鐵板燒·鑄

营业中

休息中

雖然只係lunch，但都對餐廳有啲期望。但食完餐飯之後極之失望，平時冇寫開食評都忍唔住要比差評。薄燒牛肉已經超級多蔥，但從來冇問我地食唔食蔥。最後嘅櫻花蝦炒飯都係落左勁多蔥同姜，而且冇事先問我地有冇忌口，啲蔥同姜完全蓋過左食材本身嘅味，完全冇蝦味，不如叫姜蔥炒飯好過，完全接受唔到。食完餐飯即刻喉嚨痛然後發燒，同餐廳反映完啲問題之後完全冇跟進。唸唔明依間餐廳點解會係米芝蓮，完全感受唔到服務同埋對客人嘅重視，唔會再有下次。

好姐妹生日飯 指定要食鐵板燒揀左呢間米芝蓮，久仰大名 試試佢Lunch menu $380-$1280揀左$1280 I M 精選午餐course 有香煎鵝肝，甘鯛魚，龍蝦，A5和牛牛柳❤️香煎鵝肝師傅煎既時間已經勁香， 油脂好豐富食落口好香鴨肝既香氣，外脆內軟份量幾大，配上山藥片可以解油膩感(插曲：欣賞師傅對食物質素既堅持，話說師傅同時serve 兩個party ,煎鵝肝果時燶左，二話不話就煎過塊新既😊)甘鯛魚魚片既表面煎到好脆，有dd 立鱗燒既感覺，魚肉嫩滑龍蝦 (with 意粉）鐵板燒新鮮龍蝦，一上板仲會郁（有dd 殘忍）龍塘好新鮮，入口彈牙爽口🤤龍蝦汁意粉香濃唔死咸A5和牛牛柳 with 炸蒜片入口嫩滑唔漏， 重牛味配wasabi /炸蒜更重口味PS :上網見d 人話電話難打，so far 我兩次都一打就通不過聽電話既staff 語氣就真係一般，米芝蓮黎講standard 就差左小小生日預約時可以代安排一個小小生日牌整體黎講食材新鮮，師傅交流唔多但細心不過staff 既service 就一般般

講嘢咄咄逼人，可能唔憂做。未去到餐廳個第一印象已經好唔掂，最後冇book到。服務態度一直都係餐廳打分重要嘅一環，如果唔想理街外客我諗直程唔聽電話仲好，因為呢位小姐無論態度、語氣、禮貌都十分唔掂。為左你我都特登註冊留個言，除左希望你地可以改進之外，都祝你地繼續生意興隆。

客户介紹去天后食鐵板燒，見到Menu, $380-$480set lunch, 可以試吓…預定同俾deposit…今日去到可能人客不多，4個人可以坐喺房內，坐得好舒服。第一道鯛魚已經好surprised,點解可以令魚皮起哂花，高手！鮑魚、蝦全部都好新鮮，要落訂金係合理的，保正貨源新鮮！牛扒，我們每個人不同要求，㕑師都逐個來。 炒飯也有秘密材料！ 還有我喜歡的炒芽茶！最後有咖啡或雪糕！下次要帶家人來食！😄😂

神出鬼沒嘅影子Auntie自疫情留美後終於學識上網睇YT，無意間發現天后區有間「鐵板燒．鑄」連續多年榮獲米芝蓮一星，仲要係全港唯一有星嘅鐵板燒專門店，得知姨媽們回港，即令XO賢姪務必要安排陪同一試。乖巧嘅小肥當然係立即行動，並早於一個月前以電話訂座。八人用餐必先選定晚餐及預繳訂金（$300/位）。晚市套餐共有兩款可選，第一款廚師發辦「Omakase – Chef’s Recommendation」（$2,280/位）共有十道菜。由於長輩們食量有限，結果就揀咗少兩道鵝肝及手卷嘅「I M Tasting Menu」（$1,800/位）。名店剛剛遷往天后新建嘅食廈一樓，據悉為舊舖嘅兩倍。步出升降機門，暗黑嘅環境帶著神秘，時尚嘅燈飾及巨型嘅透明玻璃酒櫃於接待大堂剛巧照出餐廳所獲贈嘅八粒米芝蓮星星同餐飲獎狀，明顯係焦點所在！佔用面積全層嘅餐店空間感足，抽氣系統強，中央嘅鐵板舞台有氣勢得黎不失高雅。飲品牌共有五頁之多。因深覺$500/樽標準裝紅、白、汽、清酒之開瓶費唔係咁值，飯前已諗好會叫枝獺祭三割九分純米大吟釀（$850/樽），點知用餐當日被告知此酒已售罄，同牌子嘅只剩獺祭二割三分純米大吟釀（$

