金龍泉

营业中

休息中

繼續馬鞍山覓食，今次早餐就試恆安街市入面茶記，環境尚可加上裝修都算企理，最可取就係燈光充足冷氣夠曬，大熱天時冷氣真係唔少得！服務就茶記質素，我覺得又唔好抱咩大要求，等於食魚蛋粉你都唔會期望有咩一流服務，實事求是啦…不過價錢方面呢真係偏貴少少啊，所以早上都真係唔算多人….早餐選擇就真係唔算好多價錢話貴又唔算，但話平就真係唔算，始終係街市既茶記，都係附近屋邨同開工既人來食，所以有比較之下真係未必會來食。但勝在坐得都幾舒服，冷氣足炸雞翼麵，炸得都算通透，炸粉唔厚一咬落去已經可以咬到肉，調味都可以唔會炸到乾曬，keep到個肉既水份。麵就無咩好提，就係普通即食麵貨仔

今日中午食完個咖啡牛肉飯，作嘔反胃。而家8點，晚飯都冇胃口食，反胃感依然。聽同事講蒸魚好食，特登沙田入去食完再出沙田做野。結果魚又冇，食個咖哩牛都出事。。。。d肉好滑，滑得黎又冇味。。。。生平第一次投訴，希望對方睇到，大家唔好食佢既咖哩牛。。陣間可能要去急症。。。胃酸倒流中要打夠200字先可以點味道。。。為左可以俾1粒星味道。。。。。。。。。。。。。。。。。。。。。。。。。。。。。。。。。。。。。

呢間嘢越做越差，今日唔想行得太遠，俾多次機會叫個堂食麵應該唔會差得去邊，嚟到個公仔麵發到一餅嘢咁🔥🔥🔥，啲牛肉疏打未洗乾淨🔥🔥，雞髀炸到乾晒🔥真真冇下次🔥🔥🔥

今日星期一假期，新搬黎 吾知食咩好瞓到自然醒落去行下行幵 見到街市有間茶餐廳 門面睇落去乾乾淨淨 入去坐都環境舒適一個仔趕時間補習先叫左個特餐細仔又話吾肚餓 又吾知食咩好見到哥哥食公仔麵 又話要食再叫多個特餐諗住share點知細佬食食下又話好食 食得晒咁我咪又叫多個餐點知待應A落錯單 黎左凍奶茶 我地一家從來不飲咖啡奶茶 仲話我叫錯 好 算 我都無話佢，叫佢換返杯凍華田俾我就ok點知……黎完晒所有餐 個待應周圍話我叫得三個餐，好分開叫😡幾好食都無用 待應態度有問題 吾會再去幫襯在這裡叫餐，係吾可以分開叫的😑分開叫會俾個待應A逐個同其他待應B,待應C唱衰你 三個餐都要分開叫🤬🤬🤬 真係嬲爆

今日要到附近工作，時間尚早，先食個早餐吧！恆安街市大裝修後，耳目一新，場內空間感大增，店舖類型齊全，現在有冷氣供應，買得舒適。茶餐廳最抵食，五香肉丁是港人至愛早餐之一，我當然要試五香肉丁麵，粒粒五香肉丁夠辣，即食麵爽口彈牙。煙肉一開二，煎得有點焦香，腸仔比較鹹，加落麵食就剛好，牛油多士夠厚身，牛油真係茶餐廳既更香滑。食飽，飲杯凍奶茶，奶茶茶底夠濃，奶香濃，好夠味，仲要好夠凍，真係醒神，價錢比出面平，好抵食！

通常我在坊間的港式茶餐廳裡面，享用一般扒飯食品的時候，有不少茶餐廳廚房都會容許食客，可以自由選擇扒飯裡面的醬汁口味，包括傳統常見的「咖喱汁」、「白汁」、「黑椒汁」、「茄汁」還有「蘑菇汁」。至於「洋蔥汁」雖然不算很多，但是我也曾經在其他茶餐廳裡面，享用午飯或者晚飯的時候，見過有食店提供「洋蔥汁」扒飯，問題只是食店廚房製造的「洋蔥汁」，裡面真的有洋蔥而已。真的有新鮮「洋蔥」在醬汁裡面的「洋蔥汁」，除了讓碟頭飯食品實際味道增加辣味跟甜味之外，還可以為白飯食品增加不是青色的蔬菜伴碟。我見過沒有食到真正新鮮「洋蔥」的「洋蔥汁」扒飯，那種「洋蔥汁」裡面的味道偏向比較甜，相反洋蔥氣味相對會比較淡薄。至於我在馬鞍山茶餐廳「金龍泉」裡面食到的「洋蔥汁」，則屬於洋蔥氣味比較重的醬汁。茶餐廳「金龍泉」位於馬鞍山屋邨「恆安邨」商場樓下，街市附近「恆安市場」的門口位置旁邊。如果食客從「恆安邨」巴士總站前往「恆安市場」的話，不用再搭扶手電梯，進入市場大門口就可以立刻找到「金龍泉」。「金龍泉」還有專門製作甜品的櫃檯，櫃檯就在「金龍泉」店門入口的旁邊位置，「金龍泉」還在門口位置加了幾張櫈，方便食客在食店滿座時，還可以

