金記冰室 (東九匯)

营业中

休息中

話說附近冇乜茶餐廳，唯有去金記。首先，入到去個地已經跣吓跣吓油淋淋，諗住茶餐廳都差唔多係咁就算啦。跟住冇服務: 問啲姐姐攞個杯斟水都指手畫腳，跟住用QR code落單叫咗份西多士。刀叉都係要自己喺櫃桶度攞，但冇一隻刀或者叉係冇飯粒或者飯汁黐住，又油淋淋。跟住又等咗20分鐘問阿姐可唔可以跟下單，啲阿姐敷衍了事之後就走咗。前後問咗兩三次，都好似同空氣溝通咁。跟住再等多10分鐘，依然懶理不理。茶餐廳一份西多士都要等成30幾分鐘，誇唔誇張啲？ 最嬲嘅係，結果去收銀講你個西多太耐我唔等啦，佢仲追問你坐喺邊。 態度極其囂張！ 香港而家生意好好咩？點解可以對顧客態度咁差？ 而家會有人打劫你個西多士嗎？未食已經一肚氣，以後唔會再去任何一間金記，貼錢買難受。

話說今晚同朋友去咗金記冰室，首先嗌咗個招牌生髀，配朗朗嘅雪糕，真係食落口感幾有層次：外皮嘅脆香配上嫩滑雞肉，真係正到彈👍！仲有個獨特嘅金粒西多，分開嘅糖漿我就隨意加咗啲，美嘢呀，雪糕令西多提升咗個水平，一流！再來講下嗰南乳大蝦盛，簡直似食緊盆菜咁，料多得嚟又鮮，每一啖都係滿足，個味道正宗得滯👌。呢啲材料，每款都咁入味，真係食得津津有味！飲品部分，個雪糕紅豆冰冷喉又解膩，仲有隱約嘅椰香，添上面頭嗰層雪糕，真係完美嘅組合！至於熱嘅蛋白杏仁茶，呢個寒天熱飲，啱晒啫喱般滑溜嘅口感，滿滿杏仁味，冬天飲真係暖笠笠嘅。食完嗰晚，行出金記冰室，成個人都飽漲漲。如果你想找一個味道佳又有親民感覺嘅飯店，金記冰室肯定係你嘅首選！諗住下次仲要再嚟，試埋其他嘅美食呢！🍴🥤👏

今日路過試下, 叫咗個牛腩河粉, 啲牛腩係煲到爛曬,好似湯渣咁,跟住個仔食咗魚蛋湯,啲魚蛋係冇味嘅, 都唔知係咩嚟, 咁難食都可以做得住, 真奇怪!不會再幫襯! 杯凍咖啡酸嘅, 奶茶还可以.環境槽冷氣唔夠非常熱.

午飯時間，同細佬去呢間冰室食飯。兩年前食過一次覺得d嘢食ok，所以今日再去呢到食飯。我叫咗個“茄汁焗豬排飯” ，跟餐飲一杯 涷奶茶。細佬就叫咗個‘’白汁焗雞脾飯‘’，餐飲 涷華田。等咗都幾耐，差唔多要15分鐘左右，兩個焗飯先到。我咬咗啖塊豬排，好“鞋”，吞唔落🥵，難食，吐返出嚟。淨食埋d飯就算。細佬果個焗飯，佢話隻雞脾都係好“鞋”，唔好食🥵。又係食埋d飯就算。杯涷華田偏淡，唔好飲😓。最後大家都食得唔係好飽，埋單走人。連涷飲差唔多要成八十蚊一個飯，咁嘅質素，真係冇下次再幫襯。我哋之後要出去搵其他嘢食填肚。記得兩年前我食過都係呢個焗飯，焗飯超滿，塊豬排又大塊，肉質又淋，超好食。但今日再食，水準明顯下降，超難食🤮。如果用呢個價錢去其他餐廳，冰室食飯。分分鐘好食過佢，什至“平”過佢。所以認真冇下次再去幫襯佢。試埋佢其他嘢食。😡今日認真中伏。

年初四諗住幫襯呢間金記， 方便泊車！ 外買咗個早餐， 回到家發現食物唔齊全！ 又冇咗塊包🤬 仲有， 果份蛋大到， 一定食唔晒啦！ 打電話去返呢間野投訴， 竟然冇人接聽！（新年流流唔想爆粗， 但影響晒成個心情）

平時返工附近真係無乜好食不過好彩對面有間金記，佢地既出品都好好食每次去到都會忍唔住想叫焗豬扒飯，炒飯底一流同事叫左咖喱雞扒飯，有兩大塊香脆雞扒，望落勁吸引呀!!同事話味道都好！

