金龍冰室。 川湘菜

营业中

休息中

昨日食完辣麵🌶️今日又想再食辣🌶️🌶️無辣不歡既我，一食就好易上癮，咁岩地男朋友又得閒，拉埋佢一齊黎我家附近食，話說平時都係屋企食，原來呢度有得食辣👍🏻🌶️辣子肥腸$108👍🏻呢個真係認真夠大碟，佢個辣子同豬腸真係好夾，配搭得好好阿，佢啲辣椒可以話令我好刺激，完全可以滿足到我個胃，呢個價位係好抵食，我地好快就清晒一碟☝🏻 🐟金龍招牌酸菜魚$178👍🏻諗返起，對上一次食酸菜魚唔知幾時，同職員講要多少少辣，真係可以做到比我，呢個好有份量，值得要讚既係裡面有好多魚肉，味道黎講，又酸又辣真係好好食，佢呢個招牌菜真係一定要試☝🏻🥤7喜、可樂👍🏻每人飲一罐汽水，已經好飽肚，呢度食嘢好滿足，估唔到屋企附近食質素都咁好，下次落街有地方落腳了☝🏻

今日黎大埔搵朋友，朋友就帶佐我黎呢間金龍冰室川湘菜試下，果然刺激呀！金龍水煮魚 $178🤘🏻中意食辣既真係唔可以錯過呢個，一上枱就已經見到成盆深紅色，辣椒炒出黎既辣油就咁聞都聞到陣辣味，啲魚就勁入味，每塊魚片都食到辣味，魚肉又夠厚又實，唔會一夾就散，但又唔會鞋口，辣住咁食好正呀！重慶辣子雞 $98✌🏻呢個都係愛辣之人既必食菜式呀，辣椒今次炒到又脆又乾身，啲辣油炒晒出黎落晒去啲雞肉度，啲雞肉肉質好滑，但表面又炸脆佐，仲有啲花生粒蔥粒，一齊食索索聲，爽呀！乾煸四季豆 $80👍🏻呢個都係辣既，但相對就無咁辣，豆角好新鮮好爽脆，肉碎都幾有口感，一齊炒爽口好食！農家小炒肉 $92👏🏻呢個就有啲青椒炸菜絲咁去炒啲豬腩片，豬肉好腍身好嫩，青椒同炸菜絲又好爽，口感好得意，好有層次，呢個亦都有啲辣，都係咁香口好味！

之前行過見到啲人食酸菜魚或者水煮魚好似幾靚，終於有時間去試下。兩個人叫左三樣野，水煮魚、乾鍋花菜同埋椒鹽粟米。 🐟水煮魚一上枱紅當當好吸引，成煲野鋪滿魚片同埋辣椒，我覺得喺香港食辣野好多時都唔夠辣，可能因為香港人普遍唔太食得辣，所以好多餐廳都有調整過，煮出黎無咁辣。呢鍋水煮魚都一樣，香就夠香喇，都係比想像中唔夠辣，或者你會話可以加辣，但係第一次食想試下本身個調味，有機會encore再算啦。入面啲配料都多嘅，芽菜同水晶粉（定係薯粉？唔記得左），都算抵食。 🥦第一次食乾鍋花菜，都係辣辣地嘅菜式，每一款菜式都應該有唔同辣度去配合，呢碟就夠辣喇。大概有花菜、虎皮椒（好似係）、辣椒同埋腩肉，炒出黎有少少麻香，幾惹味。乾鍋其實係一個煮法，仲可以配其他肉，例如雞肉或者牛肉。 🌽椒鹽粟米就同我想像中有少少出入，不過都唔錯嘅。

