金麥泰泰國菜館

营业中

休息中

九龍城🚇嘅金麥泰泰國菜館係區內嘅老字號🇹🇭泰國菜館之一，入面嘅環境佈置好有🤩泰國風情，牆上貼滿咗唔同嘅菜式相片，🤤真係見到都流口水啊！佢哋有好多唔同款式嘅🍹泰式飲品，尤其係芒果沙冰味超濃郁，🥭沙冰打得夠細滑，真材實料飲落去清涼解渴！泰式奶茶🧋夠濃郁，奶味恰到好處，甜度適中，飲完唔會覺得膩，👍係好正宗嘅泰式風味。泰式🔥燒豬頸肉外脆內嫩，肉汁好豐富，👏配上特製嘅泰式醬汁，😋酸酸甜甜，好開胃！泰式招牌牛嘅醬料充滿🥥椰汁同埋花生香🥜，牛肉煮得夠淋🥩，香料味好突出，食落好有層次感👏。泰式鐵板烙蠔仔🦪用鐵板熱辣辣上枱，香氣撲鼻，蠔仔大隻😍又新鮮，加上蛋香十足，配埋泰式辣椒醬🌶️一齊食好惹味！泰式🇹🇭濕炒雞肉河醬汁濃郁得嚟唔會太鹹，🥰濕濕地令到啲Q彈嘅闊河粉好入味，而且🐓雞肉嫩滑配料十足，好食到停唔到口🤤。甜品個人首推🇹🇭泰國空運燕窩，椰汁🥥嘅香甜加上滑溜嘅燕窩，甜度適中，😍食完覺得好滋潤，係完美嘅飯後甜品！

九龍城出名泰國嘢就大家都知，但係食過唔少都其實味道一般，而且好多都好貴。今次喺openrice搵到呢間，睇餐牌好平喎，就去試吓。一去到，樓下已經坐滿，經隔離唐樓樓梯上一層仲有好多位，而且冷氣夠，唔會食到出晒汗椰青 $32好清香，好甜，不過有少少太熟生蝦刺身 $98一上枱覺得有啲古怪，啲冰竟然係放喺啲蝦上面，而唔係下面，不過個生蝦刺身就好好食，有口感，又香燒豬頸肉 $88燒得好香，肉又軟熟，有焦香味，好食炸蝦餅 $78炸得好脆，有蝦膠蝦肉，好香串燒牛肉$48 3串，豬肉$45 3串，雞肉$45 3串豬肉有少少鞋，雞好嫩，牛都香，全部都入味乾炒豬肉河 $58啲河粉好碎，豬肉比較鞋，但炒得乾身全部啲價錢都好平，好抵食，味道都唔錯

今日同朋友去九龍城搵嘢食，諗住食泰國嘢，冇咩心水，就揀咗拍完車之後最近嗰間。見到佢真係泰國人做嘢，應該有啲保證豬頸肉燒得幾香。泰式鳳爪夠晒辣，味道夠正宗。泰式柚子沙律就清清甜甜，唔會太辣，如果有幾粒蝦就似樣啲。醃魷魚沙律，我自己最欣賞，因為夠晒酸辣，魷魚都算多。咖喱軟殼蟹都好大碟，不過呢碟要二百幾蚊。皮蛋炸蝦餅，還可以，兩樣嘢分開會好啲，其實唔覺得襯。芒果糯米飯只係50幾蚊，好大一碟，黑白糯米都有齊，不過好甜好甜。店員服務好親切，食到佢打烊，佢都叫我哋慢慢坐。香港依家真係唔同以前，啲餐廳好多都只係做到10點，或者11點，想食宵夜冇以前咁容易。

