金記冰室 (建新中心)

营业中

休息中

27號中午叫咗干炒牛河同咖喱雞扒饭，當日干炒牛河4片牛肉咩都無細碟到你唔信，咖喱雞扒飯好D，咖喱汁，雞扒炸到乾曬，我明白金記點解會關門，九龍塘都快，是否請一班唔識煮野的人反工，我一生去咁多冰室未見識個咁?出品，(恭喜你有一班天才員工)，沒有咁差，真係極差。

夜晚喺浸會探完病，諗住入去食個飯。食咗半個鐘，成餐飯係咁聽住個老細大大聲鬧同侮辱啲員工，不停重複，當啲員工係狗咁。聲浪大到成間餐廳都聽到。所有鬧人嘅內容都係冇重點，純粹發洩。內容例如個員工問入面last order未，佢就鬧人唔識睇鐘。仲不停叫其中一個員工做低智商，勁侮辱。見啲員工不停扮搵野做，避開老細。周圍嘅食客完全傾唔到計，更加唔敢出聲。而我完全專心唔到食飯，同朋友講兩句嘢就會俾佢把聲打斷，淨係勁想逃離現場。

服務和食物水平一般就不說了。 最重要就是今時今日只收現金。 還和客人說所有很多餐廳都只會收現金了 真是井底之蛙。全世界都走向電子支付。 餐飲業不與時並進，只會滅亡。 為了逃稅和慳了小小的費用，令到客人不方便。最重要門口沒有很大的通告告訴客人。

九龍塘呢個位真係冇乜野食，諗住附近冇咩食黎到呢間食個午飯，野食味度ok人偏重味精，價錢偏高，野食份量ok ，啲員工聲大大問佢拎杯水叫你自己斟，員工態度不好！！！！！

金記冰室是一個絕佳的下午茶去處，特別適合在疲憊的時候來享受一頓美食。步入店內，香氣四溢的食物香味立即迎面而來，讓人食指大動。他們的炸雞脾配西多士是一道令人垂涎的美味組合。炸雞脾外脆內嫩，每一口都散發著誘人的香氣。搭配著鬆軟的西多士，相得益彰，口感絕佳。這道菜不僅滿足了嘴巴的嗜好，也能讓心情放鬆，帶來一種幸福感。另外，炸魚柳配沙律也是一個不容錯過的組合。鮮嫩多汁的炸魚柳搭配清爽的沙律，形成了一種完美的平衡。每一口都帶來口感的變化，令人愉悅。魚柳的炸製技巧恰到好處，保持了魚肉的鮮嫩，同時搭配的沙律提供了清新的口感，給整道菜帶來了層次和豐富度。最後，一杯香濃的奶茶能完美地結束這頓下午茶。金記冰室的奶茶香氣濃郁，口感滑順，讓人回味無窮。它的獨特配方和精湛的泡製技巧使得每一口都充滿了濃厚的茶香和奶香，讓人陶醉其中。總而言之，金記冰室的下午茶選擇非常出色。他們的炸雞脾配西多士和炸魚柳配沙律提供了多樣化的選擇，無論是口味還是滿足度都能讓您非常滿意。再加上一杯香濃的奶茶，絕對是完美的組合。不論是疲憊的身心還是享受美食的愉悅，金記冰室都能給您帶來一個難忘的下午茶體驗。

平日是日晚餐好早食，望下金記下午茶，有想食嘅食物，主食可以當晚餐😋，而且有熱飲品☕️送，一舉兩得🤗。下午選擇有好多，配搭都有好多，有西多士🍞、有炸雞髀🍗等等，估唔到有乾炒牛河作下午茶🤭。🥢乾炒牛河配熱杏霜一看見盒裏面嘅牛河，份量得一半，有少少驚訝，牛河算炒得乾身，但唔夠鑊氣，味道還可以。杏霜夠滑，唔會太甜，係幾好嘅配搭。🗯️🗯️🗯️下午茶就下午茶，份量就係下午茶份量，但$56一個下午茶唔算平。如果細食係可以接受，如果食量正常及早食晚餐的話，這份量會好快肚餓。

難得過去搵家姐T，成日都無食過野，就試吓焗豬扒飯……上枱夠曬汁，汁亦做得很好味道⋯⋯開胃，另你想繼續食落去👍🏻剛好我自己不太喜歡芝士，佢就係芝士唔多，豬扒奄得很好、鬆化得黎咬落有口感😋😋4:00人都有8成👍🏻

昨日来到建新中心嘅分店，點咗素食午餐，百合雲耳胜瓜配白饭，上枱一睇，简直不知所謂，百合雲耳份量少，胜瓜竟然没切皮，净係切长條，硬到爆，居然收58元。已經没乜优惠，仲要咁样对待客人。🖕希望金記改善吓食物质素😠