午市快餐並非快餐，裡面有的咸蛋蒸肉餅飯，需時長達30分鐘，縱使倘若要再蒸，理應落單時知會客人一聲。加上服務態度不良好，已落枱的咸蛋蒸肉餅，居然因為另一個人落單先（ 他們沒有檢查落單時間）就從臺上拿走碟飯給另外一台客， 尤其是現時疫情嚴重，這很不衛生哦。 之後就沒有咸蛋蒸肉餅飯問我們要不要轉吃其他東西。

平時星期六、日放假，都不會特別晏起身(可能是習慣了返工的生活)，所以每當假日起身後便會落街食早餐。之前都是會駕車出去食(因為屋企附近無乜餐廳，而且都很難食)，但最近屋企樓下的街市經過大翻身，開了很多餐廳，所以便決定去這些新開的茶餐廳一試。茶餐廳的早餐都不外乎是五香肉丁、沙嗲牛肉麵、火腿通粉這幾款，所以都不作特別介紹。而我每次去茶餐廳，都必定是食沙嗲牛肉麵(因為覺得最抵食同最好食)。今次落到去這間茶餐廳，都是點了相同的早餐。先講沙嗲牛肉麵，牛肉很多(我覺得比其他茶餐廳要多1/3)，牛肉很「林」，是我喜歡的口感，不過好多人都鍾意有咬口或者係火鍋的肥牛，而我比較鍾意食滑牛肉。味道都幾香，仲有啲花生味。至於個麵啲麵身唔淋，都唔錯。而餐肉煎蛋方面，應該係即煎，唔同其他茶餐廳係一早煎定，因為塊餐肉同隻蛋都係熱，係平時喺屋企啱啱煎好上碟即食的口感。而且一般茶餐廳係牛油方包，但佢哋係牛油厚多士，件厚多士上面都幾多牛油，而且仲係熱同脆，所以幾好食。整體嚟講，整個早餐係唔錯，值得一食。

最近新開金龍泉餐廳，第一日開夜晚走去試，當時試過晚餐，例如喊蛋/土尤/蒸肉餅同金銀蛋都非常唔錯，配例湯同白飯一碗，飯都好軟熟，例湯應該無落味精（感覺一滴鹽都無）。最近亦試過早餐正常ok既（肉丁蛋麵），但最近去到晚市，晚餐最近都試過叫外賣廈門炒米，都比較喊，以為廚師重手左，但最近再堂食蝦仁炒蛋仍然偏喊，我覺得正體係可以的，但少d鹽會好點，侍應都好有禮貌要讚晚餐加凍飲要5元熱/10元凍就偏貴，以馬鞍山黎講如果唔係偏喊，我覺得味道應該唔錯，希望可以改善下呢個問題。

學校放lunch食既餐廳所以無得影相真係好難得遇到服務態度好嘅茶餐廳有個姨姨見到我同朋友成日食就送咗碗湯每個員工都好nice！而且啲食物質素都好唔錯最特別嘅係啲嘢飲都好好飲以為茶餐廳啲嘢飲都一樣但係依間佢 真係唔同！例如檸水啲檸檬用嘅係好新鮮嘅檸檬🍋所以都唔會苦✌🏻每次嗌嘅嘢食都唔會伏蕃茄蛋牛肉飯（甜甜地鹹鹹地好好食）乾炒牛河（不過不失有少少油）鹹蛋肉餅飯（個肉餅勁嫩）咖喱牛肉飯（牛肉多過薯仔）黑椒牛扒腸仔飯（牛扒好嫩！）蕃茄豬扒煎蛋飯（豬扒都係好嫩！）呢個係連續三日放lunch食嘅全部都好好食分量好足食到勁飽遇到好嘅餐廳太感動