金記冰室 (Two Harbour Square)

营业中

休息中

第一次寫食評！第一次咁受氣！未入到去，喺門口收銀處買個外賣已經受個亞姐氣！再發現原來個經理就係喺隔離睇住都唔出聲！由經理到收銀都不知所謂！做服務性行業最基本嘅禮貌都冇！簡直趕客！食個茶餐冇諗過要有貴賓嘅服務，但調返轉要受氣就冇諗過囉！星期日下午office area完全唔係繁忙時間態度都咁差！仲要唔知點解只係星期六、日只收現金？！平日都係用開八達通，點知你會星期六、日唔收？！可唔可以態度好啲咁話俾客人知？洗唔洗咁串？！洗唔洗要鬧客？！以後唔會再去，亦叫曬啲同事行遠啲都唔會再幫襯！周邊大把食肆！今時今日咁嘅服務態度！睇吓佢老闆會養佢同佢倒米幾耐！

下午茶時間想搵個地方傾下計，又唔係想食太多野。金記冰室係一個幾好既選擇。環境方面，位於海濱附近，人流唔算多，有好多卡位，坐得都幾舒服😌主要想同朋友傾下計，又唔想食太多野既話，佢有包餐係一個唔錯既選擇。價錢亦都較其他下午茶餐抵。呑拿魚包配阿華田佢既呑拿魚包都幾新鮮，有熱辣辣感覺，唔會似放左好耐既凍包。咬落去都好鬆軟👍🏻吞拿魚亦都唔會腥。食完個包，慢慢坐都唔會有趕客既情況，的確係一個傾計好地方🤗

最鍾意食下午茶，雞髀薯條，金記快靚正方便。中規中矩啦，因為佢唔係熱辣辣，如果熱辣辣漏汁就正啦。佢呢個係香嘅薯條就係熱辣辣嘅，又唔會話好飽，做下午茶真係啱啱好。❤️

啱啱去食咗金記冰室，講呢，呢度啲嘢食真係好有自己風味。🍽 蒸黃花魚嗰隻，滑溜溜嘅魚肉，淋咗啲豆醬上面，夠晒咸香，而且蒸得恰到好處，每一啖咬落去都覺得魚味好鮮。再嚟講塊西冷牛扒，佢哋嘅煎功夫一流，八成熟嘅牛肉，一刀落去，肉汁四濺，微微啲蒜蓉汁掃上面，香味撲鼻！配意粉就咁嗞一啖，夠哂口感。仲有嗰碟金銀蛋肉碎浸時蔬，食落去滿足感十足啊，材料諗頭足，尤其配白飯食，簡直係點都離唔開碗。至於晨早既臨餐，個牛油方包外皮麵包脆，入面牛油香濃，好過癮。炒蛋滑唔溜丟，多嚿牛份量足，只係講到鹹牛肉有時鹹咗啲，但係呢啲小問題根本影響唔到佢哋嘅美味度啊，每一啖都係趁熱嗌埋去。😋 食完呢咁滿足嘅一頓，真係令人滿足哂！下次仲會再黎添！👌🏻👌🏻👌🏻

今日食到嚟觀塘海濱嘅金記，由於今日相當肚餓，所以下午茶時間都叫咗個冰室最愛餐呢個餐相當豐富，有髀有沙律有隻蛋，之外仲有兜公仔麵，價錢係$64蚊雞髀size正常，雜果沙律份量唔錯，蛋一隻加埋呢個麵，夠晒飽另外叫咗個雞髀沙律對比吓，$45蚊，感覺就無咁滿足除此以外，口痕叫咗個包，脆皮鬆軟

諗住晚餐唔知食咩既時候行行下就見到呢間就走左入去食，環境唔錯光猛又唔駛等位，Menu都好大本有齊哂圖片款式比你選擇，點餐都係用QC落單，我就揀左無骨海南雞飯😃海南雞飯：$72海南雞大部分都走哂骨，賣相都好靚仔，雞肉超滑肉質都好鮮，油飯仲好大碗非常之滿足，仲有碗老火湯👍🏻

是日到金記午餐, 金記食物選擇多, 今日食了一個海南雞飯, 不過不失。有很多麵包, 蛋糕, 蛋撻,  環境OK, 食物一般正常茶餐廳水平。雞不算好滑, 對面振萬有間的海南雞比較好吃

本來我去簡簡單單去買單，然後我就被卷頭髮的阿婆罵，一口都是粗俗的詞彙，甚至把我的錢扔到一旁，然後也沒有要幫我買單，把我涼在一旁，從來未體驗過這麼惡劣的服務，吃個飯也要受氣。

今日路過牛頭角，一到食飯時間周圍嘅餐廳都好爆，唔想食西餐，行吓行吓見到呢一間喺一樓嘅茶餐廳，於是就喺東亞銀行隔離上咗去睇吓其實都人山人海，不過就係地方大，枱嘅流轉速度快，等咗一陣就有枱! 👍🏻午市套餐有六至七個選擇揀咗$75 嘅海南雞油飯電話落單，嘢食好快就到! 午市優惠套餐包例湯，是日例湯係冬瓜瘦肉湯，味有啲濃，感覺好多味精海南雞油飯Ok! 雞肉唔係好老身，但雞油較多，油飯反而味道剛剛好食物味道尚可，比一般茶餐廳質素高少少🤏

