鏸園茶啡棧

营业中

休息中

一早起身，緊係要食返個早餐今日嚟到惠園茶啡棧，點咗最經典的早餐- 牛油方飽跟火腿腸仔、粟米磨姑炒蛋+雪菜肉絲米粉。呢度的蛋係經典炒蛋，雖然並非炒滑蛋，但又至於鞋口，同埋無咁多油，都健康啲重點係杯茶，我叫咗涷咖啡，呢度涷飲無需加錢，真係好抵，飲落有陣陣香港特色茶記咖啡的味道，別有要一番香港懷舊感覺揚揚整體指數：8/10揚揚環境指數：7/10揚揚味道指數：8/10揚揚服務指數：7/10 （茶記嚟講都好唔錯）揚揚抵食指數：8/10揚揚返食機會：8/10

住係元朗水邊围邨附近，真係好多美食，有嶺南腸粉，豬小姐，醉拳，波士雞，寶生車仔麵…………多到呢今次就來呢間鏸園食下午茶外賣咗個吉列魚柳薯條配既沙律下午茶餐， 點解要食呢間？嘿嘿嘿！！！ 吉列魚柳~ 比一般茶餐廳大塊， 佢個炸漿值得一讚， 食落香脆夠曬薄皮， 魚肉冇乜雪藏味👍薯條~ 外形呈波浪形，炸對香脆可口😋正！正！沙津~ 仲正， 多醬，有好多粒粒👍紅蘿蔔、粟米 、西芹， 還有紅腰豆🤗街芳茶餐廳可以做到咁，真係值得比個like啦👍小店經營，多多支持💪💪💪

晨早運動完係水邊園附近揾食，睇下open rice附近食店介紹，見到呢間早餐都幾好就入去試試，叫左佢嘅魚柳早餐，黎到真係幾大份，成塊豪大大雞排咁大，外面鬆脆內裡軟熟，幾有水準，另外粟米蘑菇炒蛋就失色左少少，冇乜調味，塊蒜蓉多士夠脆但味道就一般水平，如果住附近就可以黎試下，特登過黎揾食就未必咁神心啦，價錢方面$40蚊呢個價錢都係正常，正常cp值啦P.S.凍飲唔洗加

有次行完山，見人食過佢哋嘅炸魚炸雞脾🍗，大到無倫，條魚直頭係成條上咁濟，嚇到我O咗咀~\(≧▽≦)/~ 所以今日有機會，一定要試吓。門口有兩張枱，可以比食煙嘅人坐。不過我哋唔食煙，咁梗係坐入面。啲餐牌舊到爆，嚇死人。不過由於佢哋應該係自家經營，所以唔好要求太多╮(╯▽╰)╭我友人叫咗C餐，佢話啲炒蛋炒得好嫩，沙嗲牛肉麵用清水上，但都好夠味，啱啱好。佢話原來之前叫過味精湯上，勁咸。我就叫咗E餐，炸魚。條炸魚同我上一次見冇咁震撼，因為上次人哋係成條上。不過其實都好大份，有兩件。好新鮮好熱，啱啱炸起，不過佢啲醬有啲怪。Anyway，值得推薦！我下次要食佢哋大到成塊面咁嘅炸脾( ´▽` )ﾉ

星期日去左鏸園咖啡棧食下午茶, 呢間平民茶餐廳性價比非常高, 36蚊就可以有好脆既吉列豬扒, 而且可以配兩樣野, 我揀左薯條西多, 薯條即炸非常熱, 西多好好味, 最緊要就係配紅豆冰都唔加錢, 又抵又飽, 我主子就揀左炸脾(加5蚊), 大大隻, 絕對抵, 加埋西多同沙律, 相得益彰, 當然仲有紅豆冰啦～兩人埋單80蚊有找, 分分🔔晚餐都唔洗食了, 唯一要改善就係因為係一碟過, 所以所有醬料都會放晒一齊。對我來講優閒, 就係在得閒時, 就要搵優質的餐廳去對自己好啲....

