錦麗 (形點 II)

营业中

休息中

每逢假日，一定有人龍排隊，價錢也算抵食，$22起可追加小食，$3起可追加餐飲。星期日，lunch時段，但越南水仙芒果糯米飯售罄，失望。細心位，每枱也有一支消毒搓手液香茅豬扒撈檬~ $68一大塊豬扒,有塊面咁大，醃味非常到位，外皮香口，肉質不錯，拌料有紅蘿白絲，青瓜絲，肉鬆，牙菜，花生碎。豬扒肉質厚大，口感鬆軟，好味。越式庶蝦~ $22 (追加價)醃料味胡椒味濃，庶棒外包著很薄的一層蝦肉，蝦味也不大，味道不過不失。自家製薏米水~ $3(追加價)真材實料

呢度係專食越南粉既餐廳 開左幾年都幾多人KEEP住食試左碗綜合粉 有齊生牛熟牛肉牛丸 小食係炸雞翼 熟牛肉即係牛腩牛腩炆到好軟淋入味  生牛要用熱湯浸熟口感嫩滑有肉味 自家製的牛丸爽口彈牙牛味香濃配搭滑溜的幼河粉，實在太好味 牛骨濃湯色深清甜 味香濃飲完湯仲可以加青檸同芽菜令到味道更加豐富!香茅雞翼又香脆又肉嫩 一字,正~平均消費$100評分8/10元朗元龍街9號形點2期1樓A161號舖

去元朗等睇戲前搵啲野食下見呢間有人排隊望下啲人又好似食得幾滋味我又排下啦喂🤣🤣反正唔趕時間又唔使等好耐咋喎10分鐘左右啦就到我喇一坐底俾張紙仔自己手機點餐當然都有餐牌啦😆幾鍾意佢呢度有啲特別啲既野飲例如我就叫左呢個熱玫瑰龍眼茶仲要揀無糖超正🥰🥰好香好潤感覺良好😋我呢碗係金邊粉牛丸彈牙有汁腩唔鞋夠淋好味道🤟😋😋食飽飽好滿足😆🥰🥰盛惠72蚊👇呢個價中等啦唔平又唔算貴會再幫襯😉

喺元朗yoho mall行街 經過見到錦麗越南餐廳 開咗唔短時間 仲有唔少分店 不過我一直都未試過😅趁呢日唔係太多人排隊 就即管試下啦的確有點喜出望外😍胡志明綜合金邊粉粉 入面有生熟牛肉同牛丸 足料 牛骨湯底都好香濃🐂雞絲札肉香濃雞湯金邊粉 簡直不得了 雞湯味道勁濃郁 但係一啲都唔油膩🐔我哋都覺得好滿足好滿意🤤

許久沒有吃我鍾愛的錦麗牛丸，今日決定光顧，殊不知，現在的牛丸不是昔日出色的牛丸，很失落咬了一口牛丸，以為餐廳給錯了，詢問侍應，侍應說是牛丸，我說和以往的牛丸完全不同，我續問是否換了貨源，侍應說是以前的牛丸，爽口彈牙，有牛味，質量好，現在的淺色牛丸，沒有結實爽口的質感，沒有牛味，質量一般過一般，非常極之失望😞某位女侍應的服務態度也是一般，不殷勤，欠缺笑容。說真的，現在有工作有糧出已不錯，加點勁吧！

前日因為要去大棠睇紅葉，所以同朋友來了錦麗享用午餐，我叫了一個錦麗生牛肉粉，加一杯熱薏米水。薏米水讓我有點驚喜，因為薏米水中飲出了薑味，相信是店鋪在這冬天加進了薑讓顧客暖暖胃，很抵讚！不過甜度有點過頭，飲了幾口後我需要自己加熱水來沖淡甜味。錦麗生牛肉粉味道不錯，沒有讓我失望，也沒有特別驚喜，是一間越南食店應有的水準！因為上午沒有吃早餐的原因，所以吃完一碗生牛肉粉後還有點餓，決定再點一個大蝦扎肉米紙卷與朋友share！來到後有點失望，因為真實味道並沒有字面上的如此味道吸引，味道很清淡，絕對適合當作前菜讓人開胃！若然不喜歡太清淡的顧客，不建議點這個！

食品就正正常常，無咩特別，但部分員工，年紀小既服務態度就唔得，唔明叫個餐點解要對住客人黑面，好像得罪了她一樣，我都係想正正常常食個飯，自己又掛住成班玩，經理層教下會比較好，最小唔笑都唔好黑面對人

