釜山商會

呢排我又重投韓劇嘅懷抱每次睇到佢地聚餐食嘅野都好吸引今日約埋同樣愛吃韓食嘅朋友仔一齊試下呢間韓國餐廳餐廳空間都幾大, 入面有好多座位, 門口有兩隻青蛙歡迎我哋我地去嘅時候係放工時間, 陸續都有客人入嚟, 大部份都係後生仔女, 餐廳播住韓國流行曲, 少少昏暗嘅燈光好有feel入座入由OPPA端上韓式前菜六小碟有d前菜都不是常見, 例如:薯仔條, 醃牛蒡, 黑豆等, 前菜係可以refill的在場大部份侍應都是OPPA, 要說英語的,不過如果真係有困難, 佢地有位女生係識講廣東話, 同埋落單係用QR Code, 所以應該沒難度點咗佢地嘅新menu: 辣粉年榚橙黃色的是芝士粉和韓式辣醬, 仲有好多材料年榚當然少不得, 金菇、魚榚、腸仔、洋蔥、大蒜和蔬菜, 份量都幾驚人會由Oppa 幫手煮（食韓餐的快感）將韓式辣醬和芝士粉都融入整個鍋後，就可以食得啦我哋兩位女生，食咗好耐都仲有好多料，好似食極唔完咁有芝士味嘅辣湯，好惹味年榚煙韌軟糯，係腸仔淋身少少另外朋友見到隔離檯點咗呢個：韓式芝士吉列豬扒，佢都好想試喎因為見到有拉絲嘅芝士，又係好吸引嘅Btw,如果覺得湯底太辣，可以加清湯中和返你睇下….真係好

#MC帶你去尖沙咀.金巴利道出名韓國餐廳眾多，依間餐廳開業未夠一年，今日就試一試佢～➖✨ 釜山商會 𝘽𝙪𝙨𝙖𝙣 𝙎𝙖𝙣𝙜𝙝𝙤𝙚.餐廳主打釜山傳統料理，店內裝潢走輕工業風設計，搭配灰白色水泥牆、黑鐵壓花地板、懷舊管線線路等，營造出沉穩工業風氛圍；餐廳環境寬敞舒適，燈光設計昏暗，氛圍感滿滿。➖🥢 韓式前菜｜🆓.有六款免費韓式拌菜，有韓式泡菜、醃青瓜片、韓國黑豆、白蘿蔔絲、甜煮南瓜等，大多都清爽開胃。➖🥢 全球首創–釜山商會辣”章三蝦“一人鍋｜$138 ✨招牌菜式✨📝 World's First Octopus, Pork, Prawn Spicy Clay Pot.石頭窩上枱熱氣騰騰，有足料大隻原隻章魚！口感爽脆彈牙，味道鮮甜；搭配五花豬肉腩片、去殼蝦仁、娃娃菜、秀珍菇等，而且仲有粉絲，配料相當豐富。➖🥢 煙燻五花肉 (300g)｜$248📝 Smoked Pork Belly (300g).厚切豬五花肉整齊排列在鐵盤上，賣相精緻吸引；豬五花肉經過煙燻後，軟腍不韌，不肥不油膩但有肉汁，搭配豆瓣醬、洋蔥絲、蒜頭粒及青椒圈，口感更加豐富。

朋友約我今夜走到位於尖沙咀的【釜山商會】食晚飯，初聽名字還以為是個商會場所，結果一進門才發現，這是一家由地道韓國人經營的正宗韓國餐廳。餐廳裝潢設計簡約時尚，牆上掛滿韓國美食的精緻照片，環境寬敞舒適，色調溫暖柔和，營造出一種放鬆又愜意的氛圍，讓人忍不住想多待一會兒。🫕 招牌部隊鍋這次我們點了他們家的「招牌部隊鍋」，上桌時一整鍋豐富的食材鋪滿表面：泡菜、午餐肉、腸仔、韓國即食麵、年糕、豆腐皮、青蔥與高麗菜等，還有辣醬與湯粉均勻撒在面上，未煮之前已經聞到陣陣香味，色彩鮮艷令人食慾大開，份量足夠2-3人食用。煮沸後紅彤彤的湯底滲出濃厚的辣味，泡菜的酸香與辣醬完美結合，湯底濃郁卻不油膩，每一口都能感受到韓式獨特的香辣風味！即食麵吸滿湯汁後特別入味，年糕軟糯有嚼勁，豆腐皮更是吸收滿滿的辣湯，每一口都超滿足。🥟 韓式煎餃搭配部隊鍋的還有一份香脆的韓式煎餃，外皮煎得金黃酥脆，內餡肉汁豐富，配上炒洋蔥一起吃，口感更顯豐富。🥗 韓式小菜拼盤店員會貼心送上一份六色小菜，包括泡菜、青瓜、黑豆、辣醬魷魚和甜薯，地道又多樣，提供不同口感，為味蕾帶來不同的驚喜。釜山商會不僅僅是品嚐美味，更是一種韓國的飲食文化體驗。

