鐵板先生

营业中

休息中

今次生日飯，老婆話要另類嘅，睇openrice 搵間幾間鐵板燒有提供特別服務，有卡通炒飯影相又有得食，睇左好多間食評最終搵到間，評價相對收費親民路線鐵板燒，由於平日及訂枱關係去到有bar台邊食邊睇表演，食到一半生日主角都讚無得頂，而阿女一路睇廚師表演一路拍手都值得帶小朋友黎食值得👏，而老闆娘都非常熱情知我太太生日送上祝福，另外真係要讚有小朋友既家庭對食物方面會特別關注，廚師主動問我地食物比幾成熟及小朋友又分開全熟咁，非常窩心，當晚食完，一大一細已經話要過年前encore 既龍蝦鐵板燒套餐，睇返價錢海陸空有齊，法國鵝肝、南非龍蝦、安格斯牛柳已經回本，連炒飯都十分有驚喜，第二次食鐵板燒今次個廚師會一路傾一路食都幾特別，食食吓唔記得影相，最後難得一家大小係疫情時間外出食飯，真心好耐無咁自在過左一晚開心晚上！

因為是太太生日，佢想食日式鐵板燒，見到餐牌同價錢都唔貴，亦都見到師父會幫客人用食材整卡通公仔賀生日，所以就book咗鐵板先生。去到店舖後，店員好好咁安排咗我哋可以面對師父烹煮的位置，令我哋可以睇到師父烹煮嘅手勢功架。我哋兩人叫咗個龍蝦套餐，內容都好豐富，有沙律、刺身、龍蝦、銀雪魚、鵝肝、安格斯牛扒、炒雜菜、炒飯、龍蝦湯和甜品雪糕/雪米滋。師父手勢好，所有食材都煮到很合我哋口味，而且食材都好新鮮。而師父為太太整嘅公仔圖案也好靚，好似真嘅一樣，太太好開心。無論係師父定其他店員，服務很好，會同我哋傾吓偈，指導我哋點樣食為之最好，真的很感謝，有機會一定會再去食。

首先我地訂左位遲到，打電話去老闆超好人問我地係邊仲教我地點行。入到去職員姐姐（唔知係唔係老闆娘）好好人比我地揀位揀好套餐上菜超快先黎刺身，好新鮮再黎湯同沙律老公好鍾意個湯，話味道啱啱好燒大蝦--好彈牙燒扇貝--好甜，好鍾意佢加左櫻花蝦仔燒鮑魚--睇住佢係魚缸攞上黎，仲陏住燒，軟淋淋，正呀！燒黑毛豬--呢個係送架，好香好淋炒飯--粒粒分明，又香又夠味炒雜菜--個蝦頭好好食，好多汁因為今日係老公生日，所以專登請老闆預備。呢個真係好窩心，早一日打去，佢地會好有耐性問你鍾意咩公仔，大概想寫咩或者個公仔有無特別要求。總括黎講呢餐食得好開心，老闆（廚師）會同你傾下計，問下啲味道啱啱你口味。唔會一窩風煮晒啲野比你，會睇住你食既進度，保證樣樣野都熱辣辣。

今日同朋友慶祝生日，佢想食鐵板燒，於是就搵咗呢間位於佐敦山林道既餐廳同佢慶祝。我地叫咗最平嘅一個餐(598/2人)但食物絕對唔失禮。前菜有沙律，三文魚刺身同魚湯，味道就不過不失啦。但主菜都幾有驚喜。有大蝦，龍脷柳同牛柳 。全部燒得啱啱好，味道唔會太咸，不錯。仲有炒飯同炒菜。我地原本以為會唔夠食，點知食到勁飽😂因為朋友生日，所以一早WhatsApp 叫定師傅整個生日炒飯俾朋友。呢間鐵板燒相比其他餐廳便宜得多，但食物質素不錯，所以都會推介大家黎。

第一年同男朋友慶祝生日想比d 驚喜佢難忘d 😅😬我記得以前跟朋友慶生時都幫襯過上網試下搵唔搵得反，最後係搵到但已經唔同以前做法以前食到最後時就係有驚喜表演炒飯係會用雞蛋寫字宜家唔係咁，冇驚喜了👎🏻因為一早係隔離整定咗唔怪得食埋甜品都唔見表演食完甜品後老闆娘同廚師叫我地過去隔離個爐就咁打開d 蓋已經有happy birthday 字樣了😑唯有行過去影相囉，好彩果晚都唔算多人唔係就好奇怪😅以前即時整就開心好多下次會諗第二間lu

