金龍冰室

营业中

休息中

呢篇係小弟第一篇食評，係大埔金龍茶記樓面阿姐促使我寫的。大圍金龍平時幫襯開， 食物質素性價比高。習慣唔食飯，嗌所有set的餐都可以走飯/意粉/公仔麵改成蔬菜(份量十足的)。今日晏晝去咗大埔，見有啲肚餓於是見到金龍就入去幫襯。 同平時一樣， 叫個餐走飯跟菜，阿姐已經一句話冇呢個規矩。我冇堅持 ，就只係食咗午餐(蝦醬豆卜蒸豬頸肉)冇要飯，再叫杯凍齋啡。今日實在太熱，飲品一到我已經攞起飲，咦！點解係甜嘅？ 同咗樓面姐姐講，我話杯凍齋啡係甜嘅，佢跟住問我有冇叫走甜？我同佢講我叫凍齋啡， 跟住佢話凍齋啡要話走甜先會冇甜！呢鋪小弟真係呆咗，我食咗幾廿年茶餐廳，不嬲都係咁叫，從未出事。 之後佢仲同我講：如果你要冇甜的齋啡，應該叫黑啡，並不是齋啡！。。。。。。。最後佢有換到一杯真正的凍齋啡畀我。但係呢位阿姐不停係我張枱附近講：落單又唔講清楚，知唔知入貨d啲咖啡好貴.....Okay, 嚟到呢度，大埔金龍已經再冇回頭了。

金龍屬於新裝修，今日朝早遲返工，去試下。特別在於多士可以轉唔好口味，煎蛋可轉其他款式，可是餐牌寫凍飲加2，實際加3🙈🙈🙈同職員講態度差，話門口寫左😌😌😌我叫了雪菜肉絲，雪菜加肉絲比例少，失望肉丁得四粒😌😌牛油多士，煎太陽蛋，牛油搽得唔均勻奶油多士，奶油唔夠多，無咩奶油香...

今晚又興致勃勃外出吃飯，我們四人一行就去大埔墟搜尋美食。知道金龍冰室的食物價錢經濟又實惠，而且食物種類繁多，就去試試。朋友最喜歡天空藍色，這間冰室的裝修設計簡直適合他，他也表示非常喜歡💕。店員服務親切殷勤，隨即俾咗四杯水我哋，可以一邊飲一邊揀食物，餐牌圖文並茂，每一款食物圖片都非常吸引！經過店員推介下，我哋先選了星級雜扒，最喜歡吃鐵板餐因為能長時間保存食物的溫度！套餐還可以揀選配以飯、意粉、薯菜，仲有送餐湯！鐵板餐食物很豐富，當中包括西冷扒、雞扒、英式腸、煙三文魚和炸帶子，足夠兩人份量，而且賣相非常吸引！估唔到西冷扒薄薄地，咬落去都幾軟熟，而且牛肉味道很濃，牛魔王必吃。肉醬焗薯條🍟遠處都聞到好香的味道，食落去口感Creamy🥳。芝士焗西蘭花🥦可以清一清腸胃，西蘭花味道新鮮，配以芝士一齊食更加滋味。還有沙嗲牛肉麵，驟眼睇已經見到湯底深啡色，證明呢碗麵好足料，聽說早上很多人會叫作早餐食。除咗普通飲品之外，仲有特飲選擇，不過我們還是喜歡喝熱華田和熱檸蜜。朋友就選了紅豆冰。總括來說這一餐晚餐超值，每人平均消費$100左右。

最近見到周圍都開咗好多冰室，一落巴士已經好肚餓，就去到地舖好開陽的金龍冰室食晚餐。冰室燈光光猛，主要以藍白色為主，而且座位有卡位沙發🛋️，所以坐得特別舒適。我們四人每人叫一杯飲品爽一爽喉嚨，我就叫了一杯熱鮮奶暖一暖胃。餐牌多款選擇，還有炒粉麵飯類，仲送埋飲品添，好抵食！另外還有一本厚厚的餐牌。先叫了一些小食，蜜糖雞翼一份有六隻，炸到外皮金黃色好香脆可口，食落去蜜糖味道香濃，而且雞肉新鮮，所以我一口氣食了三隻。由於我鍾意食麻辣，罕有地見到有麻辣雞湯飯，就即管試一下。飲一啖湯麻辣味道很濃郁，飲完嘴唇帶一點麻痹感覺，很有挑戰性！湯飯食落去有口感，雞肉外皮帶一點香脆，肉質鮮嫩。還點了一份黑松露炒蛋多士餐，炒蛋好滑溜，唔錯。其他款式的食物同樣地新鮮美味，難怪咁多街坊幫襯。