餐廳：釜山商會地點：尖沙咀金巴利道菜式：韓國菜餐牌：推介菜式、飲品、炸雞、熱鍋、燒烤、煎餅、釜山特式、韓國特式。先黎三款泡菜，有辣泡菜兩款同甜甜有咬口黑豆一款。全球首創釜山商會章三蝦一人鍋 $128 另加一章三蝦一人鍋真係好大個鍋，熱辣辣上枱。震撼哋有原隻章魚，俾把較剪你自己剪細食，好爽脆鮮甜，正！五花豬肉腩片好多塊，夠厚切，食落爽脆豬味濃。去殼蝦至少四隻，好爽脆。伴有一個麪，淋淋哋似公仔麵。個湯好清，蔬菜有娃娃菜、蔥條同少少秀珍菇，吸左個湯好味。另上一兜蝦仔醬，俾你自己加落個湯度，我加左一小匙羹，個湯飲落帶微微蝦味，感覺健康。韓式排骨餃子 $148 另加一韓式排骨餃子一客8隻，扇形咁放喺洋蔥絲上面，用鐵板上。餃子大大隻，啲皮脆脆哋煙煙韌韌咁，入面肉餡多，帶少少菜，味道少少甜。配洋蔥絲食可解膩。個鍋好適合冬天食，勁暖身，而材料豐富。服務員同經理都係地道韓國人，操不純正英語，有種去左韓國食飯嘅感覺。

這次與同事一行十幾人來到尖沙咀這間新開的韓國餐廳，餐廳主打由韓國廚師主理的正宗釜山美食，務求將最地道的釜山風味帶到香港。餐廳環境寬敞，非常適合多人聚餐。這裡的菜單以釜山主題為主，既有傳統的釜山料理，也有創新的韓式料理組合，讓人充滿期待。1. 釜山三合（泡菜、豆腐、豬肉片）這道菜是釜山地區的傳統美食，由泡菜、豆腐和豬肉片組成，搭配韓國辣椒、生蒜頭和豆瓣醬一起食用。豬肉片完全沒有腥味，口感嫩滑，與泡菜的酸辣和豆腐的清爽完美融合。每一口都能感受到釜山的獨特風味，清新而不膩，讓人彷彿置身於釜山的街頭小店。2. 韓式炸雞（甜味，蜜糖）這道韓式炸雞絕對是必點之選！炸雞外皮酥脆，內裡多汁，蜜糖醬汁均勻地包裹著每一塊炸雞，甜而不膩，恰到好處。份量也非常足，適合多人分享。每一口都是啖啖肉，讓人停不下來。3. 醬油蝦蛋黃醬蓋飯這道菜是餐廳的創新料理，將醬油蝦的鮮鹹味與蛋黃醬、紫菜碎拌在一起，口感層次豐富。醬油蝦的鮮味與蛋黃醬的濃郁完美結合，紫菜碎增添了香脆的口感，整體搭配非常和諧。這是一個讓人驚喜的組合，絕對值得一試。這間餐廳無論是環境、服務還是菜品都讓人印象深刻。如果你喜歡韓國料理，尤其是釜山風味，這裡

尖沙咀| 韓式芝士吉列豬扒🧀玫瑰年糕follow 社交平台真係有免費愛情鎖🔒💐前菜有6格甘多！仲要免費refill🥹有泡菜、黑豆、青瓜、酸蘿蔔、韓式粉絲、薯仔絲特別鍾意泡菜同黑豆🩷高纖又有益生菌叫咗依兩樣，Menu未有，係店舖最新菜式！試下佢🤍★ 韓式芝士吉列豬扒 $138芝士控必叫🧀超大塊！豬扒塞滿咗拉絲芝士，超邪惡😈啖啖都有芝士🤍豬扒炸到好脆，配上卡邦尼醬+粟米+豬扒醬，食第一塊超級滿足！第二塊就開始漏，不過好彩有酸辣前菜🥹★ ROSE辣炒年糕 $245玫瑰醬俾一般辣醬冇咁辣！適合微辣人士🌶️入邊有年糕、超多蔬菜、魚糕、香腸、菇，店員會耐心幫手煮，建議煮耐啲先食❤️‍🔥味道更濃郁入味！