今日同成班friend去大埔踩單車，回程嘅時候係大埔市中心搵吓有咩食。竟然俾我哋係榮暉商場發現有間唔錯嘅粵川菜館。睇完menu覺得佢嘅菜式好吸引，所以今晚有決定食呢間！惹味雜錦香鍋。一上枱就聞到香噴噴，已經忍唔住流口水。廚師將海鮮🦞同豬大腸🐷一齊乾燒，再調味。味道辣辣地。非常惹味。重慶辣子雞。🐓雞切到細細粒，一啖一粒，非常容易食。而且雞肉被海量嘅花椒同辣椒🌶️覆蓋住。味道又香又辣🥵。真係冇得彈！金龍水煮魚。食得川菜又點可以冇出名嘅水煮魚🐟。魚肉鮮甜彈牙，再被麻辣🌶️湯汁浸住。辣味真係滲晒入魚入面。入口有好勁嘅麻辣感覺，真係超正！呢間餐廳果然有驚喜，下次入大埔一定會再嚟！👍🏻

每次同朋友聚會諗唔到食咩時，都會嚟呢度食嘢，每次都唔會失望😀超！級！多！人！但環境開揚又舒服，食物有特色，朋友食完都俾like👍🏻👍🏻小菜種類倒是滿多的。真心推介，金龍招牌酸菜魚～一上菜聞到香噴噴，魚片大塊又嫩滑的， 無碎骨；適合多人分食食用，入口麻而不痹，愈食愈過癮。真係非食不可喎 must try try ~乾煸四季豆～自己非常喜歡這一道小菜，夠鑊氣 又夠辣，炒得夠乾身，超級惹味香口！餸飯食一流呀🤤惹味雜錦香鍋～呢個錦香鍋真係份量級黎架，裡面有好多料，簡單可以介紹下既，佢既料十足，講真佢裡面既調味做得好出色，味道同所有食物都好夾，不過最鍾意係食佢個辣度阿，辣辣地好惹味。呢間絕對係食辣/重口味人士必試嘅店！

我同朋友無辣不歡，於是我地今日黎左呢度搵食！我地食完都覺得好滿意，一定會再黎😌我地先食左呢度既招牌千島肉排🥩果然係招牌菜，食香美俱全！肉排大大塊，而且炸得外脆內軟，咬落去啲肉汁同脂香咇晒出黎，正都不得了😍之後我地再食🔥🐟金龍水煮魚！200蚊都唔晒就大大碟，魚肉鮮甜嫩滑而且無骨，完全可以放心一啖放落去！而且加埋濃濃既辣椒，惹味得黎又過癮😋最後我地食埋碟避風塘魷魚鬚🦑🔥！魷魚鬚炸得脆卜卜又煙韌，配合埋避風塘炒法，簡直好食到停唔到口💜

話說大埔有間主打川菜同湘菜嘅餐廳，朋友大力推介，話正宗又經濟，而且餸菜大份足料，非常適合和家人或朋友聚餐👫🏻👫🏻👫🏻🥩招牌千島肉排$78肉排炸到金黃，肥瘦均稱，較瘦嘅部分咬落爽口，唔嚡口，而較肥嘅部分就口感鬆軟😋加上千島醬汁，質地好creamy，酸酸甜甜同豬排好夾！大愛❤️🦑避風塘魷魚鬚$128魷魚新鮮爽口彈牙，味道鮮甜，外脆內軟，配上避風塘醬汁加炸蒜，十分惹味，重點大大碟，下飯一流😛🦐惹味雜錦香鍋$172香鍋足料，有蝦、有薯仔片、豬肉等等，全部都用料新鮮，再加上用香菜、辣椒、芝麻等味料爆炒，令到成個味道更香，更惹味，真係津津有味👍🏻