呢間茶餐廳光猛同乾淨企理，以天藍同白色作牆身與檯凳o既主調色，地上再鋪設住mosaic 復古階磚。o野食選擇甚多，晚市o益餸配飯o既中餐由A 餐排到落V，仲有其他碟頭飯麵同西式扒餐等等，梗有樣o野o岩食。我點o左份黑椒香蒜牛扒拼炸蝦($80)。扒餐自然跟西湯，但幫我落單個可能係老闆娘o既人同我推介，話其他客人反映番呢度d 中湯好飲，問我想唔想試下。梗係好啦，於是改o左中湯。呢碗粉葛赤小豆湯，好香粉葛同眉豆、花生o個類o既味道，濃郁得o黎唔會過鹹，唔錯。主角牛扒薄切而長身，煮得剛熟略帶一點紅，肉質尚算軟熟。啖啖o既蒜香之外，特別在佢仲有一股粟米o既氣息，唔知係因為實在太多伴碟粟米o既錯覺，定真係一齊煮——但我覺得係夾的，幾有特色。至於d 炸蝦，外層鬆脆，色澤鮮艷，毫無油膉味，絕對拍得住日本鋪o既出品！鐵板餐除o左一般常見醬汁，仲可揀芝士汁、咖喱汁或者龍蝦汁，試o左芝士汁……想講真係好正，佢同我出面有時食到o既白汁芝士多多白汁少少芝士味唔同，呢度係好濃芝士味，而且係偏杰身真材實料，甚至帶出o左芝士特有o既鹹味，用o黎配意粉真係一流！通常我鋸扒都食唔晒d 意粉，但呢個實在太好食，食晒！我見佢

今早去咗大埔廣福道果間金龍冰室食咗個又平又正嘅早餐，呢度新裝修，報置都唔錯，卡位為主，地方也整潔，入到去見客人都幾多，員工招呼好落力，睇吓餐牌上都好多早餐選擇選擇！點咗個常餐（$32）已經包括有蜜汁叉燒湯意米，炒旦、果醬厚多士，加多一杯凍檸茶！义燒意份量好多，义燒夠稔而有蜜味，意粉亦好有咬口！夠水準，炒旦整得好用心機,四四方方咁上碟，好特別，食味都唔錯，果件果醬厚多士都好好食，再來杯凍檸茶（加$2）！真係好滿足又超值，平靚正呀！

今天終於休假了！跟寶寶去了大埔綜合大樓做gym，因為那邊健身的設備比較齊全，種類也比較多，所以離家遠一點我們也選擇了到大埔墟這邊運動。運動後當然要吃頓飯啦～由於運動後不想立刻進食，我們在那裏附近多逛了幾圈才選了這家感覺較乾淨整潔的冰室。食物的種類及款式非常多。因為剛做完運動不想吃太膩的關係，我點了份沙嗲牛肉麵常餐配凍檸水（ $32+2）。麵質煮得生熟剛好，不腍也不硬，口感不錯。而且泡久了也沒有膨脹糊感👍🏻 沙嗲牛肉附有沙嗲醬在牛肉上面，非常惹味😋。奶醬多士熱烘烘的，非常香脆，惟煉奶可以再多點更好。寶寶就點了「翠玉瓜腰果牛仔粒」（ $68 ）。牛柳粒、腰果、翠肉瓜都很多，份量十足，超抵食，一個人應該是吃不完的。牛柳粒很入味，而且不韌有嚼勁，口感挺好的。腰果炒前有爆香，所以吃起來也非常香脆👍🏻 我們再點了個「香脆豬扒包」share （ $27 ）。麵包是熱騰騰帶微脆的，豬扒香軟入味，配料有蕃茄有生菜，中和了豬扒的膩感，吃完後既不膩又滿足！

