍🏼焗豬扒飯嘅豬夠軟淋，醬汁都多，炒飯底如果再炒得乾身啲就更加正🤪星洲炒米嘅餸料都多，下午茶份量，如果男士當正餐就唔夠飽喇，味道幾好，米粉中中挺挺（質感唔係最鞋嗰隻，又唔係最彈牙嗰隻）🤭外賣有折，過下癮都幾抵食😝==========================

因為重新WFH，難得在家食晏，又難得馬山開左多間新店，決定周圍試吓街坊新舖。今日就試吓唔算街坊生意既金記冰室。金記觀塘APM都有，一般茶記水準，不過之前都只係試過焗飯同炒河，好難難食。今日試下豬膶水準，茶記夠膽出豬膶都算有心。可怕係有心無力......

11月19日新開張， 門口排滿人， 外賣88折， 所以外賣人比較多， 塞滿冰室外， 門口有電子取票， 2人等6張枱， 約等了20分鐘便入內。疫情下量度體溫， 清潔枱才讓客人安心入座。用bar。code二維碼 下單，點了招牌鮮茄濃汁焗豬排飯， 法蘭西多士。 鮮茄濃汁焗豬排飯～ 蕃茄汁烯d, 唔濃蕃茄味， 豬排厚， 但不鬆， 較銀。招牌食物質素差些， 改善下會更好。法蘭西多士～ 多士薄身了些， 如再厚d更好味。新開張， 員工服務。馬鞍山多些好食店， 係馬鞍山住客福氣。