餐廳主打地道風味，首推「章三蝦燉鍋」店家秘製兩粒醬料丸，惹味少辣，好啱港人口味，大章魚彈牙鮮甜，五花腩肥而不膩，嫩蝦飽滿多汁，辣湯底濃郁卻不嗆喉，暖胃又滿足！排骨餃子，餃皮薄而有咬口，內餡係韓式調味既豬肉碎與細嫩排骨肉，一口爆汁，超正。 店內裝潢充滿韓式情調，最吸睛係那幅「愛情鎖牆」，情侶只要追蹤店家IG，即可免費獲贈兩個鎖，寫上甜蜜宣言掛上牆，浪漫又可以打卡！店家服務親切，價格合理，絕對是韓食愛好者既必訪之地。

Bookmark咗好耐嘅韓國餐廳今日終於有機會嚟食啦韓式小食拼盤一坐低店員就會放低小食拼盤 分別有薯仔 蘿蔔 黑豆 蕃薯 泡菜同青瓜釜山商會”章三蝦”燉鍋 (大章魚 五花腩 嫩蝦)見燉鍋係signature咁緊係要試下 一上枱就見到好大鍋仲有2 pat辣醬係面 本身怕辣嘅我地諗住筆走個辣醬就咁食算 但店員話個辣醬係秘製嘅叫我地可以落少少試下 試完之後發現辣醬果然係成個燉鍋嘅靈魂 如果就咁食湯底會比較清 加咗辣醬會帶點甜辣同胡椒味 食落更加惹味!大章魚係原隻上 店員仲好體貼咁幫我地剪做細細舊方便入口 煮得啱啱好咬落彈牙得嚟又唔韌 五花腩就正正常常 最有驚喜係嫩蝦 明明浸喺湯度但肉質依然爽甜 仲有索哂湯汁嘅韓式粉絲係入面 幾個人share食都絕對無問題

章魚牛肉蝦燉鍋呢個燉鍋一上枱就已經聞到濃郁嘅韓式香氣，辣椒醬嘅味道好搶眼，但唔會過份刺鼻。章魚嘅份量幾足，咬落去係鮮甜又有彈性，唔會煮得過腍，啱啱好保留住嚼勁。牛肉片係薄切嘅，煮過之後吸滿湯底嘅味道，雖然唔算係極嫩，但勝在入味，啲肉香同辣湯融合得唔錯。蝦就新鮮，肉質結實，唔會有雪味，食落去仲帶少少海水嘅鮮甜。湯底方面，辣味係逐啖慢慢滲出嚟嘅，層次感幾足，唔會一下子辣到你呆咗，但飲多幾啖都會感覺到辣意慢慢累積。除咗辣，湯底仲帶有一陣鮮甜味，應該係來自海鮮嘅天然鮮味，飲落去幾滿足。不過偏鹹少少，配啲白飯一齊食會更加平衡。 配料方面，除咗主角嘅章魚、牛肉同蝦之外，仲有豆腐、金針菇同埋粉絲。豆腐吸晒湯底嘅味道，啖啖都係鮮辣香，幾好食。金針菇煮得啱啱好，仲保持到爽口嘅口感。粉絲就吸晒湯底，食落去彈牙又入味，但有啲容易黏埋一齊，想食得開心啲可能要攪散佢先。整體嚟講，呢個燉鍋嘅材料豐富，味道濃郁，屬於重口味嗰類，啱啱啲鍾意韓式辣味嘅人。如果可以再稍微減少啲鹽分，成個味道會更加均衡！

餐廳用霓虹燈作為光源，特別新潮，非常適合打卡，另外有真正韓國服務生，彷佛去到韓國當地餐廳。.🌟辣年糕部隊鍋 一鍋豐富嘅食材鋪滿表面，香腸、年糕、豆腐皮同高麗菜等，中間係辣醬。當水滾之後，服務員會幫手將辣醬同白湯攪勻，陣陣香氣令你急不及待，湯底辣度越煮越辣，越食越爽，係韓國獨特嘅甜辣味！ .🌟吉列豬扒配芝士粟米 吉列豬扒外皮酥脆，炸粉啱啱好，肉質軟嫩，加上厚厚嘅芝士，一夾就有拉絲效果，以為會好膩，但係芝士嘅膩同酥脆嘅豬排同醬料配合得啱啱好，加上甜粟米就簡直完美。 .🌟韓式前菜 去食韓餐當然必有餐前小食，六款小食，包括經典泡菜、黑豆、醃青瓜等，口感豐富，開胃可口。 .❤️用餐結束記得寫愛情鎖，鎖喺門口就好似釜山塔下嘅約定❤️

