錦麗 (形點 II)

营业中

休息中

食過不下5次的錦麗，試唔同分店都能夠保持水準，單係湯底就已經好濃好香甜，而且份量都好足夠，男仔正餐都會食得飽至於芽菜同香料都會用杯仔分開上，方便口味唔同的朋友自己配搭我就建議全部都放晒落去，可以令到個湯味道有更多層次。而試過晒幾款唔同嘅餸，最好食同最抵食都係牛丸，每碗有5粒咁多，每粒都超級濃嘅牛肉味又夠彈牙，最驚喜係一路咬一路有肉汁滲出來，真係會食過返尋味熟牛肉同生牛肉就冇咩特別同埋份量都唔係特別多，不會特別建議～

一早就知道錦麗是一家很有名的專門吃河粉的餐廳，因為華爾街日報有介紹說：「胡志明市最好吃牛肉粉！」所以一直就很想去試試看，在知道會在YOHO開分店的時候，我就決定去試一試！每個人一座下，店員就會給一杯配料給你，讓你等一會下在湯中1. 錦麗綜合湯河綜合的意思是，裡面有生牛肉＋熟牛肉＋牛丸湯底 / 真的很出色雖然有點油，但是真的很有牛味那種牛味是有多於數種不同的牛，熬煮而成的味道，很有層次又很濃郁！而且，又帶一點香葉和肉桂的味道，真的很出色！生牛肉 / 肉質都尚算嫩口，入口順滑熟牛肉 / 肉質太老，又不爽口，這個絕對是一個扣分點牛丸 / 這個真的世界級好吃！充滿濃濃的牛肉味，口感又彈牙爽口！絕對想買一包回家，自己煮來吃！春卷 /炸得很香，皮有點脆脆的，內裡有芋頭跟豬肉、紅蘿蔔、紅蔥頭、木耳同粉絲等材料，是比較傳統的做法。然後用生菜包住春卷加上魚露（我個人會再加一點點辣醬），口感很有層次又好吃！總結來說，湯河出色，牛味濃郁！性價比很高，絕對會再來吃！

今日去睇早場，就諗住食個早餐先去睇戲。揾緊食咩做早餐嗰陣，就發覺原來錦麗都有早餐食，價錢又唔係好貴，所以就諗住試下佢嘅早餐。佢嘅早餐都尚算越式嘅，咁我就叫咗嗰越式鷄扒金邊粉再加個炒蛋牛角包。嗰雞扒金邊粉都正正常常嘅，反而嗰牛角包真係好有驚喜，好香好脆，隻炒蛋都不過不失啦。

香港地食越南野嘅地方唔多,好難食到一間食過返尋味，好彩住嘅地方有一間好正宗嘅越南粉麵好好食，雖然食過好多次，都冇寫過食評，今次真係好想推介一下，我們一家三口必食嘅係綜合牛腩粉，湯底鮮味不特止，裏面嘅餸都好好味，有牛丸牛腩生牛肉，仲有金不換芽菜辣椒做配菜真係超級好味！還有必食越南炸春卷配埋酸汁冇得頂,最後緊係加杯凍飲啦！我老公就必叫越南滴漏咖啡，我個仔就叫鹹檸檬七喜,我就最鍾意椰汁涼粉冰喇！價錢算合理，但服務員，服務一般，下次我好想試下小米糕同牛油雞翼手。

錦麗-前排人氣極高的越南菜, 此店位於Yoho mall 2 的中心位置, 地方光猛, 位置不多, 我記得最一次排既時候排左40分鐘, 比當年食一蘭更誇張叫了錦麗招牌的錦麗綜合粉, 包括了牛腩, 牛丸和半生熟牛肉以上各類牛的質感都新鮮, 肥瘦適當, 冇出現咬唔到的情況, 湯底味道是不錯的, 有少量洋蔥, 增加了湯底香甜味, 另外分開上芽菜和香料, 由客人自行配搭小食類型選擇不多, 香噴噴的牛油雞翼和煎蝦餅都是推介的總括而言, 整體質素是好, 如果不用排隊必會再吃

午飯時間先嚟落雨⛈，又要係商埸覓食喇😅在元朗形點商場2期開咗一段日子，明顯人潮少了好多，今日行過冇人排隊、一於入去品嚐下標榜為越南人氣牛肉粉品牌「錦麗」。店內坐位分別有長枱搭枱位及卡位，望住對面唔識既人食野，就有d尷尬😳Menu非常簡單、食物種類主要都係牛肉河粉、牛丸河粉，米紙卷，小食及飲品。🔸牛丸粉$60落完單，侍應會拎定一杯小配菜俾你(九層塔、鵝蒂、芽菜、辣椒、青檸)自己隨意加落碗河粉內。 枱面上有温馨提示如何享用方法 湯底有濃濃的味道，食完有d口渴😅牛丸，食落有點根，爽口彈牙👍🏻總體覺得跟元朗馳名牛丸的麵店相比，後者抵食得多😉

我好鍾意食河粉，聽聞越南有間好出名嘅餐廳嚟咗元朗開分店，地點好近我，就搵日去咗試下～ ～其實呢排屯門都開咗間分店，仲近我🤪🤪碗生牛肉牛丸河啲湯底真係超級濃郁，啖啖都係牛嘅精華！！！到最後我真係忍唔住飲曬碗湯咁濟🤣🤣 牛丸非常重牛肉味，應該係放咗好多牛肉去打成，因為我仲食到少少筋位😋😋絕對貨真價實🤘🏻🤘🏻朋友叫咗綜合河粉，熟牛肉似係牛腩，肉質好實，有啲難咬🙈🙈比起牛丸/生牛肉就遜色咗少少🧐🧐牛丸河真係無得輸👍🏻👍🏻

