金飯館

营业中

休息中

I have eaten at this restaurant a few times already by now so it’s just right that I give this restaurant a review. I am a HUGE fan of fried rice and I can cook a good fried rice myself, so you can believe it when I say this restaurant serves one of the best fried rice in Hong Kong. Even better than other expensive restaurants out there.The standout and my favorite is the deep-fried salt and pepper fried pork rice. It is served with generous portion of pork, dried chillies, and fried rice of cou

之前食過旺角分店覺得幾正今日經過觀塘想帶屋企人嚟試下😋發現呢間店原來呢間嘅菜式有啲唔同，係專食炒飯嘅一場嚟到即管又試試佢😃根據餐牌上面嘅兩個必食推介，我哋點咗兩個炒飯：✨️ 即叫即炸椒鹽豬扒飯 3🧡/5 呢個炒飯只係暖暖哋，唔係十分熱，有啲失望🥹但每啖炒飯都帶有避風塘風味嘅炸蒜味道非常惹味，唔會太油膩🥰豬扒都唔錯，幾厚肉雖然相對熱啲，但都未係即刻煮起嘅溫度，可能係做完之後稍微冷卻咗不過，總體來講，呢個飯嘅味道唔錯有風味👍🏻✨️ 秘制沙爹牛肉雙燶邊蘭王蛋飯 3.5🧡/5 呢個飯相對熱啲而沙嗲汁同煎蛋嘅流心蛋黃配搭得非常好，特別香滑😋沙嗲汁嘅味道比較濃郁牛肉嘅份量都足夠，啲肉質唔錯，唔會過於乾柴，咸香味適中不過食食吓都有啲heavy總結：3.5🧡/5兩碟飯份量都多啲炒飯都做到粒粒分明嘅效果調味偏濃，鍾意食濃味同香口嘢嘅人士應該會鐘意但呢間餐廳嘅選擇比較有限，基本上都係圍繞住炒飯，冇咩其他類型嘅菜式可以揀雖然炒飯嘅味道幾吸引，但如果鍾意多樣化嘅選擇嘅話，可能會覺得有啲單調不過，如果嚟開附近，呢度都值得一試嘅😊

慕名而來食佢哋個蘭王旦蔥油炸豬扒炒飯，嚟到一望真係有驚喜，先講炒飯和豬扒的份量的確好大，成塊豬扒冚晒隻碟，搞到冇位𢳂飯，以為今次搵到筍嘢，點知炒飯一食落口唔係熱，唔係即炒之餘又冇鑊氣，淨係食到好大浸香料味，好多蔥油驚死你唔夠，蔥油味道偏鹹多油，搞到飯底都好多油，油淋淋好滯口，而且好口渴，食一啖就飲一啖水，豬扒是熱嘅，但係冇乜味總之好淡口，最正常都係隻蘭王蛋，正正常常流心，冇乜特別驚喜，80幾蚊埋單，我諗唔會再有下一次。

食咗個招牌椒鹽豬扒炒飯面頭成堆嘢我真係食唔到任何椒鹽味囉成碟嘢油冧冧炒飯就係炒過嘅飯囉不過豬扒都熱同埋多嘅我喺大排檔食嗰啲嘢真係椒鹽味及有鑊氣另外咗個什麼櫻花蝦油菜嘩成碟都係油搵油浸咁樣真係名副其實的油菜嗰碟咩炸牛腩炒飯舊牛腩肥冧冧嗰個脆漿唔脆又厚總之成餐都係油淋淋囉最大鑊係因為有個朋友開緊工遲咗啲嚟我哋坐耐咗個老細不但只畀面識我地睇我哋個朋友未嚟到佢問都唔問就搬走張凳揼張單埋嚟嗌我哋埋找數的時候直頭開口罵我哋阻住曬冇問題嘅啲垃圾食物又唔好食懶巴閉又口臭我都唔會再嚟啦冇問題嘅我以後都唔會再嚟幫襯囉