放假起身通常已經日上三竿！唔想食卡路里爆燈嘅all day breakfast ，當然就係食番個貼地常餐！近期特別喜歡去廣福道附近間「金龍冰室」，食物款式豐富，價錢又唔貴，最重要係入面d姐姐服務態度超好！入返正題，講返個常餐先！金龍冰室嘅常餐對比起出邊嘅冰室或者茶餐廳，都屬於係多選擇嘅一間！有7款粉麵選擇，配3.6北海道牛乳炒蛋同厚多士！值得加分嘅係，粉麵可以自由選配其他種類，例如米線、米粉、公仔麵等；炒蛋亦都可以轉做腸仔、太陽蛋、蛋白、煙肉等等；厚多士亦可以改做果占、奶醬、煉奶多，絕對能夠應付各式各樣嘅客人需要。我就叫左一個叉燒米粉配3.6北海道牛乳炒蛋同厚多士（走油），加多$14要多隻滷水雞髀同埋凍檸茶走甜！等咗大概5分鐘左右，嘢食就到啦！米粉食落唔似係福米，麵條口感煙韌，份量都幾多！叉燒都有好多片，肉質唔柴！厚多士烘到非常香脆，一咬落去仲搞到成枱都係麵包碎！而佢嘅炒蛋外型呈長方形，就算放上麵包夾住一齊食，都唔會跌到周圍係！過多一陣，我嘅滷水雞髀終於都到！呢度嘅滷水雞髀非常出名，佢係可以整到非常入味之餘，隻雞髀仲要非常巨型！咬落去啖啖肉，肉質又嫩滑，超好食呀！最後飲埋杯重茶味嘅凍檸

平時一落巴士站就見到呢間金龍今日就黎食個飯先-都有好多選擇炒粉麵飯樣樣都有，好港式既一間餐廳之前食過佢既茶餐都唔錯❣️今次就試佢既鐵板餐😻咩扒都有，跟埋餐湯，汁都有好多種可以配飯/意粉/薯菜～～～～-美式雜扒餐 $78有豬扒同雞扒，太陽蛋，煙肉，廚師腸份量真係唔講得少配上龍蝦汁，好惹味！-呢個星級雜扒簡直係重量級有西冷牛同大大塊雞扒兩條英式腸、炸帶子，煙三文魚都有埋最估唔到係佢既西冷牛又煎得幾嫩口，平時好多鐵板都會煎到乾爭爭今次呢件仲幾有牛香味👍🏻👍🏻👍🏻😽呢個扒餐完全感受到餐廳既誠意大胃王都一定飽～～-下次黎再encore呢個星期扒餐先😺😺😍

服務好好，值得一試既冰室，我地叫咗3個小菜都好惹味，分別係海鮮炒西蘭花，好有鑊氣，唔會好咸，份量好大，而且西蘭花煮得啱啱好，唔硬唔淋，好好食，第二樣係蒜香一字骨，唔油，睇落去好辣，但食落去一d都唔辣，送飯一流，都係好大碟，好香好吸引，最後一個係麻辣肥牛雞煲，雖然呢個送有d辣，飯落去有少少麻，但會令你不停食，有汁送飯，雞同肥牛都好淋，煮得啱啱好，又係送飯推介，真係好正。仲叫咗2杯野飲，咖啡推薦大家飲，好好味，唔會太甜，推薦大家去食！

大埔廣福道新開金龍茶餐廳，中午餐飯$42，凍飲加$2，都算幾抵，而家出面食個中午飯多數都$50~$60，有兩款選擇，多款配搭兩個餐可配飯或意粉，唔整想太飽，仲可以選擇撈丁，醬汁仲有多款選擇，其中比較特色既有龍蝦汁、芝士、甜豉油

