金香雞

营业中

休息中

話說唔知幾多人講過,係海洋公園入面,最穩陣既食物除左老麥,就係金香雞一定好食過kfc咁話套餐$70,包汽水呢個就係b餐,係潮流最興既b餐,因為無人鐘意a餐有炸上下脾各一件,加一堆薯條炸雞一早炸好,所以沒有新鮮出爐既味道,唔夠熱雞皮脆得來帶點硬身,一咬落去皮帶點離身,就係最好既證明雞皮味道有黑椒味,算係幾香,又唔會辣,但雞肉就唔滑,肉汁缺乏,好在亦唔鞋整體上未必好得過kfc,而且薯條勁dry,又無一點調味,薯味也不足,要配合大量茄醬才可完成但受歡迎總有原因,無理由入到黎食老麥,試下其他野更有樂趣

在隔鄰吃了一個難吃的PIZZA後,便再在這兒吃炸雞。我叫了一個套餐，兩件炸雞、一客炸薯條及一可樂！不錯，炸雞好好吃，Ｄ肉好滑，熱辣辣的！不過薯條就是不好吃，因為太淋，而且凍了，不好吃！服務不過不失的！但太貴了！

爸媽同是十月生日，我和他們到海洋公園慶祝。由朝玩到晚，午餐亦在園內解決。麥當勞大排長龍，而相隔不遠的金香雞正好沒有顧客，不用排隊，加上有生日優惠劵，以$104便可買到兩個套餐，算比較便宜的選擇，何樂而不為呢？我們吃了～炸雞餐：有兩塊炸雞，一塊是上脾，另一塊是雞槌，兩塊都偏鹹，因不是即叫即炸，所以不算脆，勝在肉質尚可，不太嚡。燒春雞餐：半隻燒春雞，份量足夠，物有所值。賣相雖然不太好，但味道比炸雞略勝一籌，起碼不太鹹，脾肉很嫩滑。薯條：已腍了，不太吸引。汽水：吃過如此多鹽份、味精的一餐，汽水變得更好味，更重要，哈！

一行七人到海洋公園, 其實一早沒有唸定究竟食咩野? 只係唸住入面都ok多野揀 , 入到去先算吧!! 之後係行去某機動遊戲既途中, 嗅到~ e~ 幾香wo?? 跟住大家又好餓就決定左揀呢一間了! 隔離有好多檯, 但係超級多人, 所以等左15mins左右先有位! 而且買野食既人龍亦唔少人!! 起碼有十幾個係度等緊買野食!! 我地叫左炸雞槌餐, 燒春雞餐...雞槌都還好, 叫做熱同埋係度脆架!! 但係個燒春雞一d味都無! 仲要好"鞋"!!! 食到最尾有半隻燒春雞無人食, 朋友們你推我讓先食埋佢, 因為廢是曬野!! 下次都係自己帶野去,一係食返m記算吧啦~

琴日同左女友同兩個fan去左呢間店買野食,本來諗住去m記,但太多人了,所以去左呢間,我地當初都好奇怪點解成個公園既食市都好多人,點解係得呢間店冇乜人排隊呢,都唔理得咁多了,太個肚餓,死就死啦.我叫左個雞胸薯條餐,連野飲$55,超貴,但冇計,鬼叫肚餓,佢地出菜好快,快到係你一落單佢即俾你,一食就解開之前o既問題了,所有野係凍的,好似放左幾個鐘咁,應該整起好奈,唔怪得可以快到咁,味道唔洗講,簡直係只應天上有,$55已經係超貴,比d咁o既野人食,真係太差了,賺錢都要唔洗賺得咁盡吧,比少少良心吧以後都係食番m記.

炸雞 - un un 地 , 雞肉差過 "KF屍" , 薯條 - 又吾熱, 淋淋地, 好似炸咗成個鍾咁……重要HK$55 per set tim......不過 Ocean Park食咩都貴+la....下次去Ocean Park, 食Mc記好過………

因為大熊貓失敗的午餐, 睇完三點半海洋劇場的show後, 肚皮已經餓得發荒行到食店集中地, 首先見到係m記, 但心想, 黎到海洋公園食m記? 唔係掛 所以就食金香雞唔知同肯德基家鄉雞有無關呢? 不過相信就唔會有了, 因為味道真係差好遠..四號餐係磨菇雞皇飯餐, 餐有埋薯條同可樂一杯, 但係又係好難食, 飯粒粗糙, 又乾, 有啃的感覺 薯條鞋晏晏, 又唔熱..下次入海洋公園, 提議大家自備三明治先好去

十一月四日(星期三)遲來了的食評...是日到海洋公園慶祝兩週年紀念日!我們各自吃了早餐才出發!見到了熊貓和小熊貓,很滿足呢!!!!行到有回累加上到了lunch時間了!老公說有檔炸雞好吃!好就試試吧!我要了炸雞奕加薯條薯條比起麥記做得還要好!新鮮!雞奕都大隻!美味老公仔則要了半隻燒春雞,這個比起炸的好吃!雞味重!燒得香!推介!下次到海洋公園都必到此店吃吃雞先!老公仔說disneyland有火箭餐廳,ocean park有金香雞!