一直愛食炒飯 朋友介紹 就俾機會試試佢 結果係下次經過我都會再試其他款先講佢招牌 即叫即炸樣鹽豬扒飯真係即炸熱辣辣上碟 鋪滿椒鹽在面 賣相好吸引 份量亦大碟 仲有大量高麗菜在旁 豬扒炸得剛好 亦醃得夠味 配合炒飯底 飯炒到恰當 做到一粒粒效果唯愈食愈䶢 我個人覺得可以減少椒鹽量 因為食哂成碟真係覺得對腎有虧 整體係唔錯 真係䶢味要再調整焦香煎焗龍躉球飯相比招牌 我更喜歡這個 龍躉球肉厚量足 值回票價 煎得如其名 香氣足 咬落魚脂豐富 表皮有少少焦脆 魚肉保持嫩滑 亦係配炒飯底 喱個真係值得一試 仲要配埋䶢蛋黃醬俾你點 個䶢香起砂質感 真係好誘惑 不過唔點喱個醬亦好好味 咁先原汁原味食到真龍躉嘅鮮味 整體嚟講 喱個份量真係好大 食量唔大嘅建議兩個食一份 如果佢份量減少價錢往下調會更加吸引 椒鹽豬扒又唔算係必食之一 因為過䶢嘅關係 就算佢整得唔錯嘅豬扒都未免失色咗 反而龍躉球絕對係值得愛魚人士一試

為咗食避風塘豬扒飯 在附近都要專程嚟打卡位置算方便容易搵到 食飯檯都夠闊落即叫即炸豬扒飯避風塘椒鹽豬扒飯 炒飯底加分1豬扒炸得酥脆 沒中不足 肉食到雪藏味手攪檸檬茶 食飯必須嚟杯凍檸茶 正~雖然聽起來一份炒飯七八十好像蠻貴的，但是份量真的超級足誒！而且裡面的豬扒真的超大塊，吃起來就是又飽又滿足，配著炸的蒜頭吃，真是每口都超級香秘製沙嗲牛肉燶邊蘭王蛋香味十足，呢個係必點，蛋汁簡直就係畫龍點睛用料也很豐富哦，混合埋啲沙嗲汁一齊撈飯食不得了老闆和服務員態度都蠻好的

平安夜1點就收工，平日甚少食飯嘅我忽然想食麻甩飯，特別係好耐都冇食嘅椒鹽豬扒飯炒底！前一日已上網睇邊間好食，原本想食同事推介深水埗個間合興旺茶餐廳，可惜逢周二休息，最後揀咗牛頭角嘅金飯館。原來椒鹽豬扒飯得牛頭角店先有，旺角分店係冇嘅，千奇唔好去錯！大約點半左右去到，唔算多人，叫咗個椒鹽豬扒飯炒底，即炒即炸嘅話都算好快上菜！第一眼見到鑊氣十足同份量充足，豬扒連飯堆到滿滿，旁邊有啲炒椰菜，豬扒上面堆咗滿滿嘅類似避風塘嘅炸蒜粒同辣椒粒，外觀好靚仔！第一啖食咗啖炒飯先，飯粒分明，好香口，豬扒都好鬆脆易咬，鍾意食飯上面嘅蒜粒，好好送飯，不過我嫌唔夠辣，問吓有冇辣椒油，但店員話呢度冇呢啲？？辣椒油都冇算有點奇怪，而朋友話一碟椒鹽豬扒飯炒底$78不包飲品好貴喎，但我又覺得以咁嘅份量同賣相，都算物超所值！