我起觀塘返工，同事今日帶我去附近嘅金記茶餐廳。一入去，先係要自助落單嘅，唔係咁傳統茶餐廳嘅feel，但係都算方便啦！但係佢無位置比我寫加汁個啲要求。店內裝潢唔錯，叫做靚版茶餐廳，有啲新潮嘅感覺，座位都幾夠。我叫咗個焗豬扒飯。等咗一陣，個豬扒飯終於嚟喇。一食，覺得番茄醬有啲稀，少咗濃郁嘅口感。😕芝士都唔多，而且好似得一種，少咗嗰種經典嘅芝士拉絲效果同埋味道。而家呢個價錢，我覺得應該係炒飯底，但係係白飯。不過，豬扒本身嘅質量就幾好。講到價錢，70幾蚊一個焗豬，份量係夠，但係質素就略嫌一般，性價比一般總括嚟講，如果你係觀塘區，想快啲解決肚餓問題，金記茶餐廳可以係一個選擇，但係唔好期望太高。我會畀2.5/5分，因為嗰個豬扒飯只係一般般，但係都未去到難食嘅地步，緊緊合格喇😗

牛頭角金記冰室合併左隔離舖位的亞金南洋茶室黎做，地方又大咗好多。今日我坐嘅係露台位，應該係全場唯一收到訊號嘅位置😂🤦🏻‍♀️ 坐喺裏面嘅客人只可以用佢哋30分鐘免費Wi-Fi。 1. 麻婆豆腐飯呢個飯值得一讚，豆腐唔會煮到爛晒，雞肉嘅份量都不少，味道亦都幾正宗。 👍🏻2. 吉列豬扒配馬來咖喱咖喱裏面有少量薯仔，薯仔煮都好好食。吉列豬扒size都幾大塊，炸到啱啱好👍🏻身為咖喱愛好者，呢個咖喱我覺得合格🚩

一間連鎖式嘅茶餐廳，自問都幾鍾意食茶餐廳嘅我，去過唔同嘅茶餐廳。我認為金記相對上係食物同飲品，質素相對平均嘅茶記，以連鎖式嚟講，我覺得係一個幾好嘅選擇！———雪菜肉絲米餐 + 奶茶 HKD54食常餐最緊要就當然係太陽蛋加腸仔，我認為佢哋嘅煎蛋都算唔錯，腸仔都不錯！雪菜肉絲米湯底都幾香，唔係淨係純例水，雪菜亦都炒得幾香！而我食金記最主要嘅原因，就係飲一杯熱奶茶，熱奶茶的確唔錯，但都係要睇吓邊間分店，會有少少偏差，但都唔錯。但份量就偏小，我自己就啱啱好夠飽，但如果男士食就會唔夠飽啦！但如果我想食一個水準平均嘅茶記常餐，金仔都會係我嘅選擇！———評價：❤️ 開心嘅奶茶👍🏻 水準平均✅ 連鎖式茶餐廳推介指數：❤️❤️❤️❤️（五個心心為滿分）

對上一個星期嚟喺繁忙時間，所以態度差可以理解喺無暇顧及！但完全無諗過呢次再嚟呢間嘢喺非繁忙時間食飯，但都服務態度一次比一次差！上到經理，下到員工都一樣！問要碗筷/水杯都可以分幾次俾，完全掛住吹水，轉頭又乜都唔記得，都算！再叫多次唔該，跟住員工態度就極差咁拎個羅宋湯倒瀉曬，噴到我手都喺，點知個員工只喺擺低堆紙巾之後完全敷衍就走，完全無道歉過！一直都有幫襯開呢間嘢，食物喺好，但態度一次比一次差，完全唔知乜事！

位於觀塘區Two Harbour Square 的金記茶餐廳, 平日Lunch Time 經常大排長龍，今竟然無乜人，所以立即走咗去食。午餐竟然有蒸魚，讚！！蒸魚餐配上金記特製的醬汁,魚肉鮮嫩、口感滑溜。另外，最具特色還是鴨肝三寶和檸檬鴨,鴨肝三寶是用小雞配上鴨肝同腰果做成,檸檬鴨用檸檬汁將鴨身上的辣味中和,又帶有微酸微甜,相當特別。整體來說,金記茶餐廳的燒臘和燒鵝、燒鴨都相當不錯,而鴨肝三寶和檸檬鴨也是值得一試的特色菜式，推薦！！！！！

新年快到囉～買齊賀年禮盒未呢🙆🏻‍♀️!!! 上年吃過 🇭🇰金記冰室𝕂𝕒𝕞 𝕂𝕖𝕖 ℂ𝕒𝕗𝕖的 「 蜂巢雞蛋卷💛$108」 由於太好吃，今年再次介紹啦!!  由香港女廚王 三姐加持的升級版的蜂巢雞蛋🍯，比原版的蛋卷更有蛋香，口感更加鬆化，一吃愛上呀🥰。金記冰室 (Two Harbour Square) 觀塘偉業街180號Two Harbour Square地下F&B 2號舖