影片
港铁铜锣湾站 A 出口, 步行约1分钟
继续阅读
电话号码
24330888
开饭介绍
55年韓國辣炖雞湯傳統 (韓國雞湯，韓式小食，芝士炒飯，雞湯烏冬等等)
继续阅读
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
｛熱辣辣既韓式雞肉🍗火鍋｝餐廳位於銅鑼灣耀華街百樂中心的樓上鋪，當晚很多客人光顧超熱鬧。輪候一會便可以入座😌。每一枱也有一個鍋滾下滾下。餐廳著名食雞鍋，必點之選！有辣有唔辣，任君選擇！叫左唔辣清清地，有小/大鍋選擇，兩人叫小鍋份量岩岩好。加配的配搭主菜有少少分別：辣嘅就可加配原味/芝士🧀炒飯；而唔辣就加配粥。超正［🐓雞肉🍗火鍋］：超多蒜蓉放成圓圈⭕️咁係鍋中間。配料有京蔥、薯仔🥔同年糕。醬料係由菜絲、辣椒同秘製醬油撈勻而成的，聞落非常香，點雞食🍽️鹹香惹味。紫菜粉絲卷：一客有五個紫菜卷，份量非常充足。即炸紫菜外皮非常香脆加埋粉絲一齊食，好有口感。煎糖餅：即叫即炸非常香脆，外表金黃色賣相精緻。味道甜甜地，好味😋。食埋依個甜品非常滿足😌。
继续阅读
雖然平時唔係幾鍾意食韓國菜，但唯獨是韓國嘅雞煲我係情有獨鍾今次嚟到銅鑼灣一間好出名食韓式雞煲嘅餐廳中午時段超級抵，有lunch set半隻雞煲都只係$190裏面仲會有唔同嘅配料，例如年糕係超級煙靭有咬口，而且有大量嘅新鮮蒜蓉再加埋雞湯超級香，裏面嘅雞都好滑，而且好好味，額外再加埋雞髀菇，超級入味呢個炸芝士球，估唔到咁有驚喜，外面嘅麵團好香配埋裏面拉絲嘅芝士超級夾，而且份量好充足一粒好大，絕對要同朋友分享另外再叫多份招牌原味炸雞，炸得都幾出色，一啲都唔覺得油膩，下次要再試埋佢哋嘅辣味雞煲
继续阅读
今日去咗銅鑼灣嘅韓國餐廳，真係要推介俾大家！呢度嘅食物同環境都一流😋✨。首先講下韓式雞肉火鍋，雞肉鮮嫩多汁，湯底濃郁香滑，每一口都充滿韓國特色嘅風味。配埋各種蔬菜同年糕等配料，真係暖胃又滿足🥘🍗。韓國芒果汁真係好正，芒果香甜濃郁，入口即化，絕對係解渴佳品🍹🥭。雞蛋火腿紫菜飯團亦好出色，飯團外層包著紫菜，內裏係雞蛋同火腿，每一口都好有層次感，係一個完美嘅小食選擇🍙🍳🥓。環境方面，呢度真係好舒適，裝修充滿韓國風情，食住美味嘅韓國菜，真係好享受🏠🍴。
继续阅读
一直bookmark左好耐嘅韓式餐廳🔖店面唔大 星期日夜晚去都有人等緊位 建議預先訂位三個人叫左辣炖雞湯(大份)加刀削麵👐🏻韓式無骨雞腳👍🏻燒酒加cass啤酒同埋活動送嘅韓式糖餅🥯-辣炖雞湯(大份) $478 + 刀削麵 $40雞湯湯底加左一堆蒜蓉同京蔥夠哂香辣惹味，啲雞好滑夠入味，可以唔駛點醬油食，配菜仲有年糕同薯仔，年糕煮到腍身就食得，啲薯仔都好腍好入味，個湯越煮越濃，加埋個麵夠哂飽韓式無骨雞腳 $150掛住食冇影到相，一入口燒烤味好香，有種程味珍豬肉乾嗰陣炭烤味，味道夠哂辣，係辣到個口食完之後會有少少發苦嗰種，煙煙靭靭，份量都多，整體黎講可以一試-韓式糖餅今次撞中店舖活動滿$500送一份糖餅，感覺似係加左肉桂粉同蜜糖加少量瓜子嘅煎堆😂，普普店員都好有禮貌，整體黎講會再回顧！下次想試炒章魚同清湯炖雞🗯下餐見~
继续阅读
獲得2025韓國米芝蓮藍絲帶推薦「鐘路雞林辣炖雞湯元祖」🏵️已經喺韓國開咗60年🇰🇷趁Lunch Time去飲碗雞湯暖下身先😉.辣炖雞湯(小)🍲雞湯內有雞肉🍗薯仔🥔年糕、大蔥、蒜蓉等🧄食之前將部份蒜蓉加入醬油碟中‼️湯底辣度適中開胃🌶️濃郁蒜香味😛雞肉大件，肉質嫩滑軟稔，沾上蒜蓉醬油更好味👍🏻.紫菜粉絲卷🍙外層紫菜炸到脆卜卜😗包住Q彈韓式粉絲🍜外脆內軟，十分香口😋搭配椰菜沙律🥗可以Refresh一下💦.韓國小魚餅🥧內餡係香甜紅豆同奶黃🫘🥚魚餅質地煙韌軟熟😆.前菜🥢有芽菜、蘿蔔泡菜🥕
继续阅读
您可能会有兴趣的...