帶小朋友去附近上堂，最近就只有金記。餐廳有大量嘅卡位，坐落係幾舒服嘅。喺控制成本的情況下，大部分連鎖茶餐廳都係自助。自助去搵座位，自助去打水，自助手機落單。下午茶的精髓在於杯茶，我叫咗杯熱檸茶。茶裏只有檸檬嘅苦澀味，一D茶味都無。其實除咗有d茶色，同飲熱檸水都無乜分別。魚柳薯條，份量比想像中細。魚柳細，薯條少。睇嚟呢個路段租好貴！味道方面，除非來貨好差，其實好難整得難食。呢個茶餐$41，附近有更好嘅選擇。

這天晚上我約了在家人吃晚飯，經過朋友的介紹，我們便決定來到這間冰室試一試，餐牌上的選擇很多，食物的定價也很合理，店內的裝修以簡潔為主，環境十分寛敞明亮和清潔衛生，給我一種很舒適的感覺鐵板西冷牛扒薯菜燒汁($104)鐵板夠熱，食物温度保持得非常不錯，侍應十分細心，會提醒客人小心熱，薯條軟綿綿，十分厚身的西冷牛扒香稔軟嫩，栗米十分鮮甜，車里茄酸酸甜甜，紅蘿蔔粒稠得漿口，西蘭花爽口微彈羅宋湯羅宋湯味道酸酸的，令人冑口都好一些，還有一些洋蔥的配料金記無骨海南雞飯油飯($75)海南雞非常嫩滑和新鮮，老火湯有豬骨，紅蘿蔔，配上自家制又甜而不膩的甜豉油或者薑蓉，油飯濕潤順口，還有餐前小吃爽脆花生，份量非常多綿滑蛋白杏仁茶($10)口感給人十分清新淡雅的感覺，蛋白加上杏仁，這樣的配撘十分創新欖菜肉崧四季豆($72)欖菜鹹香，肉崧咸咸的，四季豆爽口微彈，茹軟彈煙韌，還有一些紅椒的配料作點綴，份量非常多整體來說，食物的質素非常高，食物的選擇非常多，食物的份量非常多，食物的用料非常新鮮，食物的賣相十分吸引，食物的定價相對十分大眾化，而店員亦有積極的服務態度和有禮貌，又坐得舒適，所以我認為這間餐廳是值得再去惠

去完客戶開完會都差唔多六點半, 打算係附近食埋飯, 最後同同事揀左金記冰室, 餐廳係駿業街, 如果係牛頭角站過去, 可以係鴻圖道出口方向, 5分鐘內到達。第一次去金記冰室, 確實有驚喜, 因為餐廳面積好大, 而且十分光猛, 卡位多, 裝修鮮明, 唔會有焗促感覺。一坐低職員指示我地可以用QR CODE落單, 十分方便。晚餐選擇多, 不論特式小菜, 炒粉麵飯, 意粉, 常餐, 鐵板餐, 兒童餐, 素食, 焗飯等等…應有盡有。枱下配有餐具, 細心位係有餐具名的指示, 唔會拎錯。我和同事點了 :鐵板西冷牛扒薯菜燒汁 (5成熟) $104配湯及咸檸七咖哩牛腩飯 $66加配$9 老火湯及菠蘿柚子冰炸薯條沙律 $34鐵板西冷牛扒薯菜燒汁點了5成熟, 果然做到, 西冷牛扒肉厚但夠嫩, 充滿肉汁, 就算不沾燒汁都好入味。而且西冷牛扒好大塊, 份量好足夠咖哩牛腩飯中意食咖喱牛腩的, 相信會好滿足, 牛腩及薯仔數量多, 真係2個人都夠食, 咖喱唔會太辣, 牛腩淋得入味及易入口, 薯仔有煎過, 所以更加香口炸薯條沙律作為餐前小食係好選擇, 薯條即炸, 所以好熱好脆, 仲有沙律比你中和一下, 十分滋味老火湯材料

下午經過入去食個下午茶，自助落單後15分鐘上物上枱，叫炸魚手指配薯條無沙律醬都算薯條同炸魚手指硬過石頭每樣食左一舊放左係枱無食港九新界我第一次食間咁難食炸物，炸到硬過石頭點食？杯凍檸茶由落單等左15分鐘未到，一個服務員叫極吾應機，另一件服務員跟完又無左影之後見經理行過去先跟，杯茶由落單後等左22分鐘先有得飲開餐廳開到咁，衰過快餐店吾會有下次！如果食物好食都算，炸到食物咁硬叫人點食衰過自己係屋企整，離晒譜！