時隔差不多一年，9月中從餐廳Facebook得知結業嘅消息，感嘆又小左一個歡聚嘅好地方。殊不知幾日後知道老板決定再撐多半年，立即到店支持下。一個星期五嘅晚上，七點到達餐廳，竟然係第一枱客人，因為示威活動可能唔多唔小有影響。老板希望同香港人一樣齊上齊落，繼續撐落去。仲推出左唔小優惠，嗌二人海鮮餐由原本大虎蝦轉做巨蝦再送多份和牛薄燒或者黑毛豬🤤前菜有海鮮沙律同刺身，鐵板燒來講我認為前菜並唔係重點，上次已經見識過巨🦐有幾巨，上次食嘅時候試過黃金老虎巨蝦，今次試番個原味。師傅用左牛油，清酒同自己調製嘅醬油去煎👍🏻食到醬汁嘅香之餘仍然保留到蝦嘅鮮味🤩鮑魚亦係新鮮係魚缸捉上嚟，同蝦差唔多，但係食落鮑魚嘅鮮味更強，唔似出邊完全要靠調味料佢調味🤮和牛薄燒其實即係用和牛包住蔥蒜去煎，師傅煎緊嘅時間已經聞到和牛嘅油香，入口加上配料香到不行😖本身仲以為送嘅冇咁高質👍🏻最後嘅帶子王依然鮮味十足👍🏻加埋最後嘅炒飯同埋炒雜菜你想唔飽都幾難🤣希望大家可以多多支持呢類型嘅小店，唔係就真係比大財團壟斷晒😭

用open rice 訂了枱，由於生日慶祝想店員砌個卡通鐵板炒飯拍照留念所以，有打電話及用whatsapp溝通，很方便。.到場先點一枝柚子酒，柚子味十分香，易入口，不太甜，女生應該喜歡喝。.在預約時，先預訂了一隻活龍蝦，但店員只有兩個(一位鐵板燒廚師及一位樓面服務)，有點忙亂所以有點出錯，將我最後一隻活龍蝦都給了別人，有點失望。不過店長可以用兩隻大海蝦交換一隻龍蝦，所以我們照點了鐵板活龍蝦套餐(二人前)。.先來蟹籽蟹柳沙律及魚頭豆腐麵鼓湯湯很濃郁，很足料，口感厚滑。.時令刺身有三文魚，蝦和帶子刺身，不過不失。.燒大蝦有點略乾，但肉質彈牙，味道好。.燒蝦頭另外上，內裏膏很多。.香煎銀鱈魚上面放炸香蒜，蒜香味配上煎鱈魚，味道香口，肉質嫩滑。.燒鮑魚廚師為表示出錯歉意，更多送一隻燒鮑魚不用點旁邊的炸蒜已經很夠味。.法國肥鵝肝，鵝肝下面放白麵包，吸掉鵝肝滲出的油份，一同吃掉能減淡油膩感，可口好吃。.美國安格斯牛扒燒牛扒時，廚師會關上燈，淋上酒，為大家展現熊熊烈火。牛味重，肉質剛好。.煙肉蟹子黃金炒飯飯很普通，還沒有看到一粒蟹子，葱有點下得太多.最重要最重要，就是我預訂時，店員砌好的”無臉男”鐵

伏！ 性價比極低。 魚生唔新鮮，一埋檯就聞到腥味。5 成熟牛柳，煮到8成。海鮮二人餐$988 ，得鮑魚、帶子同蝦。仲要話FB like & share 至改為大蝦。 無樣嘢覺得特別好食。加埋一每位$650+ 。 有點貨不對辦。環境有點簡陋，餐具全用塑膠，最好係杯茶，都尚算夠熱！

叫個大蝦餐試試，個侍應話無曬大蝦，焗我叫個貴嘅海鮮餐就話有大蝦，重係隻蝦大隻d呀𠻹，有一尺長。點知攞出嚟嘅時候發覺只係普通大蝦，並不是侍應所講一尺大蝦。成間餐廳得個廚師同埋個侍應，好多嘢都話無。你小本經營唔緊要，唔好扮高擋搵笨！