推薦🎉🎉🎉🎉🎉(⁎⁍̴̛ᴗ⁍̴̛⁎)今晚被朋友帶我黎食四川嘢，諗起多年無食過，呢間之前一直都無留意，可能係新開(⁎⁍̴̛ᴗ⁍̴̛⁎)朋友話呢間好好食，啲辣野好掂，我都鍾意食辣既，今晚就同佢入到來，呢度環境都算寛闊，裝修上都較為簡潔，重要是好乾淨衛生，呢度位置方便，我地都係附近住，食完有小巴同巴士返家🉑乾煸四季豆$80炒得好香好香，辣味十足，完全係我最愛既口味，呢度既師父好強，炒得好香，同埋啲油唔會太多，油份適中，技術到家🉑惹味雜錦香鍋$172真係同名一樣，夠惹味，佢裡面有好幾種，有菇、菜、蝦。味道好出眾，而仲添加芝麻，令到個鍋更好食，辣度來講只係少少辣，人人都可以接受到 🉑重慶辣子雞$98平時係出面食都未見過有咁多辣子雞，呢度真係落足本，比咗好多我地，由於剛剛炸好，即食真係好新鮮，帶著重慶辣味同油香，真係好食到不🉐了

我地先食呢個金龍招牌酸菜魚，$178一大盆，超值呀！魚片有好多，仲要塊塊都大塊既，魚肉肉質好嫩滑，湯底係有啲油既，但絕對唔會覺得滯，都係辣椒花椒炒香既油，加埋酸菜芽菜，成個湯既麻酸辣配搭得岩岩好，絕配呀！😍之後我地食佐兩樣辣野，辣子肥腸同埋重慶辣子雞，肥腸貴啲$108，雞就$98，兩碟都好惹味，肥腸既肥瘦好適中，適量既肥膏令到啲肥腸好香口，咬落有啲脆又煙韌，另外既雞都係夠晒辣架，好脆口，炸得好脆但又唔係全乾，加埋啲辣椒，夠晒辣，成個口食完都係辣椒香，爽呀！🤪最後叫多個菜，乾煸四季豆，$80一碟已經好好好大碟，同樣有用辣椒炒香，豆角好爽脆，肉碎都好香，撈埋一齊黎食口感好好，送飯真係一流呀！😆食呢啲重口味野緊係要飲埋啤酒先夠爽啦！

❀今日約咗friend喺大埔踩單車，之後就一齊食飯，我哋揀咗係呢家金龍川湘菜！❀❀惹味雜錦香鍋$172系絕對推介之選！ 首先超級大兜，入面有大量既蝦肉，非常大只而且肉質彈牙，外皮金黃酥脆，其他配料還有蓮藕，魷魚、肥腸等等，好中意個肥腸，比較幹身，而且好入味，有咬口。另外還可以根據自己既口味添加多款肉食、海鮮、蔬菜及煙韌寬粉，非常豐富，喜歡吃辣的朋友都不妨試試！一定會令你滿意！❀❀總括而言，今日呢餐真系大滿足，全部既食物都好高質，我地都好中意，下次可以再來！❀

位於大埔汀角路既金龍冰室川菜非常出色！每次揸車經過都大排長龍！今日難得放假就同老公仔黎拜訪一下，果然花錦多時揸車黎係好值得⏱️先講下呢碟「乾煸四季豆」$80大大碟！炒得好惹味同夠鍋氣！四季豆大大粒炒得夠爽口，辣味亦都出晒嚟，食得黎辣得過癮！送飯一流！🍚「牙籤羊肉」都好好味😋羊肉🐑煙韌又無羊羶味！配合埋啲辣椒乾一齊炒，辣得刺激又惹味！🥵「金龍水煮魚」不得不試！湯夠濃夠辣，岩晒無辣不歡既朋友！🐠魚味鮮甜，加埋濃濃既辣湯一齊食，簡直係完美！食到滿頭大汗都抵！🔥