每逢假日都好鍾意嚟呢間茶餐廳，因為佢個下午茶餐真係好抵食，$36有大大塊吉列豬扒＋西多士＋薯條＋凍飲（唔駛加錢）雖然餐廳環境一般，今日冷氣仲要壞左，但我都唔會扣分，因為食物味道性價比真係高，喺元朗嚟講好少有。

今日瞓到晏一晏，係屋企執下嘢，跟住落去我屋企附近茶餐廳食tea呢間其實食咗很多次，今日終於記得寫食評如果唔介意餐廳冇裝修，不大整潔，只要食物抵、大大件、 味道ok， 呢間就啱哂嘞豬扒沙律配西多士豬扒大大件幾有咬口， 肉質ok ，三角形西多士兩件美味可口， 沙律唔係一般茶餐廳嘅雜果沙律，係睇落色彩繽份，食落索索聲嘅沙律，裹面有粟米、紅腰豆、紅蘿蔔、西芹、生菜，爽口美味，讚呀以三十幾蚊價錢，食到咁超值嘅下午茶餐，真係

!!!!!!!!!!!!!!!隱世餐廳!!!!!!!!!!!!!!星期日難得拍拖日行下行下見到間餐廳走入去望到隔離台食物份量都很多非常豐富的下午茶我就叫左個蒜香菠菜煙肉辣汁炒意粉茄汁炸雞扒燴意粉再答加埋杯紅豆冰(重點: 唔駛加錢)份量非常多 很豐富既下午茶每個都只是45元除左價錢合理 味都十分好 個茄汁意粉 落重料 落足蕃茄 唔係求其加d茄汁加水當燴左個意粉。雞扒都整得好好味。而家好既茶餐廳買小見小 好味既一定要推介下!

今天一起身已經是1.30pm,肚子餓得很，就想到附近這間超級大分下午茶分量的茶餐廳。我點了豬扒，西多士和沙律。那塊豬扒煎到金金黃黃，很香很脆口，西多士半分分量剛剛好，不會太滯，沙律可以轉薯條的，我看到隔離枱是粗薯條呢！鏸園茶啡棧應該是小店經營，街坊生意，所以都是大大分的。駕車的朋友要注意就是雖然店是在路旁，可是泊車蠻困難的，因為很少車位，沒有位就要使走車，所以還是走路去光顧比較好。食完候我飽到晚餐還未餓呢，真是一個heavy tea。

天氣寒冷真係邊度都唔想去, 但唔食返個早餐又好似成日都好凍咁.梗係一個藉口偷懶晏 D 先開工啦，今朝食呢間“鏸園茶啡棧”, 門口可以停車, 所以一泊低行過去都係幾秒既事, 都唔太有機會凍到太多,叫左呢個餐, 濃味沙爹牛肉通粉 + 多士 + 火腿奄列 + 凍檸茶 =$33價錢吸引，奄列入面超多火腿，夠飽肚，沙爹個顏色好深色，但又唔係好咸喎，食完呢個餐基本上都唔使食晏了。另外一提，呢間個下午茶都好抵食，大大塊吉列豬扒，又可以選沙律，炸薯條，西多等等係呢附近個人覺得呢間抵食。