又黎元朗YOHO食錦麗啦, 其實已經唔係第一次黎食,次次都KEEP 到水準, 湯底好有牛味啊!!!!!!今次都係叫我最喜歡既"綜合"粉, 只要你加$3 就可以轉金邊粉,然後又叫左小食, 因為怕一個人食哂碗粉好"漏", 就叫左個米紙卷, 可以"點"魚露汁, 酸酸MAY MAY 好開胃,最緊要最緊要最緊要, 係要飲呢到既滴滴咖啡, 唔喜歡咁甜既朋友, 記得*****落單時要走練奶, 不過咖啡係偏苦味, 要飲開齋啡既朋友先易接受

之前見到錦麗有早餐，今日去咗試。沙茶牛肉面 + 牛角包 + 炒蛋 + 美祿 = $36沙茶牛肉面： 沙牛正常，面質不太好。整體OK。牛角包正常，感覺CP值高過方包。炒蛋有香葉，比較特別，味道 OK。

貴越式餐廳食物質素佳，有著名又好吃的生牛肉、熟牛肉、牛丸粉等，令本人深感愛上了這碗綜合牛肉粉，湯底清淡，伴上了生熟牛肉，味道剛好，值得一讚！此外，貴店之牛肉湯粉雖是最著名的，也少不了撈檬，味道清淡，伴上了香茅豬扒，十分出色！還有，值得欣賞的是店員服務態度很好，貴店雖沒有收取加一服務費，但員工仍殷勤服務，用心為顧客講解，也有用一些服務謂語，如說歡迎光臨、多謝等。今時今日有啲食物、服務質素那麼好的餐廳，可謂十分難忘！

凍冰冰最啱食返個暖鍋今次就試越式牛肉眼一人鍋($88)估唔到又幾好食喔👍🏻我一直以為我食緊沙嗲湯底😆原來佢係香茅咖喱湯底有啲耶香味少少甜📌牛肉肥瘦適中份量都算多👀因為我兩個唔大食所以只係叫左一個餐再追加左一份牛淥到半熟粉粉地色就最正啦📌牛丸最驚喜💋爽口彈牙咬開仲見到細細粒透透地明既牛跟牛味好濃🐮好耐無食過咁高質嘅牛丸📌扎肉大塊同厚切肉質都幾彈🌟胡椒味勁出但配合的好好一試便愛上🥢📌蔬菜全部都好新鮮粟米同菇都清甜唔使去快餐店都可以平靚正🏆又可以滿足到打邊爐嘅慾望好想快啲再食😋PS👉🏻邊爐6點後先有

講開越南牛肉河，第一個諗起必定係錦麗，一間來自越南胡志明嘅越南餐廳。下午茶時段，驚老公唔夠食，分別叫咗一個下午茶餐-生牛肉小粉($45)同午餐-生牛肉粉($68)兩款套餐都包咗飲品，而特飲就加$8，加多咗個小食-蔗蝦($20)。其實下午茶份量對我來講啱啱好，唔太大份。個湯底，熱辣辣，鮮味而且香濃嘅牛骨味，配埋九層塔、辣椒碎、芽菜同青檸汁，真係恰到好處，好好味。佢嘅生牛肉係用澳洲牛，用熱湯浸熟，非常嫩滑，而且牛味香濃，唔會因為煮得過熟，而失去口感。至於個蔗蝦，個人認為一般，下次可以唔使叫⋯呢個生牛肉河以呢個價錢嚟講，味道同質素都算係無可挑剔吧！

某程度下，個人對於每間食肆的各種間板，都有不同的鍾愛😜我較喜歡不透明的間板，如果是搭枱，無論自己一人或二人同行，都想有私隱空間或不被騷擾(騷擾包括被「沈」鹽花、被目不轉睛的看着、句句鏗鏘的大聲談話⋯)🔰錦麗牛丸粉$66，牛丸仍是爽口彈牙，有香濃的牛味，幼河粉滑溜好吃；椰青$40，清涼好飲，解熱之選🔰咬開時，丸裏油脂滿溢，閃炩炩的呈現眼前🥢除了潮汕可吃到高質的牛丸，香港也可在錦麗吃到，每次都滿足而回

外賣拎走豬扒撈蒙粉啲汁少得可憐，啲汁太少撈唔到成個蒙粉，變咗啲粉有啲乾身。豬扒好好食好夠味。香茅薏米水好好飲好清新。牛油果米紙卷有啲寡唔夠味，但係就啖啖牛油果肉。

今日遠足,由元朗出發,在元朗錦麗食早餐.人不多,約等了5分鐘便入座.座位在內側,有5到6個客,都沒人招呼,要客人走到外面叫他們入來寫餐.叫的是早餐套餐,點了金不換辣肉碎金邊粉+牛角包+凍檸茶,但送來的唔系金邊粉,系公仔面,味道一般,都系味精的味道,牛角包系加6蚊要嘅,個包小的可憐,又黑又乾,有點中伏的感覺.總的來說,性價比不高,服務一般.這是一般連鎖店成名後的通病,飲食業質素每下愈況,日漸式微,難怪.