打了三天電話，早上，中午，晚上都無時無刻不在打，回覆我的只有冰冷的機器音，永遠都說現在太忙接聽不了，很期待在這裡過生日，結果根本連聯絡渠道都沒有，真的是太失望！

這是一間需要訂枱落訂的餐廳，原訂了10月8日午餐，可惜天意弄人，當天中午開始掛8號風球，餐廳不營業，於是改到10月21日午餐。我哋原本諗住叫一個 seafood lunch set同IM special lunch，但係當天沒有鵝肝只能用鴨肝取代，而我最主要想吃嘅係A5和牛🐮，所以叫了 seafood set同chef’s special再加A5和牛。先嚟嘅三文魚籽蒸蛋，滿滿的三文魚籽，卜卜脆，內裏非常鹹，非要和蛋一起吃才稍微減輕一點鹹味。食物還未烹調的樣子首先第一道鐵板燒的菜是虎頭蝦，肉厚實。之後係甘鯛魚，呢個係吸引我到來一試的原因。把pan放在鐵板上，用近200度的油，把魚皮魚鱗向pan底放，出嚟既效果係魚滑鱗脆，魚鱗好似薯片咁，南瓜忌廉汁非常美味，淡淡的恰如其分另整個菜的味道錦上添花。只可惜我的魚有一部份黏左係pan到，食少左部份魚鱗，可惜可惜。鮑魚好生猛大隻，即使放左係枱面十多分鐘，落鐵板時仲會郁動，配合肝醬，肉質厚實但不太靭，味道不俗。Chef's special的牛肉薄燒，配合內裏的炸蒜及蔥，再沾點麻醬及豉油，牛肉鬆化，加上蔥蒜的惹味，非常好味。medium的A5和牛柳配合

有幸品嚐了一家米芝蓮的鐵板燒餐廳午餐，和朋友2人點了beef lunch set($380)和seafood lunch set($430),廚師可以幫你share兩份唔同既餐來食，好豐富。食材新鮮，色彩鮮豔，每一道菜都經過廚師巧妙的處理和烹調，保留了食材的原汁原味。當日最impress係立鱗燒，又脆又滑，魚鱗烤炸至酥脆難，處理唔好可能會不熟或者過度烤焦。同時要保持魚肉嫩滑更難，火候的掌握要根據魚肉的厚度調整火候的時間和温度。由前菜到甜品，除了茶碗蒸的三文魚籽過咸，其他每一道都超水準。

一直認為鐵板燒只係「綽頭」。如要追求鑊氣或風味點解唔支持我哋本土嘅大排檔。只因一位對日本飲食文化素有研究嘅朋友多年來不厭其煩地推介，盛情難卻下來到席前。今餐飯令我諗起朋友經常提到日本人嘅「料理美學」、用「五感」品嘗「五味五色五法」，講究由食物烹調到呈現，同時又代表著一種飲食文化。味道、烹調手法多樣化，小菜搭配同擺盤美學等等，每個細節都令我對鐵板燒日本料理有所改觀。對於仍然「受人二分四，做到索哂氣」嘅我來講，滿足三兩小時口福之慾盛惠二千並不合符個人理財哲學，唯有當做買一趟難忘嘅文化體驗！以「生」「鮮」為主，欣賞食皿。熬過嘅醬汁味道較濃郁，從咸香中帶出食材鮮甜。先淡嚐一口龍蝦原味，再以蝦膏汁入麵意外美味。雙法烹調，魚肉蒸，魚皮炸，難忘咬到一口魚脂香，再將魚肉伴入花屑忌廉汁同吃。除海鮮以外肉類我都不沾，只好交朋友代嚐。朋友導賞講解呢道係和食文化中嘅〝食事〞，意味餐宴步入終點，同步打破我「飯吃七分飽」嘅養生大原則。望著經過鐵板上一番格鬥嘅飯粒由濕潤纏綿變得堅挺而自帶鑊氣，我先喝下幾啖海鮮味噌湯，繼而將醃菜及炒飯交替一口接一口地送到胃腑去，炒飯捨棄「別有用心」嘅調味，未知是否想讓原材料自行向味蕾

估唔到我人生第二篇OpenRice負評，竟然係要比一間米芝蓮餐廳開頭仲以為5月35日呢啲特別日子先少人去天后食飯，但原來少人係有原因⋯未講食物質素，先嚟講間餐廳嘅服務、環境。環境方面，係好乾淨，寧靜，抽煙亦都好好，唔會食完後，成身一陣油煙味，呢個要讚👍服務方面，由餐前到完成，都冇人講解過個Menu，師傅講解每一道菜嘅時候亦都係非常簡短，食完成餐飯亦冇人問過我哋用餐感覺如何，俾人感覺係⋯只係想你食完快啲走🙃食物方面，每一道菜只係用返本身食材嘅原味，無用咩心思烹調菜式，只係純粹煎完食材，再加自調醬汁就上碟啦，醬汁亦未食出特別之處，可能只係師傅無講掛⋯😔已經係四人分量，自評足夠與否🧐黎講講每一道菜：刺身：帶子，魚子，海膽。佢已經係成餐飯最好食㗎啦，真係諷刺，嚟鐵板燒竟然係生嘅嘢最好食🤣鮑魚：真係活嘅，上枱仲好生猛。鮑魚肝醬略為鹹咗啲，冇鮮甜味，蓋過咗鮑魚本身嘅鮮味🥲甘鯛魚：竟然拎咗舊魚肉去炸，冇錯，魚鱗表面係好香脆，但係魚肉乾柴，食到心生烈火🔥😡龍蝦：一般龍蝦嘅鮮甜彈牙，普通煎完再加醬汁就上碟，無驚喜，意粉係全場覺得最好食嘅，竟然係意粉😅和牛：油脂係好豐富，做到入口即溶，只可惜蒜片唔夠香脆，