最近成日經過呢間新既冰室，見入面裝修幾靚幾光猛，今日同朋友踩單車之後去左食晚餐，運動後食番個茶記補充體力！晚上有好多唔多小菜套餐，包白飯例湯餐飲都只係約70蚊，幾抵下！湯有紅白湯選擇，原本以為係中式湯，但呢度中西合璧，紅湯煮得幾入味香濃。小菜：四式芝士炒蝦球先將大蝦炸到金黃色，再加上香濃芝士洋蔥汁，大蝦爽口大隻，炸到好可口，送飯一流！蒜香一字骨呢個係意外驚喜，肉唔會炸到好乾爭爭，蒜香醬入哂d豬肉入面，唔會好似外面餐廳咁得骨冇肉，肉身好稔，好好食！黑松露雜菌奄列配撈麵另外一個人唔想食小菜，叫左撈麵，奄列既蛋得好滑，黑松露味好出！呢度既撈麵唔係用本身既香粉同麻油，而係用自家製既醬汁，比原本既印尼撈麵更好食！黃金豆腐最後想叫一個炸野食，見呢度可以加38蚊追加一個炸豆腐，就叫黎試試。炸豆腐看似普通食物，但其實好難整，呢度炸得剛剛好。呢家興咩都加鹹蛋，呢個豆腐沾上好多鹹蛋，食落黎又幾夾！！埋單時3個人都唔過300蚊，真係又抵又好味！

今天整天在家中休息，晚飯又懶得煮，所以決定買外賣番黎食。到了金龍冰室買外賣，自從這間餐廳開了之後，不知不覺成為左我家的飯堂，家人喜歡佢夠大碟，抵食又好味🤗不過外賣就等耐少少😥係門口吹左一陣風。。叫了一個麻辣三絲炒米，吃下去不是太辣，裏面材料不少，有蝦，芽菜，吃下去幾惹味。一個叫左邪惡的炒粉絲，另一個要叫番清d，叫了海鮮雜菜煲，有幾多海鮮，蝦都好大隻，有埋湯汁，配上粉絲👍晚餐是有餐飲跟的，就叫了一個凍檸茶

店舖新開冇耐，環境舒適乾淨。餐牌上選擇多元湯味道比較清淡至尊海鮮鐵板餐份量大，魚柳蘇炸大大塊，蝦仁都大粒有鮮味。整體味道較清淡，油份唔多。讚賞下有三粒西蘭花同半舊蕃茄，好健康😛龍蝦汁T骨牛扒拼炸帶子炸蝦呢個鐵板一上枱嘅時候真係俾佢嘅份量嚇親，我從來冇食過咁大份嘅鐵板餐😂一上到枱就即刻急不及待咁試咗一啖龍蝦汁，個汁清淡，配埋牛扒一齊食係一種幾新奇嘅味道。而炸醬都拿捏得好好，唔會太厚，又唔會太薄，一咬落去脆扑扑。整體成碟野比較清淡，但係食材嘅味道反而更加突出。芝士焗西蘭花份量大，芝士味幾濃，營養之選。飲品冰溶得好快，飲落唔夠凍。但好似會對身體好啲😂😂(?)整體價錢適中，味道上比較清淡，少鹽少油，食到食物真味，多蔬菜，應該係營養之選😂😂

大埔開左呢間新嘅茶餐廳，尋晚就同屋企人去試下呢度嘅晚飯小菜。餐廳座位雖然都比較窄，但係基本上全部都係卡位，始終坐卡位都係會比較舒適，私隱度亦都相對較高。套餐包紅湯或者白湯，暫時未有中湯我地四個人一人一個晚市套餐，再加左啲小菜share食，首先嚟碟蒜蓉炒菜心，菜心嫩而爽甜，炒得夠鑊氣。再叫左個土匪雞翼，及套餐加$38要左碟黃金豆腐，豆腐粒炸得香口並充滿香濃嘅鹹蛋味。四碟小菜當中呢個四重芝士炒蝦球就做得最出色，蝦球大大粒又夠彈牙，炸粉薄薄嘅一層包住蝦球，加洋蔥絲炒更加惹味。黑松露雜菌玉子燒配撈麵蛋炒得夠嫩滑，黑松露味香濃，另外可加配一款炸物同飯麵，我地就揀左炸帶子同撈麵。蒜香一字骨一字骨份量多到食唔晒，蒜蓉炒得十分惹味，肉質夠冧且偏肥。XO醬炒帶子西蘭花呢碟又係我地全晚另一心水，足料之餘同樣炒得相當有鑊氣，帶子又唔會炒得老，最緊要係xo醬送飯一流!