銀咖哩

营业中

休息中

晚上叫外賣,  叫了招牌的咖哩豬扒咖啡飯($45), 再加蟹柳忌廉薯餅($11), 共$56.職員入盒綁好袋就交給我.回家後, 發覺個咖哩飯只有咖哩, 沒有豬扒. 有忌廉薯餅, 用紙袋裝著. openrice上沒電話, 領展網頁上的電話是唔通的.  社交媒體網站上的客服電話可能過了辦公時間, 沒人聽, 留言亦爆了.可以點投訴呢?  淨食咖哩飯嗎?好唔開心囉

今日經過黃大仙，好耐冇食咖哩飯🍛，試下呢個經典咖哩飯🍛1.雞肉咖哩飯🍛日式咖哩黎講味道👅正常，唔會話太濃，啱晒鍾意食日式咖哩既人，不過雞肉有啲柴，煮得太耐啦，如果可以juicy啲就更好👍🏻2. 炸蝦天婦羅🍤呢個炸蝦天婦羅炸得幾好食😋，出面層粉唔會話太厚，都幾juicy，出面層皮可以緊緊包住入面啲juicy炸蝦，幾正，強烈推介😙環境方面： 同平時啲餐廳🍴差唔多，唔係好多人食總結： 餐廳幾啱自己一個人黎食lunch，唔洗同其他人迫，幾鍾意嗰個炸蝦天婦羅🍤外皮脆得黎入面啲蝦好juicy下❤️

平日經過看到人流不是太多，但吃過發現有驚喜呢！四十幾塊一個咖哩飯，半碟是飯半碟是餸，比例很精準。咖哩汁很是足夠，做的是日式的咖哩湯，厚身的沒有加水，帶些菜碎和蘿蔔碎，可以選擇辣與不辣。值得一贊的是米飯，用的是日本珍珠米，煮得剛好柔軟，不會好乾，粒粒分明。飯量可以按需要選擇鬼盛或少飯或正常，不會影響價錢。咖哩和飯混在一起好好吃，喜歡不太濃味但又想嚐嚐適量惹味的朋友，可以試試。唯一美中不足是冷氣實在太大，鄰桌的小朋友和太太頻頻說很凍很凍食完就走。🥶

雖然呢間好多分店，但今次係我第一次嚟食銀咖喱。印象中佢就係份量多，價錢平。咁啱附近有間，入面都好多位，又唔想同人迫，就入咗嚟呢間餐廳😌❇️咖喱雞肉飯嗌咗個最簡單嘅咖喱雞肉飯，首先嗌完之後大概兩三分鐘即刻就有得食，速度非常快😂同埋咖喱嘅味道煮得唔會死甜唔會死鹹，味道非常之match，令人會keep住一啖一啖咁樣食，雞肉嘅質地都唔錯，皮係感覺有煎咗再擺入去咖喱入面煮。咁樣食都淨係$43，見隔離好多人都嗌咗加芝士或者炸豬扒，下次都想試吓其他🥰

咖喱炸豬扒飯，這咖喱和炸豬扒實在是絕配，聴到這兩個名字，想到的是日式咖喱飯，雖有咖喱的辣，實際上是甜味咖喱醬汁，且沒有辣味可言。這專門的日式咖喱店，提供包羅萬有配搭咖喱的飯，每个枱上都有特別配搭咖喱的小菜，酸蘿蔔，酸度與咖喱超配合。要吃咖喱飯當然搭當是炸豬扒，味道是絕配，食品搭好了，錯在那呢？炸豬扒似乎炸得不脆，且有点硬，一般這種出錯很少，或許是早炸起了，沒有呈上給客人，重炸多次等。今次我有点相信是後者，唉！這事別再犯，太影響炸豬扒質素。

11/4 中午買外賣，無客堂食，得我同另一女仕等外賣，有個後生男侍應企正店中心位係度呻鼻涕，呻完一張紙巾再拎多張呻過，未夠喉拎多張抺眼鏡，終於搞掂晒，見佢完全無洗手或消毒下對手就拎下啲餐具飲管，補下紙巾咁樣，我幾驚佢幫我打包外賣，忍唔住問另一個女侍應，我話你哋同事咁唔衛生嘅，呻完鼻涕四圍掂啲野，連基本衛生都唔識，第一次出黎做野呀，個女仕應問個男嘅係咪呻話鼻涕，佢話係跟住講唔好意思，又同我講真係唔好意思，佢入左去洗手，証明佢係知道哩啲基本衛生，但唔做，咁懶嘅，不如走入廚房呻鼻涕啦，眼不見為乾淨，我見唔到唔會嘈果喎。

今晚收工，唔知食咩見呢到無咩人入去食。好耐無食，原來加曬價不過欣賞呢個後生仔，一個人睇出面，收枱出餐同幫入面。又主動拎兩份餐牌比我地，到食物到左，可能我太耐無食，覺得 咖哩唔夠辣，後生仔又會主動話可以加粉👍好值得讀。另外個薯角真係好好食，上枱熱辣辣外皮好脆😊主食叫左照燒雞蛋包飯同埋漢堡扒咖哩飯，d飯粒粒飽滿食落去哪好開心😜個口好有滿足感。😉😉😉😉😉😉😉😉😉😉😉😉😉😉😉😉😉

