影片
营业时间
今日营业
11:00 - 23:00
星期一至日
11:00 - 23:00
*(22:45 Last Order)
以上资料只供参考，请与餐厅确认详情
相关文章
夜收工去咗黃埔美食街嗰頭覓食，見到一班人喺度等外賣，原來係對面街搬過嚟嘅銘興刀削麵，之前食過一次，佢嘅醉雞好正夠哂入味，今次試吓佢哋其他嘢食先！🌶麻辣冷拌東坡肉豬軟骨刀削麵呢碗麻辣冷拌雙拼刀削麵，麻辣味幾香濃，豬軟骨炆得夠冧，東坡肉厚切質感唔錯，刀削麵條Q彈，真係同出面買嘅麵質唔一樣！如果鍾意辣味嘅人絕對要點涼拌，會比湯麵食落更惹味。🐷酸辣豬扒湯刀削麵當你以為酸辣湯會清淡啲嘅時候，湯底竟然有酸豆角酸辣開胃，豬扒用蛋漿醃製再去炸，食落除咗豬扒嘅軟嫩仲有濃濃蛋香味。🥗涼拌海蜇海蜇用咗海蜇頭部分，食落更加爽脆，調味酸辣適中，清爽嘅口感非常適合夏天食。🥒涼拌青瓜清爽得嚟入味，紅油同蒜蓉醬汁提味恰到好處。🦐荔枝啵啵蝦球聽落幾有趣，蝦球外層炸得好似荔枝表面凹凸不平，入面充滿住粒粒蝦肉，有蝦味又唔會乾，完全冇好粉嘅感覺，估唔到呢嗰小食處理得咁好，一碟有8粒，幾個人share食都得✅️
继续阅读
同老婆晌紅磡啲殯儀館出席完安息禮拜，就專登落嚟紅磡搵食，因為晌德民街附近一帶有非常之多餐廳，選擇多又經濟實惠，加上近黃埔站，走又方便。行到近黃埔呢邊見到有間「銘興山西刀削麵」，有少少印象就喺幾年前晌大角咀食過一次，都成九點幾，望入去裡面坐滿人，證明餐廳有料到啦！餐廳呈長型，一內進就一眼睇晒成間餐廳，裝修簡約，燈火通明，一邊牆身掛上玻璃，增加空間感，小掛燈令環境變得雅致好多。對比起大角咀店，呢度就睇唔到師傅整刀削麵喇。出面仲有個自助區，自己斟熱水洗吓餐具，又或者攞啲酸蘿蔔食吓，啲酸蘿蔔仲喺任添，店家夠晒慷慨，絕對無斤斤計較，而且，啲店員服務幾好，又有禮貌，仲無服務費添。餐具、牙簽、糖包晌枱側櫃桶，自由取用，如果有放啲紙巾就仲好。大大本餐牌睇落選擇非常之多，不過，初頭睇嘅時候你可能會覺得有啲亂，但細心研究不外乎喺上湯、冷拌或熱拌刀削麵，以及多種小食、特色推介……等等，所有主食都包熱飲，但可以加錢轉配。荔枝蝦球 $45打開餐牌第一版有啲新品推介，見呢個荔枝蝦球得意喎，試試無妨。賣相真喺幾特別，幾似荔枝，雖然唔知外層嗰啲喺乜，類似旺旺仙貝咁，一口咬落去外殼好脆口；裡面嘅蝦膠就打得好彈牙，又有蝦鮮味，唔錯！唔錯！牛筋腩冷刀削麵 $62諗住天氣都仲喺好熱，所以，揀咗個冷刀削麵，由於冷麵關係，就加咗好多青瓜絲、花生、蔥花，再淋上胡麻醬嚟拌麵食，入口麵條好有韌勁，拌勻所有佐料，令到食味豐富；而啲牛筋、牛腩更喺入晒味，牛筋軟腍有彈性，而牛腩十分鬆化富肉香。花雕醉雞米線 $65老婆就揀咗花雕醉雞，估唔到喺成兜花雕醉雞咁送上嚟，份量十足，但最緊要喺啲雞好食，一來雞肉好嫩滑，二來皮下脂肪少，雞皮食起嚟好爽口，其次喺有酒香得嚟卻唔會好嗆喉，好有份醇厚感，雖然隻蛋未喺好溏心，但浸得入咗少少酒味，又幾過癮喎，加埋滑溜嘅米線，不愧招牌菜式。阿華田脆脆 +$8、熱檸水可惜豆漿只有凍，所以，老婆就照舊要杯熱檸水，而小弟見到杯阿華田脆脆幾特別，就試一試。阿華田沖得比較濃郁，面頭加咗好多朱古力脆粒，添加一份脆口感，都幾得意。由於主食嘅份量都好足秤，所以，雖然睇見仲有好多幾吸引嘅小食都想試，不過實在擔心食唔晒，依家兩個主食加個蝦球都好飽喇，有機會下次先再嚟試試！
继续阅读