九龍城一向多泰國餐廳老實說其實間間分別不大今次選擇了金麥泰勝在可以預先book位原來除了下層舖面還有上層地方夠大坐得舒適而且店員服務非常貼心態度友善更有不少套餐任意選擇套餐價錢比單點抵很多可以按喜好揀選適合的套餐有整整一本厚menu這是套餐相薄其中一頁試了$335包括菠蘿炒飯、串燒、冬蔭功湯、炸小食拼盤大大碟菠蘿炒飯春卷好味，魚餅、蝦餅和荷葉炸雞也不錯圖片中豬牛雞各兩串但來到時卻不一樣冬蔭功湯偏酸裡面有三隻大蝦柚子沙律$58額外加點的看個人口味如果喜歡又酸又辣應該適合泰式濕炒豬肉河$58份量算大，比較濕潤甜品西米椰汁糕$24四件雖然跟平時用葉包住的樣子不同但味道一樣下次要試試燕窩

食咁多野埋單先係$3xx💁🏻‍♀️同埋鍾意呢度嘅人情味 個個店員都好Nice喺呢個QR code年代 已經好難搵到呢種情懷啦❣️燒雞全翼（兩隻起）勁大隻 外層燒到好香口 雞肉好嫩滑 醃得好入味❣️燒豬頸肉燒到微微焦香 食落軟嫩有肉汁冇豬臊味❣️馬拉盞炒椰菜苗夠晒鑊氣 馬拉盞夠晒惹味椰菜苗翠綠爽口 唔係度度有得食㗎最驚喜係食到落底都唔會見到有一層油❣️泰式豬手飯晚市竟然都仲有$55一碟豬手飯 真正係良心食店唔好以為價錢平 就會hea 豬手份量好多炆到好腍 豬皮煙煙韌韌充滿骨膠原醬汁好惹味 撈飯一流 仲配埋烚蛋同芥蘭❣️冬陰功湯呢碗係細碗嘅size 飲落夠酸又重香茅味 仲食到啲指天椒碎最驚喜係有成4隻海蝦 夠晒新鮮彈牙 絕對唔係嗰啲急凍冇味發泡膠蝦😂❣️炸蝦餅一份有成10件 而且件件好厚身咬落外層酥脆 裏面彈牙有豐富嘅蝦味 超級出色同埋呢度勁近地鐵站 地理位置優越！

香港嘅泰國菜館真係好多，食極都有，當中好味又抵食嘅真係都唔少，今麥泰其中一間，今晚就同阿哥兩條佬一齊去試二話不說先點咗一個小嘅泰式炸拼盤，$108有十四件，我覺得好抵食，同埋每件炸物，入口絕不有理，蝦餅非常之彈牙，春卷十分脆口，魚餅點少許魚露就已經好香口，正！跟住叫咗泰式蒜香炒豆角，要讚吓廚房嘅功力，因為好多時叫親炒豆角，其實都係用水灼到啲豆角淋晒，但係呢度就好肯定豆角係冇浸過水，因為上菜見到非常之翠綠，入口非常之爽脆，蒜蓉香令到豆角好好味，咁簡單炒菜都用心去做好，仲要只係$58，冇得彈啦然後食泰式鐵板烙蠔仔，鐵板嘅蠔仔炒蛋，新鮮熱辣，有個爽脆嘅芽菜墊底，因為用鐵板嘅關係，啲芽菜爽脆完全唔會水汪汪，我已經擠好辣醬同埋魚露，又要讚一讚廚房，炒蛋非常香滑，蠔仔係炒得剛剛好，落咗鐵板都唔會過數，點埋魚露同埋辣醬，口感一流，呢個一定係呢度嘅必點之選，仲要好抵食，只係$88咋，加支啤酒，一啖蠔仔炒蛋一啖啤酒，同大佬談心，真係人生一大享受！跟住叫埋泰式青咖喱牛，青咖喱汁辣度好夠，鍾意食辣嘅應該好啱口味，雖然已經好豐富，但係都要叫碗白飯撈咖喱汁，想唔打爆個肚都唔得啦哈哈！牛肉煮得好嫩滑，每片牛肉切嘅

