鐵板大師

营业中

休息中

自從好運中心重新翻新之後，放工就好鍾意去沙田搵食。發掘了一間新鐵板餐廳，平民價錢，有質素的享受，份量大，性價比高。一系列人氣鐵板菜式，我的心水是鐵板芝士豬肉，牛肉漢堡，鐵板巨型雞脾，鐵板羊鞍。果然是鐵板大師 ，應有盡有。脆香巨型雞脾果然好巨型，有手掌咁大的雞髀，熱辣辣香噴噴，雞髀炸到金黃色，皮脆肉嫩又多汁，配菜也不馬虎，份量很大，值得回味。C.C.檸檬很久沒有喝，酸酸甜甜的C.C.檸檬，一邊食炸雞髀，一邊飲汽水，好爽呀！薯條新鮮炸起的粗薯條 ，灑上鹽，特別香口，沾上最愛的茄汁，簡單幸福的美味。黑椒牛肉飯真心平通街，唔使$50，粒粒牛肉，惹味黑椒汁，牛肉嫩滑，配搭白飯，豐富雜菜，一啲都唔頹，糧尾救星。香煎玉米香菇鴨胸飯香煎玉米夠晒健康，香菇黑松露汁濃味美，鴨胸厚肉，個醬汁幾好味，唔錯！烤肉腸拼盤德國腸仔，有我喜歡的紐倫堡，鐵板夠熱，幾款不同的烤肉腸，酥脆的外皮，爽口彈牙。內裡仍可保持滑嫩肉質多汁，有嚼勁，真的大滿足。府城蝦捲炸得幾香口的府城蝦捲，份量充足，蝦味香濃 ，抵食呀！朱古力炸彈（2粒起）最後食埋甜品，香甜軟糯，濃濃的朱古力香味。

好耐未見過$4x起可以堂食鐵板餐，所以專登過嚟試下食唔食得 👀👀👀 店位於沙田好運中心 （以前馬會個邊），有好多新食肆喎⋯⋯ 👀👀👀店裝修正常，新淨衞生舒服嘅 👌👌👌 偏向新式港式茶記格調，QR code 落單 📲📲📲 我哋3個人食咗以下食物，全部都係鐵板上 🥘🥘🥘：小食 ：- 酥炸軟殼蟹 🦀🦀🦀 炸得都幾香口 😋- 芝士大啡菇 🍄‍🟫🍄‍🟫🍄‍🟫 芝士充足菇味香濃 😋😋 盛惠每款$28，超抵食👍👍正餐 ：- 香煎牛柳配飯🥩🥩🥩 可以揀幾多成熟，我哋揀咗7成，味道都算唔錯😋😋 $98- 香煎珍寶虎蝦配薯菜 🦐🦐🦐 有2隻中size虎蝦，算厚肉，唔錯 👌👌 $88- 香煎粟米香菇鴨胸飯 🪿🪿🪿 個芝士汁配鴨胸幾好味，香濃味美～ $58 ⭐️⭐️ 抵食推介整體味道算唔錯，勝在夠親民CP超高~ 喺香港可能搵唔返第二間咁抵食 😂😂😂⭐️⭐️⭐️ 可+$22 upgrade 餐，有飲品/湯，及意粉/薯條/飯….⭐️⭐️⭐️ 再+$10 可以upgrade beer or 蛋包飯

脆香巨型雞髀個雞髀真係好大隻 而且炸得好脆 仲要就算單點都會包一個飯或者意粉 對於一個女仔嚟講都好夠食火焰香煎牛柳套餐我見有新出嘅火焰系列 所以我就試咗呢個香煎牛柳 一上菜職員會淋啲酒落去 之後真係有火焰嘅效果 真係睇得又食得 牛肉仲可以俾你揀五成熟或者全熟 加埋套餐除咗原先包嘅飯或者意粉仲加埋薯條 餐湯同埋飲品脆炸芝士蝦球另外叫咗個芝士蝦球28蚊有三粒 而且仲脆卜卜嘅 入邊都有好多蝦 好足料香滑豆腐煮蛋最後想健康啲 所以我哋就叫咗個豆腐煮蛋 即係豆腐蒸水蛋 好夠味 我哋好快就食晒啦🤤