又是準備上韓文課的日子亦慣性不停發掘旺角太子以外地區的美食；而這天就沿著屯馬線來到有超多美食選擇的紅磡區，就在地鐵站附近就找到一家很受街坊及大學生歡迎的平民美食店吃刀削麵花雕醉雞刀削麵 $65（轉冷/熱拌 +$10） 阿華田脆脆 $8（套餐加購價） $26（單價）聽說這是店家的signature food，本來這款是配熱湯刀削麵，天氣太炎熱就把它改為冷拌做法，加入大量青瓜絲、烤鹽花生、蔥跟芫茜，再配上酸甜的麻醬跟微辛的擔擔醬，拌勻以後即可食用！是非常適合夏天吃的拼配，刀削麵的麵質更煙韌彈牙口感很好，加上醬汁就已經夠好吃了～ 配角已經夠出色，但作為主角的花雕醉雞就更令人鼓掌，部份更是雞髀肉，而且份量比我想像中多！入口雞肉仍保持嫩滑，附上的溏心蛋做到半流心狀態，入味和帶有淡淡花雕酒香，卻不會太濃太嗆喉太苦澀，酒味拿捏得很不錯！成為人氣食品實在不無道理～ 套餐加配幾塊錢就有一杯「阿華田脆脆」特飲，味道濃郁也有粒粒阿華田脆脆增加口感，冰凍之餘又可以解辣包漿小豆腐 $45個人推薦這個小食啊！下單即炸，看起來是很普通的炸豆腐，金黃微脆的外皮，裡頭嫩滑程度有如豆腐花的感覺，有意想不到的口感，豆腐味跟灑在表面的孜然粉，實在好吃！荔枝蝦球 $45以紅米包裹著蝦膠的中菜款式，在這裡只需以小食價就可以吃到了！沒有浮誇的把一粒一粒的荔枝蝦球掛到假樹上，伴隨的就只有混入點點煉乳的沙律醬，紅米炸得香脆，裡頭的蝦肉彈牙好吃，配醬汁味道會更豐富，這個也是推薦啊！涼拌青瓜 + 黑木耳 $35（單價） $45（雙拼價）撇除以上的特色小食，店家還有不少涼拌系列，部分更可以雙拼啊！青瓜+黑木耳作為涼拌絕對是經典，除了麻辣還加入蒜頭、花生、葱等配料，香辣感十足也非常惹味！想居住在紅磡跟黃埔區，或在這邊上班的朋友對這店並不陌生，裝潢位置雖處於內街不過只離地鐵站5分鐘不到的路程；最重要的是這間的無論價錢跟味道都是超值啊！大大份絕對會讓你吃到飽，款式拼配真的超多（選擇困難症的朋友要留意），還有醃蘿蔔任食！到訪當晚是星期五晚上，但由入座到離開都是座滿了客人，要知道這店的座位真的很多很多，人流絡繹不絕！初嚐這店確實有很好的進餐體驗，眼見還有其他分店更便利我，下次會再去其他分店嘗試其他口味
继续阅读
黃埔特別多抵食嘅小店，呢間刀削麵店長期都有條人龍仔，入面長期坐爆，外賣嘅街坊都唔少！餐廳主打各款嘅刀削麵，熱拌、冷拌、湯麵都有，再配上大大碟嘅餸，辣度全部有得揀，仲要跟送多杯飲品，性價比超高！-——————————————🐂◖牛筋腩x薑蔥牛肉刀削麵◗ $71估唔到佢牛肉份量俾得咁足，牛筋腩肥瘦適中，食落充滿膠質；薑蔥牛肉成座小山丘咁，好香蔥味，口感軟滑！刀削麵帶有少少韌勁，頗有咬口，好食嘅！🐖◖豬軟骨x雞扒刀削麵◗ $62豬軟骨特別推薦，軟骨部位炆煮得軟腍充滿膠質；雞扒就酥脆，但就略嫌乾身～🐓◖花雕醉雞◗ $55佢哋招牌嘅花雕醉雞都唔錯！雞皮爽彈，肉質嫩滑，帶有花雕酒香，味道甜甜哋🥬◖郊外油菜◗ $25🍋◖檸水◗ 跟餐🍯◖菜蜜◗ 跟餐🌟Encore指數：9/10
继续阅读
今日去咗黃埔開工，順便在附近覓食……行到黃埔新邨近紅磡街市附近見到有間刀削麵，跟住就決定今日lunch就這間吧⋯⋯ 「銘興山西刀削麵 」座位很寬敞，坐得很舒服不錯！麻辣雞扒刀削麵….. 麻辣調味恰到好處，刀削麵條滑爽有嚼勁👍 手工韭菜猪肉餃子🥟有8隻…味道不錯！荔枝啵啵蝦球….. 上台看見真係好似荔枝外皮好脆蝦肉鮮嫩！小食麻辣豬頸肉麻辣味道都係調味恰到好處，而且豬頸肉好有嘴勁！另外包漿小豆腐和香炸Q彈墨魚餅也不錯！
继续阅读