影片
电话号码
27929398
特色
适合大伙人
营业时间
今日营业
10:00 - 23:00
星期一至日
10:00 - 23:00
以上资料只供参考，请与餐厅确认详情
食记 (146)
呢日係平日，放假唔使返工就陪阿媽嚟西貢行吓，嚟到西貢都想去食吓海鮮，但係又唔想食太貴，附近有幾間海鮮餐廳都有做套餐，套餐嚟講其實唔係太貴，每人百幾二百左右啦，間唔中嚟西貢食一次都OK嘅。行到條街比較入嘅位置，就見到呢一間，冇乜人食，不過其實間間都係差唔多，唔算太多人食海鮮。呢一間個店員好落力咁介紹有咩食，我哋見個套餐價錢都唔係太貴，就試吓。佢介紹我哋嗰個套餐，並唔係喺門口棟喺度嗰啲牌，而係另一張宣傳單張，冇影低到，不過我哋走嘅時候問佢係唔係得平日先有呢個餐，佢話唔係得平日，假期都有呢個套餐，但係就唔知點解冇擺出嚟，佢派傳單先會有。可以揀坐室內冷氣位定係室外睇海景位，見今日唔係太熱，我哋就揀咗坐喺出面。套餐每人$190，全包，埋單就係呢個價錢，唔洗再加咩茶芥加一，揀4個餸，另外送湯同灼菜。我哋揀咗龍蝦伊麵底、清蒸海上鮮、椒鹽炸墨魚、生炒骨。另外啲選擇，印象中仲有鮑魚、蜆、扇貝等等，不過因為阿媽唔食貝類海鮮，所以呢啲全部都冇叫。龍蝦伊麵底龍蝦唔係好大隻，但就用本地龍蝦，肉質都算鮮嫩彈牙。伊麵個芝士冇乜味，比較淡。清蒸海上鮮就係蒸魚，有兩款魚可以揀，呢款係比較少聽，店員介紹話幾好食又冇乜骨就試吓，但唔記得咗條魚叫乜名。清蒸配啲豉油已經唔錯。椒鹽炸墨魚呢個似乎最好食，椒鹽炸惹味，而且墨魚都幾大塊，彈牙爽口，炸粉又唔會太厚。生炒骨就正常普通，舊舊都有骨冇淨肉，有幾舊都幾肥。送嘅湯，有啲豆腐同白菜仔，個湯就偏鹹。送嘅灼白菜仔，都ok。每人$190都ok唔係太貴，4個餸嚟講平均$100一個餸，出面酒樓計埋茶芥加一其實都差唔多。
继续阅读
食物質素係不錯的，價錢亦都合理，但係侍應服務態度超差！問佢攞收據報稅，佢只比一張手寫單，我話要有寫明item嗰一張，佢話冇，之後我話你呢張應該要有過底紙，佢話冇過底；只係叫我自己用手機拍照影相，相機拍照影相怎能報稅呢？擾攘一輪之後都係要我讓步，之後仲要俾條侍應話我係乞兒！ 絕對絕對冇下次嘅幫襯！ 30分鐘開始返
继续阅读
重要事情講三次，真係唔新鮮唔新鮮唔新鮮話說見到佢哋喺海邊切咗好多廣告牌，我哋嗰日行過就覺得可以去試吓，因為裏面有一個係海膽炒飯係其他舖頭比較少見嘅，但係入咗去食第一啖就知道啲餸都唔新鮮，魚蟹蝦都係，大家千祈唔好去食。其實都好少喺上面落負評，因為覺得而家香港呢個環境大家做食肆生意都係唔容易，但係點知我哋返到屋企之後就屙咗三次，仲要喺呢度寫評論先至可以話俾大家知佢真實嘅質素係有幾差，如果唔係請大家千祈唔好入去呢間舖頭食飯
继续阅读
我哋叫咗個二人餐， 再另加椒鹽瀨尿蝦和蒜蓉蒸蝦， 雖然價錢貴啲， 但都好好食好彈牙， 坦白講套餐嘅餸就真係麻麻地， 可能真係一分錢一分貨， 但個海膽炒飯還可以所以好快已經食完。算啦唔試過又唔知的。
继续阅读
打氣聚會選了在金輝舉行。西貢友揸主意，訂了海鮮套餐，再加自來赤米蝦，抵食兼豐富。赤米蝦非常鮮甜，不用花巧烹調，白灼一流。是晚的重頭戲之一，龍蝦爽彈，芝士汁味道香濃，配以炒飯同食是伊麵以外的另一美味選擇。蒸元貝屬正常發揮，以套餐而言，元貝的個頭算是不錯。辣酒煮花螺香辣惹味，粒粒花螺的肉均清晰可見，證明花螺非常新鮮，煮工也恰到好處，螺肉爽脆不靭。椒鹽鮑魚非常惹味，也是套餐的重頭戲，鮑魚肉質軟腍不靭，口感與味道一流。是晚唯一的肉食菜式，份量十足，只是略嫌肉質不夠緊實。膏蟹雖然細細，但超級爆膏，適合愛膏香人士。以水上人最喜歡的方法碎蒸沙巴龍躉，不但方便大伙進食也令龍𧄌更加入味。今晚以兩個蔬菜作結，腐乳炒通菜不過不失，菜心清甜，以蒜子上湯浸熟屬最佳之選。
继续阅读