今天跟同事們一起叫外賣送遞服務，還算懂得把湯粉類的食物分開包裝，以免粉麵浸於湯內太長時間而過淋；可惜每次叫外賣送遞時均會送漏或送錯食物！從沒有從錯誤中檢討再進步！今天點了個羅宋湯通粉配滑炒蛋跟牛油多士，點知到我中獎！羅宋湯通粉沒有湯只有通粉！☎️致電通知金記時，服務員不但沒有為送漏單而感到歉意，還理所當然地要求我們自己親自到舖頭取回送漏的羅宋湯！😤😤其實要是我能夠親自到店舖取湯，那我為什麼選用外賣送遞服務呢？當親身去到店舖取回送漏的羅宋湯時，服務員還大聲喝説：「你並沒有點羅宋湯喎！」，那一刻真是火都嚟！🤬🤬請問沒有羅宋湯的羅宋湯通粉，難道要我食齋通粉嗎？最後服員當然知道自己攪錯，但已遺時已晚！而且過程就好像為了要把他們自己送漏單的問題，不斷嘗試去找出客人的不是而為自己平反！明白午膳時間繁忙，往往前線亦人手短缺，要不你們暫且取消外賣送遞服務，要不然這樣的服務態度，必有一天把公司業績、品牌和口碑也拖垮！最後苦了的也是你們自己啊！

今日返公司開會散會原來已經兩點幾好肚餓呀必須去醫肚呢間茶餐廳我第一次食咋我點咗炸醬麵再加菠菜水餃同埋蛋白杏仁熱飲炸醬有筍絲㗎醬汁唔死醎又唔辣啲肉絲都好鮮味香濃上湯浸住兩隻菠菜餃真係唔錯 有鮮蝦有菠菜皮薄晶凝通透 好食杯蛋白杏仁茶好香濃仲有好多蛋白我俾100分同事點左滑蛋鹹牛肉菠蘿包菠蘿皮暖暖地仲要脆嘅鹹牛肉滑蛋泡制剛剛好滑蛋好嫩 好味佢飲熱鴛鴦 冇得輸喎仲要加咗碟油菜㗎柔嫩翠綠 跟餐加$16大大碟抵食其實我真係好鍾意茶餐廳好多選擇又抵食好近公司啊以後會多啲幫襯

返工經常經過，見到3姐紙牌，經常人頭湧湧，適逢今日年29，中午唔太多人，跟同事去試試，點知就係中 伏嘅開始⋯⋯跟同事點了4人餐，個類型餐廳經理嘅物體串串貢話冇，但散叫相同嘅食物就有…..之後點了餐，因枱上貼上招紙導致枱面不平，不慎打翻凍飲，要求換過一杯，餐廳經理態度粗皮，因為你自己倒瀉唔會同你換，唔換其實冇所謂，但態度串過碼頭姑呢…..食物方面叻沙麵不過爾爾，收70幾蚊一位，質素差過灣仔蘭杜街嘅50蚊嘅質素….奶茶毫無茶味，性價比低，服務九流，大家不試也罷

在同事們茶餘飯後得悉價廉物美的金記冰室猶豫車水馬龍般越開越多分店，最近也在牛頭角地鐵站對面的偉業街東九匯一樓又開多一間寛敝的金記冰室。既然交通便利，一於去試試！這間金記冰室除了地方寬敞；裝潢簡潔，光線明亮和有貼心服務、也提供半小時Wi-Fi供應，每款餐具都印上金記冰室的寶號和一些懐舊的畫面；卡位枱面有自助斟水機，點餐時要用QR code。自選二人小菜套餐有超過10款小菜供選擇，可任選兩款，包括有飲品、老火湯和白飯各兩碗；選了肉質鮮嫩的霸王雞和惹味的欖菜肉鬆四季豆。精選菜式也有六款選擇；豉汁蒸倉魚需然要蒸15至20分鐘，我們覺得值得的，因為很鮮甜美味！！

之前來到牛頭角的東九匯，已經看到過金記冰室的招牌，只可惜上次沒機會試，今晚專登邀請朋友一起去試試這一間新進駐的冰室。來到冰室當然要試試佢嘅茶餐，但由於已經是晚市，沒有下午茶餐供應，只好散叫自行拼湊起來。我們試了金記招牌生炸雞髀，幫我金粒西多配雪糕。招牌生炸雞髀大小適中，表面的調味亦做得非常好，不會過彈，而雖然內部炸至酥脆，但內裏的雞肉依然保持鮮嫩。金粒西多方面，和一般的做法不同，糖漿是分開讓客人自行添加的，好處是不會令到西多本身的溫度下降和影響口感，配上雪糕一起食亦非常滿足。此外主食方面，我們亦點了一份特色食品，南乳大蝦盛，簡單來說就是類似於盆菜，內裏有鮮蝦，魚蛋，腩肉，豬皮，蘿蔔，切雞，豬手等等，材料之多絕對是令人意想不到，已婚兩支太易令人想像不到他是一個一人餐，這款期間限定的大蝦盛令我們在平日也能夠日常食盆菜的滋味。而餐飲方面我們分別叫了雪糕紅豆冰和蛋白杏仁茶。紅豆冰方面椰香本身已經非常足夠，而表層的雪糕的奶香味更加令紅豆冰的口感和質感都豐富起來。而熱飲的蛋白杏仁茶更不是在很多地方能夠嘗試到，杏仁茶的香滑加上蛋白，令到成件事更加養生和滋潤。