前幾天到海洋公園遊玩，中午在園內找點東西吃，隨意選選，到「金香雞」買了一個雞肉磨菇飯+薯條+汽水我本來以為，公園內的套餐一定很難吃、或是粗製濫造之作一口吃下，又未至於此....雞肉磨菇飯︰因為夾雜大量粟米、青豆，所以幾爽口；雞肉、磨菇的份量也算多，成個飯起碼都足夠令我僅僅飽薯條︰厚切薯條，不算特別的好味，但份量算夠這個餐的份量可算令我有點意外... 的足夠，雖然真係好唔抵食，收成四十五蚊呀！入得海洋公園內吃飯，都預佐既！

天氣炎熱，加上肚子餓了，於是買點小食一邊吃一邊看表演。還是找回這間小食店，上次男友生日來的時候都有吃過。我們點了一個炸雞餐另加一枝水，這裡的水好貴呀，要$16一枝，我們之前買了一杯soft drink都要$18!!!炸雞比較乾，而且炸漿很硬，並不好吃。薯條也是想不到的差，完全沒有味道，要使勁蘸茄汁才可咽下，不過後來茄汁蘸完就吃不下了。跟餐的汽水最差，沒有汽，而且像糖水一樣的甜，不會令人解渴，反而令你更口渴﹗幸好多買了一枝水，簡直是恩物。在園內就要將就一下了。

今次在海濱長廊吃過好頹的豉油皇雞腿，好難食。 Baby 記得上次我們午餐是吃金香雞。所以從海洋館出來一見到金香雞便即刻買來吃。$30 5隻雞中翼炸到乾晒，正﹗最喜歡吃炸雞﹗好味道﹗

靚仔生日，知海洋公園生日唔洗錢就去玩！　當日個太陽熱到烚雞蛋都熟，我地熱到同玩到無咩胃口，兩點幾三點到，見要等三點半個海洋劇場，靚仔就話去金香雞買野食。黎海洋公園食野預左貴貴，，兩個一分一個餐叫有D野到肚。$45一個餐︰汽水一杯，大家樂Size外型粗粗，外皮脆脆內裡淋淋薯條一隻皮脆脆雞膇一件皮脆脆，又雞滑滑滑雞下肶*有手套同茄汁自取總括講整體好好食，雞皮脆脆又"一DD都唔肥"，我都未食過炸雞係渣住熱到辣手指既，唯一想再好D既係汽水再凍D，冰多多多D滿足我地就曬死既遊客

今天和女朋友到海洋公園遊玩，樂園的聖誕擺設琳瑯滿目，遊人絡繹不絕，熱鬧的氣氛圍繞著整個樂園。我們身在其中,遠離煩囂,好像回到兒時一樣，當然覺得開心，直至光顧完這間在麥當勞旁,位於山上機動城的金香雞後，心情極為不滿。在樂園吃飯當然會貴一點,四十五元正一客的套餐其實不過份，但是，最少味道應該做到可以入口吧。不斷的人流,不停的付鈔,不能入口的食物。先說其燒春雞,味道淡如水一般,甭說雞味,連鹽味亦沒有呀.,燒到一點肉汁亦沒有,而且肉質極鞋極硬,味如嚼蠟，皮不脆而且腍滋滋的,薯條不脆不熱沒薯味是意料中事,所以取了大量的亨氏茄汁混和著吃算了吧好戲來了，白汁雞皇飯。不單只沒有味道,雞肉極硬,加大量的雪藏什豆亦沒什特別。最難受是那個飯,水份過多過腍而帶臭味。可能是飯放久了,溢出不似飯味的怪味同雞的雪味融合,...難怪女友嘗一口後就放棄了,最後因不想浪費食物要我清掉.....沒味的燒春雞已經較好了,但最後因為牙軟了,都不能吃掉...只以亨氏茄汁伴薯條填飽肚子算了...唉...還要等了很久才有位,十分擠迫的環境.,,,,,我們明白人流極高,爭分奪秒的樂園餐廳所供應的食物一定較遜,但,最少應做到正常能入口的

m記唔開, 被迫食le 個感覺係好多, 我地3個大人2個小朋友, 叫左4個餐, 竟然食剩一半. 燒春雞都ok, 不過孩左d,炸雞無雞味汽水同我講無冰, 真係呆左, 不過算啦, 我心情都算係靚, 又唔係關你事, 不過我suggest 下次食m 記1好d-----------------------------------------------------------------------------------------------------------------230日

其實去過海洋公園的人，都會知道在園內沒有飲食的選擇，因為公園內大部分的都是快餐店...選擇這間Golden Fried Chicken，也是因為男友對這間店舖的半隻燒春雞念念不忘，不忘的是它的份量，而不是味道！我和男友分別要了雞翼餐和燒春雞餐，男友的燒春雞只是微暖，我試了數口，燒春雞好像沒有落調味料般，沒有味道...而我的雞翼尚算是熱的，不過味道真的很普通，而薯條是冷冰冰的，結果吃了少許便放棄了！因為入場送了九折coupon，所以折了一份只是$36