錦田錦平記

营业中

休息中

知道呢間嘢好耐，住附近好想去試吓，響網上面有人話好抵食，間舖頭6:00開門，今晚平日6:30打電話去book枱7:00鐘揸車去到試吓，即刻有位，仲可以免費泊車，京都骨好味道，好食過旁邊嗰間茶餐廳，肉絲炒麵做得真係唔錯，啫啫滑雞煲熱辣辣，不過味道普通咗啲，成餐飯兩個人食咗總共$183認真抵食，仲有例湯免費派發，不過飲唔飲都無所謂，因為真係冇乜味，感覺係有少少味道嘅水🤣總括嚟講好有七八十年代大排檔嘅風味，食嘅係情懷，味道一般啦，不過唔係差嗰種，性價比極高。

幫襯過兩次先寫食評，所有點過嘅菜式包括: 紅燒乳鴿、臘味炒芥蘭、銀芽肉絲炒麵、薑葱田雞煲、雞粥、粉絲雜菜煲、附送當天例湯，均有中高水平，菜式都很有鑊氣，好入味，唔駛點任何醬都好夠味，薑葱田雞煲勁多田雞，臘味炒芥蘭超多臘味，臘肉有點太多，好抵食！每次平均3個人食4餸1湯，約$300就埋到單，好抵食，而且味道確係唔錯，最近秋冬天氣夠凍，排檔確係晚飯消夜好選擇，但都有幾個缺點: 1.排檔室外地方有人食煙，有時會吹到煙味過黎。2. 香港春夏天氣太熱，會失去意慾去食大排檔。3. 無免費車位泊車，揸車去要泊响附近泰康圍停車場($20/小時)