下午茶時間去的，人不算特別多，防疫挺不錯的，進門開始掃安心出行，然後把桌子椅子消毒過後再讓客人入座咖哩飯和牛肉米線味道不錯，就是沙律超出我意外，還以為有蔬菜在裡面，結果是水果和土豆粒在沙拉醬裡

最近開了學，浸大幾間餐廳排隊的人勁多，都是排隊不如出來排啦，起碼好事滴。點了個雞肉套餐，雞肉午餐肉煎得超級香，薑蔥淋面，超級落飯。真是唸唔到食咩時，就來尼度啦。

暑假後，加埋小朋友冇再喺九龍塘返學，好似好耐冇嚟食早餐。今天重溫舊夢。勁鍾意金記個app：麵可以揀「淋D」、「爽D」，蛋可以揀熟蛋、太陽蛋、炒蛋，多士又可以揀多烘、少烘、多油、少油⋯⋯總之想乜都有得撳掣，唔駛吓吓嗌侍應姐姐。講番食物，早餐愈食愈貴，不過真係做得幾好食……暫時食過最好食都係沙嗲牛肉配公仔麵，炒蛋就比奄列出色，多士唔算好大塊，同埋就算揀咗多油都唔算勁多牛油呢度嘅檸檬茶係偏甜，我次次揀咗「少甜」都仲係覺得有點罪咎感

吃膩了浸大校園裡的餐廳，我念大多數人都會選擇去離浸大唔遠的金記餐廳。點過唔同日子的lunch set，唔使80可以吃到豬手套餐，又有多種湯麵可撿。整體抵食量又多，真真挽救了浸大的美食荒漠地位。

去完浸大，實在太肚餓！就係路上見到金記嘅招牌，咁就有救啦！金記食物選擇多，又夠晒穩陣依間分店裝修好懷舊，打卡都唔錯😎晚飯想食各種小菜，金記真係唔錯嘅選擇。除咗精選晚餐，仲有其他大路嘅小菜，可以加$15變套餐，有埋飯同例湯老火湯，火候十足，好似係老黃瓜，都幾好飲套餐加$10轉咗做特飲夏日炎炎，飲番杯菠蘿柚子冰、紅豆沙，夠晒涼快！菠蘿柚子冰呢個配搭幾新奇，飲落又好夾，唔會太甜👍🏼👍🏼口水雞-例牌除咗麻辣味道夠突出之外，仲有花生碎，超香，雞肉嫩滑，加埋d汁好好餸飯！中式鳳梨小牛排份量驚人！估唔到咁多小牛排，仲要都幾大塊，啖啖肉，超滿足！個醬汁酸酸甜甜，非常適合夏天，夠晒開胃👍🏼韭黃叉燒炒滑蛋依一碟係全晚最好食，非常推薦你見份量都好多，佢真係炒滑蛋，蛋味好濃郁，又唔會乾柴。韭黃都好多，所以成個炒蛋口感超正，叉燒肥瘦適中，好食👍🏼👍🏼👍🏼

呢排天氣太熱，熱到連入廚房煮嘢食嘅意欲都無，每次入廚房開爐簡直覺得好似開咗個桑拿房一樣，咁情況下記選擇同媽媽出街食飯。今次嚟咗金記點咗三樣，包括：- 豉汁蒸䱽魚- 客家沙薑雞- 鐵板西冷扒豉汁蒸䱽魚同鐵板西冷扒都係套餐，有飯有湯，但晚上唔食碳水化合物就走咗飯/薯條。客家沙薑雞嘅雞嘅肉質鮮嫩，沙薑味濃郁！豉汁蒸䱽魚蒸到剛剛熟，肉質嫩滑，豉汁個香味連我唔食魚都覺得好香。鐵板西冷扒個份量大到應該都有16oz咁大，但個價錢都係收$108，如果喺扒房食，呢塊扒個價錢起碼x4呢餐大滿足，飽到行咗去又一城行街消化吓。

叫左個爆薑洋蔥雞配白飯$75，大約等左20分鐘多啲，實物點知同想像非常吾同。本來諗住係有薑片同洋蔥爆炒嘅雞，點知出黎係豉油加白切雞上面加一啜仔炒過的薑蓉同炒軟左嘅一條洋蔥。個爆薑洋蔥係幾好味嘅，但得一啜仔送一啖飯已經冇左。至於啲雞肉都幾鞋下，都算我食過最鞋嘅白切雞，完全吾似餐廳水準，似自己屋企蒸出黎嘅雞咁鞋。都吾知係咪廚房整吾切所以求其整，仲要一條蔥洋加薑蓉非常有欺騙成份，根本係白切雞飯，一啲都吾值。