餐廳新開，位於沙田嘅好運中心，中午下午茶以及晚市有唔同套餐可以選擇，主打鐵板料理，份量多，價格親民，性價比高。最近新推出火焰系列，見有唔少客都要咗呢款，食物款色老少咸宜，住喺附近嘅朋友仔可以嚟試一試。私心推介脆香巨型雞脾，熱辣辣上，咋咋聲，炸至外層酥脆，肉質嫩滑，邪惡又好味道。健康啲嘅話可以要雞扒，啖啖肉，調味適中。兩款轉套餐會包埋餐湯、薯條同飲品。薯條又脆又熱，令人忍唔住一啖接一啖。中午到訪嘅可以試試西西里式漢堡扒拼旋風蛋，漢堡扒帶咬口，牛味出，搭配旋風蛋撈飯都幾夾。吉列豬扒算厚身，肉質紮實，無雪藏味。全部旁邊會附上少量蔬菜同醬汁，蕃茄沙沙汁帶微微辣，好惹味。最後記得要埋朱古力波波，咬落爆漿，為呢餐作個完美嘅句號。

沙田好運中心呢間鐵板大師，食物選擇多樣化， 平民化價錢但性價比好高，環境舒適，服務周到。香煎羊鞍羊架外焦內嫩，肉質鮮美且多汁。特製醬汁的風味與羊肉的香氣相配，口感豐富有層次。香煎珍寶虎蝦虎蝦煎到金黃色，外皮香脆，蝦肉鮮嫩多汁。搭配的蔬菜粟米剛好，醬汁也恰到好處，突顯了蝦的鮮甜，口感唔錯。煎焗比目魚比目魚肉鮮嫩，皮脆，煎得恰到好處，保留左魚的鮮甜。酥炸軟殼蟹這小食的外皮炸至酥脆，食到蟹肉的鮮甜，我的至愛。C.C.檸檬和道地巨峰提子，呢2款飲品好適合用餐後享用。

今次探訪鐵板大師，這家位於沙田的餐廳以鐵板料理為主，感覺充滿現代與復古結合的風格。餐廳環境以木質設計為主，窗邊還擺放了迷你的汽車模型，增添趣味性。🌟旋風蛋飯蛋包飯的賣相令人驚艷，金黃的蛋包滑嫩，醬汁帶著微甜的口感，飯粒分明，配合得恰到好處。🍴 9/10🔥火焰香煎美國牛柳套餐牛柳火焰表演頗具視覺衝擊力，牛肉七成熟，外層焦香內裡保留嫩滑，加上配菜的南瓜湯、薯條及道地解茶，營養均衡。🍴 9.5/10🌭司華力腸這款簡單的小食，烤得油香四溢，口感結實，鹹香剛好。🍴 8.5/10環境餐廳氣氛寧靜舒適，特別適合朋友小聚，餐牌選擇多樣，從健康套餐到鐵板特製都有覆蓋。價格合理，服務態度優質。整體評分： 🌟 9/10如果你也愛上即席烹調的美味，這家餐廳絕對值得一試！

鐵板大師「Master Pan」係沙田好運中心開左分店，夜晚時間經過經常都見排晒長龍，今日終於有機會黎試下，7點開始已經坐落客，好有人氣。餐廳主做鐵板料理，100蚊唔使都已經食到一個Set Dinner，仲要係西餐廳嘅質素，咁抵食難怪咁多人排長龍都要黎食。叫左個「火焰香煎美國牛柳」套餐，五成熟嘅香煎美國牛柳配黑椒汁，好高質嘅牛肉， 又嫩，真係高性價比。南瓜湯好實正嘅一碗，好creamy又甜甜地 ，好似食緊南瓜蓉一樣，食完一碗都飽左3分。跟牛扒一齊嘅仲有配菜西蘭花，栗米同紅蘿蔔，全部新鮮野食得落口果啲，唔係得個睇字：）跟餐有野飲，雖然得罐裝嘅可樂，咖啡，忌廉等等，不過咁嘅價錢同質素有野飲算係冇得輸餐廳仲有好多小食可以揀，見小食好平叫左個酥炸軟殼蟹試下，即整即上，$28蚊超抵食！