銀咖喱食物質素都算唔錯，今日見到買滿100送餃子，所以就去食。但今日個店員真係好無禮貌，我哋對餐點有啲疑問 ，所以走去問個店員關於食材嘅問題。但個店員真係好冇禮貌，我哋都唔該前唔該後，店員對我哋嘅態度好似欠左佢10幾萬咁我哋都唔係問啲咩無聊嘢，冇專登刁難佢，佢感覺上覺得我哋好浪費佢時間囉前前後後我哋嘅問題30秒都冇，計埋落單我哋都係1分鐘之內嘅事。我知做服務業係辛苦，但都要對人有基本嘅尊重同態度，你唔需要好歡迎我，但就唔好西口西面囉，說話態度都好差。我俾人咁西一西，食龍肉都冇味啦。重點係佢前一刻同同事傾偈係好好態度，但一對住客人就好冇禮貌。所以我唔覺得係佢本身對個個都係咁。總之服務態度就肯定負評，有得比負星星我都想比！

6月去食，豬扒咖哩仲係$37，外賣唔加錢8月去食，就變左$40，買嘅時候已經感覺唔係好同，問咗收銀一句「價錢係咪唔同咗？」收銀大大聲話「係呀！」然後外賣仲再加$2既然覺得加價咁理直氣壯，點解完全冇告示冇盛？如果唔記得嘅人就唔知睇返fb，都係就咁upload兩張新餐牌嘅相，完全冇解釋過通脹都係一年3%，你無端端加價13.5%，唔覺得應該要解釋吓？即使賴疫情乜乜物物，明知你賴地硬，但都無咁嬲完全無PR/marketing

諗唔到今日lunch食咩，行過見到銀咖喱，都真係好耐冇食過，以前讀書成日食，等我今日食下睇味道有冇變今日叫咗個芝士豬扒蛋包咖喱飯，本來以前係成日食雞扒，今日忽然想食下炸豬扒。銀咖喱太多飯唔使錢，好似有兩個選擇，一個普通多飯，一個勁多飯，勁多飯就好似要加錢，所以我通常都係普通多飯就可以。雖然係外賣，不過炸豬扒都尚算鬆脆，咖喱汁冇變，都係甜甜地嘅濃郁咖喱味。配埋雞蛋食，又有芝士，味道好夾。不過以前食完都有少少喉嚨乾涸，希望今次唔會啦。或者飲多啲水

一直都知道有呢間鋪嘅，但一直以來都冇食過亦都係因為之前聽朋友講評價都唔係話太好，而家自己食嘅話就會覺得係普通就唔會有啲咩特別金。有可能係因為外賣都有少少影響嘅，而食物質素就普通。☀️ 咖喱豬扒飯咁就叫咗呢個咖喱豬扒飯嘅外賣，如果以外賣來講成個外觀就係普通一個飯盒。個人來講覺得咖喱汁都幾好味都係甜甜地嘅，豬扒拎到返屋企都仲有少少脆口都係可以接受嘅。咁如果呢個嚟講可能糖食嘅話會好食好多嘢外賣嚟講就會覺得普通，可能會同一般嘅連鎖店差唔多質素。

今日嚟到黃大仙中心，原本打算食隔離嗰間淺草炸雞專門店🐣，但見佢好多人所以轉戰嚟呢度。🤡我同我朋友嗌咗：🧀雙重芝士漢堡咖哩飯 ＄61我朋友有啲失望，皆因佢心目中嘅咖喱係應該辣嘅，但呢一隻🇯🇵日式咖喱完全冇辣味！令人無心戀戰⋯⋯而且朋友專登加錢💸換芝士同埋香腸🌭，感覺非常唔值，因為塊芝士🧀根本唔溶，仲諗住可以做到拉絲嘅效果😮‍💨🥘招牌吉列豬扒咖哩飯 $37吉列豬扒飯就不過不失啦，我覺得佢嘅豬扒🥩始終係呢度嘅招牌，炸粉唔會太厚，都仲有啲肉汁。但我都認同我嘅朋友，個咖喱汁🍛太寡太單調，食食吓真係冇乜心癮繼續食落去🥱……我仲要嗌左加大飯🍚🍚🍚🤭😓——————為食分界線——————銀咖哩 (黃大仙)黃大仙正德街103號黃大仙中心南館地下G7號舖推介指數 🤰🤰(2/5)好味指數 🤰🤰(2/5)抵食指數 🤰🤰🤰🤰(4/5)環境推介 🤰🤰🤰(4/5)人均消費： $40#mariofatfat #hkfoodie #Foodie #瑪利奧日本菜 #銀咖喱 #芝士漢堡 #吉列豬扒 #咖喱飯 #芝士 #黃大仙 #黃大仙中心 #日式咖喱 #curry #porkchop #crispy #唔辣嘅咖喱

唔係好明有咩人會走來食，試過一次真係覺得好難食，雖然好平但係都唔係俾啲垃圾人食㗎。芝士蟹柳蛋包咖喱飯，賣相太樣衰，蟹柳得幾條，咁都要$45，真係好唔掂，不可一不可再！

見到隔黎台同我叫差唔多既野，送餐比我快都算， 之後又有枱遲黎既，又快過我上餐。 真係搞笑......咁基本既野都做得唔好，上餐順序呀！如果隔黎兩枱都係倒落去既咖哩飯都算，但隔黎一樣係炸X 咖哩蛋包飯。

今日又去黃大仙做嘢，見餐廳唔駛等位，本來諗住係銀咖哩堂食，點知又比老細急call番來🤬，惟有買外賣食🥡今次點左個招牌吉列豬扒咖喱飯🍛，無包飲品，盛惠$37，算係幾經濟，而且飯同豬扒🐷份量都算幾多👍🏻，大件夾抵食呀😋😋😋味道來講都ok，我叫咗個唔辣嘅咖喱，咖喱入邊好似有啲🐽豬肉碎，個咖喱唔太鹹，亦唔會好creamy，不過我最欣賞都係塊吉列豬扒，炸得幾鬆脆，但又唔會燶😃，唯一美中不足，就係冇其他配菜