錫記雲吞麵食

营业中

休息中

每逢新年，黃大仙必定人山人海，細時阿爸舖頭在龍翔道第八座（長欣樓），每年過年門口一定租比一間雲吞麵檔及一檔買香，由90零初我都每年食，今日突然見到依間雲吞麵店就令我諗起當年，所以入去試下，果然有當年的味道及感覺，店內雖然無裝修，但人情味好好，由叫一碗招牌雲吞麵，加碟蠔油芥蘭，姐姐都問我需唔需油菜、飲品，走時找錢要等，但好有禮貌又會連聲講多謝及唔好意思。依種久違的香港情，真係已經唔多見！講翻食物，雲吞麵口感細緻，但鹼水較重，湯底偏咸，雲吞質感幾好仲有完隻蝦，不過清潔蝦身有改進空間，油菜芥蘭唔錯，辣椒油唔係死辣有香味，麵加菜收費真係合理喇，收$32蚊。

呢間錫記唔係開係彌敦道，可能無咩人發現佢存在。都係因為以前係呢頭番part time，有同事介紹先知道。我由佢十蚊碗，食到依家25蚊碗，味道都係咁有親切感。簡單既裝修，懷舊既碗筷，好似番佐十幾年前咁。10年前係咁，依家都係咁，味道不變，人情味都不變。佢地既雲吞麵都係25蚊一碗，食完岩岩好，唔會太飽。佢既雲吞係自己包，大大粒，有蝦有豬肉，皮又薄又滑。麵夠爽口，湯底唔係平時淨味精湯，係有魚味有蝦味，但味道偏鹹。我最鐘意加醋同辣油，佢既辣油好香，夠辣，可以一試。注意：d阿姐唔寫單ga, 佢會係你離開坐位大叫收你幾多錢，走先同佢講埋單

忽然好想好想好想食河粉，唔想外賣都等廿分鍾既美味餃子，所以又重拾腩河的美好。牛腩河25外賣加1欣賞河粉幾滑呀，但牛腩份量明顯減了不少，其實清湯已不俗，但是日心情麻麻，所以任性錯手拿了11包辣油洩憤，平時我拎5only，加色後成碗吸引好多，欣賞呢度夠熱辣，格成半個鍾食都唔會變肥面，仲keep到個我所追求既熱度。牛腩依舊一絲絲美味，呢度辣油有一手，愈食愈刺激，女生食一碗都好像唔多夠喉咁。。。。。

老字号，永保留到一份温暖在，即使加價了，你還是會想繼續幫趁。例牌點了腩河外賣索價26今天的辣椒沒下太多，所以辛而不刺激，大熱天時，都要處理十分鍾方可吃完。腩今日不少肥膏，肉量如昔而牛味不少，粉也保留用滑的河粉，成本上無太欺騙姐。吃到尾聲跟不尋常毛髮相遇，其實不是第一次，但活到一定年齡，不會再輕言計較，一條半條不要常常，就當看不見。

這兒，是家滿載我回憶的老字号，年幼時，爸常會買外賣雲吞面我吃，所以從小吃到大，有種不能言語的感情難用筆墨去形容。喜歡錫記老一輩所沿用的傳統方法煮理，質素保持到廿多年都不變的味道，更欣賞的是當中所夾雜著的人情味。光顧一百次有九十九次，我會選賣外賣吃，因為離家好近，帶回家吃，既能吃得更自在，面也不會輕易糊了，今天，正藉肚子好餓，就一個單人匹馬的不心急，堂愛點了大愛牛腩河。牛腩河25即食關係，粉沒外賣的帶少少發漲，沒索盡腩汁，不夠入味，雖然河粉質素依然，但有十條八條的粉條未完全分開，兩條痴著一起，吃起來便有點厚，幸好已煮透，河粉也夠熱。說好的牛腩呢？！為何人大了，愛點這個多於雲吞？要從牛腩更出色的說起，平時來錫記，肉份量已是四四方方的有咬口得來，十分滿足。今天，好像更好吃在肉質較昔日更軟糯細緻，具牛香之餘，配上自家製的辣椒油，輕輕一揮，已起畫龍點睛之效用。由十二元吃到廿五元的時光，一切一切，均見証著和其帶同長大的進程跟光景歲月，別人眼中普通的一碗面食，在我看來卻是特有箇中非凡的食味。

已經有好耐好耐真係好耐無黎過錫記買外賣食喇。呢度係家開左好耐既面店，我由佢十多元食到現在的廿五元。小時侯，爸最常在這買雲吞河我吃，長大後，我最愛叫牛腩河。貪d牛腩全部切到四四方方咁，每口都係啖啖肉，每條牛肉絲停留在口腔內咀嚼，就已是份樸實簡單的滿足。河粉入貨亦不馬虎粉口，每條濶幼剛好，粉質嫩滑，份量適中，口感永不0鞋口，十分可取。尤愛這兒的自家製辣椒醬，不是那種不辣不麻的甜酸豆瓣醬來，取而代之是用上干椒所做成。加入此醬令所有食物立即提味，香辣刺激，劃龍點睛的辛，實在是但滋味不凡。喜歡老店這兒的人情味，看住年紀不小的大一輩店員，更是有著伴我成長的回憶，此刻，我是有點想家父了，可惜……

雲吞 對一個對蝦敏感的人 是試不到的食物我一般對餃子雲吞沒有太大的興趣這天跟朋友介紹的這間麵店吃午餐 環境可能是舊式的店鋪 所以一般膽粗粗點了一碗雲吞試下上菜速度快 而且他們是以大叫傳達點菜迅速來了一碗雲吞麵好大粒的雲吞 一口咬落去 好多蝦而且皮很薄很滑 好味我仲見到姐姐係角落自己包雲吞的利害吃了一半想飲汽水原來可以自己去拎 同埋有枝裝汽水成件事好懐舊 埋單時 佢地透過碗的大小和款式計數唔怪得唔使冩單 很環保呀我會再番黎食大大粒雲吞