火焰香煎美國牛柳套餐🥩 $130牛柳可以揀五成熟或者全熟，醬汁有三款可以選擇，牛柳如果唔食得咁生嘅話，都可以揀五成熟，然後再用鐵板嘅餘溫煮熟啲～幾欣賞呢度肉類同埋蔬菜好均衡，比較少餐廳會提供咁多款式同埋份量嘅side dish，感覺上食都食得健康啲，套餐都配咗飲品 或 餐湯，另外就揀咗配薯條～香煎羊鞍套餐🐏 $130一份有兩件羊鞍，套餐包咗飲品或者餐湯，我幾推介大家試吓佢哋嘅洋蔥清湯🧅，非常之清甜，仲有少少芝麻嘅香味～ 另外配白飯、意粉、薯菜，或者大家可以好似我哋咁加$10轉旋轉蛋飯🍳酥炸軟殼蟹🦀 $28軟殼蟹即叫即炸非常酥脆，配埋沙律醬一齊食就最夾啦！佢哋仲有好多款唔同嘅小食，價位都好實惠，幾有性價比！

有次經過發現開咗間新餐廳係食鐵板餐 一於去食下先 餐廳主打唔同款嘅鐵板🍳菜式 豬牛雞海鮮基本上都有 但竟然有羊鞍、牛肉漢堡田雞、牛雜🤩 一啲少見冷門都有👍🏻 價錢由$40+起 +$22就可以轉套餐😚真係幾抵食🔥🐮惹味牛雜-套餐 $120 味道有啲似食緊出面五香牛雜，但以鐵板上 感覺好特別😝 好keep到熱辣辣🔥牛雜🐮款式有齊 金錢肚、粉腸、牛肺、牛肝等 味道好濃郁惹味 帶有咬口👍🏻 餸飯一流😋😋蛋包飯 份量十足 炒蛋好嫩滑😋 🐮火焰香煎美國牛柳-套餐 $130 店員會即場加酒火燒牛柳🔥 牛柳表面更帶焦香感 牛柳熟度適中 色澤粉嫩☺️🧅洋蔥清湯用料十足 有大量嘅洋蔥🧅 味道好鮮甜😋😋🍄‍🟫小食 芝士大啡菇 $28 香烤過的大啡菇 連同融化的芝士🧀 一齊食 味道超夾😋 大啡菇🍄‍🟫質感柔嫩 充滿奶香☺️🦀酥炸軟殼蟹 $28 軟殼蟹炸到外脆內軟 內裏保持蟹肉汁 👍🏻👍🏻

上次食完糖水已經留意到呢間主打鐵板嘅餐廳，重點係唔收加一價錢亦唔算貴，相當親民，性價比高。鐵板餐好多選擇，所有菜式都是用鐵板上桌見有牛雜咁得意就叫左黎試下朋友就叫左份羊鞍餐除左白飯/意粉/薯條仲可升級配蒜香飯鐵板牛雜我覺得幾驚喜份量十足，牛雜仲好香玫瑰露酒味羊鞍就煎到好香好脆，食落去唔會太勁羊騷味,黑椒汁都好滋味蒜香飯香氣十足，值得一試新鮮炸起的粗薯條，唔錯另外仲叫咗個清炒時蔬，平衡一下下次再去試下其他款先得

平民價鐵板餐天寒地凍，放上飯枱既食物都好快凍。但鐵板大師食飯上至鋸排，下至小炒，都可以滾燙地享受😍當醬汁淋上鐵板，「沙沙沙」沸騰的聲音，撩人的煙霧，簡直美妙。重點價錢不貴🤭而每份鐵板的蔬菜量也很足。餐湯：蜆肉洋蔥湯大大隻蜆在中央。洋蔥味甜，一點都不肥膩，滿滿的洋蔥絲告訴你是真材實料，不是混湯混水。🥩香煎牛柳如拳頭大，7成熟肉心微紅，加上黑椒汁確係無得彈，如果大件D就更正🥰🍗脆香巨型雞脾真得很巨大，鐵盤快容不大下！巨脾外皮炸香脆，雞皮Juicy鹹味，食肉獸必點！配上薯條和可樂真係可以揮低茶餐廳。🐟煎焗比目魚為小寶貝而點的。比目魚烤焗得乾身，加上燒汁很日式，配上蒜香飯更滋味。地址：橫壆街1-15號好運中心3樓3107-3108號舖