朋友請我晚飯，晚飯完畢，我就請返佢食甜品，今晚同朋友去九龍城嘅金麥泰泰國菜館，食吓泰式甜品。一入去，就覺得氣氛好有泰國風情，裝修好有特色。我哋點咗泰國空運燕窩，呢個燕窩好滋補，口感滑溜，甜度適中，一啖落肚，覺得好滿足。仲有芒果糯米飯，芒果好新鮮，香甜多汁，同黑白兩色既軟糯嘅糯米好夾，每一口都係享受。西米椰汁糕四件，椰汁香濃，西米QQ彈牙，搭配得好完美。最後，我哋仲叫咗兩個椰青，清甜解渴，好適合食完甜品之後飲。真係一個好滿足嘅夜晚，下次一定仲會嚟！

食物水準一言難盡，串燒雞肉豬肉，肉質偏瘦，一點油脂都沒有，配上一個不似預期的沙嗲醬汁更加難食，六串食剩三串，炸雞無味又鞋，都唔知想點，二人食了$403，浪費金錢浪費食嘢的quota

呢間泰國餐廳真係伏到冇朋友！等咗成半個鐘先上菜，已經等到冇晒心機。個泰式炒飯一上枱，望落去已經唔開胃，飯粒淋pat pat，完全冇鑊氣，仲要油淋淋，食落去成口都係油，咸到飛起，完全食唔到泰式香料嘅味道。環境仲衰，張枱黐立立，地下又污糟，仲有陣怪味，坐低都覺得唔舒服。講真，呢個係我食過最難食嘅泰國炒飯，又貴又難食，真係貼錢買難受！大家千祈唔好試，慳返啲錢去第二度食好過！仲有，個炒飯唔止咸，仲有啲怪味，似係啲食材唔新鮮，食咗兩啖已經頂唔順。服務都係差到冇得頂，叫極都冇人理，水都唔肯加。埋單仲要收得貴，完全唔值呢個價錢。總結一句：呢間餐廳真係伏中之伏，食完一肚氣，以後都唔會再嚟，大家真係要避開，唔好嘥時間同金錢！

店員服務態度友善！ 抵讚！🐷 芒果糯米飯芒果香甜多汁，糯米飯軟糯帶椰香，甜度適中，食落去好滿足，絕對係飯後甜品嘅首選！🐷 泰式豬肉炒飯炒飯粒粒分明，豬肉嫩滑，搭配泰式香料炒得香氣撲鼻，味道濃郁又唔會太油膩，好開胃！🐷 泰式豬手飯豬手煮得軟腍入味，肉質嫩滑，醬汁香濃，配埋白飯一齊食，唔錯架！🐷 泰式炸魚餅魚餅外脆內嫩，口感彈牙，搭配泰式甜辣醬，酸酸甜甜，好惹味！九龍城咁多間泰國菜嚟講，呢間都算真係唔錯，值得更多人認識！！

今天下午，我們去到九龍城金麥泰泰國菜館 午餐。在這家泰國餐廳用餐，讓我们感受到泰國的熱情與美味。侍應大多是泰國人，他們的服務態度親切，讓人倍感舒適。點了幾道招牌菜，首先是冬陰功湯。湯頭鮮美，微微的酸辣讓人一試成主顧。接著是泰式冬陰功湯河，河粉滑順，搭配海鮮，味道絕佳。芒果蟹肉炒飯色香味俱全，蟹肉鮮嫩，與芒果的清甜交融，令人陶醉。此外，泰式木瓜絲沙律清脆可口，帶有一絲酸甜。而泰式椒絲芥蘭，則是健康的選擇，口感鮮明。最後，必須品嚐的芒果沙冰，清涼解暑，完美收尾。整體而言，這次用餐體驗相當愉快，餐廳的好服務更是值得高度讚賞。

