影片
开饭介绍
於1969年創立的老字號港式扒房，以熱騰騰的鐵板呈上親民價扒餐，再淋上香濃的黑椒汁或燒汁，非常惹味。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
相关文章
平時返工，成日都去呢度食午餐，除左本身嘅主菜同飲品之外，仲有湯有餐牌，感覺好抵，下午2點之後去，仲有折添。不過始終呢度都係出名食扒，出糧之後就放心食扒啦！睇下餐牌先是日忌廉湯 雖然羅宋湯比較出名，不過今次想飲白湯。忌廉湯有煮得幾軟，但仍然保持形狀嘅紅蘿蔔粒，可以都有少少洋蔥，非常creamy，適合用來點湯。野菌牛柳（五成熟）（加蒜茸$2） $145呢個比一般鐵板牛柳貴少少，分別係寫明野菌，就會得到用專屬容器裝好一份、有雜菌嘅燒汁，淋落鐵板上面，一般嘅燒汁黑椒汁，會用大桶拎過來。食港式鐵板，我習慣叫生啲，等鐵板慢慢加熱嘅。不過好彩下面有薯條墊一墊，會熟都唔會熟太多。鐵板上面有兩塊牛柳，早食嘅一塊腍啲；之後等熟啲食另一塊，肉味濃啲，變成我原本想食嘅七成熟，食埋充份吸收醬汁仲有少少脆嘅薯條，同翠玉瓜，感覺滿足。欣賞經理哥哥落醬汁前，會提醒餐紙放緊枱邊，避免彈親，保障安全。凍檸檬茶紅茶味濃，加埋檸檬調味，可以解膩。服務費 $14.5找零差額 $0.5總數 $160
继续阅读
朋友約係D2食港式扒餐，都好一段時間無食，一於懷舊下......我地去到6點半左右，嚇左一跳，唸住工商區唔會有太多人啦，點知6點幾已經滿座，要攞飛等位🥲等左幾張總算入座，我地叫左比目魚松露汁（+$25轉餐）+ 什扒餐黑椒汁, 兩份都係set,所以都有跟餐湯,餐包同餐飲...🍽️羅宋湯酸味幾重🍽️餐包外表平平，但軟熟好味窩！如果有，真係可以食多個！🍽️ 比目魚配黑松露汁$132 -轉套餐$25以為魚係碟上，點知都同樣係鐵板上😃 魚肉好厚身下，薯條同翠肉瓜墊底，肉眼可見魚既兩邊都煎得好脆但裡面既魚肉都仲保持到濕潤同唔嚡口。黑松露汁係亮點，好濃既黑松露香氣，食牛扒既friend都倒左d黑松露汁試下。唔夠汁，職員好好甘再倒左一份比我地🍽️什扒餐配黑椒汁$134分量十足，牛扒，豬扒，腸仔，火腿，雞翼，薯條，配菜……滿到要分d係碟先切到。最好味係豬扒，好厚身但唔硬或黐牙有好多唔同既promotion, lunch set係抵食
继续阅读
啲肉超級鹹到爆全部用肉鬆粉那到太淋， 服務質素超差，我3人幫襯坐4人枱低連食都未夠30分鐘其中一位未食完去咗洗手間， 之後有一位攣頭髮戴眼鏡嘅店員即時沖埋嚟 話因為有客人要我地的起身 ， 但我先生當時仲食緊，亦已經多次同佢講咗我哋係三個人其中一個只係去咗洗手間， 但店員不加理會照樣安排2位客人坐低， 當時隔離枱有張6人枱只係坐咗2人 而且當時亦有其他枱 為什麼唔安排呢？ 我即時向店長反映， 但店長淨係話佢唔記得咗我係三個人，有咩理由有份餐同埋杯滿既嘢飲都放喺度都話唔知道仲有人坐喺度？ 同埋已經同佢講咗4次其中一個去咗洗手間，咁都叫唔知道😡 呢間野我永遠都唔會再幫襯， 誠意二百幾蚊一個餐仲要只係食咗37分鐘就被聲走 簡直係離曬譜
继续阅读
【深水埗區】【金鳳大餐廳】同大學同學耀哥好耐冇見，最近佢遇到一啲困難，我作為「問題解決師」兼「解決問題界 KOL」，當然要挺身而出、拔刀相助。不過佢嗰啲其實好小事啫，三兩吓手勢就解決咗，起碼唔使我用腦先。不過既然出咗嚟，咪食個飯囉，當大家聚吓舊都好吖嘛。佢話想食金鳳，我哋就去咗荔枝角 D2 Place Two 嘅分店，叫咩扒都好，實有「牛油餐包」同「餐湯」，質素都係咁上下，冇咩好講。我就食 $218 嘅「貴族牛扒」，即係美國牛肩肉，要五成熟、蒜蓉汁、鐵板上，食落唔係太大份，不過味道算係過得去嘅。佢就要 $190 嘅「每月特選晚餐」，有「胡麻醬蟹棒沙律」、「鐵板帶子西冷牛扒」，佢要五成熟、蒜蓉汁，仲有晚餐甜品「朱古力雪糕」，佢就話正常水準。餐飲佢要「凍檸茶」，我要「凍奶茶」，加埋一埋單 $449，算啦我畀啦，一餐半餐我豪得起嘅。。。（地址：荔枝角長順街15號D2 Place TWO 3樓312號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #荔枝角 #金鳳大餐廳 #牛油餐包 #貴族牛扒 #美國牛肩肉 #鐵板扒餐 #胡麻醬蟹棒沙律 #是日忌廉湯 #鐵板帶子西冷牛扒 #朱古力雪糕 #凍檸茶 #凍奶茶 #1am1564 #1ambackup
继续阅读
好耐冇鋸扒今日去咗荔枝角所以就去D2 Place間金鳳度醫肚鐵板牛小排 七成熟 跟蒜蓉汁出嚟真係有七成熟嘅效果冇乜筋位 所以唔會太韌不過略嫌薯格有啲油整體嚟講係鋸扒退好地方❤️
继续阅读