金龍堡

营业中

休息中

日日諗食乜嘢其實好悶，唔想重重複複今日嚟到金龍堡，夥計話廚房炒薑蔥火腩飯好正，呢樣係餐牌都冇，喂正喎，唔要豆腐火腩，唔要枝竹火腩，聽到都醒神晒我呢啲咁鍾意食薑蔥炒小菜嘅人，竟然比呢個咁正嘅嘢我，薑蔥同火腩係非常之匹配，我仲要加少少辣油，真係秒速就消化晒咁大碟飯，連埋凍飲$59 ，午市嚟講算好滿意！

呢幾年叫外賣.. 但原來屋企樓下嘅外賣一直被我忽略。最近經過金龍堡..係外面望下menu有咩早餐食，然後該店的一位年長的姨姨好熱情好親切咁同我介紹。我問佢50蚊埋唔埋到單（因當時身上只有50蚊）佢話邊洗50蚊咁貴呀。入嚟食啦😆我問完都覺得自己傻左lol...反正住左係度咁多年都未係度食過野..而我都承認我都幾睇門面同裝修...不過而家人大左就無咁膚淺..好吧，就比個機會大家啦。入到去睇下個早餐牌..d配搭和食物款式都幾特別。不過由於最近愛上食沙dad牛肉麵就叫左A餐轉出前一丁。沙嗲湯底幾濃牛肉都幾好，茶左牛油嘅三文字一睇都知軟熟（雖然賣相一般），因為我怕熱氣所以唔烘底我都ok..奄列都ok丫。最後埋單當然50蚊有找係食野嘅時候我不忘留意店家嘅動態..感受到一般市區餐廳感受不到的街坊情和人情味。自從食過佢嘅早餐，就不期然會想試埋佢嘅午餐好耐無試過打電話叫外賣了。。然後不到15分鐘門鈴就嚮了..快到嚇了我一跳。我仲話咁快手嘅送外賣的是白頭髮的伯伯，當時我要花時間拎錢，佢好好人咁叫我慢慢唔洗急..當然我是不敢怠慢要他等。今次我叫了乾炒牛河和豆腐班腩炒麵，盛惠103蚊。好抵呀！如果叫外賣平台都

2021.4.12 （一）$47星期六、星期日，節食左2日，今日解放啦，要食好dd補充一下。附近沒有蒸餸既飯，此茶餐廳有很多蒸餸既飯可以選擇。 梅菜扣肉飯 + 熱檸檬茶一般梅菜扣肉係用豉油《可以話係甜豉油》此店係用南乳，味道稍為唔普通，接唔接受到？因人而異啦送例湯：沙葛紅蘿蔔熱檸檬茶： 檸檬2片頭2片心，茶味ok啦

間中都都会去這裏吃東西，這裏价钱不贵，款式选择也多。在这里可以吃到银针粉，是其他餐厅沒有的，而我是很喜欢吃銀針粉，他们的上海炒銀針粉十分惹味，有肉絲、炸菜絲等，配以他们的醬汁炒，挺开胃。而回鍋肉湯銀針粉也相当正，回鍋肉不是罐頭，是自製的腩肉和荀，小小辣，令人回味。

平時叫開個間外賣間鋪頭整廚房，咁就叫下呢間未食過既鋪頭。叫一個夏門炒米外賣，一打開， 燶曬既味，原來炒燶左一大半，收收埋埋係入面，個炒米仲一半紅一半白！ 有冇咁求其！！！！ 仲要咁都照出街比人， 間野差極冇限！以後唔會再食呢間野！

一间看似普通的茶歺厅，其实已开了近二十年了，龍门居有几耐它就有几耐。他们的回鍋肉銀針粉相当美味，回鍋肉不是罐頭，而是自家製，小小辣，很香，腩肉弹牙，配以银针粉是相得益彰，其他茶歺厅是很难吃到的。火腿奄列也不会前得老，内里仍有些蛋汁，夾方包来吃，一樂也。

忽然好想食煲仔飯，朋友話龍門居有間煲仔飯唔錯點知去到先發現好似要再夜啲先有堂食咁就再周圍睇下邊到有煲仔飯啦，見到依間有，就即刻入左去嗌左一個蒸飯同一個煲仔飯同朋友仔share蒸飯跟湯同嘢飲，而煲仔飯就淨係跟湯啲餐牌既字真係要花啲時間睇🙈🙈🙈依個湯係拍得住媽媽質素既老火湯以我唔飲湯嚟講，都飲左幾啖覺得幾足料同幾夠味檸茶就正常質素啦我同朋友第一個反應都係嚇親兜飯會唔會太大兜但可惜啲雞唔係幾滑，唔係好好食不過$40既晚餐嚟講，咁大兜飯，有湯有嘢飲，真係好良心價差唔多食完個蒸飯，個煲仔飯先嚟上到枱，仲要等多陣先有得食佢個飯係原本落左豉油，無得自己倒個飯就有有臘腸膶腸同臘肉份量都幾多Ummmmmm啲飯撈完仲濕濕地，唔係好夠乾身臘腸無乜口感，食落好淋又無乜香味我唔食膶腸，所以就無試到啦食埋個臘肉，都係無乜臘肉既香味整體嚟講，抵食就真係好扺食但唔係好好食都係真既

夜晚入去食飯 菜牌有很多 選擇 今晚選擇咗食京都排骨飯 味道濃沃 有好多洋蔥 非常好食 酸酸may may嘅京都骨 醬汁入口即溶 最重要係唔會滑多個肉 咬口啖啖肉好過癮 晚餐仲送例湯 係老火湯嚟唔會有好多味精加埋熱飲杯鴛鴦都係濃郁茶記味

今早來到了龍門居食早餐，都係搭幾個輕鐵站，幾方便的！原來龍門居都幾多野食，好多檔口仔同餐廳，聽聞夜晚仲愈夜愈熱鬧，下次要夜晚黎試試！A餐沙嗲牛肉麵，火腿三文治沙嗲味一般，唔算濃，但牛肉數量都幾好，唔un，林林地易咬，餐廳採用福字伊麵，雖然話福字伊麵係平價貨，但係我覺得好食過其他餐廳的唔知什麼麵火腿三文治都係一般質素，無特別，但唔dry，因為有牛油底，幾用心。B餐煎豬扒銀芽炒麵塊豬扒又煎得幾香口喎，不過略厭重油，銀芽炒麵不過不失，唯獨d炒麵淋左dd，食起上黎濕濕地，減左幾分。