經過大埔工作，收工見到試吓，睇佢係一間平平無奇嘅餐廳，點知臥虎藏龍，呢間餐廳嘅食身為特帶嚟意外驚喜，食得辣嘅朋友一定要嚟試試😍首先叫咗牙籤羊肉。呢碟菜一上香氣撲鼻，聞到都流晒口水🤤羊肉油脂滿溢，超級嫩口，肉質鮮甜，加上有大量嘅辣椒同花椒，越食越想食，配返罐王老吉，令人回味無窮👍🏻再嚟招牌千島肉排。肉排色水超靚，炸到金黃色，外脆內軟，好juicy🤭再配合埋千島醬，酸甜美味，超級開胃😙再嚟多罐可樂，簡直喺人間天堂😆最後就喺農家小炒肉。呢個小炒肉鑊氣好夠，食起嚟香辣爽口， 肉片大塊量多，豬肉片油香軟腍， 青椒炸菜爽脆，一碟菜有多重口感，讚😌

最近留意到大埔有四川菜「金龍冰室。川湘菜」，主要係有粵菜同川菜，前幾日一早約好幾個老友一齊黎，入面環境上既裝修都好新淨，坐既位置都好舒服，卡位比較多，另外舖面姐姐落單好快手😻😻🥇辣子肥腸$108——-得一個朋友食得辣，點都要就佢叫返一道辣子小菜既，佢既辣度幸好對我地黎講係入到口，剛好辣度，肥腸每一份都好大好粗，食落質感煙煙韌韌，好食唔錯 ～🥇乾煸四季豆$80——-其實呢度既等菜部度都好快手，食第一啖已經好熱，啲煙係咁嚇，真係要小心溫度阿，四季豆份量好多好滿，好好食 ～🥇金龍招牌酸菜魚$178————黎到呢度又點可以唔叫酸菜魚，呢個酸菜魚份量好大，啲湯放到滿一滿，酸酸地又真係好食，做出黎既味道都好正宗 ～🥇啤酒就算係食肥腸，四季豆，無啤酒伴隨又真係怪怪地，啤酒加埋辣辣地既口感，令到啤酒特別好飲 ～

大埔有間金龍冰室以酸菜魚等出名嘅川湘菜為主打菜式。呢間餐廳真係大力推介，菜式眾多之餘價錢平民化，一到晚市非常旺場，次次經過都坐爆晒，今日專登嚟試吓😋😋😋❤️辣子肥腸$108肥腸腸入面嘅油份被爆干，再加上放咗好多辣椒和花椒，吃起來麻辣可口，脆脆地。而且肥腸一點臭味都沒有，食上去有麻又辣，非常美味👍🏻👍🏻👍🏻讚！🌟乾煸四季豆$80四季豆炒得不油不膩，睇上去超級乾爽，烹調時間唔會過火，顏色保持翠綠，食落無渣。味道辣辣非常惹味，配埋大量肉碎，送飯真係一流😙😙😙正！👅重慶辣子雞$98重慶辣子雞比滿滿嘅乾辣椒鋪面，唔係得個樣，真係堅辣，辣得好過癮🤭雞粒炸到外焦内酥且乾身又脆口，再加上蔥、乾辣椒、薑片、花椒、胡椒等香料炒成，確係好惹味，食唔停口😍😍😍最後，甘好食嘅野，我地埋單都係$286！真係好抵，平價又貼地，會推薦三五知己一齊嚟食😌

🌶️🌶️辣子肥腸$108呢個非常正宗，辣椒有炒香過，啲辣油炒晒出黎，油香同肥腸既膏油融合埋一齊，唔會好油膩，反而肥腸炒到脆脆地，加埋啲蔥同青椒，又辣又過癮！🌶️牙籤羊肉$138一粒粒既羊肉用牙籤串住，燒到油脂出晒黎，但都仲好嫩口，落佐啲芝麻，再加埋辣椒花椒一齊去炒，又麻又辣，真係食唔停口呀！🌶️避風塘魷魚鬚$128呢個就香口呀！魷魚鬚唔係好多炸粉包住，薄薄既炸粉包住魷魚鬚就已經炸得好脆，魷魚鬚煙煙韌韌，好有咬口，同啲炸蒜一齊食真係好脆口好香口呀！