呢間聽講喺越南好出名，仲俾《華爾街日報》評為「胡志明市最好吃牛肉粉」😂😂！記得啱啱開張嗰陣真係排晒長龍架，目測要等至少半個鐘以上先入到去食！其實我都食過呢間幾次，每次都係晏晝2點零鐘去食，呢個時段會比較少人！我特別鐘意呢到嘅湯頭，上網睇返佢係以牛骨、牛腩，再加上唔同香料熬煮六個鐘而成嘅，我覺得飲落唔會太鹹，好清甜！生牛同熟牛之前食過覺得普通，但反而牛丸出色好多，並非一般嘅牛丸，佢入面係有湯汁架！咬落去真係夠晒Juicy！不過成$60一碗牛丸河其實都算好貴下，但耐唔耐食一次都okay嘅！

今天在元朗閒逛，發現越式粉麵人龍店不用排隊。一於入內試試看。這兒的座位唔太多，是中小型的餐廳。裝修幾摩登現代，座位唔算好擠迫。餐點的選擇一目了然，只有一張菜單，主打牛肉粉和越式小食，河粉定價由$60-$66不等。今次試下什麼都有的錦麗綜合粉錦麗綜合粉$66這綜合粉材料豐富，有生牛肉、熟牛肉和牛丸。生牛肉以瘦肉為主，雖然有八成熟，但肉質一點也不老。熟牛肉採用牛腩條，牛肉味濃郁。有些肉質軟腍，略帶脂香，也有些帶一點嚼勁。而牛丸真好吃，既有肉味，口感爽彈。再呷一口湯，湯汁清澈，有著淡雅甘香的牛骨風味，加上滑滑河粉，十分恰意。越色炸春捲$38這炸春捲都幾抵食。春捲炸得香脆，而且餡料有粉絲、肉末和蔬菜等，香口惹味。再包上生菜，加添酸酸的魚露，真可口又抵食！今晚的晚餐所費唔多，也都幾ok.

一朝早就黑口黑面，見到果個阿哥個樣，成日都唔老嚟！明明有位又唔安排，本來好想食下越式粉，乜Mood 都無曬，一向好欣賞有誠意嘅食店出Post 表揚，但佢真係絶對有資格成為倒數第一位😡，所以二話不説掉頭便走！

上次黎呢間越南餐廳食完早餐覺得唔錯😄今個星期日早起，不如又繼續食下呢間餐廳既早餐啦！餐廳同上次一樣多人，人氣都幾高🤔今次我同女友分別揀左越式豬扒湯金邊粉同番茄蝦膏海鮮湯濛😋😋番茄蝦膏海鮮湯濛$40，比起最平既貴成十蚊，原來真係有佢道理！首先番茄湯底非常濃郁，而且仲有蝦膏既鮮味，超正！🤤🤤🤤相反女友既越式豬扒湯金邊粉$38反而好失敗，湯底冇味之餘，塊豬排仲好薄。個人覺得$30蚊既金不換肉碎湯正得多啦😟😟😟下次都係乖乖食返金不換啦，可能因為有肉碎所以成個湯底真係會濃郁非常多😶

同男友行街，男友話想食唔heavy既野，咁就入左黎。叫左一碗生牛肉河，一碗熟牛肉河，同一碟春卷。湯底好鮮甜，牛味甚濃，但有herb中和，非常好飲，男友個碗食到最後湯得番幾滴哈哈。試左兩碗河，覺得生牛肉好食d，熟既食到咁上下肉質會開始變老。雖然肉同粉既份量都唔少，但我地兩個大胃王驚唔夠飽，仲叫左配菜，春卷。呢餐最鐘意呢個春卷，好香好好食，春卷入面有芋頭，非常香，仲有木耳、粉絲、蘿蔔等蔬菜，唔油膩。真係好好好鐘意。

晚飯時間行過形點,總會見到一期一樓既錦麗大排長龍,有見及此,趁六點幾就入座叫野食,打開菜單一睇,價錢同外面既越南餐廳差唔多,我叫左錦麗綜合粉同小米糕,可能太肚餓既關係,覺得碗粉份量較小,再食埋果小米糕,系面果D醬汁確實唔錯,並沒有想像中咁好食,但算唔差.

唔知幾時開始越式牛肉河粉掀起一陣熱潮，每日放工經過呢間咁你都會大排長龍，原本未諗到食乜，咁啱今次經過見到唔使排隊，諗都唔諗就即刻入左去。錦麗綜合粉$66首先order完就會擺低一杯配料，有啲辣椒絲、芽菜、青檸、九層塔等等配料，枱面有連環圖教你幾時落配料，夠晒貼心。先呷一口湯， 十分重牛味及清甜👍🏻綜合粉入邊有牛腩、牛丸、生牛肉，當中牛丸係我覺得最正嘅，多肉汁之餘仲有一定咬口，而河粉都好唔錯，唔會因為浸得耐淋埋一夾就散，依家絕對可以encore，而下次應該會叫淨牛丸河😋😋

今日去左yoho 果到食lunch，終於我都屈服左排長期排隊既錦麗😂😂😂我點左碗牛丸河！枱面會點左教你點食先食最好食既食法！不過我唔多食配料，所以我全走！個湯好好飲！我全走都唔會覺得個味道爭少少咁！依然好重味🥰最正係牛丸！我平時唔多食牛丸，但係佢呢間整既牛丸好出色，好重牛味，而且好似有少少牛筋係入面😆😆🤤🤤