🍽️泰式老虎笑($118)開頭諗緊咩叫老虎笑，原來係燒牛肉。牛肉燒得啱啱好，外層焦香，內裡仲保持住粉嫩 juicy 嘅口感。醬汁惹味，酸酸甜甜辣辣，同牛肉簡直係天作之合！🍽️泰式生菜包 ($68)豬、牛、雞三揀一，我地揀咗豬！豬肉碎炒得香噴噴，配埋乾蔥、辣椒、香料等等，用新鮮爽脆嘅生菜包住嚟食，口感豐富，味道清新，食多幾包都唔會覺得膩！🍽️鹽燒鰂魚 ($168)成條鰂魚用鹽焗到皮脆肉嫩，魚肉鮮甜，帶有淡淡嘅鹽香。配埋特製醬汁，酸味更突出魚嘅鮮味，正！🍽️炸蝦餅 ($78) 黎食泰菜蝦餅點可以錯過！蝦餅炸到金黃酥脆，外脆內軟，啖啖都食到蝦肉，配埋酸甜嘅醬汁，開胃又惹味！🧉椰青 ($32) 椰青清甜解渴🍹青檸梳打 ($22) 青檸梳打酸爽醒神總括而言，九龍城呢間泰國菜真係冇得輸！價錢合理，味道正宗，環境又夠地道，絕對值得一試！

呢間幫襯咗好多年嘅泰國菜，真係無得彈，地道正宗又大大碟，絕對係好抵食。。*燒雞全翼 $19* ：燒雞全翼外脆內嫩，呢個價無得輸。*泰式豬頸肉炒芥蘭 $78* ：豬頸肉夠香，配埋芥蘭炒得啱啱好，好滿足。。*泰式冬蔭功湯河 $58* ：冬蔭功湯河啲河粉用嘅係泰式粗身粉，有咬口，湯底正宗夠晒辣，真係激正。。*咖喱牛筋腩 $78* ：咖喱牛筋腩入口即溶，咖喱味香濃，仲有勁多菜做配料。。*蒜蓉包 $30* ：蒜蓉包係隱藏菜單先有，餐牌無但價錢勁平又好食，配咖喱食最啱。。*椰青 $32* ：椰青解渴又清甜，食完重口味嘅菜式飲返個椰青，啱晒。重點係平！自己超市買都要20蚊個。真心呢間泰菜成日都坐爆 真係keep到水準先有咁多人幫襯👍

今天下午放假，我到九龍城的泰國餐廳，心情格外期待。這裡的泰國菜真係好正，令人垂涎三尺。我點了芒果蟹肉炒飯，蟹肉鮮甜，搭配香濃的芒果，簡直係超正的享受！另外，我還叫了皮蛋蝦饼，外脆內嫩，蝦肉的鮮味配上皮蛋的獨特口感，真係一流。而作為飲品，我選了珍多冰，冰涼爽口，讓我整個下午都充滿活力。這次用餐經驗非常愉快，餐廳的環境也很舒適，服務員小姐姐服務周到，讓人感受到賓至如歸的感覺。下次有機會，我一定會再來光顧，繼續探索更多美味！

今日同朋友去咗九龍城食泰國菜，真係好正！叫咗幾樣招牌菜，樣樣都掂！首先係泰式菠蘿焗飯，飯粒分明，菠蘿嘅甜味同海鮮好夾，食落好開胃。泰式蒜蓉炒椰菜苗都好出色，菜苗嫩口，蒜香味十足，完全唔油膩。泰式蒜蓉牛油焗大頭蝦真係驚喜，蝦肉彈牙，蒜蓉牛油香濃，食到停唔到口！青咖哩雞都好正，咖哩香濃帶少少辣，雞肉嫩滑，配埋薄餅一齊食，簡直絕配。薄餅外脆內軟，點咖哩汁食一流！餐廳服務都好好，店員好有禮貌，環境舒服。總括嚟講，今餐食得好開心，一定會再嚟！