房東推薦的店，和爸媽來試了試，性價比好高，點左牛腩麵魚蛋麵牛丸麵，仲有油菜，味道都不錯，湯底好，麵稍微煮霖左d，不過我無所謂，最緊要價錢便宜，適合學生同街坊消費

這天三點幾還未吃午飯，來到太子，本想去德記食麵，未到看見這鋪，又以姑且一試的心情進去。餐牌十分簡單，幾乎所有都是15元碗，今天通脹劇烈，十五元一碗麵都算合理的了。太太依然選了牛根米，我也選了牛腩粗，再加了一碗淨鯪球。今天的牛根和昨晚在別鋪吃的明顯不同就是吃到牛根的味道，口感不是咬著橡皮。牛腩都是預先切好的模樣，但知道正在吃牛腩，雖然有點肥，但算稔身，有根的地方也是稔的，好味。腩汁的湯十分好味。鯪魚球有彈性。總括而言，比起昨晚相同的食品，有明顯的分別，或因為這樣，所以給了個笑臉，下次也會幫襯。

尋晚(31-10-2009 Sat)男友o係太子做啲o野,我o係屋企同爸爸食完飯後,就出去join佢,佢未食o野,亦由於時間唔多,所以佢只可食個快餐,對呢邊唔係咁熟,佢見到有雲吞麵舖,就話食雲吞麵.入到o黎,以為就收舖,男友叫個雲吞麵,我好飽,唔想食o野,但好似好唔好意思咁,亞姐問我飲唔飲豆漿,我話好,男友又話要,咁就兩杯凍豆漿.男友o既雲吞麵o黎到,雲吞幾大粒,麵幾香.我試少少麵,湯o既味道濃郁.男友大讚,話麵彈牙,三粒雲吞爽口,鹼水味唔太重.男友加o左佢o地自製辣椒油,佢話好辣好香.凍豆漿因為豆漿機早就閂o左,所以唔係咁凍,味道就甜甜地.之後聽見有客人問有冇牛筋,老闆話有,o個個人就叫個淨牛筋.我鐘意食牛筋,就問男友食唔食,佢話食啦,問吓幾錢先,$28.00一碗.啊,咁叫啦.o黎到,都幾大碗,汁又多又深色,好香.食吓先,牛筋好腍,最緊要啲汁係好濃好濃,從未食過咁濃o既腩汁.埋單$51.00,豆漿$5.00杯,雲吞麵即係$13.00碗,幾抵食喎.

雲吞：以前個餡得蝦，依家添加了點豬肉，依然如常的大大粒，每碗三粒，雙拼則兩粒墨丸：並非招牌貨，但味道還可，也彈牙牛丸：都幾爽口，但牛味不足牛肉：牛肉嫩度可接受菜餃：ok牛腩河：牛腩真的幾好，又夠入味，粉又滑牛筋米：牛筋就一般啦，大大筋，但好像不太乾淨，還有好多不明黑野吊住，夠淋，但我略嫌唔夠'筋'囉…哈，un d好d對我來說鯪魚球：好大粒，和雲吞一樣也是店內的招牌貨，必食$6油菜生菜$5豆漿單拼$12雙拼$17三拼$22推介菜式:雲吞、鯪魚球之前打錯左尖沙咀個間

其實星期日我已經去過一次, 尋日又帶第二個朋友去食, 先講星期日過次叫左一碗牛腩麵同一碗牛腩牛根撈, 還有淨鯪魚球和豆漿嘩d鯪魚球大過一隻連殼雞蛋, 一碗有四粒, 味道都ok, 而且都幾彈口 另外, 牛腩味道一般, 但勝在HKD12.00/碗, 牛腩牛根撈麵方面就真夠大碗都係HKD22.00, 一定飽飽肚幾低呀, 豆漿一般 而尋日帶個朋友去, 佢都話"嘩!低呀............, 佢都係食牛腩米, 而我就食牛腩雲吞撈, 間野D雲吞都好大粒架

弄頭髮時跟髮型師和其助手不斷在聊各自的台灣行,助手那幾本台灣天書裡的食物照片令月巴人飢腸轆轆,一做好頭髮第一時間去找東西吃!! 距離晚飯時間不太遠,來碗波子雲吞好了。 坐近廚房,阿姐連走過來也懶得做,我也打開嗓門向她要碗淨雲吞。全店只憑阿姐口傳,廚房大哥已開始泡製,不到一會已有得吃了。湯底淡淡的,不提也罷!所附的青通菜相當爽脆,奇怪的只有菜莖,菜葉去了那裡??雲吞內雪蝦仁份量不少,肉質還可接受,起碼沒有霉爛感覺也沒有腥味,所以也沒有濃重的胡椒粉加入,味道不過不失。只是雲吞預先煮熟多粒,客人order時放入數粒再加湯,有機會沒全數煮熱,那四粒雲吞中有兩粒就有中間不算很熱的情況發生,幸好還是熟的。$12解決肚餓感覺,ok啦,要不是仍在咳嗽中,定會來枝支裝可樂。

2006年12月24日，15:30去粉嶺花展後再行花墟，回家前收到指示，到大記買芋頭糕。先到這店來碗雲吞麵。雲吞：乒乓雲吞，蝦多肉少，皮厚。麵：偏淋而鹼水味少。HK$10.-交足功課。店少而不夠整潔。

ｄ雲吞大大粒，勁好食．．．鯪魚球勁爽口，又平．．．其實都叫幾乾淨，幾好ｇａ　ｌａ．．