沙田好運中心開咗呢間新嘅餐廳，專食鐵板餐，大份夾抵食。打開餐牌，見到有好多選擇。今次點咗兩個鐵板套餐，首先係煎焗三文魚套餐，大大件嘅三文魚煎到好香脆，配上蛋包飯同可樂，好豐富。另一個餐係煎田雞腿套餐，都幾特別，出面好少鐵板燒又田雞腿，有家常嘅味道。田雞腿嘅肉好嫩滑，配上薯條，唔錯。鮮脆萵笋煮雞柳健康又好味，萵筍嘅口感幾爽脆，煮得都幾入味。食咗咁多嘢，埋單都係$288，幾抵食，下次經過會再encore！

呢晚喺沙田行完街，見到呢間港式鐵板扒房，價錢幾平民，又有唔少街坊食緊，所以就入咗去鋸吓扒🍴火焰醬香蜜餞叉燒呢個真係勁啱打卡，店員會即席淋上茅台去整出火焰效果🔥 叉燒肉質軟腍，味道甜甜地哋，幾推介大家叫呢個，睇得又食得👍🏻脆香巨型雞髀呢隻雞髀真係好大隻，外皮炸到金黃香脆，一淋黑椒汁，嗰個嗞嗞聲即刻超有港式鐵板嘅感覺🤗小食餐廳仲有好多款小食，我哋都叫咗幾款，包括酥炸軟殼蟹、芝士大啡菇、炭燒雞肉串、府城蝦捲，每款各有特色，最鍾意係府城蝦捲🤩套餐附送鐵板餐會有主食同餐湯或飲品，主食方面，一個揀咗旋風蛋飯同薯條，餐湯就叫咗洋蔥清湯同可樂做飲品🥤呢間餐廳嘅食物份量都幾大，仲要唔收加一服務費，算係幾抵食嘅，難怪有咁多人嚟食飯啦😲

沙田新開鐵板主題新餐廳👍🏻小店設計出多款以鐵板為賣點的菜式，全店套餐都是以鐵板上的，相當有創意，有驚喜！不只是西餐菜式，更有不同國家的菜式融合，相當有意思！火焰醬香蜜餞叉燒 $110/套餐好有驚喜！以火焰為賣點！熊熊烈火，很震撼呀！叉燒是自家製作的，口感軟熟！另包括餐湯和意粉/飯。香煎珍寶虎蝦 $110/套餐配搭自家調製的紅蝦忌廉汁，非常惹味！同樣地是用鐵板來奉上的，珍寶蝦的確是啖啖肉，充滿彈性！另外加$10可改跟旋風蛋飯，雞蛋滑嫩，撈飯一流 此外小食有脆皮奶卷配玫瑰醬。更有自家製的甜品，流心的心太軟，外層暖暖很軟熟。

月頭變糧尾？鐵板大師幫到你😂 CP值超高嘅一間餐廳，佢哋嘅午餐套餐真係超抵食，幾乎每款都係$100樓下，飲品$10一支🙉 份量充足，味道唔錯，冇中伏。平民價錢好抵食。*香煎什扒拌煎蛋*配上燒汁同意粉，味道鮮美，煎蛋外脆內嫩，肉類嘅香味都好夠，讓我一口接一口。仲有*洋蔥湯*口感滑順，味道濃郁，令人一飲而盡，暖心又暖胃。*香煎玉米香菇鴨胸飯*鴨胸煎得剛剛好，外皮香脆，肉質鮮嫩，搭配香甜嘅玉米同香菇，整體味道相得益章。*煎焗比目魚*亦唔可以錯過，魚肉嫩滑，搭配輕盈嘅調味，完美地突顯出比目魚嘅鮮味，味道唔錯。至於甜品方面，我選擇咗*心太軟*一口咬落去，內餡流心，甜而不膩，完美為呢餐畫上句號。另外，小食方面，*酥炸軟殼蟹*同*炭燒雞肉串*都係必試之選，酥脆嘅外皮加上鮮美嘅肉質，令人一試成主顧。