打工仔的生活，總是身不由己，想何時食午餐，也要視乎工作而定，好像今天又要外出工作，跟教練視察場地，轉眼又到中午4時，肚子空空的，仍沒有時間進餐，回到元朗，教練極力推介，這間茶餐廳，他已經試了多次，據說其分量足，且味道也不錯，更重要的是價格相宜！現今的市道，生意確實難做，就連其貌不揚的茶餐廳，也有下午茶時段，下午茶餐的種類丶款式也有算多，價格維持在＄30-＄45不等！在花多眼亂的情況下，仍不知如何選擇，突然看到身旁的食客，叫一客吉列豬扒火腿飯，二話不說，我就要吉列豬扒薯條！教練就叫了一個常餐---雪菜肉絲米，配洋蔥炒蛋三文治不一會，侍應便送上兩杯餐飲，同時，奉上常餐，但我的吉列豬扒薯條，則須等候差不多15分鐘！越等越肚餓，隨後，終於見到大大塊，熱辣辣的豬扒出場，由於太肚餓關係，我急不及待放入咀邊，差點被燙傷！豬扒皮脆肉嫩，如此份量，我曾在油麻地某豬扒專門店嚐過，價錢也差不多過＄100，現在只須＄33，真的令人喜出望外，薯條味道也可以！環顧店內環境有點雜亂，但對於伙記來說，他們卻十分熟悉餐具的擺放位置，完全是順手拈來，給人一種乾淨俐落的感覺，店內大多是熟客，他們亦埋首於食物，偶爾閒聊幾句，

第一次入尼間餐廳試下啦。咁就叫咗個煎雞扒麵餐同豬扒麵餐食。點之一嚟到塊雞扒黑色，再切落去好實好難切，乾**爭爭**似炸多過煎囉。叫人埋嚟問下佢啦。問佢點解咁黑，係咪煎架，似炸多d喎一嚟到第一時間話無得換，除非未熟，佢話係煎。係人都知煎雞扒無咁黑，無咁多水泡係面架嘛！！入面質地仲要乾晒水。我問完之後成碟擺係到食都無食過。如服務好的話，會主動走埋客人到了解下點解唔食，都會想保持食物水準。佢一d都無再行過埋嚟囉我以後都不會再食。

如題: 有驚喜的是大大件, 樣樣野都大大件, 不過味道就.....早餐B : 沙爹牛肉面+火腿奄列 火腿奄列超大, 沙爹牛肉味重帶點辣, 合重口味人仕.真心飽~假日餐: 炸雞肶 + 肉醬意粉炸雞脾大大隻, 皮脆肉嫩, 不過雞脾太厚導至入面雞肉沒有味道, 只能點肉醬食.

呢間食左好多次 ，今次先記得寫食評 。呢間茶餐廳 啲早餐真係我見咁多間之中最大份嘅一間，而且價錢唔貴，都係三十蚊左右有交易 。平時食C餐，有特色餐包 ，火腿奄列同沙嗲牛肉公仔麵。佢個特色餐包係用方包加牛油煎出嚟嘅， 火腿奄列我估應該係用三四隻打蛋嚟做嘅 ，沙爹牛肉佢個沙嗲醬深啡色， 個牛肉嘅分量都比出面茶餐廳多， 所以真係好抵食。 一個女仔嘅食量係食唔曬或者會食到好飽。 今日食咗E餐， 有蒜蓉包，吉列魚柳 。塊魚柳好大， 應該係大家樂嗰塊魚柳嘅2倍，味道就一般啦。 總括嚟講呢間餐廳好抵食， 會經常嚟~

其實彈性食飯時間有辣有唔辣，但如果勉強太早吃飯，那其實吃早餐不久，又喝了杯咖啡，11時許又出去吃午餐，肚子撐得漲漲般，不太好受😐。趁着未夠11點半，就來這點吃個早餐。沙嗲牛肉麵的沙嗲醬與平日的比較不同，這兒的沙嗲醬非常之杰，而且深啡色，並的確帶點辣味，用來拌麵的味道也不錯。牛肉不太多只是薄薄的，都沒有特別，也沒有吃出鮮牛肉味。火腿奄列，反而比較出色，因為奄列的蛋沒有熟到全熟，蛋有點兒像荃灣嘉樂冰廳那種奄列，而且份量不少，內裏蘊藏的火腿也不少，而旁邊的多士也烘香脆的，但是只因當天不是太肚餓所以沒有吃光。雖然說小店經營困難，應該體諒店方，可能會將客人左搬右搬，務求令到短時間內可以服務到最多顧客，賺取更多利潤。但是店員還未問完我搬一般好不好，手中已經將我枱面的那碗麵條拿到半空搬過隔離枱，那就真的不太好受。