☀️前菜食韓國嘢最鍾意食佢哋嘅前菜，🤣一共有6款：南瓜、土豆絲、黑豆、泡菜，青瓜、辣紅蘿蔔絲。好多蔬菜🥬☀️迷你泡菜煎餅 · $128煎餅厚度適中，邊緣脆口、中心軟糯，粉漿混合切絲泡菜，微辣開胃🤲🏻迷你size兩個人分享岩岩好。芝麻醬油醋汁清新，中和咗油膩感☀️韓式香腸炒蔬菜 · $198鑊氣十足嘅街頭風味！一口韓國波波香腸口感彈牙咬開卜卜聲，搭配洋蔥、椰菜快炒，蔬菜保持爽脆。醬汁係年糕甜辣醬，整體偏辣😼Follow餐廳社交平台會比個情人鎖掛喺餐廳門口既area，如果同男女朋友仔一齊黎都幾有紀念價值今次冇試到佢地既招牌菜式，希望下次有機會再試

有少少掛住韓國菜就揾左尖沙咀哩間由韓國人主理既餐廳回味下 韓式前菜 (六款)包括韓式泡菜、辣醃青瓜、涼拌土豆絲、辣拌蘿蔔乾、黑豆同麻油炒粉絲韓式泡菜、辣醃青瓜、辣拌蘿蔔乾口感爽脆、味道微辣涼拌土豆絲清爽黑豆落左蜜糖調味、甜甜地、忍唔住一直食麻油炒粉絲麻油味好突出、粉絲帶少許煙韌口感前菜份量唔少、色彩繽紛令人食慾大增 特殊部隊鍋(大) $168配料有豬五花肉、年糕、午餐肉、腸仔、粉絲、蔬菜、泡菜同芝士鍋入面既韓式辣醬同芝士係靈魂所在店員會幫手將韓式辣醬慢慢攪勻芝士會溶係湯底部隊鍋越煲、辣味同芝士既奶香越出醬汁變得濃稠依附係粉絲同各樣配料上十分惹味韓式部隊鍋份量十足食極都仲有建議三至四個人share 整體而言，餐廳由韓國人主理食物味道正宗份量足料環境裝修有格調燈光昏暗、凝造滿滿既氛圍感啱曬同朋友收工後享受晚餐、小酌幾杯

釜山商會”章，三，蝦“燉鍋 ($388)呢鍋係餐廳嘅招牌韓式燉鍋之一，材料豐富得令人驚喜，主角係大章魚，肉質彈牙結實，煮到軟腍入味，仲有蝦肉爽脆彈牙，鍋內仲有厚切五花肉，肥瘦相間，肉質軟嫩，油脂同肉香混搭惹味，店員仲會幫手將章魚同五花肉剪成一口大小，好貼心另外鍋中仲有大量韓國粉絲吸滿湯汁，煙韌彈牙，湯底用韓式辣醬熬製，紅艷濃郁，店員仲有提到味道已經調較啱返香港人口味，微辣暖胃，同朋友share食啱晒排骨餃子 ($148)餃子皮薄而有嚼勁，炸得金黃，包裹住新鮮嘅豬肉餡，肉質細嫩多汁，咬落有陣陣肉香，配酒一流！❤️凡follow店家社交平台,即送一個同心鎖，寫好願望就可以掛係餐廳嘅鎖牆，好有氣氛📌釜山商會 (尖沙咀)地址：尖沙咀金巴利道79-81號金栢閣地下A-C號舖

呢間主打由釜山祖傳落嚟嘅燉鍋見未試過就入去試下喇落完order 無耐好快就上咗一式六款嘅頭盤小碟有蕃薯粒，薯絲，大蔥，泡菜，青瓜同黑豆佢嘅泡菜又幾好食招牌燉鍋主要三款同朋友揀咁“章牛蝦” 即係章魚+肥牛+蝦為主菜嘅燉鍋 章魚幾大隻幾新鮮仲有剝咗殼嘅海蝦都好彈牙肥牛份量都唔少鍋下面仲有粉絲，菜同金菇混合埋韓式大醬入湯底有海鮮味有牛味仲可以食埋索晒味嘅粉絲好滿足 仲要個鍋嘅份量一啲都唔細我同朋友已經無加其他小食都食唔晒個燉鍋堅呀！！

《正宗釜山料理💫》———————————————-#釜山商會 🇰🇷-想食韓國嘢就諗起去韓國街搵食，早排就去咗一間韓國地道小菜館，由韓國人主理，夠哂正宗🇰🇷仲可以啤啤佢，好適合朋友聚會🎈-🌶️ 釜山商會辣炒年糕原煲咁上份量十足，仲有成個gas爐一直煲住熱辣辣，裡面有大量泡菜、腸仔、年糕、魚糕等配料，加埋個韓式泡麵，好有風味😍 店員仲會親自嚟幫手煮，十分貼心❤️ -🥟 排骨餃子大大碟餃子餡略帶軟骨，口感豐富，非常惹味🤤 -⭐價錢參考：（另收加一）釜山商會辣炒年糕 ：$228排骨餃子：$148🍌抵deal指數：7/10💰人均消費：$180