我們一行四人，想試吓米芝蓮一星的鐵板燒，一早訂了位，因為這晚沒有太多人，安排了一間房給我們。食物的確好食！但招呼就真係麻麻，等於港式餐廳的一般。好似，買叫了一支rose酒，侍應不會先開一少少俾我試，因為這支酒原來有苦澀味，他們拒絕換另一支酒俾我。進食時，他們也不會主動為我們碗碟，又不會主動問我們食物如何。其實我覺得他們的食物是要好味的，但真係好可惜，他們的招呼令到今次的體驗失分。希望他們可以改善。

I M teppanyaki- being the only teppanyaki house in HK awarded with a Michelin star, we booked a causal lunch during a weekday to try out. We were being seated in the smaller room as the main teppanyaki table in the main restaurant was nearly full. The decor of using darker tone created a moody vibe in the restaurant. Their lunch menu offered a range of set lunches, from the more budget friendly beef teppanyaki set to the IM Special Set featuring lobster and A5 wagyu beef. This is commendable as

因為呢間係全港唯一一間米之連鐵板燒，所以要黎試下，dinner set menu 得一個，所以就揀左佢。先黎個前菜生蠔配海膽魚子，不過不失，再黎個甘鯛魚，個魚鱗炸得好脆，配埋sauce好好食。之後再有個藍龍蝦，個汁夠哂濃味，配埋個意粉係絕配。再上個鮑魚，相比之下，個鮑魚就比下去，冇特別既汁，用返鮑魚肝既汁去煎，冇驚喜都唔特別。然後就係和牛，因為我唔食牛，同行友人既comment 係…冇入口即溶嗰種感覺，都冇好香既牛味，普通左啲，而我就食左個煎帶子，我覺得個帶子剛剛好，冇煎到全熟，外脆內軟。最後就係個櫻花蝦白飯魚仔炒飯，個飯係炒得好乾身，但因為因為櫻花蝦同白飯魚仔落得太多，搞到個飯既口感係硬，有小小唔覺有似食緊飯。個龍蝦湯都不過不失，偏咸。甜品係蜜瓜，非常juicy，仲好甜。整體黎講個甘鯛魚同藍龍蝦係最出色，其他都普通左啲。因為佢係米之連，所以對佢有所期望，心嗰句，鐵板燒·鑄都未值米之連呢個頭銜。

若果喜歡吃鐵板燒的你，下次可以試下呢間鐵板燒，絕對係頂級、美味、而且性價比高的鐵板燒！❤️❤️❤️今次這個鐵板燒，有甘鯛魚、燒蝦、櫻花蝦炒飯，而且用番啲蝦膏鮑魚肝煮汁，令到食物嘅層次更上一層樓，好食👍🏽👍🏻食物非常高質素、而且食落口你便會感覺到食材非常新鮮，而且啖啖肉、非常實在😆😆😆環境方面，不用多說一定是非常優雅舒適，而且有很好的格調，讓人一邊享受美食入邊好好享受這個優質環境，大家都可以試試呀!

全港唯一米芝蓮一星的鐵板燒店, 更己經是連續7年獲得了. 但午餐竟然最便宜$380就可以吃到, 而包括甘鯛魚的海鮮餐都只是$430, 當然他們也有最好的$1280 I M 精選午餐, 但$380可以嘗試米芝蓮一星的確非常化算.而當日因為我所謂朋友一起吃所以分別點了牛肉和海鮮午餐然後平均分享來吃.是日前菜 - 三文魚籽茶碗蒸蒸蛋上鋪滿三文魚籽賣相相當不錯, 蒸蛋滑而不鬆散, 飽滿三文魚魚子爆出鹹鮮, 十分出色. 日本活鮑魚配肝醬 鮑魚肝來做鮑魚肝醬，再加海帶、牛油，滲入爽彈煙韌鮑片，鮮味十足.甘鯛魚配鮟鱇魚肝忌廉汁 這道菜運用了立鱗燒, 就是烹調下每一塊魚鱗都會站起來, 魚鱗每片都薄而脆, 魚肉本身鮮嫩多汁, 味道比較淡口但是配上海膽魚湯汁提升了味道的濃郁度, 視覺與味覺也相當出色.大蝦燒蝦肉起殼，用牛油蒜頭炒香，再鋪一層龍𧎚膏cream sauce, 蝦肉保持鮮嫩彈牙.薄切牛肉燒表面就煎香帶點脆, 油脂豐富, 配上係蒜頭醬油可以減低油膩感之餘也提升了味道.炒飯炒飯選用了蘭王蛋，潑蛋槳落鐵板炒兩下再混入飯中，令飯更乾做出來的炒飯更加顆粒分明.總括來說午餐吃這家的性價比十分高, 值得推薦.