我係平日中午時間去食，本來諗住應該好多人，點知去到唔使等位直接就可以入去佢嘅幾個招牌菜，例如：炸牛腩炒飯 蝦油炒飯全部望上去都好吸引我叫咗椒鹽豬扒炒飯，飯上面起碼有五舊大塊嘅豬扒。平時都有用筷子食飯嘅習慣，但係佢呢個炒飯係炒得粒粒分明，完全夾唔起，超級乾身，好正👍🏻至於佢個豬扒，出面食椒鹽豬扒，好容易有好大浸用化學野醃過怪味，但係佢呢個冇佢上面配咗好多炒過炸過嘅蒜，同埋一啲乾辣椒，好惹味。份量好大，最尾食唔晒。

今日嗌外賣 嗌左個炒飯同雞翼等左十五分鐘 見到後面啲人都有外賣我都仲未有問收銀姐姐 佢話雞翼要耐啲等到半個鐘唔對路 再入去追姐姐先肯入廚房 發現漏左單唔知廚房係咪發晦氣 個蜜汁雞翼入面係生架！！好失望 明明以前好好食🥲

今日同朋友嚟左金飯館食飯😎入去嘅時候唔多人，老闆比左張大枱我地坐😼QR code自助落單，叫左即炸雞扒燶邊蘭王蛋炒飯配金沙汁（$78）一眼望到勁大份，完全唔係一個女仔食嘅飯量🤣炒飯超香，一啖食落好有鑊氣好滿足🥹蘭王蛋個蛋黃流心，撈埋啲飯好好食😋金沙汁好香咸蛋黃味，濃郁又唔會過咸，送飯都一流💖雞扒大塊過我塊面😨新鮮炸起好香，略嫌皮過粉，但我食開去皮所以唔影響😗食曬雞扒勁滿足😍飯都食左咁大份嘅一半🥰真係好好食😋下次會encore😍但應該兩個人share一個飯一個小食已經好夠😹

😋令我記番真正炒飯係點既味道去開牛頭角，係附近搵吓有咩特色餐廳，見到有沙嗲牛肉炒飯好想食就入左去試吓🤩。樣樣都想食，最後揀左 (1)脆皮牛腩炒飯 (2)蝦頭油炒飯📌脆皮牛腩炒飯，另外附上沙嗲醬，一咬舊牛腩真係不得了🎇，外脆內軟，炒飯真係粒粒分明，有耐性可以逐粒數吓🤣，有炒氣，只係略嫌乾左少少，如果飯粒再飽滿 d 就無敵🌟📌蝦頭油炒飯，以為炒飯差唔多，竟然係完全唔同既感覺，海鮮香味食到停唔口🤤，有蠔仔，帶子粒、蝦人、櫻花蝦，起滿足炒飯份量都好大碟，食左半碟已經飽飽地，但太好停唔到，食完個肚賬到有左3個月咁🫄

第N次回訪‼️心中最強茶記炒飯🔥價錢以碟頭飯嚟講唔算平，但份量真心好大碟每碟都堆到成座山咁😂配料都好多好足料兩個女仔嚟share一碟加個小食都夠飽重點係炒到粒粒分明好有鑊氣🤤另外旺角都有分店，不過菜式就有少少唔同-👍🏻即叫即炸椒鹽豬扒飯 $78 招牌必食🌟！目測每枱都會嗌呢款豬扒厚切大塊，脆卜卜超香口肉質鬆軟，肥瘦適中帶豬肉香一定要撈埋椒鹽炸蒜嚟食，勁重口味好惹味😈-👍🏻招牌蝦頭油炒飯 $78 另一款最受歡迎嘅炒飯🔥粒粒分明，乾身有少少咬口，高質🥹整體充滿濃郁蝦頭油香味同蛋香，加上巨量櫻花蝦配埋蠔仔、帶子粒、爽口蝦仁等，鮮味足料有鑊氣-👍🏻脆皮牛腩飯 $88牛腩做到外脆內嫩嘅口感每舊都連住少量脂肪，脂香濃郁同樣炒飯底大大碟，任選一款醬汁金沙汁/黑椒汁/咖喱汁/沙嗲汁/蔥油-👍🏻蜜汁雞翼 +$38/5隻 （跟餐價）呢個驚艷一定要食🤯！生炸熱辣辣大大隻皮脆肉嫩，沾滿蜜汁同黑椒最估佢唔到咬落係咁爆汁一定一定要趁熱食🥹-👍🏻金飯仔沙嗲三寶 +$38 (跟餐價)招牌沙嗲汁配上魷魚、豬皮、牛柏葉沙嗲偏辣偏濃味，有少許花生味，味道正常發揮-📍#金飯館 @goldenbowl.hk 牛頭角牛頭角道323