今天男朋友生日，選擇了一間平時比較少吃的鐵板燒。我們本來選擇了龍蝦套餐，但餐廳出錯了沒有龍蝦最後用兩隻大蝦頂替龍蝦，有點兒失望。首先上了一個麵豉湯，比想像中有質素，味道剛好，配料又多。然後有日本刺身，有帶子、甜蝦和三文魚腩。終於上主菜了，首先有燒銀鱈魚，鮮味十足而且不會老。然後就是取替龍蝦的兩隻大蝦，蝦頭和蝦是分開上。因為原先是龍蝦突然變了大蝦有點兒失望，然後店員很好送了我們一隻鮑魚，海鮮不錯，都是新鮮的活海鮮，但是味道偏鹹。再來就是鵝肝多士，鵝肝燒得很香，煎得外脆內軟，油脂味十分香，再以多士中和其油膩感。我們選擇了五成熟的牛扒，但因為在鐵板燒上的關係，牛扒稍微有點兒過熟，但整體來說是不錯的。生日還有店員幫你製作鐵板燒生日牌，但只供影相。最後2個人埋單1500左右，已經非常飽性價比很高。

同朋友係尖沙咀睇完戲漫冇目的行嘅時候發現呢間餐廳閒日嘅晚上，客唔算話好多，好彩可以坐正係師傅面前欣賞鐵板燒藝術叫左$1388嘅龍蝦餐，龍蝦係師傅即時由魚缸捉出來的貼心咁問我地需唔需要影相呃like師傅首先會先上龍蝦，單單用兩個小剷就可以將龍蝦清理好，切件成個過程目不轉睛。龍蝦煮好後嘅模樣，味道十分唔錯，非堂香完全停唔到口，蝦肉每塊大小一樣，刀功一流銀雪魚，非常香口，同外面食到嘅平野肉質完全唔同，師傅調味剛剛好鵝肝我本人太喜歡食鵝肝，加上呢到份量超足，煎到外脆內軟冇得輸仲有安格斯牛朳，唔記得影相牛味好足油脂味勁香餐牌上有一樣冇寫嘅服務，佢地會幫你用龍蝦去煲湯or粥❤️❤️❤️亦都完全唔係hea你嘅野好香嘅海鮮味，加上最後嘅炒飯飽到要坐的士走

份量好足， 以往食過的鐵板燒， 一係唔飽， 一飽就好貴～ 呢間鐵板燒套餐由幾百到過千都有， 豐儉由人～ 我地呢晚order左和牛餐～ 食到大蝦已開始飽飽地～ 到最後上炒飯已好飽了！ 啱哂刷得一族！炒飯炒得粒粒分明！👍🏻最好味係廣島蠔、大蝦、牛筋油。老闆同老闆娘熱情好客，服務👍🏻

A super disappointed meal 唔知係咪因爲through app book 有discount 所以我地order ge 餐點變到份量極少 每碟野都係得一兩啖d野食又無味又貴銀鱈魚168蚊得2啖 炒雜菜只係得芽菜同3條野菜 而家菜好貴？食左500幾蚊完全唔飽 食到一肚火d職員既服務態度又差又冷淡超級唔推薦 一定無下次 black list 真係唔可以信哂d評語想俾幾百蚊食到一肚火就黎啦.............****

Overall, the place is good. The ingredients were fresh and prepared well.Lobster and abalones were live seafood.Taste wise, there were no special surprises but they were all very good. My boy wants to go back so that is always a good indication. Chef had a special treat for all the kids that night (sides of bread made into sugar bread sticks). We also ordered the Japanese beef and that was my favorite!I wouldn’t mind going back there for sure. Btw, service was really friendly and good.

位處於尖沙咀，平均一人價錢由$3xx至$1xxx都有嘅鐵板燒套餐，絕對可以滿足到唔同嘅要求。我揀咗鮑魚二人餐改為三人份量，所以相片係三人份量，敬請留意。有頭甜蝦刺身，不是高檔食材，仍可以接受。蕃茄豆腐沙律，冇特別。南非鮑魚，質感剛好，不硬不軟。唔腥，點埋專用醬汁，令平價鯖魚都上到大枱。叫五成熟嘅安格斯牛，上枱已變成八成，多筋。炒什菜，合格。叫了一枝最平嘅1.8L 清酒，$3xx, 完全冇味，平嘢真係冇好。總結，不過不失。