位於牛頭角嘅「金飯館」真係一間值得一試嘅炒飯專門店，尤其係佢哋嘅炒飯系列，絕對係一大亮點。首先講講佢哋嘅椒鹽豬扒炒飯，$78一碟，份量多到驚人。飯粒粒分明，鑊氣十足，口感乾爽，無論係配搭炸蒜定係蔥花都令炒飯更加香噴噴。至於豬扒，更加係即叫即炸，每一塊都係大大塊，外脆內嫩，食落無油膩感，真係好滿足。每碟大概有五到六塊豬扒，質量同口感都保持得非常好，食落去完全唔會覺得乾柴。另一款必試嘅就係秘製沙嗲牛肉雙燶邊蘭王蛋飯，價錢一樣係$78。個雙蛋真係叫人睇住都覺得治癒，大大隻黃澄澄既靚蛋，煎到剛剛好嘅燶邊。沙嗲牛肉炒得微辣，配上粒粒分明嘅炒飯底，加埋濃稠嘅蛋漿，令成個炒飯更加有層次感，食落滿口香氣，真係一流！脆皮牛腩飯，$88。呢個菜式唔同於一般嘅牛腩飯，脆脆嘅外皮包住鬆軟嘅牛腩，口感好特別。而蠔仔肉碎泡飯，$78，就相對普通啲，無咩特別亮點。整體嚟講，金飯館喺炒飯方面絕對唔會令你失望，值得專程嚟試吓。

我之前一直都book埋咗呢間餐廳 因為佢嘅炒飯睇落去真係好吸引 粒粒風味咁樣，而且個份量都超大 所以今次就行遠少少去咗呢間❤️香煎安格斯牛柳粒炒飯呢個牛柳粒炒飯嘅份量都超級大 啲肉多到完全見唔到啲飯喺邊度 不過可能係啲醬太濃 所以食唔到個炒飯本身嘅鑊氣味❤️即炸雞扒炒飯本身想嗌個招牌椒鹽豬扒 點知嗌錯咗嗌咗個普通雞扒 味道都尚算OK 但係就唔係太驚艷 係一啲想像到嘅味道 不過我覺得個炒飯就冇乜味 純粹係份量多 我覺得兩個女仔分享一份都OK啦

之前喺網上見人哋介紹出色嘅炒飯，所以特登嚟試吓！去到係中午時間，都要排吓隊，5分鐘就入到，都算幾快！裏面嘅環境好似一般嘅茶餐廳，又唔算好迫！今次嗌咗兩款炒飯，分別係招牌蝦頭有炒飯，同埋即叫即炸椒鹽豬扒炒飯。先講吓蝦頭有炒飯，飯粒好乾身，睇得出師傅炒飯嘅功力！炒飯真係唔差，裏面亦都有好多蝦，同埋有海鮮又有櫻花蝦，同埋好有鑊氣！不過食到最後有啲鹹，但整體都係唔錯！另一個係椒鹽豬扒炒飯，食得出係即炸的豬扒，豬扒係切咗，上邊有好多好多避風塘嘅炸蒜喺上邊，豬扒係醃過，但係整體係鹹味比較多，少咗一啲甜味，而且有炒飯底，一樣係咁乾身，淨係食一個飯，飽到唔知點！整體係唔錯，價錢都唔貴，經過牛頭角可以試吓！